عشقت مجنونة (الجزء الأخير )

الحلقة الأربعون ⁦♥️⁩

الحلقة الأربعون ... ⁦♥️⁩

نظرت له بغضب شديد بعدما فتح الباب بتلك الطريقه ودلف ...

ياسمين بغضب شديد ووجه احمر تماماً من الغضب ...: انت ايه اللي جابك ... اطلع بررره ... بررره ...

جاسر بحزن شديد وتوسل ...: اسمعيني بس وبعدها أبقي زعقي ... ابوس ايديكي افهميني ...

ياسمين بغضب .....: مششش عاييزززه اسممعك ... مششش عايزه افهم حاجه ... ابعد عنننني بقي انت ايييييه جبله يا ااااخي مبتحسش انا خلاص مش طايقه حتي اشوف وشك ...

جاسر بحزن شديد ...: متقلقيش يا ياسمين انا هريحك مني خالص ... انا بس جاي اقولك إنك ظالمني ومدتنيش فرصه حتي اني اتكلم وابررلك موقفي ... وصدقتي اللي حصل قبل حتي ما تفهمي ....

ياسمين بغضب شديد ووجه احمر ...: يا عيني ... تصدق صعبت عليا وخلاص هصدقك وهصدق انك مظلوم ... دا انت بعضمه لسانك قايلي إنك اتجوزتها وانت مش في وعيك ...!!!

جاسر بحزن ...: اتجوزتها وانا مش في وعيي فعلا يا ياسمين لكن انتي متعرفيش ايه اللي حصلي اصلا خلاني اعمل كدا ... انا كنت سهران مع صحابي في يوم ولما لقيتهم بيقولولي إن في ستات هتيجي اليوم دا انا رفضت وزعقت معاهم .... بس للأسف لأني كنت سكران طينه اليوم دا انا مقدرتش اسوق أو امشي من البيت ونمت مكاني .... صحيت الصبح لقيت نفسي عريان وفي حضني واحده معرفهاش ... اتصدمت واتفاجئت بس صدمتي الأكبر كانت لما عرفت إني بصمت علي عقد زواج عرفي ومعرفش وحتي مش فاكر انا عملت كدا ازاي وامتي ...!! انا زيي زيك يا ياسمين مش فاهم اللي بيحصل ومش عارف تفسير ليه بس اللي اعرفه اني ضربت الست دي وهزقتها وطلقتها في نفس اليوم بس هي عشان تنتقم راحت ورايا الكافيه وقالتلك أنها مراتي ... وانا قولتلك أيوة هي مراتي واتجوزتها بس انتي مخلتينيش حتي اكمل كلامي أو حتي سمعتيني أو سمعتي قصتي ... انا مظلوم والله العظيم مظلوم يا ياسمين انا بعد ما حبيتك وانا مش شايف غيريك ومحبتش غيرك ...

ياسمين بغضب شديد ...: كداب ... عارف ليه ... لأنك لو بتحبني ومقدر حبي أو مقدرني مكنتش سمحت حتي لنفسك تروح لأماكن مشبوهه مع صحابك أو سمحت لنفسك تشرب وتسكر ... أما من نحيه مظلوم ولا لا ... دا شيئ ميخصينيش ولا حياتك ولا انت اصلا تخصني عشان تحكيلي قصه حياتك ... حضرتك احنا هنا في شغل وانت مهندس في الشركه يا ريت متتعداش حدودك معايا وحدود إنك مهندس في شركه النمر ... وشغال عند أخويا ...

نظر إليها جاسر بغضب شديد بعد جملتها تلك .. ثواني واردف بغضب ...: انا مسمحلكيش تتكلمي معايا بالطريقه دي يا مهندسه ياسمين ... ولو اللي بينا حدود شغل يا ريت تحترمي مكانتي في الشركه ومتقوليش انت شغال عند اخويا دي عشان انا مش شغال عند حد انا اسمي مهندس والمهندس رقم واحد في الشركه دي ومسمحش ليكي أو لأي حد يقلل مني أو من مكانتي فاهمه ...!