#حياه_اليتيم
#حياه_اليتيم_18
#جزء_من_حلقه_سابقه
شرين:(برعب) تقولى ايه فى ايه
مينا:(تنهد) انا كنت عندكو دلوقتى وفى حاجه حصلت وقالولو لازم اقولك علشان تعرفى ومنبقاش مخبين عليكى حاجه
شرين:(برعب اكتر) حاجه ايه يامينا (مينا سكت شرين مسكت ايدو وكملت كلامها) مينا مترعبنيش قولى فى ايه
#بدايه_الحلقه_الجديده
مينا:فى انهم قالولى انى اقولك انى بحبك (شرين بصتلو باستغراب كمل مينا كلامو )مش مصدقه ايوه قالولى كده
شرين:(حطط ايدها فى وسطها )وقالولك ايه كمان
مينا: (بصلها بحب ) وقالولى كمان انى اشيلك فى عنيا وانى عمرى مازعلك خالص وقالولى انى اخلى بالك منك
شرين: وانت قولتلهم ايه مينا:(متصنع البراءه) حاضر
شرين:(مسكتو من خدودو وبتهز فى وشو شمال ويمين) حبيبى شطور ياناس وبيسمع الكلام
مينا:(ابتسم) بس شكلك عسل قوى وانتى مخضوضه وخلاص هتعيطى
شرين: وانت بتفكرنى ليه بقا اقسم بالله كنت هموت
مينا: بعد الشر عليكى ياقلبى (وحضنها وهيا مسحت دموعها )(فى نفس اليوم بالليل محمد قاعد على مكتبو وبيذاكر دخل عليه عباس وراح وقف جمبو
عباس: بتعمل ايه يامحمد
محمد: براجع على جزء فى المحاضره مفهمتوش قولت اقرأو تانى يمكن افهمو
عباس: طب تعالا ادينى الحقنه دى
محمد:(بصلو بصدمه وبص للحقنه ورجع بص لعباس ولف بالكرسى ) حقنه ايه دى
عباس: للصداع يلا بقا انا دماغى هتتفرتك
محمد:جايبها من ماما اميره
عباس: لا ماما اميره متعرفش عنها حاجه
محمد: طيب استنانى هنزل اوريهالها يمكن تكون خطر عليك ولا حاجه
عباس: لا متنزلش هدتهالى ولا انزل اخدها فى صيدليه وياريت محدش يعرف
محمد:(بصدمه) انت بتقول ايه تاخد حقنه متعرفش اذا كان ممكن تضرك ولا لا
عباس:(قعد على السرير بعصبيه) انت عارف انى بكره الحقن ومش هلجا ليها الا لو كنت بموت بجد ومش طايق دماغى (بعياط) علشان خاطرى يامحمد ادينى الحقنه علشان ملجأش لحد بره وانا بتحرج
محمد:طب الحقنه دى ايه يعنى عباس: مسكن
محمد: كترهم غلط يابنى انا خايف عليك
عباس:(بعصبيه) خلاص يامحمد مش عايز منك حاجه انا نازل (ولف عباس بعصبيه علشان ينزل كان هيقع جرى محمد وسندو كمل كلامو بعياط) ريحنى وادهالى انا خايف اقول لسراج محمد:(بخوف) افرد طلعت غلط
عباس: مش هقول انك ادتنى حاجه هقول خدتها فى صيدليه
محمد:(بخوف وقلق وفى نفس الوقت شايف عباس الى عيط من الصداع قرر انو يديهالو يمكن تريحو) حاضر بس اول واخر مرة
عباس:(بيمسح دموعو) ماشى
محمد: استنى اما اقفل الباب (راح محمد قفل الباب ورجع حضر الحقنه وضربها لعباس
عباس:(هوجازز على سنانو وبصوت واطى) اااااااااااه ااااااااااااه كفايه يامحمد شلها
محمد: خلاص شلتها اهو بالشفا يارب
عباس: شكرا يامحمد ونام على السرير من الصداع(تانى يوم الصبح عند عباس ومحمد فى الاوضه احمد سبقهم ونزل
عباس: علشان خاطرى يامحمد والله دماغى هيتفرتك من الصداع
محمد: يابنى انا خايف عليك الحقن دى اصلا منعرفش اصلا بتعمل ايه وانا لسه مديك واحده بالليل
عباس: طب علمنى اضربها لنفسى ازاى
محمد: متقباش متخلف ويلا ننزل
عباس:(بعياط) علشان خاطرى والله ماهعرف انزل من الصداع دة
محمد:(يتنهد وبص فى عين عباس لقى نظره ترجى وتعب باين عليه فعلا خد منو الحقنه)ربنا يستر بقا(وجهز محمد الحقنه وضربها لعباس واستنو لم عباس هدا ونزلو الاتنين )اميره: انتو اتاخرتو ليه
عباس: مافيش كنت بصحى محمد
اميره: طب يلا اقعدو افطرو
عباس: انا مش جعان
اميره: مافيش خروج من غير فطار
عباس: والله مش قادر نزلت اصلا الصبح عملت شاى وكلت جبنه
اميره: كلت بجد
عباس: اه كلت
اميره: ماشى ياعباس يلا اقعدو افطرو (اميره عملتلهم سندوتشات ومحمد خد واحد كمل اميره كلامها) اقعد يابنى افطر متكلش وانت واقف
محمد: لا انا كدة هتأخر المحاضر فاضل عليها ربع ساعه يلا ياحمد قوم يلا يابيسو وخرجو التلاته من البيت وصلو الكليه الهندسه
محمد: عباس احنا كدة اتأخرت على المحاضره ومعرفش بقا الدكتور هيدخلنا ولا لا
عباس: روحو انتو انا كويس (وكان عباس تعبان جدا بس بيحاول انو يقاوم)
محمد: طيب انا هخلص المحاضره واجيلك اطمن عليك تانى
عباس: ماشى (محمد واحمد اتحركو خطوتين سمعو عباس)
عباس:(بتعب ونهجان) محمد الحقنى يامحمد (محمد واحمد بصو وراهم لقو عباس مرمى فى الارض طبعا جريو عليه الاتنين وطلبه كتير قربو من عباس وبلغو المستشفى طبعا بعتت مسعفين ووصلو لعباس حاولو يفوقوه معرفوش خدوه المستشفى حاول الدكتور معاه انو يفوقو فاق معاه بس كان تعبان الدكتور جهز حقنه وضربها لعباس محسش بيها
الدكتور: هو الاغماء دة بيتكرر معاه كتير
محمد: ايوه يادكتور دى حوالى تالت مره او رابع مره فى اقل من اسيبوع
الدكتور:ا نا مش لاقي سبب للإغمائه المتكرره معاه دي ولازم يروح لدكتور برا ويكون متخصص في لحالته دي عشان يعرف السبب
عباس:(بتعب) انا كويس بس انا مفطرتش قبل مانزل
احمد: هو انت مش قولت انى فطرت
عباس: يعنى اقولها انى مفطرتش علشان تغصب عليا انى افطر
محمد: وانت كدة صح
الدكتور: خلاص ياولاد المهم اكشفو عليه
محمد: حاضر يادكتور بعد اذنك (سندو عباس لحد ماقام من على السرير وخرجو من عند الدكتور مسندين عباس رجعو بيه البيت وهما فى الطريق)
عباس: هو احنا هنقول لماما اننا راجعين بدرى ليه
محمد: هنقولها انو انت تعبت
عباس: لا
احمد: اومال هنقولها ايه
عباس: معرفش بس متعرفش انى تعبت
محمد: طب قولنا هنقولها ايه
عباس: اتصرفو بس متعرفش انى تعبت انتو سامعين (وصلو البيت ودقو الجرس ودخلو)
اميره: ايه الى رجعكو بدرى
محمد: مافيش ياماما حاجه بس
اميره: بس ايه (وبصت لعباس) انت تعبت تانى يابنى
عباس: لا انا كويس بس حسيت انى مرهق وهما مرضيوش انى ارجع لوحدى رجعو معايا (وسابهوها وطلعو التلاته وهيا مش مطمنه لكلامهم عند الشباب الى دخل عليهم مينا فجاه بصو لبعض وعباس بصلهم بترجى انهم ميتكلموش
مينا: انتو ايه الى رجعكو بدرى من الكليه
محمد: عادى يعنى يامينا
مينا:(بعصبيه بس مش قوى)هو ايه الى عادى انتو عايزين تبدأو السنه لعب ولا ايه ازاى متحضروش المحاضرات وتقولى عادى ايه الاستهتار دة هتبدأو استهتار من دلوقتى (الشباب بصت لبعض وسكتو) (كمل مينا كلامو) فى ايه انتو مخبين ايه عليا
عباس:(بتوتر وبيطلع الكلام بالعافيه) واحنا يعنى هنخبى عليك ايه احنا كويسين
مينا:(بصلهم برفعه حاجب) وله انت وهو انا شاكك فيكو ومش مرتحلكو وحاسس انكو وراكو مصيبه فانطقو بالذوق احسن ليكو
محمد: (بتوتر) ما قولنا مافيش حاجه بقا
مينا:(بزعل) ماشى انتو احرار مش عايز اعرف حاجه(ولف واداهم ظهرو بصو لبعض بصلهم فجأه وشافهم وشاف توترهم كمل كلامو) احمد تعالا عايزك دقيقه قبل مامشى (خرجو احمد ومينا)
عباس: احمد هيقول لمينا ده غبى وهيعترف من اول قلم
محمد: الى احنا عملناه غلط يابنى انت لازم تكشف
عباس:(بزهق) يووووه انا مش هخلص من زنك دة انا عارف (وسابو ونام محمد بصلووتنهد )(عند مينا واحمد راحو اوضه تانيه مينا قعد واحمد واقف
مينا: فى ايه ياحمد
احمد:(بتوتر وبيحاول انو ميبصش لمينا) ما مافيش يامينا حاجه
مينا: طب تعالى اقعد هنا جمبى علشان نعرف نتكلم (احمد بصلو بتوتر وراح قعد جمبو وباصص فى الارض وبيلعب فى صوابعو )
مينا:(بصلو وبص لايدو والتوتر الى باين عليه) ها قولى بقا فى ايه
احمد: ما ف
مينا:(مقاطع ليه بعصبيه ) متقولش مافيش حاجه علشان فى ولو عرفت بطرقتى وطلع فى حاجه مش هرحمكو (احمد بص لو وتنهد وبص فى ايدو تانى) (كمل مينا كلامو) ها ياحمد قول بقا
احمد:(بصلو ) يعنى انت طول عمرك بتزعل منى وبتضربنى لم اقول اسرار لحد ودلوقتى انت عايزك اوقلك سر اهو
منينا:(بصدمه) اسرار لحد , هو انا بقيت حد , وانتو بقا ليكو اسرار مينفعش تقولوهالى ,(بضحكه حزن) ياااه هو احنا بعدنا عن بعض للدرجه دى
احمد: لا يامينا متقولش كدة
مينا: كلامك الى بيقولى انت بقيت شايفنى حد مش مينا اخوك
احمد: لا والله مش قصدى كدة
مينا: لو مش تقصد كدة بجد قولى ايه الى رجعكو بدرى
احمد:(تنهد) عباس تعبان قوى وبقالو كام يوم بيغمى عليه والنهاردة اغمى عليه فى الكليه ومافقش غير على ايد الدكتور وادالو حقنه وقالنا انو لازم يكشف بس هو بيعند ومش عايز يكشف
مينا: من امتى
احمد: محمد بيقول من اكتر من اسبوع
مينا: اكتر من اسبوع وميتكلمش (وبص لاحمد) طيب ياحمد قوم روح وانا هقوم انزل ومتقولهمش انى عرفت حاجه
احمد:(هز راسو بالموافقه) ماشى (وخرج احمد بره الاوضه ومينا تنهد ونزل راح احمد للشباب تانى
محمد: فى ايه ياحمد
احمد: مافيش حاجه كان بيطمن عملت ايه فى الكليه
محمد: (بنظره انو مش مصدق) احمد
احمد: انا داخل انام تصبح على خير (وسابو ومشى ومحمد مش مطمن)(الكل رجعو البيت ونامو والكل شاكك فى احمد وعباس ومحمد مع قرب الساعه 12 عباس صحى على صداع تانى)عباس: يارب انا لحد امتى هفضل اخد مسكنات يارب الصداع دة يروح( فضل قاعد شويه والصداع مش عايز يروح بدا انو دموع تنزل قرر انو يصحى محمد) محمد ,, محمد ,, محمد اصحى
محمد:(قام وبص لعباس) مالك يابنى الصداع جالك تانى
عباس: ايوه اتصرف اعمل اى حاجه الصداع هيفرتك دماغى
محمد: طب خليك هنا هروح لماما اقولها
عباس: لا (وبصلو شويه) ادينى الحقنه
محمد: (بسرعه) لا حقنه تانى لا
عباس: علشان خاطرى
محمد:(فكر ثوانى) متعبتش منهم يابنى حرام عليك نفسك
عباس: وطى صوتك علشان احمد ميصحاش علشان خاطرى اخر واحده
محمد: هديلك ياعباس بس هدهالك عرق المرادى
عباس: هو ينفع
محمد: ايوه ينفع (ومحمد قام ادالو ظهرو وجهز الابره وضربها لعباس عرق فى ساعتها عباس نام)(كمل محمد كلامو) سامحنى ياصاحبى بس لازم نعرف فيك ايه ونام محمد جمنو بس فضل صاحى لحد الفجر سمع خالد قاملو وهو متوتر وقلقان وخايف من رده فعلو
محمد:(خرج من الاوضه بتوتر) ب بابا
خالد:(باستغراب) محمد ايه الى مصحيك لحد دلوقتى
محمد:(قرب من خالد) انا منمتش اصلا
خالد:(بخضه وحط ايدو على وش محمد بيشوف فى حراره يعنى ولا ايه) مالك ياحبيبى انت تعبان)
محمد: لا انا كويس بس (توتر)ع عباس الى تعبان قوى
خالد: مالو (وكان رايح يشوفو)
محمد: عباس نايم (بتوتر) واخد مهدا ونايم
خالد: يعنى اميره عارفه(محمد بتوترهزراسو بمعنى لا كمل خالد كلامو)اومال مين الى ادالو المهدا(محمد بص فى الارض ومردش خالد قرب منو ومسك ايدو جامد) انطق ياله مين الى ادالو المهدا
محمد: والله هو كان عايز ياخد الحقنه بتاع الصداع وخد منها تلاته قبل كدة انا كدبت عليه المرادى واديتو مهدا
خالد:(بعصبيه اكتر ومسك ايده اجمد ) يعنى انت اديتو حقن قبل كدة
محمد:(بتوجع من مسكت ايدو) ااه كان بيصعب عليا والله من التعب
خالد:(بعصبيه) ومقولتلناش ليه
محمد: انا كنت مفكر انو صداع عادى بس الدكتور قلقنى امبارح وقالى انو لازم يكشف علشان الاغماء الى بيتكرر دة
خالد:(ساب ايدو)طيب يامحمد ماشى مش هحسبك دلوقتى بس لو اخوك اغمى عليه تانى فى الكليه كلمنى وقولى (وساب ايدو) روح نام علشان متهورش عليك (محمد بصلو بخوف وسابو ودخل الاوضه وخالد دخل يصلى) (تانى يوم الصبح)عند مينا وشرين على الفطار
شرين: ماما عزمتنا على الغدا اوعى تتاخر (مينا ساكت وسرحان ومش معاها اصلا)
شرين: مالك يامينا (بردو مردش عليها) مينااا ,, ميناااااا
مينا:(بخضه) ها (تنهد) فى ايه ياشرين
شرين: فى ايه انت
مينا: قلقان قوى على عباس
شرين:ليه مالو
مينا: مش عارف ياشرين (وحكلها على الى حصل) وانا هموت من القلق عليه
شرين: متقلقش ان شاء الله خير
مينا: يارب(بتنهيده) انتى كنتى بتقولى ايه
شرين: اه ماما عزمتنا النهاردة عندها على الغداء
مينا: ان شاء الله ياحبيبتى (وقام وقف باس دماغها) يلا انا همشى بقا علشان متأخرش
شرين: لو عرفت حاجه عن عباس طمنى
مينا ان شاء الله (ومشى مينا يظهرو الشباب وهما خرجين من بابا الفيلا خالد مسك ايد محمد وشدو شويه وراء وبجديه ومحمد خايف منو) خلى بالك من اخوك واياك اسمع مجرد انك تفكر تديلو حقن تانى انت سامع
محمد:(بخوف) مش هديلو حاجه
خالد: لو تعب كلمنى
محمد: ماشى بعد اذنك
خالد: امشى (محمد بصلو بخوف وتوتر وسابو ومشى ) فى المكتب عند خالد قاعد مع مينا جالو تليفون من محمد فتح عليه بسرعه
خالد: ايوه يامحمد فى ايه ................ انت بتقول انا جاى حالا.....................(وبص لمينا) قوم تعالى معايا
منينا:(قام بخوف) فى ايه
خالد: محمد بيقول انو عباس وقع فى الكليه ودماغو اتفتحت وهما فى المستشفى بيخيطوه (جريوالاتنين على المستشفى وطبعا كان احمد ومحمد ومازن)
خالد: عباس فين
محمد:(بدموع) الدكتوره معاه جوه (خالد بصلهم وخدهم فى حضنو علشان يهدو وبعد عده دقائق خرج الدكتور جريو عليه)
خالد: طمنى يادكتور
الدكتور: احنا خيطنا الفتح بس هو اتعور كدة من ايه
محمد: هو كان واقف معانا كويس فجاه قال انا عينى مزغلله ومش شايف وحاسس بصداع وبصينا لقيناه فى الارض لم وقع وقع على طوبه كانت فى الارض فتحت دماغو
الدكتور: هو اول مره يحصلو الاعراض دة
خالد: لا يادكتور بقالو فتره بيشتكى من صداع والاغماء دة بيتكرر معاه من فتره
محمد: بس هو اول مره يقول انو عينو مزغلله وحاسس انو انو مش شايف بيهم
الدكتور:(بان عليه التوتر والقلق) اه طيب انا هبلغ دكتور المتخصص فى المخ والاعصاب علشان يشوفو (وسابهم ومشى)
مينا: دكتور مخ واعصاب لايه
خالد: علشان يشوفو فى ايه الى مخليه عامل كدة
مينا:(تنهد) ربنا يستر (وفضلو مستنين الدكتور المتخصص لانو كان بيعمل عمليه لمريض تانى دخلو وبقو جمب عباس الى كان نايم من بنج الخياطه)
(عند اميره الى كانت منهاره)شاهين: اهدى بس ياماما
اميره: اكيد عباس جرالو حاجه ومش عارفين يتصرفو
سراج:(بعصبيه) هو لو عباس جرالو حاجه ليه موبيلاتهم مقفوله التلاته
اميره: وكمان خالد ومينا موبيلاتهم مقفوله
شاهين: طب بس اهدو والغايب حجتو معاه
سراج: حجه مين الى معاه بس ام يرجعو
شاهين :(وهو جازز على سنانو) سراج اهدا احنا بنهدى مش بنشعلل اهدا بقا
اميره: هو فى حاجه(بعياط) اكيد انا قلبى حاسس الواد فى حاجه
سراج: طب اهدى ياماما ان شاء الله هيرجعو بسلامه
اميره: يارب يارب حتى خالد مجاش (شاهين وسراج بصو لبعض وسكتو وكانت اميره منهاره)(نرجع للمستشفى) بعد شويه وصل الدكتور وكانو كلهم عند عباس فى الاوضه وكان بدا انو يفوق)خالد: حمد الله على السلامه
عباس:(قام بخضه) فى ايه , (وبتوتر) انا مالى انا انا فيا ايه
مينا: اهدا ياعباس انت مافيش فيك حاجه (عباس بص لمحمد واحمد نظره زعل بصو فى الارض دخل عليهم الدكتور وكشف على عباس شاف عينو بالكشاف وكشف عليه
الدكتور: انت اسمك ايه
عباس: اسمى محمد
الدكتور: طب قولى يا محمد ايه الاعراض الغريبه عليك الى انت بتحس بيها
عباس: اول مره احس بصداع فظيع كدة صداع بيوقف كل جسمى
الدكتور: بدا معاك بصداع
عباس: ايوه
الدكتور: اممم كمل
عباس: وساعات احس انو جسمى اتشل والجديد عليا الى ظهر انو مبقتش اشوف كويس وديما عينى مزغلله
الدكتور: طيب (وبص لخالد) هو احنا مبدئيا هنعمل اشعه وشويه تحاليل علشان نشوف فى ايه
خالد: حضرتك شاكك فى حاجه يادكتور
الدكتور: لم اتاكد اكيد هقول لحضرتك بعد اذنك هبعت الممرضين يجهز محمد للاشعه
خالد: اتفضل يادكتور
عباس: انا مش عايز اعمل حاجه انا عايز امشى من هنا
خالد: (قرب من عباس بهدوء وحنان) متخفش احنا كلنا معاك متقلقش من اى حاجه (عباس بصلو بخوف ودخلو الممرضين نقلو محمد على سرير وطبعا الشباب دموعهم نزلت على اخوهم وخرج عباس من الاوضه مع الممرضين ومعاه خالد ومينا واحمد ومحمد ومازن الكل على اعصابو دخل
مازن: انا كان نفسى ابقى معاكو والله بس اهلى ميعرفوش ووالدتى تعبانه قوى ولازم ابقى معاها
خالد: احنا تعبناك معانا يابنى شكرا ليك
مازن: تعب ايه محمد اخ مش صديق ربنا يشفيه ويقومو بسلامه (وبص لمحمد) رقمى معاك لم تعرفو عندو ايه قولى ماشى
محمد: ماشى
مازن: يلا سلام عليكو
الكل: وعليكو السلام (طال مده الانتظار للانتهاء من الاشعه الى اربع خمس ساعات وخرجت الممرضه
الممرضه: الدكتور طالب حضرتك جوه (دخل خالد بسرعه والشباب دخلت معاه
خالد: طمنى يادكتور خير
الدكتور: من الاشعه الى عملناها والفحوصات تبين وجود ورم فى المخ
خالد: (بتوتر وخوف) ور ورم
الدكتور: للاسف الشباب انصدمت بس الكل كان هادى عباس وهو نايم على ظهرو قام قعد
عباس:(بدموع) ورم يعنى سرطان مش كده يادكتور (بخوف) يعنى خلاص قربت اموت
مينا: متقولش كدة ان شاء الله هتقوم بسلامه وتخف
عباس: (بنهيار)اخف هو حد من المرض دة
خالد: ايوه بيخفو فى ناس كتير زيك واكتر منك بيخفو وبيقومو بسلامه
عباس:(بنهيار اكتر)وانا مش عايز اتعالج لاني كده كده هموت في الاخر وهيبقى احسنلي اني اروح لامي وابويا اللي اما معرفهمش جايز هناك اشوفهم
محمد: بلاش يأس
الدكتور :(قعد جمب عباس) مش انا الى عملتلك الاشعه انا الى بقولك اهو انا شاكك انو الورم حميد مش حاجه كبيره وان شاء الله هيطلع حميد ومجرد ماتشيلو خلاص لو فعلا هو حميد مش هيرجع تانى ومش هيسيب اثر لاى حاجه (وبص لخالد) ممكن تيجى معايا بره
خالد: اكيد يادكتور اتفضل (طلعو الدكتور وخالد ومحمد واحمد ومينا بقا مع عباس وبيطمنوه (بره عند خالد والدكتور)
خالد: خير يادكتور
الدكتور: انا عايز محمد بكره هنا ان شاء الله يكون هنا الساعه 9 الصبح وهيطلع بعد يومين او ثلاثه دة على حسب لم يفوق
خالد: ليه يادكتور
الدكتور: هنعمل خزع نخاع علشان نشوف لو فى ورم فى اماكن تانيه فى الجسم وبعدها هنسيبو يرتاح لانو دى اصعب حاجه فى الى هنعملو بعد تانى يوم يعنى هنعمل عمليه وهنيزل الورم دة نهائى لانو حجمو صغير هنشيلو ونحلل ونشوف نوع الورم دة ايه
خالد: بجد يالدكتور انت شاكك انو حميد
الدكتور: بنسبه 90 %حميد متقلقش
خالد: يارب
الدكتور: بعد اذنك ومشى الدكتور وخالد رجع للشباب خد عباس فى حضنو لانو كان منهار)باليل على الساعه 11 طبعا القلق بقا داخل البيت والتوتر سمعو الجرس قامت اميره وسراج وشاهين وباين عليهم الغضب فتحت لقت خالد والاربع شباب وراه بس عباس كان واقف وراء خالد
سراج:(بيقرب من احمد ومحمد علشان يضربهم) انت كنت فين ياله انت وهو
خالد:(مسك ايد سراج) اهدا يابنى شويه وسبهم يدخلو الاول (خالد دخل ودخلو الشباب وراه ظهر عباس ودماغو مربوطه وباين عليه التعب )
اميره:( مسكت عباس ومسكت وشو) مالك ياحبيبى فيك ايه
خالد:( بص لمحمد واحمد) يلا يامنيا انت ومحمد خدو اخوكو طلعوه يرتاح طلعو الشباب مع بعض مينا ومحمد سعدو عباس يغير هدومو وينام عند خالد واميره
اميره:(كانت واقفه قعدت على الكرسى بصدمه) يعنى ايه ايه (بدموع) يعنى عباس هيروح لابنى هيموت (بكسره وبصت لخالد)هو انا كل ما اقرب من حد واتعلق منه يموت
خالد: اميره بالله عليكى متقوليش كدة قدام الولد هو خايف ومرعوب اصلا
اميره: هو عرف
خالد: ايوه عرف وحاطط فى دماغو انو هيموت هو كمان بس الدكتور طمنى وقال انو بنسبه 90% انو الورم دة حميد
اميره:(بصت لخالد بدموع وسكتت)
عند اميره طلعت لعباس هيا وخالد كانو الشباب قاعدين جمبو كلهم ساكتين وخايفين عليه وعباس قاعد على سريرو هو ومحمد وباصص قدامو وساكت
اميره:(دخلت مينا ومحمد قامو من جمب عباس واميره وخالد قعدو جمب عباس على السرير كل واحد من ناحيه)
عباس:(بص لاميره) خلاص هموت وهروح اشوف بابا وماما الى عمرى ماشفتهم
اميره: (بابتسامه وبتحاول تبين انها قويه) متقولش كدة ياحبيبى انت هتبقى كويس ان شاء الله وهتقوم بسلامه
عباس: محدش بيقوم من المرض دة
مينا: مش الدكتور قالك انو حميد
عباس: طب يعنى ايه حميد ماهو بردو سرطان وارف
اميره: لا ياحبيبى حميده يعنى خلايا مش بتتنشر او مش قادره انها تتنشر الدكاتره بيعرفو يسيطرو عليها وبيشيلوها ومبترجعش تانى
عباس: طب افردى مطلعتش كدة وطلعت خبيث يبقى انا كده بضيع
خالد: يامحمد ياحبيبى والله الدكتور قالى بنسبه 90% حميد وهيتشال وهتبقى كويس ان شاء الله
محمد: اهو بيعيط من ساعتها والصداع كدة هيزيد عليه
خالد: لا ياحبيبى انا مش عايزك تعيط انا عايزك تقوم تصلى وتدعى ربنا انو ربنا يقومك بسلامه ويطلع الورم دة زى مالدكتور شاكك واحنا كلنا من جيهتنا هندعيلك بس انت ادعى لنفسك
عباس:( بصلو بعياط)انا دماغى بتوجعنى والخياطه شادة عليا قوى
اميره: فين العلاج الى كتبهولك الدكتور
احمد:( جابلها كيس العلاج) العلاج اهوه (اميره طلعت العلاج وكانت بتجهز الحقنه)
خالد: مينا يلا يابنى روح لمراتك الوقت اتاخر وانت مكلمتهاش من الصبح
مينا: (افتكر العزومه) ينهار ابيض انا كان لازم اكلمها واعتذرلها انى مش هعرف اروح معاها عند امها
خالد: طب يلا روح
مينا: طب هطمن على عباس وهمشى
عباس:(بصلو) انا كويس يامينا والله يلا روح علشان متزعلش شرين
مينا:(يتنهد) طيب انا همشى وانا هبقى اتصل عليكو اطمن عليه كمان شويه (خرج مينا)
اميره: هتفدر تقوم تقف ولا تاخدها وانت نايم
عباس: لا هتسند على الشباب واقوم اقف احسن علشان متعبكيش
اميره: لو مش قادر نام على بطنك وهدهالك وانت نايم
عباس: لا ياماما عادى (وقام وقف سند على خالد ووقف واميره ضربتلو الحقنه)
عباس:اااااااااه
اميره: خلاص ياعباس وشالت (الابره ورجع نام)
خالد:( بص للشباب احمد ومحمد) يلا ياشباب هو هينام يلا انتو كمان نامو يلا ياسراج يبلا ياشاهين على اوضتكو
اميره: انا هطلع يامحمد لو تعب ابقى قولى ماشى (خرجو الشباب واميره واحمد دخل الحمام خالد بص لمحمد)
خالد: انا ماسك نفسى عنك بالعافيه والدكتور قال انو الحقن الى كان بياخدها غلط
عباس: انا الى كنت بزن عليه من الوجع
خالد:(بعصبيه بس مش قوى بص لعباس)انت ولا هو الحقن دى متاخدهاش تانى(وبص لمحمد) حتى لو باس رجلك متدهالوش تانى سمعت وابقى اسمع انك ادتهالو
محمد:(طلع من الدرجه الحقنتين الى كان عباس بياخدهم واداهم لخال) خدهم معاك يابابا علشان ميزنش عليا واضعف قدامو
خالد: يكون احسن انهم ميبقوش هنا اميره لو عرفت هتطين عشتكو انتو الاتنين (خرج خالد)
عباس: افرض تعبت بالليل وانت عارف انى مبستحملش الصداع
محمد: الدكتور مديك مسكن نام بقا ومتتعبش نفسك اكتر (عباس نام ومحمد نام جمبو واحمد طلع نامو ونامو الجميع) على 12 ونص دخل مينا البيت
مينا: شرين والله غصب عنى (شرين سابتو ودخلت الاوضه دخل وراها وقرب منها مجرد ماقرب لفتلو بسرعه)
شرين: اينت كويس ايه ريحه البنج دى
مينا: انا كويس والله
شرين: اومال ايه الريحه دى
مينا: عباس تعبان قوى (وحكالها على اليوم الطويل) وبس ياستى وبكره ان شاء الله هيعمل عمليه ولازم ابقى معاه من الساعه9 الصبح
شرين: وانا كمان هبقى معاكو مينفعش اسيبو
مينا: ربنا يخاليكى ليا ياقلبى يارب
شرين: ويخاليك ليا يارب ويشفى عباس ويطلع فعلا ورم حميد يارب
مينا: يارب
(تانى يوم الصبح عباس راح مع خالد المستشفى ومحدش من الشباب خرج اميره كانت مستنيه مينا علشان يروحو المستشفى
قررت اميره تطلع زهقها وخوفها فى اى حاجه لقت نفسها دخلت اوضه محمد واحمد وعباس تروقها مع انها اصلا متروقه بس اهو بتضيع وقت وهيا بتروق لمحت سرنجات فى هدوم محمد نزلت وهيا فى قمه الغضب ولاول مره تبقى بالغضب دة على الشباب
اميره:(بعصبييه وزعق) محمد,, محمد
محمد:(باستغراب وفى نفس الوقت عصبيتها خوفتو) ن نعم ف فى ايه
اميره:(طلعت الابر وورتهالو ) ايه دة (محمد بص للحقن وبصلها بصدمه وتوتر وسكت طبعا كل اخواتو موجودين قررت اميره نفس السؤال بعصبيه اكبر) بقولك ايه دة(بردو ساكت وخايف يتكلم )
اميره: مسكتو جامد من ايدو) انت بتتعاطى حاجه ياله
محمد:(بصلها بسرعه) لا والله ابدا دانا بتخنق من ريحه السجاير(رن الجرس واحمد راح فتح لقى مينا )
احمد: تعالا يامينا
محمد: (فى بالو) ينهار اسود كملت
اميره:(بصت لمحمد بعصبيه) مردتش عليا انصق وقولى ايه دة
مينا:(باستغراب) فى ايه
اميره: اسال الاستاذ ايه الحقن دى وبتعمل ايه فى دولابو
مينا:(بص لمحمد وبص للحقن ورجع بص لمحمد) ايده دول وبيعملو ايه عندك(بردو محمد ساكت وخاف اكتر لم جيه مينا كمل مينا كلامو) انت هتفضل اخرص طول عمرك اتكلم بقا وانطق قبل مافقد اعصابى عليك
محمد:(بخوف وتوتر ) دول .... دول ع عب عباس الى كان بيخدهم
ياترى اميره هتعمل ايه فى محمد لم تعرف انو كان بيدى لعباس حقن , عباس هيبقى الحاله عندو ايه
#hadeer
#rody
