#حياة_اليتيم
#حياه_اليتيم_1
يظهر دار الرحمه للايتام ويظهر صوت صريح احد ما ليظهر مجموعة من الشباب تحت سن 21 سنة متجمعين واماهم احد الايتام يهان بطريقه وحشية فى الفلكة
تامر:(بعياط وصريخ) اااااااه والله اخر مرة معندتش ههرب تانى اااااه كفاية بقا اااااه خلاص والنبى اخر مرة والله (ومحدش سائل فيه لا عارف يتحرك ولا حد قادر يحوش عنة) ظهرو ابطالنا واقفين مع بعض احمد واقف وراء مينا وماسك فى قميصو ومينا بيحاول يهدية
مينا: اهدا بقا ياحمد مش كدة
احمد: قولهم كفاية رجلو جابت دم
مينا: يعنى انا لو قلت هيسمعو ايه الى خلاه يهرب اصلا
محمد:(ضرب احمد فى كتفو احمد بصلو هو ومينا)ماتنشف بقا ياله الواد ده يستاهل اصلا
احمد:(بدموع) احنا لو نعرف اهالينا هيحصل فينا كدة اية يعنى هرب من حصة كان مصدع وراح يرتاح شوية
مينا:(بصلو بارف وضربو نفس الضربه الى ضربها لاحمد) محمد اسكت وبص قدامك ماشى (محمد بصلو بارف ومسك دراعو وبص قدامو بعد شوية خلص العقاب وسط صريخ تامر الى منتهاش حتى بعد وقف الضرب الى كانو ماسكين الفلكة فكوه ورزعو رجلو الارض وسابو ومشو ابطالنا والمجموعة الى كانت وقفه اتلفو حوالين تامر ومينا وسراج شالوه نقلو الاوضة وسراج عملو الاسعافات الاولية وعقم الجروح دى وسابوة يرتاح وسط دموع الكل عليه بعد مانام تامر بعد شوية كتير ظهر ابطالنا احمد حاطط دماغو على رجل مينا ومستغطى وكان لسة خايف
شاهين: الواد جسمو بيترعش اهدا ياحمد بقا
احمد:(بصوت خايف) هو احنا هنخرج من هنا امتى
عباس: تخرج مين ياعم انت لسة قدامك خمس سنين
مينا:(بصلو باستغراب)عباس ماترجع لكتابك احسن واسكت
محمد: ايوة ياعم سكتنا مانت خلاص كلها سنة وهترتاح من كل ده انما احنا لسة خمس واربع سنين
احمد:(قام ومسك مينا) لا يامينا انت مش هتخرج وتسبنا هنا صح
مينا: مش هسبكم ياحمد يلا نام (رجع احمد نام تانى وحط دماغو على رجل مينا)
سراج:لو اضمن انو محدش يدخل كنت اديتو مهدا علشان ينام
شاهين: بس هو ينام طبيعى احسن علشان ميخدتش علية
محمد: هو انت مش فاكر على لم انضرب فضل طول الليل كدة
عباس: طب اسكتو بقا حد يسمعنا يجى يطين عشيتنا اكتر ماهيا مطينه اصلا انا قايم انام (وعباس قام)
مينا: يلا كل واحد يقوم مكانو
سراج: وانت مش هتنام يامينا لو حد جية ولقاك قاعد كدة هيبهدلك
مينا: سبها لله روح نام (الكل راح مكانو ومحدش منهم غفل بعد عذاب نامو ومينا فضل قاعد واحمد دماغو على رجل مينا والاتنين راحو فى النوم بنفس القعدة كدة لحد ماسمعو جرس الاستيقاظ فطرو
عند شاهين وسعد وعباس في الفصل كانوا قاعدين التلاته جمب بعض وبيتكلموا ويضحكوا كان عليهم حصة رياضيات والمدرس اسمه اشرف المدرس اول ما دخل
سعد(بصوت مهموس لشاهين وعباس): اما نشوف اخرتها مع الكائن الفضائي اللي بيشرحلنا ده (شاهين وعباس كتموا ضحكهم بصعوبه)
عباس(بصوت واطي): طب اسكت بقا عشان ميجيش يطلعك برا الكوكب كله
سعد : ياابني دا بؤ بيتكلم على الفاضي
شاهين : انت مش هتسكت غير لما يعلقوك في السقف
سعد : ولا حد يقدر يعملي حاجه
عباس(بضحكه بصوت واطي): اه الله يرحم زمان
أشرف(بجديه): في صوت همس ولو شوفت اللي بيتكلم هسود عيشته(وبص على سعد وشاهين وعباس) وانتوا التلاته قاعدين جمب بعض ليه مش انا قايلكوا مية مره في حصتي متقعدوش جمب بعض قوم ياعباس ارجع ورا وانت ياشاهين خليك مكانك وتعالالي انت ياسعد قدامي هنا بقا
سعد(قام وبصوت مهموس): داانت سئيل ياشيخ يخربيتك (فى معاد الغدا للمشرفين)
ظهرمشرف العنبر بياكل فى معاد الاكل للمشرفيناول ماحط معلقة فى بؤة تفها تانى ووشو جاب الوان وجرى على الحمام غسل بؤه وراح لرئيس المشرفين
(مشرف العنبر اسمو حسن)(رئيس المشرفين اسمو حسام)
حسن:العيال ولاد ال حطولى فى الاكل شطة كتير
حسام:(بصدمة) اية !!مين الى عمل كدة
حسن:وانا لو اعرف كنت جيت كنت جبتهولك جثة وجثه وجيت
حسام: عنبر كاام
حسن: عنبر 6
حسام: العنبر دة فى سوسة لو اعرفها هخلعها من جذورها تعالى معايا (وقامو الاتنين راحو العنبر الشباب اول ماشافت المشرفين وقفو)
حسام: مين فيكو الى حط للمشرف شطة كتير على الاكل (محدش رد عليهم اكمل حسام كلامو) الى عمل كدة يطلع من نفسو علشان لو انا الى طلعتو هتبقى نهايتو النهاردة (بردو محدش رد حسام بص لحسن واكمل كلامو) روح نادى لعمال نظافة الملجأ (وبص للشباب ) انا هوريكو وهربيكو من جديد ماشى (راح حسن ورجع ومعاه ثلاث عمال)
حسام:(بص للعمال) انا عايز العنبر دة يتفتش حتة حتة اقلبو العنبر كلو (ورجع بص للشباب) اما انتو بقا انا عايزكو هنا صف واحد قدامى الشباب راحت وقفت قدامو احمد واقف وراء مين وماسك فية وحسن وحسام بيفتشو الكل بطريقة مهينة جدا فتشو ومبقاش غير واحد بس قدام مينا
احمد:(بصوت مهموس) مينا انا خايف
مينا: (بصوت مهموس) متخفش انا هقف برة وعباس معاك اهوة (عباس كان وراء احمد مينا بص لعباس) خليك معاه متسيبوش (عباس هز راسو بالموافقة
مينا اتفتش وطلع واحمد بردو اتفش وطلعو وخلصو الباقى
حسام: فين محمد سعد (دخل محمد من الباب)
محمد: انا اهوة
حسام: كنت فين
محمد: كنت فى الحمام
حسام: دلوقتى
محمد:(ببرود واستفزاز) هو الحمام عندك بمواعيد
حسام:(خبطو فى كتفو) هو انت مش عايز تبطل ترد علينا بقله ادب واستفزاز(محمد سكت وتنهد)(اكمل حسام كلامو بزعيق) تعالا هنا قدامى
محمد راح وقف قدامو فتشو بطريق مهينة ولم ملاقش معاه حاجة تدل على انو الى حط الشطة زوقو على اصحابو كان هيوقعوبس اصحابو لحقوة
حسام:(بزعيق) الى عمل العملة السودة دى مسيرو هيقع هيقع وساعتها مش هرحمو وهخلى عشتو هباب
شاهين :(بصوت مهموس) هو فى هباب اكتر من الى احنا فية
حسام:(كمل كلامو) ماشى كدة العنبر كلو ممنوع من الفسحة النهاردة وعايز العنبر يرجع زى ماكان يتنظف فى ساعة واحدة بس بعد ساعة لو جيت مالقتش العنبر نظيف الكل هيتعاقب عقاب تانى الساعة دلوقتى 2 ونص 3 ونص هكون هنا وابقى الاقى حاجة فى العنبر مش متنظفة (وسابوهم ومشيو والشباب بدا انو يرقو العنبر تانى علشان يخلصو قبل الساعة ماتخلص ويرحمو نفسم من الى هيحصل)
خلصو الشباب الاوضة قبل الساعة ماتخلص ولم دخل المشرف وشاف العنبر نظيف متكلمش وخرج(بالليل بعد مالكل نام والدنيا سكتت خالص مينا قام راح لمحمد)
مينا: محمد انت يازفت قوم
محمد:(بخضة وصون نائم)يامينا بتصحينى دلوقتى لية ياخى
مينا:(شد الغطا من علية وشدو من ايدو قومو)قوم عايزك
محمد:يادى النيلة عايز انام علشان المدرسة الصبح
مينا: طب قوم وانت ساكت علشان معليش صوتى وحد يسمع (محمد بص لمينا لقو وشو مايق ومتنرفز فقام معاه وهو ساكت)
راحو للجنينة الى بيلعبو فيها كورة
مينا:(بضيق) مين الى حط للمشرف شطة فى الاكل
محمد: وانا اعرف منين يعنى
مينا:(بصلو) يعنى متعرفش
محمد:(بارتباك) اه اه معرفش
مينا: يعنى مش انت الى عملت كدة
محمد:(بارتباك) ل لا مش انا وانا يعنى هعمل كد
مينا:(ماقطع لكلامو بضيق من محمد وتصرفاتو) طب بطل كدب بقا علشان انا شيفك وانت بتعمل كدة
محمد:(بضحكة) بس يستاهل خلية يبطل يشتم فينا
مينا: محمد انا كل مرة بدارى عليك وبكتشف انو انت الى سبب المشكلة وكل مرة بتعمل العملة ومبتسبش وراك اثر بس صدقنى لو وقعت محدش هيرحمك
محمد: صدقنى انت ولا هيعرفو يمسكو عليا حاجة
مينا:(بصوت عالى بس مش قوى خبط محمد فى كتفو) فوق ياله بقا بدل ماتفوق على علقة مكلهاش حمار فى مطلع (بنبرة تهديد) وعلى فكرة انا مش هدارى عليك تانى وصدقنى يامحمد لو عملت غلطة تانية وعرفت بيها انا الى هبلغ عنك علشان تحترم نفسك شوية يلا نطلع ننام (طلع محمد مع مينا وهما بيتسحبو وبيرقبو الطريق الاول قبل مايتحركو علشان محدش يشوفهم طلع محمد مع مينا ومحمد خايف من تهديد مينا وصلو العنبر وكل واحد راح لسريرو ونام وماحدش خد بالو)(تانى يوم قبل الظهر)عند مينا كان قاعد فى العنبر وساند دماغو على ظهر السرير ومغمض عينو جالو شاب اسمو عمر
عمر:(بهدوء) مينا (مينا فتح عينو وبصلو) انت كويس
مينا: الحمد لله
عمر: مرحتش الكلية لية
مينا: مافيش بس حسيت انى تعبان شوية قولت اريح النهاردة
عمر: الف سلامة عليك (بتردد) هو انا ممكن اسالك سؤال
مينا: اكيد اتفضل
عمر:لية احمد كدة انا شفتو لم تامر انضرب طول الليل وانتو قاعدين جمبو لية بيخاف كدة
مينا: احمد مر بعقاب قبل ماتيجى انت هنا دة الى عملو عقدة من الضرب
عمر: عقاب عقاب اية وازاى ولية
مينا :(بص قدامو بسرحان) كان فى اعدادى لسة وكان عليه حصة انجليزى (فلاش باك) مدرس الانجليزى اسمو اشرف
اشرف: قوم اقف ياله فين كتابك
احمد: نسيتو
اشرف: نعم ياخويا نسيتو لية بتنسى تاكل بتنسى تشرب (وشتمو شتيمة بالاهل احمد اضايق رغم انو ميعرفش اهلو مين)
احمد: حضرتك متعرفش اهلى علشان تشتمهم كدة
اشرف: دة على اساس انك تعرفهم اقعد ياله ياابن الكلب (سورى فى اللفظ) يخربيت الى جابك هنا
احمد:(بصوت مهموس) والله ماحد ابن كلب الا انت (المدرس كان قريب من احمد وسمعو بصلو بصدمة وشدو من القميص اللى كان لابسو وبقا قدامو
اشرف:(بزعق وصوت عالى) انت قولت اية ياله
احمد:(بخوف وتوتر) ماقولتش حاجة
اشرف:(ضربو بالقلم وقعو على الارض) انا سمعك بودنى (وفضل يشتم فية ويضربو بالشلالايت والاقلام وشدو قومو وطلع بيه للمدير حكالو على الى عملو المدير جمع كل الملجأ من مدرسين ومن مشرفين وبين الايتام الى فية من كل الاعمار
المدير: (طلع باحمد ومنظر الرعب الى هو فية والعياط ابطالنا بصلو بصدمة تكلم المدير فى ميكريفون) الاستاذ شتم المدرس بتاعو علشان كدة هيتعاقب قدام الكل (احمد بصلو بخوف وقلق وعياط وبص لمينا مينا بص فى الارض)
المدير:(بزعيق)علقو فى الفلكة
احمد:(اترعب من الكلمة وجرى عليهبعياط وخوف) والله يامستر اخر مرة والله ماهعمل كدة تانى (علية مسك ايدو وبيترجاه)
المدير:(شدو من هدمو وقفو) اخرص مسمعش صوتك (وزقو على اتنين مشرفين قعدو على الارض غصب عنو وقلعوة الجزمة والشراب وسط عياط احمد بس محدش رحمو وعلقوة فى الفلكلة ومسكو كويس ونزل المدرير فضل يضرب فيه اكتر من نص ساعة لحد مااغمى علية من الضرب والعياط والتوسلات لم اغمى علية وقفو الضرب وسابوة متعلق كدة فى الشمس وهو نايم على الارض لحد بالليل كان هو فاق قرب المغرب بس محدش من اصحابو عارف يقرب منو مينا والشباب واقفين عنيهم علية بس مش عارفين يعملو لية حاجة على الساعة 8 نزل المدرس لاحمد تانى قبل مايفكوه
المدرس: انا هوريك ابن الكلب دة هيعمل فيك اية ونزل(ضرب فى احمد تانى وتوسلات احمد عليت تانى كان الشباب فى العنابر محدش عرف يطلع بس كان توسلاتو بتقطع فيهم فضل يضرب فية مدة طويلة والاخر سابو وفكوه وسابوة مكانو طلع مينا وسعد خدوة ودخلو العنبر وكان منهار (نرجع للواقع)
مينا: بس ومن يومها وهو مبيحبش صوت الضرب فى الفترة الى بعدها قرب منى اكتروانا اللي اهتميت بيه واخدته معايا وفضلت جمبه لانه كان وقتها بيجيبله كوابيس باللي حصل عشان كده بقا متعلق بيا اكتر من الاول
عمر: ياااااااااه عمل كدة فى طالب فى اعدادى بجد حسبى الله ونعم الوكيل
مينا: عمر متجبس السيرة دى قدام احمد لانو مبيحبش يفتكر الموضوع دة
عمر: لا لا متخفش هيا دى حاجة نفكرو بيها يلا انا قايم علشان عليا حصة دلوقتى (عند محمد اللي كان قاعد زعلان ومش بيتكلم ولا بيهزر كالعاده)
سراج(راحله وقعد جمبه): مالك يامحمد النهارده انت تعبان ولا ايه
سعد : لا مش تعبان انا كويس اهو
سراج : اومال مبتتكلمش ولا بتهزر ولا ترخم كالعاده ليه
سعد : عادي يعني يا سراج هعمل ايه
سراج(بصيله في وشه): على سيجو برده احكي احكي نيلت ايه (سعد سكت شويه وبعدين حكاله من اول اللي عمله مع المشرف لغاية تهديد مينا ليه)
سراج : بس انت غلطان في اللي عملته ده يامحمد ومينا خايف عليك
سعد : خايف ايه بس دا هددني انه يقول للمدير عايز يعمل فيها كبير ومسؤل عننا
سراج : لا يامحمد هو مش هيعمل فيها كبير لانه كبير بجد ولانه مسؤل عننا وهو اللي بيقفلنا في كل حاجه وانت عارف ده كويس واحنا هنا كلنا اخوات
سعد(بصيله ورفع حاجه): قوم ياسراج من جمبي مش ناقص فصلان (عند الشباب قاعدين مع تامر الى كان ماطلعش من الاوضة علشان رجلو لسة بتوجعو)
محمد: ايه ياعم يلا قوم كدة وفك علقه تفوت ولا حد يموت
تامر: اه ياخويا مانت لو خد ربع الضرب الى خدو مكنتش قولت كدة
عباس: يابنى دة مخدتش عصايا فى يوم(وبص لمحمد) ياما نفسى اشوفك واقع كدة تحت ايدهم
مينا:(باستهزاءوبصوت مهموس محمد بس الى سمعو) لا ماهو بينظف وراه (محمد بصلو بزعل وسكت)
محمد:(رب عباس على كتفو بهزار) فكك منى وبص قدامك
سراج: بس انت الى خلاك تهرب ياتامر
تامر: مهربتش انا بس حسيت بصداع قولت اريح شوية لحد معاد الحصة وراحت عليا نومة
شاهين: طب كويس انو محدش شافك وانت نايم (سراج حس انو الموضوع هيتفتح تانى واحمد بدا انو وشو يقلب حب يغير الموضوع)
سراج:(بضحكة) واد يامينا عرفت خبر بمليون جنية
مينا: خبر اية اشجينا
سراج:الدكتور نادا عليا النهاردة وقالى لو فاضين بكرة ومعندكوش محاضرات لاانت ولا مينا ابقى تعالو الصبح نعبى الحقن دى
مينا: حقن !! حقن اية
سراج: تطعيمات للمرحلة الثانوى
سعد:(بصدمة) ثانوى مين
سراج: انتو يعنى
عباس: نعم ياخويا
مينا: نعم الله عليك ياحبيبى(وحط ايدو على كتف عباس) هيشكشكوكو زى الاطفال اصل خايفين عليكو فى عدوة فى الجو
سعد:(بص لسراج بخوف) انت بتتكلم بجد ياسراج
سراج: وانا ههزر معاكو لية
احمد:(بزهق) انا مش هاخد البتاعة دى
مينا:(مسك ايدو) اية الى بتقولو دة ياحمد لاطبعا مينفعش اهدا انت بس وسبها لوقتها
سراج: بس فاكر يامينا لم خدوها الدفعة الى فاتت وعيطو منها
شاهين:(بيضق) سراج اقوم احط على بؤئك لازقة علشان تسكت
مينا: خلاص ياسيجا بقا معانا اطفال هيتشكشكو ووبيخافو الله
سعد: يعنى الحفلة علينا النهاردة
سراج: الحلفة يوم ماتخدو الحقنة ونشوفكو وانت بتعيطو منها (سعد بص لشاهين وعباس واحمد وغمزو لبعض ووكل اتنين مسكو واحد ونزلو فية ضرب احمد وسعد مسكو مينا وشاهين وعباس مسكو سراج وتامر يقوى الشباب على ضربهم وخلصت القعدة بضحك وهزار بين الشباب وخوف شباب الثانوى من يوم التطعيم فى نفس اليوم بالليل
(في منتصف الليل كانت الساعه الواحده ليلا ومشرف العنابر يمر عليهم دخل العنبر وجد عباس يجلس على سريره)
المشرف حسن : انت ايه اللي مصحيك للوقت ده
عباس : مش جايلي نوم وكنت بذاكر شويه وخلصت وبقرأ قرآن
حسن(بزعيق):هو ايه اللي مش جايلك نوم هو انت فاكر نفسك في فندق تنام بمزاجك وتصحى بمزاجك نام ياله وبطل لماضه بدل ما اخليك تنام غصب عنك
عباس(اتوتر وخاف): انام ازاي وانا مش جايلي نوم
حسن(بزعيق): طب قوملي بقا قوووم وانا اوريك تسمع الكلام ازاي (كل العنبر صحى من الزعيق ومينا قام من سريره وجرى ناحيتهم بسرعه)
مينا(وقف قدام عباس): في بس يا مستر حسن هو عمل ايه
حسن(بزعيق): هو ايه اللي مسهره للوقتي وبيجي الصبح ميرضاش يقوم لمدرسته
مينا : عباس كان تعبان شويه ومش عارف ينام فكان بيقرأ قرآن عشان ينام وهو هينام اهو
عباس(بص لمينا):بس انا مش
مينا(بصيله وقاطعه): اسكت انت
سعد :هو انتوا هنا عندكوا لازم تناموا بم
شاهين(حط ايده على بؤ سعد وقطع كلامه بصوت مهموس): اسكت انت بدل ما يسيبه ويشدك انت
حسن(بص لمينا وبصوت عالي): انا هطلع ألف على باقي العنابر وهرجع تاني ولو لقيته لسه منامش هيشوف انا هعمل فيه ايه
مينا : حاضر والله هينام(طلع حسن ومينا بص لعباس) انت منمتش لغاية الوقتي ليه
عباس : مش عارف انام اعمل ايه بقا
مينا : نام واتغطى وغمض عينك هتلاقي نفسك نمت بس اخلص قبل ما يجي تاني
تانى يوم مينا وسراج راحو للدكتور علشان يحضرو التطعيمات حضروها وخلصو وبدا فى التطعيمات لسنة اولى وخلصوها وبدا فى تانية نادو الاسامى لحد ماوصلو لاحمد دخل الاوضة وهو خايف ومرعوب كانو مينا وسراج جوة مع الدكتور بيناولو الحقن للدكتور او لو حد عاكس بيمسكوة نادو
الدكتور: تعالا هنا قدامى (احمد باصص للدكتور برعب وخايف ومتحركش من مكانو)
الدكتور:(بزعيق) مسمعتنيش (احمد اتخض من صوتو)
مينا:(قام بسرعة راحلو) انا هجيبو (راح لاحمد) يلا ياحمد
احمد:(بخوف) مش عايز يامينا
مينا: مش عايز اية ياحمد مش احنا اتكلمنا فى الموضوع دة يلا ياحمد بقا (احمد راح مع مينا للدكتور وجهز للحقنة)(الدكتور ضربلو الابرة
احمد: ااااه ومسك فى مينا (شال الدكتور الابره احمد مشى )(طلع احمد وكان باين انو موجوع والدموع لسة منشفتش من على خدو)
عباس:(بخوف)مالك ياحمد هيا بتوجع قوى كدة (وبان على الكل القلق)
مينا: اية يابيسو انت مش عارف انو احمد بيخاف من الحقن (عباس خدووهما رايحين للفصل)
يوم التطعيم جم ناس (عادل واميره مراتو) زكان معاهم حسن يشوفو اطفال الدار وحابين يتبنو طفل شافو الاطفال الصغرين فى حوش الدار وكان احمد موجود فى الحوش وعباس مودية الفصل وعينو مدمعة فشافوة
اميره: (بصت لاحمد بسرحان وبص لجوزها) انا عايزة الولد دة
حسن:دا كبير في ثانوي حضرتك عايزة طفال مش كدة
اميرة: انا جاى اتبنى الى قلبى يتشدلو انا عايزة الولد دة
عادل (بص لحسن)بس هو ايه اللي مزعله وبيعيط ليه
حسن:لا مافيش حاجه اصلهم بيتطعموا النهارده وهو بيخاف من الابر
عادال:طب يلا بينا على الدير عشان نقول بس هو اسمه ايه
حسن:اسمه احمد
عادل: طب يلا بينا (نرجع للدكتور مينا جع للدكتور تانى خلصو سنة تانية وبدا فى سنة تالتة ووصلو لحرف الميم ولاسم محمد دخل سعد الاول
الدكتور: يلا تعالا قدامى هنا
محمد: (بخوف)انا اكيد هاجى بس براحة
الدكتور:طب اخلص (راح محمد وقف قدام الدكتور وهو خايف وباين عليه الخوف الدكتور ضربلو الابرة)
محمد: (بوجع) اااه شيلها كفاية بقا (ورجع ايدو وراء)
الدكتور:(بعصبية) يابنى شيل ايدك
محمد:(بوجع) اهوة يلا بقا
الدكتور:(شال الابرة وخبطو بايدو على ظهرو) دانت متعب امشى (خرج محمد وهوبيعرج من الحقنه)
عباس:(بخوف)بتوجع
سعد: (بتوجع) اطلاقا هتجرب حالا
مينا: اخرص ياله (وبص لشاهين ) يلا دخل شاهين للدكتور وبص للدكتور وبص لمينا بصوت مهموس
شاهين:(بصوت مهموس) ينهار اسود دة جزار مش دكتور (مينا ضحك بصوت مكتوم)
الدكتور: يلا يابنى
شاهين: حاضر راح شاهين وقف قدامو وجهز للحقنة والدكتور ضربهالو شاهين غمض عينو بوجع منها ورجلو وقففت منها
شاهين: انا رجلى وقفت وخرج شاهين وهو بيعرج عباس بص لمينا وبيلطم على وشه وبيحرك شفايفو شمال ويمين شهاين بصلو
شاهين: الله يرحمك ياصاحبى
عباس:(بصلو بخوف) الله يحرقك ياصاحبى
مينا: يلا ياعباس
عباس: خد حد قبلى
مينا: اخلص بقا يلا (ودخل عباس من غير كلام بص قدام الدكتور وجهز للحقنة الدكتور رضربلو الابره
عباس: اااه اااااااه وخرج عباس من الاوضة وخلصو باقى الفرقه وطلعو كملو اليوم الدراسى
(عند المدير)
عادل: هو انا ينفع اتبنى شاب عدى ال15 سنة
حسام: ينفع طبعا فى شاب شدك
اميرة: ايوة شكل ابنى قوى وهيعوضنى غيابو انا عايزة الولد دة
حسام:(بص لحسن) مين ياحسن
حسن: احمد
حسام: احمد الى مع مينا عالطول
حسن: ايوة هو دة
عادل: هو اسمو احمد انا عايز الشاب دة اتفقو انهم هيخدو احمد فى اثناء الاتفاق كان الدكتور خلص التطعيمات وكمان خلصو اليوم الدراسى ومتجمعين فى الحوش
احمد: هو احنا لم نخرج من هنا هنعيش فين
مينا: احنا مبنطلعش من هنا الا لم يكون لينا سكن بره متقلقش ياحمد
احمد: مقلقش ازاى انتو الخمسة هتطلعو وراء بعض وانا هفضل هنا لوحدى
محمد:(قام فعد على رجلو قدام احمد ومسك ايدو بحنية) احمد انا عايزك تقوى شوية احنا لسة جوه البيضة مخرجناش منها وهنخرج منها لم نخرج منها انا عايزك تنشف شوية لانو برة الناس مبترحمش مينفعش كل حاجة تخاف منها او تكش منها هتتاكل بره (بص لمينا) هو انا بتكلم غلط
مينا: محمد بيتكلم صح لازم كلنا نقوى ونحط لنفسنا شخصية قبل مانطلع من هنا علشان لم نطلع منتكلش بره واحنا لا لينا اهل يحامو عننا ولا لينا حد يسال علينا (حسن جية للشباب)
حسن: تعالا معايا ياحمد
مينا: على فين
حسن: مدير الدار عايزو (وخد احمد واحمد بيبص لمينا ومشى معاه) (الشباب بصو لبع واستغربو ودخلو الاوضة يستنو احمد) عند المديروصل احمد وحسن لم وشاف اميره وعادل قاعدين بصلهم واستغرب بس سكت
حسام: تعالا ياحمد قرب احمد قرب منو وبصله
حسام: مدام اميره واستاذ عادل جايبن بتبنوك (احمد اتصدم وسكت بس باين علية الصدمة وباصص على المدير
المدير: فى ايه بلمت كدة لية
احمد:(بخوف) بس انا مش عايز اروح انا عايز افضل هنا مع اخواتى الى اتربيت معاهم ومعرفش غيرهم
عادل:احنا هناخدك والعيشه معانا هتبقى احسن هنوديك مدرسه خاصه هنسفرك هنفسحك هنجيبلك اللي بتتمناه
احمد:(بصلو بخوف)بس انا مش عايز الحاجات دى انا عايز افضل معاهم هنا
حسام:(بجديه)مش بمزاجك ويلا يا أستاذ حسن اتفضل معاه يلم حاجته عشان يمشي
احمد:(بدموع وعياط) مش عايز اروح معاهم
حسام:(بزعيق) اخرص ياله ومسمعش صوتك ونفذ الى قولت عليه (احمد بصلو بصدمة وبعياط اكتر)
امر:(بصت للمدير) متزعقلوش وكلموه براحه
حسام:هو مش هيرضى يجي معاكم ولازم الشده معاه عشان يسمع الكلام يلا روح معاه يا أستاذ حسن خليه يلم حاجتو نص ساعة وتكون جاهز سمعت (حسن خد احمد وراحو الاوضة واول مادخل جرى فى حضن مينا وبعياط بانهيار)
مينا:(بخوف) فى اية ياحمد اهدا وفهمنى كدة (احمد قال كلام مش مفهوم من عياطو)
محمد: اهدا ياحمد وقولنا فى اية
حسن:(بصلهم ؟) فى ناس هتتبنى احمد يلا ياحمد قوم لم هدومك وكل حاجة تخصك هنا (الشباب انصدمت)
محمد: يتبنوة ازاى
حسن:(بزعيق) انت لسة هتسال
احمد:(بعياط بنهيار) مش عايز امشى يامينا قولهم يسبونى علشان خاطرى يامينا
محمد: احمد اهدا بقا يمكن العيشة بره احسن من هنا
احمد: انا عايز هنا انا مش هقدر ابعد عنكو
سراج: ياحمد ابقى تعالا زرنا هنا
احمد: لا انا مش عايز امشى
عباس: احمد اهدا كدة مينفعش هتتعب اعصابك على الفاضى
شاهين: ولم نخرج من هنا اكيد هنتقابل تانى (مينا الى مكلموش وسابو وراح يلملو الحاجة (الشباب بصتلو )
حسن: ماتخلص ياله انت وهو
احمد:(بعياط ورزعيق) يامينا انت بتعمل اية انا مش همشى
حسن:(شد احمد من ايدو جامد وقربو من واحمد بيعد عنو بخوف) جرااء اية ياله متخلص يلا هو انت تطول تعيش العيشة الى انت رايحها
احمد:(بعياط) روحها انت انا مش عايزها خليهالك(حسن ضربو بالقلم)
مينا:(بزعيق) لو سمحت يامستر هو خلاص ماشى متنهاش بضرب معاه بقا خلاص سيبهالكو
حسن:(بزعيق)" جراء ياله انت هتعلمنى اعمل ومعملش اية
شاهين:لا طبعا هو غلطان حقك علينا احنا (مينا خلص لاحمد لم الحاجة وحر شنتطتو وطالعهالو
احمد:(بص للشنطة وبص لمينا بعياط) خلاص يامينا ماصدقت انى ماشى لمتلى الحاجة
مينا:(بدموع) انت بتقول اية والله ابدا بس مش فى ايدنا حاجة نعملها (احمد حضنووالاتنين عيطو)
سعد:(بعياط) زى ماقولتلك الحياه بره صعبة وانشف كدة وابقى تعالا هنا كل ما يجيلك فرصة (وحضنو بعض وعيطو
سراج: (بعياط) مكنتش متخيل انو حد مننا يبعد خلى بالك من نفسك واهتم بمالذكرة واكلك وبلاش تشيل الغطا من عليك وانت نايم (وحضنو بعض وعيطو)
عباس:(حضن احمد وبعياط) خلى بالك من نفسك (ومعرفش يكمل كلام)
شاهين:(مسك وشو) انا عارف انك هتبقى كويس وهتكمل تعليمك كويس وهتعيش عيشة نظيفة مافيهاش اى اهانة
احمد: مش عايز كل دة انا عايز ابقى معاكو (شاهين حضنو)
حسن: يلا ياحمد الناس نزلت
احمد: مينا قولهم بلاش يامينا علشان خاطرى انا مش هقدر اعيش من غيركو
مينا: خلاص ياحمد كل حاجة انتهت مش هنعرف نعمل حاجة وكلامنا لا هيودى ولا هيجيب (وحضنو قوى والاتنين عيطو بصوت عالى طلع احمد مع حسن وجية فراش شال الشنطة حطها فى العربية والناس ركبت العربية واحمد ركب معاهم ومشيت وفضل احمد باصص عليهم وبيعملهم باى باى وهو منهار من العياط وكلهم منهارين (بعد مامشى احمد)
مينا:(بعياط) مكنتش متخيل اننا لسة معدناش المرحلة دى انا فكرت اننا عدينا المرحلة دى
محمد:(بعياط) هيعمل اية من غيرنا دة واد خيبة خالص مش هيعرف يتصرف خالص
سراج: ربناه معاه بقا انا قلقان عليه قوى
عباس:(بدموع) بس يارب الناس الى اخدوة يحسن المعملة لية
شاهين(بعياط )اكيد طبعا بس هو منهارياترى زمانو عامل اية دلوقتى
مينا: لم اطلع من هنا مش هسيبو واكيد هرجعو يعيش معايا حتى لو هنمشى من اسكندرية كلها بس المهم انو ميبعدتنش عنى ولا اى حد فيكو يبعد عنى (دخل عليهم المشرف وهما بيعيطو وسهرانين لحد قرب الفجر)
حسن: جراء اية ياله انت وهو انتو لسة صاحين ومش هتفوها بقا وتبطلو المناحة دى
مينا:(قام راح لحسن) هو انت ممكن تقولنا العنوان الى احمد راحو
حسن:(بصلو ) لية بقا
مينا: عادى بس علشان ابقى اطمن علية وازورو من وقت للتانى
حسن:(بصدمة وزعيق) انا هطلع اقول للمدير على الى انت عايز تهببو دة ماشى ابقى اسمع انت ولا سراج حد فيكو راح هناك هطين عشتو ويلا كل واحد يقوم على سريرو
مينا:(بعصبيه) اوعو تفكرو علشان طلعتو احمد من هنا تبقو بتبعدوة عننا لا انا هعرف اوصل لاحمد وميهمنيش بقا اذا كنتو عرفتو او لا
ياترى حياه احمد هتتحسن هيرجع يزور اصحابو تانى ولا علاقتو هتتقطع بالدار ياترى باقى ابطالنا هيحصل معاهم اية تفتكرو مدير الدار هيعمل اية فى مينا الغلطات الى محمد بيعملها هتتكشف طب تفتكرو مينا هيبلغ عنو فى يوم كل دة هنعرفو الحلقات الى جاية
#hadeer
#rody
