عشقت مجنونة (الجزء الأخير )

الحلقة الثالثة والأربعون ⁦♥️⁩

الحلقة الثالثه والاربعون ....⁦♥️⁩

نظرت ندي بإستغراب الي من دلفت للتو الي القصر ...

_ طنط ماجده ...!! حضرتك بتعملي ايه هنا وجيتي امتي ...!!

ماجدة وهي تنظر بغضب الي اسلام ...: انا مش هحاسبك دلوقتي علي اللي عملته يا اسلام ... انا لولا إنك في كندا ومكنتش اعرف مكانك انا كنت بلغت عنك وميفرقش معايا تتسجن ولا لا .... لاني اظاهر كدا معرفتش اربيتك ....

اسلام بغضب ....: انتي اكتر واحده عارفه اني عمري ما اسيب حقي يا امي وخصوصا لو من آدم الكيلاني ...

ماجدة بغضب ....: انا كلامي معاك مش دلوقتي يا اسلام .... صدقني انا ليا تصرف تاني معاك ...

وجهت ماجده نظرها إلي ندي لتتابع ... ايوة يا ندي انتي اخت آدم الكيلاني وانا كنت موجوده يوم كتب كتاب امك من أبوكي زمان الكيلاني باشا ... هي كانت سكرتيرته في الشركه وهو حبها واتجوزها وعشان يحميكي من مرات ابوكي _الله يجحمها_  اضطر يسافر وياخدك انتي وادهم اخوكي ويهربكو اسكندرية وللأسف حقكو ضاع وورثكو ضاع بسبب مرات ابوكي اللي ادم ابنها خد كل حاجه ...

ندي بصدمه لاول مره توضع في هذا الموقف ... هل حقاً انا اخت آدم الكيلاني واسلام لا يمزح ...!!! هل هذا صحيح ...!!!

ندي بصدمه ...: معقول ...!! معقول انا اخت آدم الكيلاني ..!!

ماجدة بإيماء ...: ايوة يا ندي انتي أخته ... وعشان للاسف اخوكي خطف روان من اسلام ابني واتجوزها اسلام حب يردله الجميل فخطفك أنتي ...

نظرت ماجدة الي اسلام لتردف بغضب ...: طبعا تفكيره غلط وعقله صغير وهيودي نفسه في داهيه علي الحركه دي لكن هو عمل كدا عشان يشفي غليله من آدم الكيلاني ...

اسلام وهو ينظر الي والدته بغضب ...: انا لسه معملتش حاجه يا ماما انا لسه هعرف آدم الكيلاني وهنتقم منه علي كل حاجه عملها فيا وعلي كسره قلبي زمان ...

ماجدة بغضب ....: حلو اوووي الكلام دا قوله بقي للشرطه عشان تعرف ترجع مصر يا اسلام .... انت خلاص كدا هتقضي حياتك هربان عشان تبقي تتصرف تاني من دماغك يا  دكتور ...

اسلام بخبث ...: متقلقيش بمجرد ما انهي انتقامي انا هرجعها ليه بس بعد ما اكسره واكسر قلبه ...

نظرت له والدته بسخرية وغضب ...

ثواني واردفت بغضب ...: وانت فاكر أن كدا آدم هيسكت يعني ...!! دا بمجرد ما يلاقيها هيفوقلك يا ابن بطني ... صدقني ممكن توصل بيه أنه يموتك وساعتها متلومش الا نفسك ... تقريبا كدا انت يا اسلام مش واخد بالك انت بتواجه مين وعاوز تنتقم من مين ... فوق لنفسك يا اسلام ...

ندي وما زالت في صدمتها ...: طب ... طب ازاي يا طنط ماجدة ... ازاي اللي انتي بتقوليه دا ....!! ازاي انا اخت ادم الكيلاني ... طب ... طب هو ليه سابنا في اسكندرية واحنا المفروض اخواته ... انا مش فاهمه اي حاجه ...!!!