الحلقه الثامنه والأربعون .. ❤️
ربنا اعلم انا منزله الحلقه دي ازاي اصلا انا حالتي ما يعلم بيها الا ربنا عشان خاطري ادعو لعمي مصطفي الله يرحمه توفي وانا لحد دلوقتي مش مصدقه اصلا اني بقول كلمه توفي او مات لاني في حاله صدمه من موته وهو لسه شاب 💔
مر نصف يوم علي جميع ابطالنا في مصر والنرويج ...
كانت روان جالسه بغرفتها تفحص تلك الهديه التي أحضرها لها ادم الكيلاني ...
روان بغضب ....: ادم مفكر اني مهزقه وهقبل الهدايا دي ... لاااا بقي دا انا اغنيله أغنيه مسلسل لؤلؤ انا روان رورو روننه ( انا لؤلؤ لؤلؤ لئلئه) ههههههه .... انا مش سامعاله صوت من الصبح ليه ....! أما اقوم اشوفه ...
وعلي الناحيه الأخري بالصالون كان ادم جالساً علي الاريكه أمام التلفاز يشاهد مباره كره قدم لفريق ما من النرويج ... ولكن عقله يخطط بإبتسامه خبيثه لما سيفعله بروان بعد قليل ...
نزلت روان إليه لتجده جالساً أمام التلفاز ...
روان بسخرية ...: وانت فاكر شوية اللعيبه دول يجو حاجه جنب الشناوي ... ! وبعدين من أمتي وانت متابع كره قدم اصلا ...!!
ادم بسخرية اكبر ...: وانتي فاكره اني لما اتابع كره قدم هتابع حاجه محليه ....! صمت ليتابع بخبث ... انا بتابع العالمي بس يا مجنونه وبعدين تعالي هنا انتي فين طول اليوم مختفيه منزلتيش ليه تحضري الاكل او تعملي حاجه ...!
نظرت له روان بغضب ... ثواني واتجهت الي الأريكة المجاوره لتجلس عليها وهي تضع قدماً فوق الأخري بتكبر ...
_ انا مش قولتلك شوفلك كلبه ... ق ... قصدي شوفلك خدامه تخدمك عشان انا مش هعملك حاجه ... انا مش قايلالك كدا يا ابني ولا اقولهالك بلغه السغه لمون اللي طالعه جديد ؟!
ادم بضحك وإستغراب ...: إيه !! لغه إيه ...!
روان بإستفزاز ...: حاجه ترند كدا مش هتعرفها عشان انت كبير ونرم من بتوع صوره صباح الخير علي باقه ورد ههههههه
ادم بخبث وابتسامته الوسيمه تسحر قلب تلك المجنونه كعادته ..
_ ماشي يا روان بقي انا كبير وعجوز ...! بس العجوز دا بقي هيعرفك هيعمل أيه انهاردة ... مش انتي اللي طلبتي وقولتي شوفلك خدامه ...!
روان بغضب واصرار ...: أيوة
نظر لها ادم بإبتسامه شريره وهذا بالضبط ما كان يريد أن يسمعه منها ...
ادم بخبث ....: تمام يا روان بس مترجعيش تعيطي بقي ...
لم يفت دقيقتين ... حتي رن جرس الباب يعلن عن قدوم شخص ما ... فمن هو يا تري ...!!
نظر ادم الي روان بإبتسامه شريره ونظره تعني ... ستندمين وتتمنين لو لم تقولي هذا الكلام يا حبيبتي ...!
أنت تقرأ
عشقت مجنونة (الجزء الأخير )
Romanceجميع الحقوق محفوظه للكاتبه آية يونس ... ممنوع النشر او الاقتباس الا بإذن الكاتبة آية يونس ... رواية بالعامية المصرية ... عندما يصبح جنوني جزءاً من حياتك عندها فقط يجب أن يخضع غروروك وعنادك .... ماذا سيحدث عندما يصبح التحدي والجنون غريزة بين العاشق...
