مثلث الحب (الجزء الرابع من عشق الانتقام )

الفصل الثالث

فؤاد :دا على جثتي
قسمت :وانا كمان انت بتهزر يا سياده اللوا
شاهين بغضب الاثنين :بقولكو ايه احنا مش ناقصين هبل وانت يا استاذ فؤاد لما انت جدع اوي كده مبتحميش نفسك ليه وخليته اخر مره يدبح تلات ارباع رجالتك في بيتك وانتي يا استاذه قسمت دي أوامر ودا شغل مفهوش ينفع ولا هزار فهماني ولا أعيد تاني
فؤاد وهو يحاول الهدوء :ايوه بس كده هو اكيد هيعرف
شاهين :انتو هتجوزو طبيعي جدا أنا وأبو قسمت واختها بس وهنكتب الكتاب وكل حاجه وهتعد هنا معاك قسمت مش بس تحميك انت مش محتاج لو على الحمايه في مليون شركة حراسه تنفع الفكره اننا محتاجين حد ذكي جدا عشان يقدر يتوقع كل حاجه بيعملها ناجي الكافوري وقسمت هي الوحيده الي تنفع المهمه دي قبل متكلم قسمت دخلت وكر ناجي خمس مرات في روسيا فجرت ليه كذا مقر في هولندا وهونج كونج كمان يعني هي عارفه كويس اوي هي بتعمل ايه وكل دا وناجي مش عارف يمسكها وانتي يا قسمت المهمه دي هتخليكي تقربي من هدفك اكتر اوعي تكوني فاكره اني مش عارف انك بتدعبسي ورا ناجي عشان تاخدي حقك وتار ايهم
نظر فؤاد لقسمت الذي ظهر فجأة عليها الجمود مع تجمع بعض الدموع في عينيها
فؤاد بهدوء :تمام وانا موافق شوف عايزين امتى
قسمت :وانا كمان موافقه وحقي وحق ايهم هيرجع هيرجع بعد اذنكو
تحت أنظار فؤاد المستغربه وشاهين الغامضه
شاهين :فؤاد انا كل الي يهمني حمايتك وحياتك أما قسمت فدا هيبقى تار بنها وبين ناجي ياريت متتدخلش فيه
فؤاد :مين ايهم دا ؟
شاهين :دا اقرب صديق لقسمت هي بقا تحكيلك احسن مني ومن أي حد انا لازم امشي دلوقتي اشوفك بليل عشان كتب الكتاب لان مفيش وقت

نزلت من سيارتها امام منزل صغير بعض الشئ أخرجت مفاتيحها وفتحت الباب بهدوء ودخلت أشعلت النور خلعت حذائها وارتمت على اقرب اريكه تغط في نوم عميق جدا بعدها بساعات احست بصوت بجانبها يناديها فتحت عينيها بثقل لتجد فريقها المخبول
تولين :قسمت يلا قومي عشان ناكل
جومانا :انتي يابنتي مالك عامله كده ليه عملتي ايه مع اللوا شاهين
قسمت بثقل شديد وصداع يكاد يفجر رأسها قصت لهم ما حدث وزواجها من فؤاد الليله
تولين :اوووووووه يعني انتي هتتجوزي فؤاد الالفي المز الي الناس بتكلم عنه
قذفتها بالوساده التي بجانبها :ناقصه اهلك انا دلوقتي مش فيقالك انا مش عايزه اصلا
جومانا بهدوء :قسمت مفيش حاجه اسمها كده وبعدين دا احسن فرصه ناخد حقنا من ناجي انتي ناسيه عمل فينا ايه
قسمت :ماهو دا الي انا خايفه منه
تولين بمرح :طب يلا يا عروسه مقدمناش وقت لازم نروح نجيب هدوم عشان كتب الكتاب ولا عايزه عريسك ياكل وشنا ويقول صحاب مراته مش مزز ولا ايه
ذهبوا الثلاثه الي المول ليشتروا ثلاث فساتين لهذه المناسبه المؤقته

فؤاد وهو يتحدث مع اصدقائه المقربين
جلال :ثانيه ثانيه يعني انت دلوقتي المفروض تتجوز النهارده الرائد قسمت الي هي طلعت الجزار
شهاب بضحك :احسنت يابني والله فهمتها لوحدك دي
جلال :طبعا يابني دا انا بيسموني العقل الالكتروني
شهاب :قصدك العقل الحلزوني انت عارف بقالنا اد ايه بنفهم فيك
فؤاد :خمس ساعات يا جلال عشان تستوعب ارحم امي بقا
جلال وهو يرفع يديه :الف رحمه ونور عليكي يا طنط والله
شهاب :مفيش فايده قوم يابني انت وهو عايزين نلبس خلاص الناس ساعه وتوصل مفيش وقت خلاص

وصلت الجميع وتعرف فؤاد وجلال وشهاب على قصى وليلى واتى اللوا شاهين وأسرته أيضا كان الكل سعيدا جدا
فؤاد بنفاذ صبر لشاهين :شوفت ياعمي قلة الزوق الاستاذه اتاخرت
شاهين ببرود :اولا هي لسه ربع ساعه على معادها احنا الي جينا بدري ثانيا هي مش هتيجي لوحدها
شهاب :مش فاهم يعني هتيجي هي ومين
شاهين :هتيجي هي و
قطع كلامه وهن الثلاثه يدخلن من البوابه بفساتين أقل ما يقال عنها فتنه متحركه على الأرض
تدلى فؤاد وجلال وشهاب فكهم فقد كان يصل للارض من الصدمه
جلال :يا ياستفنكلللللللييييي ايه دا يجدع دا شايف المزز دي
شهاب بتوهان:شايف ياخويا شايف اسكت بقا انت مش شايف فؤاد مصدوم ازاي
شاهين وهو يقترب منهم :احب اعرفكو فريق الهرم الثلاثي !!