مثلث الحب (الجزء الرابع من عشق الانتقام )

الفصل الثامن عشر والاخير 🖤

عند مازن ونور
مازن :بت ابعدي كده شويه
نور وهي تضحك بدلع :الله اخس عليك يا ميزو مالك ياروحي
مازن :الله يهديكي يانور والله اخدك ونروح دلوقتي وسيبي رهف ورفيف هنا
نور بدلع :تؤ تؤ عيب كده
مازن وهو يسحبها من يديها باتجاه سيارتها ويدفعها لتجلس بداخلها ويبعث رساله ليوسف ان رهف رفيف سيجلسون معهم اليوم
نور :مازن انت بتعمل ايه
مازن وهو يشغل السياره بسرعه ويقترب منها يقبلها :عايز عيال تاني يا نوري
نور وهي تتعلق بذراعه :بحبك يا ميزو
مازن وهو يقبل أعلى رأسها :وانا بعشقك يا نوري

عند عاصم ودارين
عاصم وهو يحتضن دارين :ياااااه فاكره ايام زمان مش مصدق اني بقيت جد انا عجزت اوي يا دارين
دارين بحب:بالعكس ياروح دارين انت بتحلو اكتر واكتر كمان
عاصم :لو رجع بيكي الزمن هتختاريني تاني يا دارين
دارين بتنهيده :لو رجع بيا الزمن هاحبك من اول وجديد وانت ترفض تاني وحاول انتحر تاني كل دا كان قدر يا عاصم ومقدر ومكتوب مينفعش نهرب منه لأنه بالفعل موجود انا بحبك يا عاصم وهفضل احبك كده زي مانت لحد ما اموت
عاصم :وانا بعشقك يا دارين بعشقك أضعاف أضعاف متتخيلي

عند ملك وسيف
ملك :شوفت جلال حلو ازاي كبر وبقى عريس خلاص يا سيف انا مش مصدقه
سيف :اااااه السنين جريت يا ملاكي
ملك :وحشتني اوي اوي حتى وانت معايا
سيف وهو يضمها :مهما كبرتي هتفضلي ملاكي الوحيد

عند ادم واسيل
اسيل :ادم
ادم :اممم
اسيل :انت مكرهتنيش صح
ادم وهو يفتح عينيه :اكرهك ليه
اسيل :يعني عشان الي بابا حكاه
ادم وهو يضمها :فاكره يا اسيل اول مره شوفتك فيها
اسيل :اه كان عندي عشر سنين ساعتها
ادم :يوميها شوفت احلى عنين في الدنيا وكنت بدعي كل يوم أن العنين دي تبقى ملكي وبقيتي خلاص وبقا عندنا احفاد تفتكري بقا حتى لو كنتي لقطيه مش مجرد زي ما فؤش حكى مكنتش حاحبك احب اطمنك واقولك أن عنيكي لوحدها اسرتني ورميتي عليا زي السحر الاسود الي مش عارف اتفك منه ولا عايز انا الغريق الي مصر اغرق في بحرك حتى لو كنت بعرف اعوم
اسيل وهي تضمه بقوه :بحبك يا آدم انت عوضي فعلا طول عمري بحبك اوي اوي

عند ماهي وسليم
سليم :ايه اكتر حاجه بتحبيها فيا بتحبيني ليه يعني
ماهي :يااااااه يا سليم قول ايه مش بحبه فيك انا بحبك زي مانت كده حبيتك من اول يوم شوفتك فيه عشقتك من اول يوم لمستني فيه أدمنتك وبقيت روحي لما حسيت انك ممكن تضيع مني وجي دلوقتي تسألني بتحبيني ليه الحب مفهوش ليه دا بيبقى زي المرض كده بينتهي بالموت العشق دا حاجه كده فريده من نوعها مفيش منها أبدا مش مستغربه من قصة فؤاد وقسمت بالعكس الحب الي شوفته في عنيهم من يوم مدخلت بيتهم اكيد وراه قصه ومش قصه سهله ابدا
سليم :انتي اقتحمتي حياتي انتقام وانتهت بعشق ومش اي عشق عشق بقا وراه نتيجه وهي ولادنا ودلوقتي بقو احفادنا كمان ربنا يخليكي دايما معايا وفي قلبي مش قادر اقولك يوم مدخلتي المستشفى لاول مره احس باليتم من يوم وفاه امي وابويا عمري محسيت بالضعف الي حسيت بيه وانا معاكي وانتي بتروحي من بين ايديا من كل قلبي بعشقك يا حوت
ماهي :بتحب الحوت ولا ماهي
سليم :الاتنين يا عمري

عند فؤاد وقسمت كان يتطلع إليهم بفخر وسعاده أما هي كانت تتطلع الي لون عينيه الذي أسرتها منذ سنوات طويلة جدا
فؤاد :هتفضلي بصالي كده كتير
قسمت :عمري مهبطل ابدا وانت عارف دا
فؤاد وهو يضمها إليه :انا ملكك يا قسمت قلبي روحك وقلبك كلهم جوايا حتى لو مت
قسمت وهي تضمه :بعد الشر عليك انا مش عايزه حتى الموت يفرقنا
فؤاد وهو يضمها بحنان :ااااه يا قدري وقسمتي

عند شهاب كان ينظر إلي صورة جمعته هو وزوجته فرت دمعة من عينيه وهو يقول : يا وجع القلب في حب سكن واستقر مرض عضال لا علاج منه ولا مفر ربنا يصبرني على فراقك يا حياتي لحد مجيلك بحبك اوي بحبك يا ملاك الموت !

وكده اقدر اقول ان خلاص عيله العطار والالفي والدميري خلصت الحمدلله على خير انا عشت في القصه دي كأني جزء منها وكنت بتأثر بيها كنت بفرح معاهم واعيط معاهم لسه طبعا في خاتمه وان شاء الله اول مخلصها هنزلها على طول طبعا محتاجه رأيكو جدا جدا والله وتقولولي رأيكو في كل جزء وايه اكتر حاجه عجبتكو وهل انا اصلح اني اكتب تاني ومنتظرين رواياتي الجديده ولا لأ ❤️❤️❤️✌️