مثلث الحب (الجزء الرابع من عشق الانتقام )

الفصل السابع عشر 💙

مرت سنه اخرى على وفاة ليلى كانت قسمت فيهم لا تتحدث مع أحد إلا قليلا جدا حتى فؤاد ومع ذالك وافقت على زواجها منه ولكن لأجل اسيل فقط
كانت اسيل أكثر أحد قسمت تجلس معه وتتحدث معه برغم انها لا تفهم الكلام ولكن يكفي انها تحتضنها بكفها الصغير وتنام في حضنها ...كان فؤاد يحاول كل يوم خروجها مما هي فيه ولكن يكفي انها زوجته الان فقط عادت ملكة قلبه
انجبت تولين فتاه أخرى اسمتها دارين كانت الأوضاع مستقره جدا بين الجميع ولكن هناك فقط قسمت ومرحلتها كانت في حالة نفسيه صعبه جدا ذهبت الي طبيبه نفسيه بتشجيع من فؤاد الذي لم يتركها لحظه واحده في كل جلسه أخبرته الطبيبه أنها تعاني من احساس الذنب وعقدة الماضي ولكن مع الوقت وتشجيع الجميع ستتجاوزها

مرت ست سنوات كانت تقف في المطبخ تعد الكيك لهم كانت اسيل تجلس على الرخامه التي أمامها
قسمت بغضب :خليها تنفعه اصلا ولا يهمني قال بيزعقلي عشانها دي لابسه مش لابسه كمان اصلا حاجه تقرف لا وكمان زعلان اوي عشان دلقت عليها النسكافيه وهو سخن دا انا كان المفروض اكسر رقبتها مش ادلق عليها النسكافيه نظرت إلي اسيل التي تتطلع إليها باستغراب مالك انتي كمان
اسيل بطفوله سوسو انتي جننتي بتكلمي نفسك
قسمت :بس ابت وانتي شبهه ابوكي كده بقولك ايه تاخدي حتت شوكولاته
صفقت اسيل بطفوله أمامها وهي تعطيها قطعه :واضح انك مش هتطلعي شبهه وبس لا وواخده الهبل مني كمان اي حاجه بتفرحك وتنسيكي كنتي زعلانه ليه جتك نيله 
حملتها وهي تحمل بيديها الاخرى قالب الحلوى وتدخل الي غرفة المعيشه لتجد سيف وعاصم يتسابقون على لعبه على التلفزيون وملك تقرأ مجلة ميكي
قسمت وهي تجلس بجانبهم على الأرض :امال فين الباقي يا شباب
سيف :مامي طلعت تاخد دش وتولين طلعت تنيم دارين وجدو طلع ينام 
قسمت باستغراب :امال مين الي هياكل الكيكه دي دا انا اعدت فيها تلات ساعات
احست به خلفها وهو يأخد قطعة من الحلوى ويقبل عنقها بمرح :انا ياستي اكله كله لو تحبي
اسيل :باااابي
فؤاد وهو يرفعها من على الأرض :روح بابي وقلبه ودنيته
قسمت:مش بقولك هبله بيضحك عليكي بكلمتين
فؤاد :اممم ايه الاخبار ياشباب كام كام
عاصم :سيف دايما يغلبني
سيف :انت الي مش عارف تلعب
فؤاد :ولو انا غلبتكو
سيف :فؤش هيجيب فينا جون من اول طالعه
فؤاد وهو يخلع جاكيته ويفتح اول زرارين من قميصه ويرفع ساعديه لاعلى :اشطا يا معلم نشوف مين بقا احم حبيتيي ممكن تأكليني
قسمت بهدوء:ليه انت اتشليت
فؤاد وهو يلعب بحاجبيه بطريقه مشاكسه :اصل ايد ماسك بيها اسيل والايد التانيه ماسك دراع البلايستيشن هاكل ازاي بس يا سوسو
قسمت وهي تعقد يديها أمامها :وانا مالي خلي العملا بتوعك يأكلوك
فؤاد :امممم ممكن برضه هبقى اقولهم المره الي جايه دلوقتي بقا اكليني لو سمحتي والا بقاااا
قسمت :والا ايه يا فؤاااااد
فؤاد وهو ينظر إلي سيف وعاصم بخبث :خلاص يا شباب مفيش لعب لاني مش هعرف العب وانا جعان اوي بصراحه
عاصم :والنبي يا سوسو والنبي والنبي اكلي فؤش والنبي
سيف :ايوه ياسوسو بابا دايما يقول لماما الاكل ملهوش دعوه بزعل اصلها زيك كده
قسمت وهي تنظر اليه :بتقول ايه يابن جومانا
سيف بخوف :قصدي انها قمر زيك كده يا سوسو يلا بقا اكليه
فؤاد وهو يكاد ينفجر من كثرة الضحك :يلا بقا ياسوسو دا بقا طلب جماهيري كبير اوي
بالفعل أطعمته حتى شبه وهو يقبل يديها وهو تضع الطعام بفمه وهو يلعب مع عاصم وسيف وملك التي نامت على الاريكه واسيل أيضا التي نامت بين ذراعي والدها حملها فؤاد بهدوء وهو يقول لعاصم وسيف :يلا شباب على فوق نووووم
سيف :انا عايز العب تاني
فؤاد :بكره انا وابوك وجلال اجازه وكلنا هنلعب مع بعض ايه رايك
عاصم وسيف وهو يصعدون ويخططون لما سيفعولنه مع آبائهم غدا حملت قسمت ملك وحمل فؤاد اسيل وذهبوا الي غرفتهم ووضعهم كل واحده منهم في سريرها
كانت تلتفت قسمت لتخرج من الغرفه للتفاجأ بحمل فؤاد لها ودخلوه لغرفتهم انزلها بهدوء :وحشتيني
قسمت :لا والله دا من ايه دا
فؤاد :خلاص بقا ميبقاش قلبك اسود
قسمت :لا اسود ولا منقط اوعى كده عايزه اخد دش واغير
تركته وذهبت إلى الحمام فؤاد بصدمه :اوعى كده انا يتقالي اوعى كده دا انتي ليلتك سودا معايا ماشي
دخل الحمام الخارجي ودخل الغرفه وارتدى بنطالا فقط ونام على سرير ينتظر خروجها خرجت وياليتها لم تخرج كانت ترتدي منامه قصيره جدا من اللون النبيذي يظهر جمال جسدها جلست على كرسي امام المراه تمشط شعرها الذي اذداد طولا وكثافه مع الوقت وسنين تحت أعين هذا العاشق الجائعه
نامت على السرير بجانبه اعطته ظهرها اقترب منها وقبل كتفها :حبيبي هتفضلي زعلانه مني كده كتير يعني أنا طول النهار مش عارف اشتغل بسبب كده
قسمت وهو تنظر إليه :قال يعني يهمك
فؤاد وهو يضمها بحنان :حبيبتي انتي كنتي هتحرقيها قولتلك لازم تتحكمي بأعصابك دا انتي حتى ظابط المفروض اهدا من كده
قسمت :لا انت مبقتش تحبني اصلا زي الاول
فؤاد بدهشه :ايه الهبل دا لا بجد انتي اكيد بتهزري بعد كل السنين دي ومش عارفه انا بحبك اد ايه كل دا عشان زعقتلك في المكتب
قسمت :لا عشان انت اول مدخلت حضنت اسيل ومحضنتنيش
ضحك فؤاد بصوت عالي : يا هبله انا كنت بعمل كده عشان عارف انك زعلانه منك على العموم
واقترب من شفتيها بشوق شديد :انا هثبتلك دلوقتي اني بموت فيكي من اول وجديد وبراحتنا خالص لازم تكوني عارفه أن قلبي دا بينبض عشان حاجه واحده بس هي انتي انتي من يوم مدخلتي البيت دا وانتي قسمتي ونصيبي
اقتربت منه بشده وضعت يديها على وجنتيه :وانت بقيت فؤادي يا عشق قسمتك وحياتها كلها
فؤاد :بحبك بعشقك
قسمت وهو تتوه معه في بحور عشقه :وانا بموت فيك يا عشق قسمت وفؤادها !