#حياه_اليتيم
#حياه_اليتيم_17
#جزء_من_حلقه_سابقه
سراج: وهيا مالها هيا اصلا
رنا: مالها ازاى بس هيا معاها حق بابا ومستر خالد اصعب من بعض وانا بقا بصراحه خفت قوى
سراج: يعنى ايه يارنا (فى نفس الوقت خالد ومينا كانو موجودين فى المكان فجاه رنا وسراج اتسمرو مكانهم)
#بدايه_الحلقه_الجديده
رنا:(بصدمه وخوف ورعب) ب بابا (سراج بصلو بصدمه ابو رنا بص لرنا وسراج بصدمه وارف)
احمد (بص لرنا وضربها بالقلم (رنا بصتلو بدموع وزعل) امشى غورى على البيت (مشيت رنا من غير كلام ودموعها على خدها وبص لسراج) اما انت بقا انا ليا كلام مع ولى امرك وسابو ومشى رجع سراج على البيت وفضل يفكر ممكن ابو رنا يعمل ايه وممكن خالد يبقى رد فعلو ايه والشباب معاه فى الاوضه بيذاكرو فجأه الباب اتفح ودخل منو مينا
مينا:(من غير سلام ولا كلام راح وقف قدام سراج) اطلعو بره انا عايز اتكلم مع سراج شويه
احمد:(قام وقف بزعل متصنع) ياسلام وانت بقا جاى تتكلم مع سراج لوحدو
مينا:(بعصبيه ونرفزه) سمعتو انا قولت ايه اطلعو بره كلكو بقا (طبعو سمعو الكلام وطلعو واتبقى سراج ومينا)
مينا: ايه الى انت هببتو ده (سراج باصص فى الارض وساكت) متبصش فى الارض ورد عليا احسن ليك (بردو مردش عليه وباصص فى الارض) طيب انا اطلع اجيب بقا بابا خالد يتكلم معاك ويعرف منك ايه الى انت عملتو دة ومن امتى وتتكلم غصب عنك
سراج:(بصلو وبعد عنو شويه ) انا معملتش حاجه يامينا اكتر من الى انت عملتها
مينا:(بصلو باستغراب) ليه هو انا عملت ايه
سراج: مشيك مع شرين انا كمان مشيت مع رنا ودى زى دى
مينا:انا مخرجتش مع شرين بره الكليه
سراج:بس مشيت معاها متجيش بقا دلوقتى وتعمل فيها اخ كبير وتنصحنى كنت انصح نفسك ساعتها
مينا:(بصدمه وارف) تصدق انا غلطان انا جيت واعتبرتك أخ بس الظاهر انك نسيت وانا من النهاردة ماليش دعوه بيكو وماما وبابا هعرف اطمن عليهم ومش هتشوفو وشى تانى (وسابو وخرج لو شافوه الشباب وهو خارج ونازل يجرى الشباب جريو وراه)
احمد: مينا مينا (مردش عليهم وخرج من البيت وقفل الباب وراه)(طلعو الشباب لسراج)
محمد: مالو مينا ياسراج نازل متعصب مردش على احمد انت زعلتو
سراج؟: انتو مالكو انتو
محمد: مالنا ازاى مش دة اخونا
سراج: محمد اطلع من دماغى بقا واسكت
محمد:مش ساكت غير لم اعرف عملت ايه فى مينا دبشت معاه تانى فى الكلام (سراج زق محمد من قدامو وسابهم وخرج بره الاوضه ودموعو على خدو)
رجع خالد من بره كان سراج قاعد على السرير والكل معاه بيحولو يعرفو فى ايه اول مارجع خالد فتحت اميره
خالد:(بعصبيه) فين سراج
اميره: فى ايه ياخالد
خالد:(بزعيق لاول مره فى اميره) انتى هتجدلينى سؤال بسؤال هو فين
اميره:(بزعل وبهدوء) قاعد فوق (وسابتو ودخلت المطبخ)(طلع خالد لسراج )(عند الشباب فى الاوضه قاعدين مع سراج بيحاولو يعرفو فى ايه )
محمد: طب انا اسف انى زعقت والله مش قصدى اديقك (سراج بس دموعو على خدو وساكت)
احمد: طب قولنا مالك فى ايه (بردو ساكت ومش بيرد على حد)
شاهين: طب خلاص بقا (عباس الى ساكت علشان عارف الى حصل)(فجأه الباب اتفتح ودخل خالد اول ما دخل خالد سراج وقف ومحاولش انو يرفع عينو فى عين خالد دخل خالد وقف قدام سراج كام ثانيه من غير كلام وفجأه ضربو بالقلم وقعو على السرير سنانو جابت دم فى ساعتها الشباب كلها انصدمت وبصو لبعض)
خالد:(بزعيق وعصبية لدرجه انها وصلت لاميره تحت وطلعت جرى تشوف فى ايه) اكيد نت عارف خد القلم دة ليه (سراج اتخنق ومردش كمل خالد كلامو بزعيق) متخلنيش اندم انى فى يوم فكرت اتبنى حد (وشاور عليه بعصبية اول مره يشوفها) ومتجيش على اخر الزمن تبقى السبب فى انو حد يوقفنى ويقولى الى انت بتربيهم بيلعبو ببنات الناس(الشباب بصو لبعض وسكتو وحابسين دموعهم بالعافيه دخلت امير على الكلمه وبصا لكل واحد شويه وشافت الدموع الى حابسنها بالعافيه وراحت وبصت لخالد لقتو لسه هيكمل كلامو راحت شدااه ومنزلها تحت هو وهيا اول مانزلو الشباب دموعهم نزلت وقعد كل واحد ساكت) مينا رجع من بره قفل على نفسو شرين حاولت تخبط عليه مردش فسابتو وبعد شويه هدا وخرج(في البيت عند رنا اللي كانت قاعده ع السرير وضامه رجلها ما بينها ايدها ودموعها على خدها )وبباها واقف قدامها وبيزعقلها
أحمد(بزعيق): الباب ده معدتش اشوفك تقربي منه ومعدش فيه خروج وايام الدراسه هتروحي من الجامعه للبيت ومن البيت للجامعه سمعاني (رنا دموعها زادت ومردتش)
أحمد(بزعيق) : سمعتيني يابت
رنا(بخوف ودموع): س سسمعاك (أحمد خرج وسابها ورزع باب الاوضه وراه) (هايدي دخلت بسرعه اخدتها في حضنها وحاولت تهديها)
رنا(بعياط): هو عايز ايه تاني يا هايدي ما هو ضربني و أخد مني الموبايل عايز ايه تاني بقا
هايدي : خلاص بقى يارنا اهدي ماأنا كنت حذرتك وقولتيلك متكمليش في اللي بيحصل ده بس انتي مسمعتيش مني
رنا : انتي كمان جايه تقطمي فيا وتقوليلي كلمتين
هايدي : انا مش بقطم فيكي بس عشان انتي اختي لازم انصحك و أخلي بالي منك
رنا(بعياط): طب هو بابا ممكن يعمل فيا ايه تاني انا بقيت خايفه اغمض عيني
هايدي(بهدوء):متخافيش ياحبيبتي انا معاكي اهو وبابا معدش هيعملك حاجه تاني ويلا نامي بقا وانا قعده جمبك اهو(رنا ابتسمتلها وغمضت عينها و راحت في سبات عميق)
بعد هدو تام سيطر على الشباب والدموع هديو خالص كان سراج قاعد بحزن وباصص للسقف وبس الباب خبط فتح احمد
احمد:(بص للشباب) اتفضل يابابا (اول ماحمد قال كدة مسحو دموعهم بسرعه
خالد:(دخل الكل وقف خالد بتنهيده) اولا انا بعتذر عن الكلام الى قولتو بس انا جاى من بره مخنوق فامتزعلوش منى
شاهين: مش المفروض حضرتك تعتذر
خالد: ومش المفروض يطلع منى الكلام الى قولتو
محمد: كلام طلع فى ساعه غضب عادى يابابا
خالد بص لسراج وبص للشباب ورجع بص لسراج) لو سمحتو ياشباب سبونا لوحدنا شويه (خرجو الشباب كمل خالد كلامو ) تعالى ياسراج اقعد (شد سراج من ايدو وقعدو قدامو وخالد قعد قدامو كمل كلامو)مش احنا اللي بنلعب ببنات الناس ياسراج ، فكر قبل ما تتكلم او تتعامل مع أي بنت ان كمان تدين تدان يعني اي حاجه بتعملها مع بنت هتترديلك في المستقبل في بنتك او مراتك او حتى مامتك اميره ؛ وانت شاب محترم وملتزم وبتصلي وعارف الصح من الغلط يعني ابعد عن الطريق ده
سراج: بس انا بحبها بجد
خالد: لو بتحبها بجد هتخاف عليها ومش هتقابلها من ورا اهلها وهتصبر لما تكون نفسك او ع الاقل تخلص الكليه وتدخل البيت من بابه وتتجوزوا زي ما اخوك عمل
سراج:(بصله ويبص في الارض)عندك حق يا بابا
خالد: وانت بقا زعلت مينا في ايه ، سمعت ان هو ماشي من هنا زعلان ومردش على حد
سراج: لا سيبلي مينا انا هتصرف وهصالحه
خالد: ماشي ربنا يهديكوا ياابني ومش عايز اسمع من حد شكوه تانى منك فى الموضوع دة
سراج:(هز راسو) حاضر يابابا
خالد: اوعدنى انك مش هتكلمها تانى خالص (سراج بصلو وبص فى الارض كمل خالد كلامو) اوعدنى ياسراج
سراج: اوعدك بس بعد اذنك اكلمها مره واحده اطمن عليها واعرفها علشان متفكرش انى بلعب بيها
خالد: مره مش اكتر من كدة
سراج: مره (خالد بصلو بتنهيده وسابو ومشى سراج تنهد ونام على السرير) خالد نزل لأميره تحت
اميره : ها عملت ايه كلمته براحه
خالد : ايوه واتفاهمت معاه خلاص
اميره : طب كنت راضي باقي العيال الغلابه اللي انت زعلتهم بكلامك وانت متعصب
خالد : حاضر يا أميره
اميره : طب يلا نطلع نطمن عليهم ولو صاحين راضيهم ولو ناموا نطمن عليهم وننام احنا كمان
خالد : ماشي يلا بينا عند سراج والشباب
سراج(بصدمه): نعم كنت هتمشوا تروحوا فين
احمد: كنا هنرجع الملجأ
سراج : انتوا اتهبلتوا ولا بتستعبطوا ولا ايه بالظبط عرفوني
محمد : لا متهبلناش احنا مبنحبش نكون تقال على حد
سراج : وهو من امتى حسسنا ان احنا تقال عليه ايه يعنى كلمة طلعت منه وقت غضب هتعملوا كده نسيتوا كل الى عمله معانا
شاهين : منسيناش حاجه ولو عشنا طول عمرنا نشكره مش هنوفي اللي عمله معانا
سراج : اومال ايه التفكير الغبي ده بقى
عباس : احنا مش عايزين نحس اننا مفروضين عليهم وهما مش ملزومين يربوا شباب ويصرفوا عليهم وهما مش عيالهم
سراج(بعصبيه): وله انت وهو بطلوا تخلف وغباء على بليل ومعدتوش تقولوا الهبل ده تاني ؛ مينا لو سمعكوا بتقولوا الكلام ده كان هو اللي هيتصرف معاكوا كويس وأنا مش عايز اقوله فإعقلوا بقا(الشباب كلهم بصوا لبعض وسكتوا)(ظهر خالد وأميره واقفين قدام الباب وهو مقفول وسمعوا كل الكلام اللي دار بينهم)(خالد بص لأميره بزعل انهم زعلوا من الكلام اللي قاله وقت عصبيته)(اميره طبطبت على كتف خالد وهزتله دماغها بابتسامه بسيطه انهم هيصفوا تاني)(تانى يوم في بيت مينا وشيرين
مينا(قاعد قدام التليفزيون): ها ياشيرين لسه كتير ولا ايه
شيرين(من المطبخ): لا خلاص ياحبيبي قربت أخلص اهو
مينا(قام وراحلها المطبخ): قربتي ايه بس أنا بقولك جعان وانتي لسه بتطبخي
شيرين : ماانت اللي جيت بدري عن ميعادك يا مينا وانا ببقى منظمه كل حاجه حتى ميعاد الغدا على ميعاد رجوعك
مينا : طب يلا يااختي ركزي يا أم مواعيد انتي(وصوت جرس البيت ضرب)
شيرين(بضحكه): اه يااخويا بحب امشي بمواعيد ويلا بقا روح شوف مين ع الباب
مينا(راح فتح الباب ولقى سراج واقف بصيله وسكت)
سراج : مينا انا جايلك عشان اقولك متزعلش مني
مينا(بصيله): وانت المفروض هتفضل واقف تتكلم ع الباب كده
شيرين(خرجت من المطبخ): مين اللي كان بيخبط ياحبيبي
مينا(بهدوء): دا سراج
شيرين(بابتسامه): تعالى ياسراج انت واقف برا ليه ما تقوله يدخل يامينا
مينا : وهو مستني حد عشان يقوله يدخل بيته (ودخلوا وقفلوا الباب)
شيرين : انت بقا يا سراج حماتك هتبقى تحبك عشان انا كنت بجهز العشا هتتعشى معانا بقا
سراج(بهدوء): لا معلش ياشيرين انا كنت جاي لمينا خمس دقايق وماشي تاني عشان متأخرش
مينا : لو سمحتي ياشيرين اعملي شاي و اعملي حسابه في العشا
شيرين(عرفت انهم عايزين يتكلموا شويه) : حاضر(وقامت راحت المطبخ)
سراج : مينا انا مش عايزك تزعل مني انت اكتر حد عارف اني دبش وبقول اي كلام ومش ببقى عارف معناه وانت المفروض تعذرني برده ، وياسيدي انا قولتيلك كلمه ضايقتك زعقلي أو اشتمني أو حتى اضربني وقولي متكلمش معايا كده مش تسبني وتمشي وتقول اعتبروا ان ملكوش اخ ؛ للدرجه احنا مش فارقين معاك وعادي انك تبعد عننا بس احنا منقدرش نبعد عنك ولا نبعد عن بعض لان روحنا في بعض(مينابصيله وفضل ساكت)
سراج : متسكتش كده اتكلم و واجهني وقولي ان انت مش زعلان وهترجعلنا تاني ومش هتبعد
مينا(بهدوء): عارف انا مشكلتي ايه (سراج بصيله باستغراب وهز دماغه بمعنى لأ)
مينا : مشكلتي اني للاسف مش بعرف ازعل منكوا ولا اقدر ابعد عنكوا ، بس دا ميمنعش اني ازعل ع الاقل من طريقة التعامل الغريبه اللي بقيتوا تعاملوني بيها ، بقيت احس اني غريب عنكوا ومعدناش مع بعض زي زمان ؛ هتصدقني اني اشتقت لعيشة الملجأ عشان كنا متجمعين طول الوقت :(بعد عنو بدموع) انا بلعن الساعه الى فكرت اطلع من الدار فيها
سراج: كان مسرنا هنطلع يامينا
مينا: بس هنبقى خايفين على بعض , هنبقى جمب بعض , لكن دلوقتى احنا عايشين بنجرح بعض بس
سراج:( قام باس دماغ مينا ومينا ابتسملو) انا همشى بقا علشان متأخرش ويقلقو عليا
مينا:مينفعش تمشي من غير عشا
سراج: محدش يعرف اني هنا وممكن يقلقوا
شيرين(طلعت من المطبخ وفي ايدها الاطباق بتحطها ع السفره) لا مااحنا هنكلمهم في البيت نقولهم ان انت هتتعشى معانا عشان انا عايزه اتكلم معاك شويه لوحدنا بعد العشا
سراج:(بصلها وبص لمينا هز دماغو بمعنى وافق ورجع بص لشرين) ماشى(مر يومين على كده)) بالليل محمد قام من جمب عباس يدخل الحمام قام دخل الحمام وطلع لقى عباس قاعد وماسك دماغو
محمد:(بخضه) مالك يابيسو قاعد كدة ليه
عباس: عندى صداع رهيب صحانى من النوم
محمد: يابنى انت نايم كويس حاول تنام
عباس: (بصلو بدموع) والله ماعرف اقفل عينى
محمد: طب اعمل ايه تعالا خد دش سخن يمكن تفوق
عباس: مش قادر بجد
محمد: طب انا هطلع اسأل ماما على حبايه للصداع
عباس:(مسك ايد محمد) لا متقلقهمش يامحمد
محمد:انا هسيبك كدة ازاى (وشال ايدو من ايد عباس) اهدا انت بس وحاول تغمض عينك وانا هجبلك الحبايه واجى (راح محمد وغاب شويه رجع لقى عباس نام وكان معاه اميره
اميره: ماهو نايم اهوه
محمد: والله كان صاحى وتعبان
اميره:(راحت جمب عباس وقعدت جمبو) عباس عباس اصحى ياحبيبى (فتح عينو وكانت حمرا من الدموع) مالك ياعباس
عباس: صداع هيفرتك دماغى
اميره: طب خد الحبايه دى وان شاء الله هترتاح عليها (عباس خد منها الحبايه وخدها ونام تانى فضلت جمبو شويه ومحمد كمان صاحى لحد ماهدا وراح فى النوم بصت اميره لمحمد) يلا يامحمد نام انت كمان هو نام اهوه
محمد: تصبحى على خير ياماما
اميره: وانت بخير ياحبيبى لو تعب تانى عرفنى
محمد: حاضر (وطفت النور وخرجت محمد نام)(تانى يوم الصبح دينا كلمت عباس)
دينا:(من غير سلام ولا كلام اول مافتح عليها بزعل) انت كنت متفق معايا تكلمني بليل ومكلمتنيش ولا عبرتني وكمان كنت قافل موبايل قول بقا ان انت عايز تبعد انت اكيد خوفت بعد اللي حصل لرنا وسراج انت مش عايز تكمل معايا
عباس:(قاطعها بحده) اسكتى بقا ياشيخه ايه نزله كلام كلام ادينى فرصه اتكلم عماله تتكلم كلام على الفاضى وتلبيخ طب اسألى كنت قافل الزفت ليه ومكلمتكيش مش داخله شمال كدة عالطول
دينا: يعنى مالك يعنى وايه الى يمنعك انك تكلمنى
عباس: كنت تعبان طول الليه لا عارف انام واقفل عينى ولا عارف اصحى وافتح عينى ومحمد وماما جمبى لوقت متأخر من الليل وبعد مامحمد نام صحيتو تانى من التعب الى كان فيا
دينا: (بخضه) تعبان مالك يعنى
عباس:كان ومازل عندى صداع هيفرتك دماغى بسببو مش طايق نفسى منو
دينا:(بضحكه مستفزه وباردة)صداع يعنى انت عايز تفهمنى انك مكلمتنيش علشان عندك صداع (ببرود) تصدق سبب مقنع
عباس:(بنرفزه)دينااا على فكره انا دماغي تعباني ومتزوديهاش بعمايلك دي لو هتفضلي طول المكالمه كده يبقى اقفلي احسن عشان مش ناقص زن
دينا:(بنفس البرود) بردو انت عايز تقفل وبتعمل اى حاجه علشان تقفل وطلعت الصداع دة حجه علشات تهرب وتبعد عنى
عباس:(بعصبيه ) دينا انا هقفل سلام (وقفل السكه ومستنهاش ترد عليه)(رجعت كنزه من البلد والبنات رحبو بيها جدا ومر يومين وبدات الدراسه)اول يوم الدراسه قبل ماينزلو الكليات
خالد: بدايه سنه موفقه ياولاد احمد وشاهين ومحمد انا مش عايزكو تقلقو ابدا ان شاء الله الحياه سهله فى الكليه
محمد: ان شاء الله متقلقش علينا يابابا
اميره: (بصت لعباس كان قاعد وساند دماغو على ايدو وقافل عينو حط ايدها على دماغو فتح عينو) انت لسه تعبان يابنى
عباس:(شال ايدو) لا ياماما انا بقيت كويس اهوه الحمد لله
خالد: لو فضلت على كده اعمل حسابك انك هتكشف
عباس: (بتعب) متقلقش يابابا انتو مكبرين الموضوع دة ليه والله مافى حاجه انا كويس والصداع دة بيجى فتره وبيروح (الشباب بصولو بمعنى انو بيكدب عباس بصلهم انو ميتكلموش )
خالد: عباس انت سمعتنى كويس لو فضلت على كدة هتكشف
عباس: انا ماشى سلام عليكم
اميره:(بصتلو بخوف) قوم وراه ياولاد ومتسبهوش لوحدو
محمد: متقلقيش مش هسيبو الا لم يكون حد معاه ومشيو الشباب ومحمد واحمد وعباس راحو كليه الهندسه وفضلو مع عباس لحد مامازن صحبو جيه
مازن: بيسو وحشتنى ياجدع (وحضنو بعض وبص لمحمد واحمد) ازيبكو ياشباب
محمد الحمد لله , انا محمد اخو عباس (طبعا مازن عارف انو محمد اتربى فى ملجا) وده احمد
مازن:( سلم عليهم ) وانا مازن
محمد: لو سمحت يامازن خليك مع عباس هو تعبان اليومين دول ولو حصل حاجه انا فى صيدله ابقى قولى
مازن: متقلقش عليه بس هو مالو
محمد: بيشتكى من صداع
عباس: روحو كليتكو بقا انا مش قادر اقف فى الشمس
مازن: متقلقوش بقا ياشباب عليه (ومشيو الشباب)
في الجامعه وتحديدا كلية صيدله
مازن(جاي جري): محمد الحق اخوك تعبان في كليته
محمد(وقف بخضه): عباس هو فين
مازن : في كليته هناك مغمى عليه
محمد : طب تعالى بسرعه وريني مكانه(و جروا بسرعه واحمد كان معاهم راحوله وكان عباس بدأ يفوق) عباس مالك
عباس(بتعب): مش عارف فجأه حسيت بصداع والدنيا بتلف ومعدتش حسيت بحاجه بعدها الا والناس بتفوقني
محمد(حط ايده على دماغه): انت دافي شكلك داخل على دور برد ، بس طمني انت بقيت عامل ايه الوقتي
عباس : احسن الحمدلله بس عايز اروح عشان انام شويه عشان الصداع ده يروح
محمد: ماشي يلا قوم زمان احمد وقف تاكسي (و قام معاه روحوا البيت وكانت اميره بس اللي في البيت)
اميره(اول ما شافتهم راحتلهم باستغراب وهي بتبص لعباس): في ايه جايين بدري ليه وانت مالك ياعباس شكلك تعبان
عباس : انا كويس يا ماما بس مرهق شويه ومحتاج انام
اميره : مرهق ايه دا اخوك ساندك (وبصت لمحمد) اخوك ماله يامحمد
محمد : بصراحه يا ماما هو اغمى عليه في كليته وصاحبه جه قالي وانا روحتيله وجبته وجينا بس هو دماغه دافيه شكله داخل على دور برد
اميره(حطت ايدها على دماغ عباس وعلى وشه): دافي ايه بس دا سخن نار شكله جاله ضربة شمس ساعده وطلعه وأنا هجيبله خافض للحراره واجي وراكوا اهو
عباس(بتعب): متجبيش حاجه أنا كويس والله يا ماما
اميره : اطلع ياعباس وانا جايه وراكوا (محمد واحمد اخدوه وطلعوا اوضتهم)
عند سراج فى كليتو كانو البنات مرحوش الكليه النهاردة
عند هايدي و رنا في اوضتهم
هايدي(بصت باستغراب للاب بتاعها وبصو لرنا): رنا .. يا رنا
رنا : نعم يا هايدي
هايدي : تعالي بسرعه كده شوفي
رنا(قامت راحت قعدت جمبها): في ايه
هايدي : سراج باعتلك مسدج عندي ع الايميل بتاعي
رنا(بلهفه): ايه بجد ده وريني كده
هايدي(اعطيتها اللاب)
رنا(قرأت الرساله اللي سراج باعتهالها وبيقولها): طمنيني عليكي يارنا بباكي عمل معاكي ايه .. انا بعتيلك هنا لان معدتش هقدر اكلمك تاني الفتره دي لاني وعدت بابا خالد بكده عشان احافظ عليكي ومجرد ما اخلص السنه دي هاجي انا وبابا لبباكي وادخل البيت من بابه واتقدملك واخطبك .. ياريت تفهمي اللي بقوله ومتزعليش مني .. ولما تفتحي الرساله وتشوفيها ابقي ردي عليا وطمنيني عليكي ضروري .. هتوحشيني لغاية ما اتقدملك .. سلام
رنا(بعد ما خلصت قرأه ابتسمت وفرحت جدا انه بيحبها بجد وهيبقى يجي يخطبها بس كانت زعلانه انها معدتش هتشوفه وبدأت ترد عليه برساله هي كمان وقالتله): انا بخير يا سراج ومتقلقش بابا معملش فيا حاجه .. وانا متفهمه جدا اللي بتقوله واحترمت فكرتك جدا .. هستناك في نهاية السنه لما تزورونا انت وبباك وهبقى اسعد انسانه في الدنيا وقتها .. هتوحشني انت كمان جدا .. سلام (وخلصت وقفلت اللاب واتنهدت بابتسامه)
عند مينا الى رجع البيت وشو مقلوب فتح الباب ودخل لقى شرين وافقه وراء الباب بصلتو باستغراب
شرين: مالك يامينا فى ايه
مينا:(بصلها وبص فى الارض يعنى ياشرين بصراحه انا مش عارفه اقولك ايه
شرين:(برعب) تقولى ايه فى ايه
مينا:(تنهد) انا كنت عندكو دلوقتى وفى حاجه حصلت وقالولو لازم اقولك علشان تعرفى ومنبقاش مخبين عليكى حاجه
شرين:(برعب اكتر) حاجه ايه يامينا (مينا سكت شرين مسكت ايدو وكملت كلامها) مينا مترعبنيش قولى فى ايه
مينا:...............................
ياترى ايه الى حصل فى بيت شرين ولازم شرين تعرفو , رنا وسراج فعلا مش هيتكلمو تانى , حياه الشباب هتبقى عمله ازاى فى الكليه , وباقى ابطالنا هيحصلهم ايه استنونى الحلقه الى جايه
#hadeer
#rody
