#حياه_اليتيم
#حياه_اليتيم_21_والاخيره
#جزء_من_حلقه_سابقه
سراج: خلاص يارنا قابليه وارفضى اتحججى باى حاجه وانا هكلم بابا هنا واجيلك اقرب فرصه
رنا:(بعياط) بجد ياسراج
سراج: اكيد يابنتى متعيطيش بقا وامسحى دموعك
رنا:(مسحت دموعها) طيب ماشى انا هقفل علشان محدش يشوفنى
سراج: ماشى يارنا مع السلامه
هايدى: ها قالك ايه
رنا: قبليه وارفضى
هايدى: طب اهدى بقا يابنتى اعملى زى ما قالك وخلاص #بدايه_الحلقه_الجديده
عدى اليوم بسرعه وجيه تانى يوم وطول النهار رنا بتعيط وقاعدة على السرير بتتصل بسراج وهو مش بيرد والاخر موبيلو اتقفل
رنا:(فى بالها) معقوله يتخلى عنى بالسهوله دى معقوله يعنى خلاص هينسى الى بنا , بس ازاى هو قالى متوفقيش يارب يارب (وفضلت تفكر الا ان حل الليل وجاء المعاد والضيوف وصلو واتفقو على كل حاجه دخل احمد الى رنا
احمد: رنا تعالى يلا علشان تشوف العريس
رنا:(بعياط) مش عايزه يابابا
احمد:(بجديه) يلا يارنا (رنا مسحت دموعها وكانو اخواتها جهزوها وهايدى ظبطتلها الميكب وطلعت مع بباها وقعد جمب مامتها من غير لاسلام ولا كلام
اميره: ايه يارنا مش عايزه تسلمى علينا ولا ايه (رنا بصت بصدمه لانها عارفه الصوت وبصت يمين وشمال ورفعت عنيها جات على سراج بصتلو بصدمه وهيا مش عارفه تضحك ولا تفرح ولا تصرخ فى وشه انو مقلهاش وشكت فيه انو ممكن يسبها وعيونها فى دموع بسيطه
نشوى: ايه يارنا قومى سلمى على الناس يابنتى
اميره:(قامت ورحتلها وخدتها فى حضنها) انا عارفه هي مش مصدقه المفاجأه لسه مفقتش من الصدمه
خالد:احنا كدة اتفقنا على كل حاجه ولم تحددو المعاد ابقو بلغونا بيه(سراج بص لمينا ومينا فهم هو عايز ايه وخالد كمل كلامه) مش يلا احنا بقا ولا ايه
مينا:بعد ازنك يا بابا وبعد ازن عمي احمد طبعا احنا هنمشي احنا بس سراج يقعد شويه مع رنا (خالد هز دماغو بالموافقه)
احمد: طبعا موافق ياابني و دي الاصول اصلا (بعد مامشيو الكل اتبقو رنا وسراج لوحدهم رنا فضلت ساكته وباصه فى الارض
سراج: بس بس (رنا بتضحك ومبصتلوش سراج كمل كلامو) طب مش هتكلمينى ولا ايه (مردتش عليه كمل كلامو) طب بصيلى حتى طااه (مش هترد بردو كمل كلامو) طب قوليلى يلا عملتى ايه مع العريس الى متقدملك
رنا:(بصتلو شويه بغيظ) طبعا هرفضو وهطلع عينو
سراج:(بأبتسامه) ليه بس كدة دة بيحبك خالص
رنا:(بغيظ اكتر) والله بيحبنى
سراج: اه والله يابنتى دة بيموت فيكى
رنا: وانت بقا تعرفو منين
سراج: صاحبى
رنا: ليه مقولتليش ياسراج
سراج: حبيت اعملهالك مفاجأه
رنا: (بابتسامه) واحلى مفاجأه
سراج: ياااا يارنا انا مش مصدق كلها ايام وتبقى خطيبتى
رنا: ان شاء الله بقا
سراج: يارب قرب البعيد بقا (رنا ابتسمت واتكسف وسراج ضحك من كسوفها)(رجعو البيت خالد واميره ومينا رجع معاهم طبعا طلعولاوضه الشباب(خبطو ودخلو)
شاهين: ها عملتو ايه
خالد: كل خير ان شاء الله
محمد: يعنى وافقو
خالد: اه وافقوا ولسه هنحدد يوم للخطوبه وباذن الله شاهين ومحمد يبقوا وراه (عباس بصلهم وسكت خالد واميره ومينا بصو لبعضه بغمزه
اميره: بس وانا هناك سمعت انو دينا بردو جايلها عريس قريب ماشاء البيت الى بتدخلو العرسان بنتهم بتخبطو واحده وراء التانيه (عباس بصلها بصدمه وبلع ريقو بالعافيه)
مينا: لا وكمان ياماما هيعملو فى نفس يوم الخطوبه رنا اختها
عباس:(بحزن بس بيحاول يدارى) طب هيا هتتخطب لمين
اميره: وانت شاغل دماغك بيها ليه (عباس سكت) عالعمو هيا هتتخطب لواد كدة حليوه بيدرس هندسه وانا عن نفسي بحبه اوي
عباس: كمان حضرتك تعرفيه
اميره: عز المعرفه ومش انا بس كمان خالد ومينا عارفينو
عباس: طب انا اعرفو
اميره: طبعا تعرفو
عباس: ودة مين ده بقا
خالد:(بصلها بضحكه وراح قعد جمب عباس) هتتخطب ليك انت انا طلبت ايدها النهارده من بباها
عباس:(بصدمه انو مش معرف حد حتى مينا) هااا !! ل ليا انا
اميره: ايوه ليك انت , انت مش بتحبها ولا ايه
عباس:(بكسوف) مين الى قال لحضرتك انا مش معرف حد اصلا
اميره: يابنى البت كانت هتموت عليك وانت فى العمليات وانا سمعت شرين وهيا بتكلمها وقولت نيه لو قمت بسلامه ومطلعش عندك حاجه انا هخطبهالك وتبقى فرحه انك قمت بسلامه وبقيت كويس (عباس محسش بنفسو غير وعينو مدمع وجرى حضن اميره من غير مايتكلم وبس هيا فاهمه كلامو وعياطو انو مستحيل كان يتوقع حاجه زى كدة منهم ابدا كملت اميره كلامها) اهدا بقا وبطل عياط علشان الزعل غلط عليك
(عباس بعد عن حضنها ومسح دموعو وبردو معرفش يتكلم)
مينا: ايه ياعم عباس قلبتها نكد ليه
محمد: دموع الفرحه يابنى
خالد: يلا بقا ياميره نسبهم يرجعو للى كانو بيعملوه وانت يامينا ارجع لمراتك
مينا: طب انا شكلى كدة بنطرد تصبحو على خير (ولسه بيفتح الباب كمل كلامو) اهلا العريس وصل
سراج:(بصوت مهموس) يسمع منك ياخويا
مينا: حالا حالا يلا تصبحو على خير (ونزل مينا واميره وخالد كمان نزلو وفضلو الشباب يتكلمو كتير عن الحصل وسراج حكلهم على كل حاجه) بعد يومين اهل دينا ورنا اتفقو على معاد الخطوبه ونزلو اشترو الشبكه وراحو حجزو الفساتين والشباب حجزت البدل وكانو اميره وخالد فرحانين جدا بيهم وجات اليوم الى اتحدد الصبح عن الشباب دخلت اميره على عباس واحمد ومحمد
اميره: يلا ياشباب اصحو عندنا فرح يلا ياعريس (ولاا حياه لمن تنادى التلاته فى سابع نومه ولا هما هنا كملت اميره كلامها) يلا ياله انت وهو (بردو ولا معبرين كملت اميره كلامها) انتو هتقومو بالذوق ولا اعمل زى كل يوم اول ماسمعو الكلمه دى التلاته صحيو
احمد: احنا فى اجازة صاحين الساعه 8 نعمل ايه
اميره : عندنا فرح يلا قومو
محمد:(رجع نام على السرير تانى) طب صحى العرسان وسبينى انا نايم
اميره:(بصتلو بغيظ) محمد قوم يلا
محمد:(قام بنرفزه) قمت خلاص والله قمت (خرجت اميره من عند الشباب وراحت الاوضه التانيه لقتهم صاحين وبيجهزو
اميره: شوفو النشاط مش زى الكسلانين الى هناك
سراج: سبحان الله فوله واتقسمت تلاته
اميره:(بضحكه) يلا علشان تفطرو وسابتهم وخرجت تحضر الفطار نزلو فطرو وجرى الوقت سريعا وجاء المساء عملو الخطوبه فى فى بيت دينا ورنا علشان عباس وصوت المزيكا بتاع القاعات ميتعبوش بدات الحلفله وبدات الغنى والرقص والمزيكا فى الركن البعيد الهادى كنزه واقفه سرحانه وبتبص على دينا ورنا وجمالهم جيه الى من وراها فجأه شاهين فجأه
شاهين: واقفه لوحدك ليه
كنزة:(بخضه) خضتنى ياشاهين
شاهين:(بضجكه) دة المطلوب , وافقه لوحدك ليه
كنزة:(رجعت بصت لدينا ورن) ولاد عمى بيتخطبو
شاهين: (بغمزه) وانتى
كنزة:(بصتلو وهيا بتلعب فى السلسله الى فى رقبتها) لسه ربنا مأردش
شاهين: قريب قوى ان شاء الله
كنزة:(بصت قدمها)يمكن اه (ورجعت بصتلو) ويمكن لا
شاهين:(باستغراب) فزوره دى ولا ايه
كنزة: لاء لا فزوره ولا حاجه لسه ابن الحلال مجاش (بتنهيد) او لسه مالقتش فارس احلامى
شاهين: فارس احلام الى هو يخدك على حصان ابيض ويطير
كنزة:(بضحكه) لا لا مش قوى كدة بس زى ماتقول انا مبيعجبنيش العجب , بعد اذنك بقا هروح اقف مع رنا ودينا (ومشيت كنزة وشاهين بصلها بأعجاب اكتر) واحمد وكارمن كانو قاعدين قريبين من مينا وشرين ووكانو بردو بيتكلمو مع بعض( اما عند هايدى واقفه فجأه لقت الى قدمها
محمد:(بسرحان) ايه القمر الى نور فجأه دة
هايدى(بخضه واستغراب جدا) ا انت بت بتقول ايه
محمد: عدلها الكلام ثقه) كنت بقولك ايه القمر الى نور فجأه دة
هايدى : ودة بقا اسميه معاكسه ولا ايه
محمد: لا مش معاكسه بس تقدرى تسميه اعجاب
هايدى:(بابتسامه مستفزة) هو ايه الاعجابات الى هلو علينا فجأه دى
محمد: اصلى بصراحه كدة ملقتش اجمل منك فى الحفله دى(هايدى اتكسفت ووشها احمر وبصت فى الارض)
محمد:(بعصبيه نسيبا وبجديه) لا لا كدة مينفعش
هايدى:(باستغراب من عصبيتو الى جات فجأه دى) هو ايه الى مينفعش
محمد:مينفعش تتكسفي وخددوك تحمر عشان كده بتحلوي اكتر والناس بتبص عليكي وانا مش عايز حد يشوف الجمال ده غيري
هايدى:(اتكسف اكتر ومشيت ووقالت فى بالها) مجنون دة ولا ايه.(فات على الخطوبه اسبوع والنتيجه ظهرت وكل ابطالنا عرفو نتيجتهم وكانو كلهم تقديرات كويسه ماعدا عباس كان جايب تقدير كويس بس كان نفسو يجيب تقدير اعلى
خالد: يامحمد انت قضيت السنه كلها انتساب (عباس ساكت بس مضايق ودموعو نازله وخلاص )
اميره: طب ياحبيبى كفايه عياط عينك ودماغك هيوجعك
محمد: ايه ياعباس مش قولنا هنتقبل النتيجه مهما كاتنت
عباس:(بدموع وصوت مخنوق) بس انا ذكرت وتعبت اخر فتره
مينا: بيسو قوم امسح دموعك دى بقا لانى انت عارف انى مبحبش اشوفها وانت بالذات
اميره: اشمعنا يعنى
مينا: اصلا الواد دة معجزة سمعت واحنا صغرين انو بيقولو دموع عباس بتبقى لولى صغيره كدة
خالد:(بضحكه) على كدة انا كل شويه اضرب لحد مايعيط علشان ابقى مليونير
مينا: بس ياخساره معرفناش نجمع كل الى فات
محمد: خلااص ياعباس استنى انزل اجيب طبق وعيط تانى (عباس ضحك)
اميره: بتضحكو على ايه
مينا: اصل واحنا صغرين لم سمعنا كدة فى الملجا بجد محمد جاب طبق وقال لعباس عيط هنا هجمعهم واشترى الدار دى ونعيش فيها عالطول برحتنا
محمد: اه والله كانت امنيه حياتى كدة
اميره: ومين الى كذب عليكو الكذبه الشنيعه دى
شاهين: كانت عندنا دكتور كانت بتحب تقعد معانا قوى كانت محرومه من الاطفال ومن الجواز اصلا فكانت اغلب الوقت معانا عباس وهو صغير كان قعد فتره ياخد طويل للمفعول كل اسبوع فكانم بيعيط منها قوى علشان ميعيطش كانت بتقول كدة اياميها كان عباس 10 سنين تقريبا بس عمرنا مننساها ابدا
مينا: الله يرحمها بقا
سراج: يعنى كل الكلام ولسه بتعيط خلاص بقا
احمد: هو مش هيسكت يلا قوم (وقامو عليه الشباب فضلو يضحكو ويزغزغو فيه علشان يضحك وقعدو يهزرو مع وخالد واميره باصين عليهم و وهزارهم وضحكهم الى ملى البيت بعد مكان فاضى وكانو فرحانين بيهم وحبهم لبعض(بعد يومين محمد قاعد زعلان وحزين وماسك صوره ابوه وامو واختو وهو قبل مايموتو)
محمد:(فى بالو) انا دخلت الكليه يابابا ابنك بقا فى صيدله يارب تكون فخور بيا وانت مكانك انا بعمل اى حاجه علشان احس انك فخور بيا (بعياط) ياما نفسى اعرف ليكو مكان تكونو فيه احس بيكو فيه وحشتونى قوى لبنى عمله ايه ياماما وحشتنى قوى دخلو عليه الشباب وخالد سابهم وقام دخل الحمام
خالد: هو مالو ياولاد
سراج: هو بعد كل نتيجه كدة يكلم الصوره شويه ويقولهم انهم وحشو وعايز يعرف مكان الى ادفنو فيه علشان يرحلهم بس شويه وبيفوق وبيرجع طبيعى (خالد بص لسراج ورجع بص للحمام الى كان محمد دخل فيه بتفكير وحزن وسابهم وخرج (بالليل خالد دخل لمحمد)
خالد: ايه يامحمد منزلتش تقعد معانا ليه
محمد:(بخنقه) عادى بس مخنوق شويه
خالد: من ايه ياحبيبى
محمد: مافيش والله يابابا شويه وهفوق
خالد: طب انت مش عايز هديه نجاحك
محمد: نجاحى ايه يابابا انا لسه فى سنه اولى
خالد: انت بقا دون عن اخواتك الى جبتلك هديه
محمد: اشمعنا
خالد: لانو انا حاسس انك محتاجها
محمد: شكرا يابابا
خالد: مش تسألنى ايه هيا الهديه دى
محمد: ايه هيا
خالد:( طلع ورقه من جيبو وادها لمحمد) هديتك اهيه
محمد:(فتحها ولقى فيها عنوان ) دة عنوان بس عنوان ايه
خالد: مش انت كان نفسك تعرف والدك ووالدتك واختك والبيبى الى لسه متولدش مدفونين فين
محمد:(بصلو بصدمه ومعاها دموع) دة عنوان الترب الى اهلى مدفونين فيها (خالد هز راسو بمعنى ايوه محمد بصلو وصوت عياطو ظهر نسبيا ونفسو على وحضن خالد وعيط جامد قوى والكل كانو سمعينو بس خالد قال محدش يدخل عليهم فضل خالد حاضن محمد ومحمد بيعيط لحد ماهدا وراح فى النوم وهو فى حضنو غطاه كويس وسابو وخرج وهو بيمسح دموعو من على خدو طلع بصلهم وسابهم ومشى وهما دخلو يطمنو على محمد)
تانى يوم محمد وخالد والشباب راحو الترب وقر؟أو الفاتحه وسابو محمد وخرجو بس كانو قريبين منو
محمد: تعرفو انكو وحشتونى قوى وحشنى حضنك قوى ياماما الى ملحقتش حتى احفظو او انى افتكرو وحشنى خوفك عليا وحشنى اهتمامك بيا وحشنى كل حاجه (بعياط) وحشتنى يابابا قوى اتلطمت من بعدك واخوك ذلنى وكسرنى وهنى وبهدلنى والاخر رمانى فى دار ايتام اتبهدلت هناك قوى وحشتينى يالولو وحشنى ملامحك الى ملحقتش احفظها وحشنى كل حاجه فيكى بس انا بعتب عليكو يعنى انتو التلاتو موتو وسبتونى (بعياط بزعيق) طب سبتونى ليه ليه مخدتونيش معاكو مكنتش عايز اقعد جمب الشباك انتى الى اصريتى ياماما ياريتنى ماقعد جمبك الشباك كنت زمانى معاكو دلوقتى (بره)
اميره: مش كفايه كدة ياخالد ادخل هاتو بقا (لسه بيلف لقى محمد طالع وهو منهار وكان هيقع سندوه بسرعه وركبو العربيه ورجعو البيت اميره ادتو مهدا ونام والكل نام (عدى كام شهر وخلالهم سراج اتجوز وكلهم اتجمعوا في بيت خالد عشان عيد ميلاد بنت مينا)
مينا(واقف وسرحان تنهد بعمق وبيتكلم بداخله): يااااااه بقا في حد في الدنيا يصدق ان احنا بعد العيشه اللي عيشناها في الدار مع ذل واهانه وكسرة نفس نبقى عايشين العيشه اللي احنا فيها الوقتي ، شوفت في الدار كتييير وياما استحملت وشيلت فوق طاقتي عشان محسسش حد من اخواتي اني فيا حاجه ؛ كان لازم ابان جامد قدامهم عشان ميضعفوش ويعرفوا ان في حد في ضهرهم وقت ضعفهم وهيقف في وشهم ويعاقبهم وقت غلطهم ، كبرنا كلنا وخرجنا واتجوزت وبقى عندي بنوته وفكرت ان بخروجنا من الدار مشاكلنا اتحلت ،، بس اكتشفت اني هفضل شايل هم اخواتي لأخر يوم في عمري و زاد عليهم شيرين و رفيف وبابا وماما كمان لازم اشيلهم في عيني (بص على شيرين اللي كا محاوطها بدراعه على كتفها وهي شايله بنتهم واكمل كلامه في باله) بس بقيت عايش اجمل حياه طول ما هما معايا ومتجمعين حواليا يارب خليهوملي ومتورنيش فيهم حاجه وحشه ابدا
اما سراج الى كان قاعد مع رنا وسرحان
سراج:(فى بالو) مين كان يصدق اننا عشنا واتربينا فى ملجأ , عمرى ماكنت اتخيل انى هبقى عايش كدة يااااااااا شفنا قسوه كتير وذل واهانه وكسره نفس وضرب بسبب ومن غير سبب , شفت دموع من كل الى حواليا بيقطعو فيا وخصوصا من اى حد من اخواتى , كان مينا لينا الظهر والسند الى بنتسند عليه لو كنا هنقع , مكنتش متوقع انو ربنا هيرزقنى ببنوته جميله زى رنا معوضانى عن حنان الام الى افتقدته الاخت الى مشفتهاش الزوجه الى هكمل معاها بقيت عمرى ربنا يتمملنا فرحتنا على خير ويجى البيبى ينور الدنيا وتبقى بنوته زى القمر وتكون جمال امها
اما عباس الى كان قاعد مع دينا وماسك الكوبايه فى ايدو
عباس:(فى بالو) عباس الى طلع عليا الاسم دة مينا علشان يقدر يميزنا عن بعض وسراج وشاهين الملجأ اتمنى انو ولادى مستقبليا ميعرفوش معنى الكلمه دى ولا يعشو الى انا عشتو وانى اقدر اربيهم وسط مامتهم وبباهم بس منكرش بردو انو عرفنى على اغلى خمسه فى حياتى كلها وعرفنى على احن ام واحن اب على عيال مش عيالهم (بتنهيده) عمرى ماكنت اتوقع ولا اتخيلى ولا يجى حتى فى ذاكرتى انى اعيش كدة او انى اتعلق ببنت زى دينا او انى اقابل ناس تغير حياتى بالدرجه دى يارب محدش يجرب العيشه دى ابدا ذل واهانه وكسر (وافتكر وقت الفلكه الى انضربها ظلم عينو دمعت مسحها بسرعه قبل ماحد يشوفو وضحك ضحكه صغيره كده ومعرفش يكمل كلامو)
شاهين الى كان واقف مع كنزه
شاهين:(فى بالو) من يوم ماوعيت على الدنيا وانا فاكر انو حياتى كدة انتهت وانو خلاص نورها انطفى بس ان بعد العسر يسر فعلا فعلا ربنا اخترلنا العيشه دى علشان يعوضنا ناس يمكن احن علينا من اهلنا الى مشفناهمش ربنا يقدرنا ونقدر نرد الجميل الى علينا لبابا خالد ولماما اميره دخلولنى احسن واغلى كليه فى مصر الحمد لله على كل حال والحمد لله انو ربنا بعتلى كنزه الى هيا كنز من الجنه ربنا نور بيه دنيتى يارب قدرنى واقدر اسعدها يارب واحميلى اخواتى كلهم وحافظ عليهم والمرض ميجلهمش فى يوم ابدا يارب
اما محمد الى كان واقف مع هايدى وسرحان
محمد:(فى بالو) انا عمرى ماكنت اتوقع ولا يخطر على بالى انى اعيش فى دار ايتام عمرى ماكنت اتوقع انى اتهان بالطريقه دى عمرى ماكنت اتوقع انو يبقى عندى 18 سنه واتعلق فى فلكه وانضرب قدام الصغير قبل الكبير بس احلى حاجه فى الدار دى انو عرفتنى على احلى واغلى ناس فى حياتى بس الحمد لله خلصنا من الاهانه دى والذل دة ياااااااااااه عمرى ماهنسا الاذى الى اتسببتو لمينا ابدا وانو انضرب بسببى الحمد لله خلصنا من الايام دى (وبص لهايدى) دلوقتى بس كل الى شاغل بالى انى اخلص كليه واتقدم لهايدى واخطبها واخليها ملكه على العرش يارب قدرنى واقدر اعمل كدة واسعد الناس الى سببتلى السعادة دى وانا نفسى دلوقتى اشكر باباخالد انو غصب عليا انا وشاهين نعيد السنه تانى وندخل هندسه بترول وصيدله يارب قوينى وقدرنى واقدر اسعدهم زى ماسعدونا ورسمو الضحكه على وشنا بعد الحزن واليأس
اما احمد الى كان واقف بيراقب كارمن غصب عنو سرح
احمد:0فى بالو) لو اعيد تفكير فى الى فات هكره حياتى بس مش هعرف انساه من ذاكرتى ولا محيه لانو عشتو ماضى مؤلم قوى بس حاجت مفرحه كتير اكتر حاجه انى عرفت بابا مينا ايوه انى بقول عليه بابا هو بابا الى بيخاف علينا وبيحمينى وبيعاقبنى لم اغلط وكان صدر حنين لينا فى وقت زعلنا وكل اخواتى كنت بحس بخوفهم عليا ووقفتهم جمبى يارب اعرف اردلهم ولو جز صغير من الى عملوه معايا (وبص لكارمن) واسعد كارمن واقدر اتقدملها وانى انجح ومضعيش تعب بابا خالد على الفاضى ابدا وسهر ماما اميره معانا بجد يارب نقدر نسعدهم
خلص العيد ميلاد واتجمعو الست شباب ومعاهم الست بنات واميره وخالد
مينا: هيا دى حياتنا
سراج: حياه اليتيم
عباس: الى كانت مليانه قايسه وظلم وقهر
شاهين: واتقلبت بقت لفرح وضحك ولعب
احمد: بسبب ناس ربنا يوقفهم فى حياه كل يتيم
مينا:(راح حضن اميره وخالد) انتو احن اتنين فى الدنيا ربنا خد منكو ابنكو بس عوضكو بطيبه قلب مشفتهاش على حد
سراج: راح حضن اميره وخالد) ربنا يكرمكو زى ماكرمتونا
عباس:(راح حضن اميره وخالد بردو) شلتونى فى عز تعبى وصرفتو عليا بس كل مليم صرفتو عليا ومش عليا انا بس انا وكل اخواتى وكل يتيم صرفتو عليه بيرجعلكو عشر اضعاف
شاهين: (راح وقف جمب عباس) دة الرسول الى انا وكافل اليتيم فى الجنه واشار بأصبعيه السبابه والوسطى (وحضن خالد واميره
محمد:(راح وقف جمبهم) يابنى كنا قبل مانشير بأدينا على الحاجه كنا بنلاقيه عمرى ماهنسى انكو السبب انى عرفت مكان ابويا وامى واختى (وحضنهم بدموع)
احمد:(راح حضنهم ووقف وسطهم) انا بحبكو قوى ومكنتش عايزو ارجع الملجا يوم ماجيتو وأخدونى منو لوحدى بس مكنتش اقدر استغنى عن اخواتى ابدا
اميره:(بدموع) معاكى حق ياحمد متستغناش عنهم
خالد: انا لو عندى اصحاب زى دول مكنتش سبتهم ابدا ولا ابعد عنهم (وحضنهم السته مره واحده وكل بنت راحت وقفت جمب الشاب الى بتحبو
جيه احمد ابو رنا
احمد: صوره بقا لا جمل عيله شوفتها فى حياتى ووقفو كلهم واتصوره صوره عائليه لاتجمع بين خالد واميره والست شباب والست بنات والطفله رفيف وبكدة يكون انتهى مسلسنا
#hadeer
#rody
