اخير وبعد طول انتظار الحلقه 15 من #حياه_اليتيم
#حياه_اليتيم
#حياه_اليتيم_15
#جزء_من_حلقه_سابقه
اميره:(مسكت ايده)انا اللي قولتيله ميروحش النهارده عشان اللي في وشه عشان محدش يحرجه
خالد: النهاردة بس بكره هيروح مدرستو
اميره: ان شاء الله
فطرو وكل واحد نزل كليتو والى نزل مدرستو (فى الكليه عند مينا كان مع شرين)
شرين: مالك يامينا سرحان فى ايه
مينا:( بصلها شويه بسكوت وبعدين اتكلم) شرين انا بحبك , لو اتقدمتلك هتوفقى بيا
#بدايه_الحلقه_الجديدة
عند خالد بعد طابور الصبح دخل للمدير ووقف شاهين واحمد بره
خالد: صباح الخير يامستر سامى
سامى صباح النور يامستر خالد فى حاجه ولا ايه
خالد: ايوه فى اكمل وشلته امبارح ضربو محمد وهو راجع من المدرسه
سامى:(بصدمه) ضربو فين
خالد: فى الشارع وبعيد عن المدرسه
سامى: طالما بره المدرسه انا ماليش انى ادخل
خالد: عارف انا الى هكلمهم بس اناعايز اكمل هنا
سامى: حاضر هجبهولك (وبعت واحد من الامن جاب اكمل وشلتو من الفصل)
اما عند مينا وشرين
مينا: مردتيش عليا
شرين:(بارتباك) انت فجأتنى بالموضوع دة
مينا: يعنى مش موافقه
شرين: اشمعنا انا قولتلى كدة
مينا:(بصلها شويه بصمت) لانى كل ماابقى فى مشكله القيكى جمبى بتحليها وبدروى على حل معايا رغم انك مش ملزومه تعملى كدة لم ابقى فرحان بتحاولى انك تكبرى فرحى باى حاجه , انا كل يوم فى مشكله من شكل ببقى عايز حد اتكلم معاه ومش هلاقى غيرك ومش هسمح لنفسى انو اكلم فى التليفون ومافيش بنا حاجه شرين انا محتاجك جمبى هتوفقى بيا
شرين:(مشيت وسابتو بان على مينا الحزن بصتلو) مينا انا بيت اهلى مفتوح اتفضل فى اى وقت وقول للبابا الى انت عايزو (ومشيبت وسابتو)(مينا ابتسم بس خاف من المقابله ومن ابوه)
نرجع للمدرسه اكمل نزل مع شلتو ودخلو اوضه المدير وكمان احمد وشاهين دخلو
خالد:ايه الى انتو عملتوه امبارح فى محمد دة
اكمل: عملنا ايه
خالد: يعنى انت مش عارف عملتو ايه
اكمل: لا مش عارفين
خالد: ضربتو محمد امبارح ليه
اكمل: اولا احنا كنا بره المدرسه ثانيا بقا هو الى كان ضربنا الاول وفى المدرسه كمان
سامى: مش الكل انضرب على الموضوع دة
اكمل: ماحضرتك بردو ضربتنا من غير سبب وهو الى حط سن القلم فى كتفى
خالد: بس انت الى بدات معاهم الاول
اكمل: هما الى بدأو يامستر
خالد: لا انت لم ضربت احمد فى الفصل , بس انت عارف ياكمل انو انتو يلى اتربيتو فى البيوت المحترمه بين اهاليكو مصنتوش التربيه زى الى اتربو من غير اهل دول بقا صانو التربيه , عالعموم هو الى حصل حصل بس صدقونى لو حصل بنكو مشكله تانيه كل المجموعه هتتعاقب وانت ياكمل جربت عقابى بلاش تجربو تانى سامعنى لو حد منهم كلمك سيبو وتعالى قولى لو مجبتلكش حقك وانت واقف ابقى اعمل الى انت عايزو (بص لاحمد وشاهين) وانتو بردو نفس الكلام خلى السنه دى تعدى من غير مانكد على حد فيكو دى اخر سنه احترمو نفسكو انتو كبرتو على كلام الاطفال دة اتفضلو (طلع اكمل وشلته)
احمد: بعد اذنك حضرتك علينا اول حصه بس انا هطلع الفصل بتاع اجيب من اشرف الكتاب بتاعى
خالد:اطلع بس حاول متكلمهمش )طلعو احمد وشاهين الفصل)
دخلو الفصل , اول مادخلو اكمل بصلهم من فوق لتحت , احمد وشاهين طنشوه و دخلو لاشرف
اشرف: ازيك ياحمد ازيك يامحمد
احمد: احنا كويسين الحمد لله انت عامل ايه
اشرف: انا كويس , محمد فين
شاهين: تعبان شويه
اكمل: (قاعد مع اصحابو بيتكلم بصوت عالى احمد وشاهين بصولو وهو بصلهم) زى مامستر خالد قال ياشباب احنا اتربينا فى بيوت مش فى الشوراع مش هيجو تربيه الشوراع تتفوق علينا
شاهين: (بعصبيه) انت بتقول ايه ياله
احمد: (بيحاول يبعد شاهين عنو) بس ياشاهين بقا هو بيحاول يستفزنا
شاهين: مش سامعو بيقول ايه
احمد: اعمل ودن من طين وودن من عجين اسمع من ناحيه وطلع من النحايه التانيه يلا ياشرف هات الكتاب خلينا نمشى
اشرف ادى احمد الكتاب وخرجو من الفصل
اما فى البيت عند اميره ومحمد طلعتلو الاوضه وكان قاعد على الشباك (مكان كدة قدام الشباك كان قاعد فيه)
دخلت ومحسش بيها راحتلو وحطط ايدها على كتفو
اميره: عامل ايه يامحمد
محمد: (بصلها ورجع بص قدامو) كويس
اميره: (قعدتو جمبو)لسه مش عايز تروح المدرسه
محمد: مش عايز اروح (بصلها اقنعى بابا خالد انو يسبنى
اميره: انت خايف من اكمل ولا ايه
محمد: (بصلها بسرعه ورد بسرعه) انا مابخفش من حد
اميره: اومال انا شايفه عكس كدة ليه
محمد: والله ماخايف منو انا بس مش عايز اعمل مشاكل
امير: (مسكت ايد محمد) بس هو ياحبيبى مش هيفهم كدة انت مرحتش هيقول بقا انو انت خايف منو وخلاك مترحش المدرس وتكمل تعليمك وتبقى سنه ضاعت من عمرك اونطى
محمد:(بصلها بزعل) بس هو مش هيسكت وانا اعصابى بتبوظ بسرعه
اميره: مينفعش يامحمد انا حايشه عنك خالد بالعافيه وانت لو طولت فى عنادك هيستعمل معاك اسلوب مش هيعجبك قلبتو وحشه جدا لسه محدش فيكو جربها وبتمنى انكو متجربوهاش
محمد: بس بجد انا عايز ابعد عن المشاكل علشان مصغرش بابا قدام مدير المدرسه
اميره: ممكن تبعد عن المشاكل ركز فى دراستك ومستقبلك وبس حط هدف قدامك واسعى ليه وحققو
محمد: (بصلهاشويه وسكت)
اميره: مالك يامحمد سكت ليه كلامى غلط
محمد: لا صح وان هعمل كدة ان شاء الله (بتردد) بس انا يعنى عايزك اطلب منك طلب بس لو مش هتوفقى عليه مش هزعل والله
اميره: اطلب ياحبيبى وانا لو اعرف اعملو مش هتأخر عليك
محمد:(الدموع جات فى عينو عالطول) ماما الله يرحمها لم كنت ابقى زعلان لاى سبب كنت بنام واحط دماغى على رجليها (بعياط اكتر) ومن يوم ماماتت وانا محدش عملى كدة غير مينا (بصلها بنظر خلها عيطط) وانا مخنوق قوى ممكن احط دماغى على رجلك يمكن افوق (اميره حطط ايدها على وشو ومسحت دموعو بابتسامه ودموعو هزت رسها بمعنى انو ممكن ومسك محمد من ايدو وراحت قعدت على السرير ومحمد حط دماغه على رجليها وهيا غطتو وفضلت تلعب فى شعرو لحد مارح فى النوم شالت دماغو براحه وحطتها على مخده ومسحت دمعو الى كانت لسه على خدو وسابتو وخرجت وهيا بتعيط لانها افتكرت ابنها لانو كان بيعمل كدة بردو (رجعو الكل من بره واتغدو اتجمو بعد الغداء جات اميره بالشاى وقعدو يتكلمو بشوفو كل واحد يومو كان ماشى ازاى
خالد: وانت يامينا عملت ايه فى الكليه
مينا: الحمد لله (وشكلو عايز يقول حاجه
اميره: (برفعه حاجب) عايز تقول ايه يامينا(مينا بصلها واتربك وبص فى الارض ولعب فى صوابعو)
خالد: ها يامينا قول فى ايه عايز فلوس
مينا: لا يابابا مش عايز فلوس ربنا يخلى حضرتك مش مخلينا محتاجين حاجه
خالد: اومال ايه الموضوع الى مخليك مرتكب كدة
مينا: (بارتباك) انا يعنى بصراحه (تنهد) انا ماليش فى اللف والدواران انا عايز اخطب
اميره: (بصت لخالد بفرحه وفامت فعدتت جمبو) مين دى يامينا
مينا: (بصلها) شرين
خالد: شرين الى كانت فى الملجأ معاكو
مينا: ايوه هيا
محمد: بس يامينا ظروفنا الى اتربينا فيها تفتكر انو ممكن ابوها يوافق
مينا: والله انا عرضت عليها الفكره ولقيت منها قبول لو بابا خالد وافق عليها هنروح ونعرف رأيو
خالد: انا موافق عليها وان شاء الله ربنا ييسر الامور
الكل: ان شاء الله
خالد: يلا ياشباب اطلعو كملو الى كنتتو بتعملوه (الشباب طلعت)
اميره: مالك ياخالد
خالد: مش عارف بس كلام محمد خايف فعلا ابوها يرفض وشكل مينا بيحب شرين وساعتها هينكسر
اميره: والله لو رفض احنا مش هنقدر نغصبو على حاجه سبها بس لربنا ومتفكرش
خالد: طيب ياميره يلا انا همشى بقا علشان عندى حصه دلوقتى ( وقام وقف قريب من السلم) ياحمد يلاا يابنى انت وهو (نزلو الشباب وخرجو راحلو المعهد)عند مينا بعد ماطلع فوق والشباب راحت المعهد وعباس وسراج نامو شويه سرح مع نفسو
مينا: (فى بالو) فعلا محمد معاه حق فى الى قالو , طب لو موفقش انا اعمل ايه , اكيد هبعد عنها مع انى برتاح معاها قوى , طب ياترى هيا هتبقى ايه موقفها , ممكن تقدر تأثر عليه , بس هتأثر فى ايه وانا اعرف منين انها بتحبنى او لا , يارب لو فيها خير قربها منى , لو فيها شر ابعدها عنى وارضينى بالى تقسمهولى يارب
تانى يوم فى المدرسه محمد نزل الحمام وكان اكمل هناك محمد بصلو ومشى بعيد عنو دخل الحمام وخرج راح غسل ايدو وطلع بره الحمامات لقى اكمل واقف محمد جيه يكمل طريقو لقى اكمل وقف فى وشو)اكمل: انت بقا معرفتش تاخد حقك مننا رحت جريت على المستر بتاعك وقولتو , (بضحكه سخريه) ليه انت مفكر انو (بصوت عالى شويه) ممكن المستر بتاعك يعرف يعملى حاجه
محمد: (بنفاذ صبر) اكمل ابعد من وشى
اكمل: ولو مبعدتش هتعمل ايه بقا هتشتكينى لمين تانى (محمد ضرب اكمل بالقلم لسه اكمل هيردلو القلم لقى الامن مسكوهم وبعدوهم عن بعض)
الامن: بس انت وهو يلا قدامى على اوضه المدير (وخدوهم الاتنين على اوضه المدير)
سامى:(اول ماشافهم وقف) ايه دة انتو تانى
اكمل: والله يامستر هو الى ضربنى
سامى: وهو هيضربك من الباب للطق كدة
الامن: اكمل الى بدا واستفز محمد بالكلام
سامى: سمعت يعنى انت الى بدات
محمد: والله انا كنت ماشى فى حالى وكنت متجنبو على الاخر طلعت من الحمام لقيتو وقفلى وقال كلام فارغ (اكمل بان عليه القلق انو محمد يقول الكلام الى قالو)
سامى: تقوم تضربو لا برافو عليك شاطر (طلعلهم بره ووقف قدمهم ) انا بقا هبعت الامن لمستر خالد يجى ينفذ الى قالو معاكو
اكمل:(مسك ايد سامى بترجى) لا والنبى يامستر بلاش مستر خالد
سامى:(رجع مكتبو وجاب عصايا وراح لمحمد رفع العصايا الاتنين بصو للعصايا بخوف ) افتح ايدك ومتقلتش وان فلتت عقبابك هيبقى مع مستر خالد مش معايا (محمد فتح ايدو ضربو اول عصايا قفل ايدو وتنهد واغمض عينه وبان على الوجع اكمل سامى كلامى) اخلص
محمد: ثوانى بس يامستر (وفتح نفس الايد وضربو عليها تانى واتكرر الضرب خمس مرات على ايد واحده)
سامى: افتح ايدك التانيه
محمد:(بصوت مخنوق وباين فيه الخنقه) وجعانى يامستر مش هستحمل عليها ضرب
سامى:(سابو وراح لاكمل ضربو عشر عصيان ورجع لمحمد تانى كمل معاه باقى الخمس عصيان وهوم بيضرب اخر عصايا دخل عليهم خالد
خالد: فى ايه (محمد بصلو بخوف واكمل بردو خاف منو سامى ضرب محمد اخر عصايا وبص لاكمل) روح على فصلك ياكمل والى حصل دة ميتقررش تانى انتو سامعين
اكمل: حاضر يامستر بعد اذنك (وخرج اكمل من الاوضه )
خالد: فى ايه
سامى: ضربو بعض تانى(خالد بص لمحمد بنرفزه وكان قايم خلاص هيضربو سامى مسكو اكمل سامى كلامو) خالاص بقا ياخالد اقعد انا عقبتهم خلاص
خالد:(بص لمحمد وبزعيق بس مش قوى) هو انت ياله ياغبى انت انا مش قولتلك متكلموش
محمد:ماهو الى استفزنى بكلامو
خالد: ماهو عايز يستفزك ويشوفك وانت بتتعاقب قدامو وانت عملت الى هو نفسو فيه
محمد: ماهو بردو انضرب يعنى منضربتش لوحدى
خالد: محمد غور من قدامى علشان مفقدش اعصابى عليك (محمد وقف مكانو وبص فى الارض خالد كمل كلامو) واقف ليه روح فصلك
محمد:(بصلو) انا بره من ساعتها ومستر على اكيد هيضربنى على التاخير وبصرحه ايدى وقفت
سامى: قولو انى بكلم المدير وهبعت الامن وراك يقولو يلا روح على فصلك
بعد المدرسه رجع محمد البيت وكان باين على ايدو انها مزرقه وورمه على عكس ايدو التانيه بس كان مدريها من اميره طلع على فوق من غير مايتكلم مع حد
اميره:هو مالو ياولاد
احمد: منعرفش هو نزل الحمام واتاخر بره بيقول كان عند المدير بعدين مقالناش حاجه
اميره: يعنى ايه محدش فيكو عرف هو مالو
شاهين: مافيش غير مينا هو الى ممكن يعرف ومحمد يحكيلو
اميره: اطلع لمينا هو فوق خليه يشوف مالو (طلع احمد لمينا كملت اميره كلامها) ليكون خالد ضربو تانى
عند الشباب)
مينا: طب هو فين
احمد: فى الاوضه بتاعتو
مينا: طيب انا رايحلو
احمد: هنيجى معاك
مينا: لا خليكو انتو هنا انا هروحلو لوحدى (وراح مينا لمحمد لقاه قاعد وساند دماغو على السرير وسرحان دخل مينا قعد قدامو بس محسش بيه غير لم حط ايدو على رجلو
مينا: لسه مغيرتش هدومك ليه
محمد: (بصلو) لم افوق وارتاح من المشوار هقوم اغير
مينا: ترتاح من ايه انتى بتيجى فى الباص كمان المدرسه مش بعيده (محمد بصلو وسكت كمل مينا كلامو) عملت ايه فى المدرسه النهاردة
محمد: عادى يوم زى اى يوم
مينا: ياسلام يعنى مافيش جديد
محمدLبزهق) انت عايز ايه منى يامينا
مينا: عايز اعرف مالك
محمد: (قام من على السرير) مالى انا كويس اهوة (وراح للدولاب ومسك بايدو الى انضرب عليها
مينا: (شاف شدو ايدو عالطول قام مينا ومسكها وشافها) مالها ايدك يامحمد
محمد: مفيهاش حاجه
مينا: ليه بقيت بتخبى عنى ليه مابقاش زى الاول كل مايحصلك حاجه تيجى تقولى
محمد: مافيش حاجه صدقنى
مينا: بابا خالد ضربك تانى
محمد: لا والله ماضربنى
مينا: طب مين الى ضربك كدة وليه (محمد تنهد وراح قعد على السرير كمل مينا كلامو) يلا قول بقا مالك فيك ايه
محمد: اكمل مش سايبنى فى حالى وانا زهقت من الضرب كل شويه بسببو المدير والامن عرفونى منو ومن المشاكل الى بيعملها معايا
مينا: (بهدوء) طب مش بابا قالك ابعدو عنو ومالكش دعوة بيه
محمد: والله بعد واتجبتو خالص هو الى قطع طريقى وقال كلام فاضى وانا مستحملتش ضربتو بالقلم
مينا: طب قالك ايه
محمد: قالى انت فاكر انو المستر بتاعك ممكن يعملى حاجه وقالى انى رحت جريت شكيتو لانى معرفتش اعملو حاجه نرفزنى بكلامو
مينا: بس انت حمار بردو كنت سيبو وامشى هو عايز ينرفزك
محمد: الى حصل بقا دلوقتى انا خايف من رده فعل بابا لم يرجع
مينا: متقلقش بس وسبها لله كده ومتفكرش فى حاجه ويلا قوم غير وخد دش على مانزل اجبلك مرهم من تحت يلا قوم (مينا خلاه يقوم ياخد دش سابو مينا وخرج ومحمد خد غيار ودخل الحمام وبعد شويه طلعو مينا بالمرهم دهن ايدو وفضل معاه علشان يطمنو خلال وجود مينا تحت حكى لاميره الى كانت قلقانه على محمد جدا)
بعد شويه رجع خالد من بره سمعت اميره قفلت الباب طلعتلو بره
خالد: محمد فين
اميرة : (مسكت ايدو بترجى) علشان خاطرى ياخالد كفايه الى حصل فى المدرسه
خالد: فوق فى الاوضه مش كدة
اميره: (لسه ماسكه ايدو) علشان خاطرى ياخالد
خالد: خاطرك على دماغى من فوق بس لازم احط حدود ليهم علشان ميتعدوهاش
سيبى ايدى ياميره
اميره:علشان خاطرى ياخالد الواد خايف منك
خالد:( شد ايدو من اميره) قولتلك سيبى ايدى (وطلع الاوضه لمحمد وكان مينا معاه اول مالباب اتفتح فجأه محمد ومينا وقفو ومحمد بص لخالد بخوف)
خالد: (قرب من محمد مينا وقف فى النص) انت ياله مش عايز تجبها لبر (محمد ساكت وبيبلع ريقو بصعوبه ومينا بيحاول يبعد خالد عن محمد خالد كمل كلامو بنرفزه) اوعى من وشى يامينا (وزق مينا على السريرومسك محمد من ايدو جامد ولسه هيتكلم)
محمد: (بخوف وصوت باين فيه الخوف) ماهو مش معقوله الانسان الوحيد الى اتعامل معانا كابنى آدمين اسمع اهانتو بودنى ومعملش حاجه والله مستحملت
خالد بص لمحمد شويه وهو ساكت ومحمد بص لمينا ورجع بص لخالد وهو خايف من رده الفعل فجأه خالد شد محمد وحضنو وفضل حاضنو شويه وبعدين سابو ونزل
مر يومين وخالد كلم مينا انهم هيروحو لشرين واهلها
خالد: مينا اعمل حسابك انو هنروح لاهل شرين بكرة
مينا )بفرحه):بجد يابابا
خالد: بجد ياحبيبى (وحط ايدو على وشو وطبطب كدة براحه وسابو ومشى طلع مينا وقال للشباب ايدو تلجت وبقا خايف ووشو اصفر
محمد: مينا دة بيقولك انت رايح يتنكلمو على البنت الى انت بتحبها مش رايحين يعلقوك على حبل المشنقه
مينا: لو رايح اتعلق على حبل المشنقه مكنتش هبقى كدة لانى عارف مصيرى فى الاخر لا دة انا معرفش حاجه ومعرفش ايه الى هيحصل
احمد: قول يارب لو ليا فيها خير قربها لو شر ابعدها , مش انت الى معلمنى كدة
مينا: قولت ياحمد
سراج: اهدى بقا انت كدة هيجرالك حاجه (مينا بصلهم وسكت)
عباس: اهدى يامينا انا اول مرة اشوفك كدة
شاهين: ماهو علشان اول مره حد فينا يبقى فى الموقف دة
مينا: بقولكو ايه يلا بره كلكو كدة انا عايز ابقى لوحدى (وقام زقهم كلهم طلعهم بره وقفل الباب )
احمد: طب افتحلى يامينا انا عايز انام )(مينا معبروش)
محمد: تعالى نام معانا انا وعباس بنام على سرير واحد وانت نام على السرير التانى (وراحو الكل والكل نامو)
وعدى اليوم سريعا بين قلق مينا وجيه معاد الزياره وراحو (خالد_اميره_مينا)ورجعو مينا طلع الاوضه عالطول وخالد خرج راح مشوار واميره طلعت اوضتها (عند الشباب متجمعين كلهم عايز يعرفو ايه الى حصل)
سراج: عملتو ايه يامينا
مينا: مافيش اتكلمنا وبابا خالد قالو على كل ظروفى
محمد: طب المقابله كانت كويس بعد ماعرف
مينا: ايوه متغيرش حاجه يعنى
احمد: انت متوتر كده ليه يا مينا مش انت روحت وكل حاجه تمام
مينا:انا اه رحت بس مش حاسس انو كل حاجه تمام
شاهين: ازاى يعنى يامينا
مينا:(بزهق) محصلش حاجة بس عندى احساس انها ابوها مش هيوافق
محمد: يامينا ديما تقولنا خلى عندك ديما تفائل فين بقا التفائل دة ولا انت بتقولنا حاجه وبتعمل عكسها
عباس: على فكره ابوها عندو حق لو رفض (الكل تفاجأ برد عباس وبصلو وانصدمو)
سراج: ازاى ياعباس وليه يعنى
عباس: هو ايه الى ليه انا لو عندى بنت مش هوافق اجوزها لاى حد مننا مافيش راجل عاقل يرضى يجوزنا بناته دااحنا ملناش لا اصل ولا فصل هيناسبنا ازاي بقا احنا الاحسن لينا منفكرش فى جواز اصلا
مينا:(بنرفزه وغيط من كلام ) لو عندك كلمه حلوه قولها ماعندكش اخرص خالص مش وقت كلام الغبى ده
عباس:اخرس عشان بقولك الحقيقه والمفروض كلنا نكون عارفين كده اصلا بس باين بتحلمو متحلمش يامينا ابو شرين مش هيوافق بيك
مينا:(قام عليه زى المجنون مسكو من التيشيرت لدرجه انو عباس مبقاش عارف ياخد نفسو هنا دخلت اميره بس محدش حس بيها وفضلت واقفه مصدومه ومش عارفه تتكلم من المنظر)انت بتحبطني ليه وبتستفزني بدل ما تقف جمبي وتهدينى
عباس: (بخنقه بايه فى صوتو) انا بنورك الحق عليا مش عايزك تتعقل بحبال دايبه
مينا:( خنقو اكتر لدرجه انو عباس وشو احمر ومبقاش عارف ياخد نفسو خالص وبقا زى مايكون بيطلع فى الروح) بس بقا اخرص خالص مش عايز اسمع صوتك
محمد :(كان اقرب واحد ليهم قام وفك ايد مينا بصعوبه من على عباس بزعيق) بس بقا يامينا سيببو الواد هيتخنق فى ايدك
مينا:(زق ووقع عباس على السرير واول ماسابو فضل يكح كتير) يتخنق ولا يروح فى داهيه
محمد: (راح لعباس ) انت كويس
عباس: عايز تموتنى يامينا علشان بواجهك بحقيقتك وبنورك بدل ماتتصدم لم تسمع رأيو حتى لو هيا موافقه
مينا:(قرب من عباس ورفع ايدو بزعيق) عباس(ولسه هينزل بالقلم على وشو صوت اميره وقفو )
اميره:( بزعيق) مينا انت بتهبب ايه , ايه دة (بصدمه) ايه المنظر دة رافع ايد على اخوك ازاى (وقربت منهم بعدو عن بعض)(بصتلهم بلوم وزعل) ايه اللي انتوا بتعملوه ده ، دا منظر شباب محترمين يمسكوا في بعض بالطريقه دي (بصت لمينا مينا بص فى الارض)وانت يامينا انت الكبير العاقل حصلك ايه عشان تعمل في اخوك كده وتمسكه بالطريقه دي ايه اللي حصل لده كله
مينا:(بخنقه) اسأليه
اميره:(بصت لعباس)اعملت ايه ياعباس وصلت باخوك النرفزه انو كان هيخنقك كدة ويضربك كمان
عباس: ( بص فى الارض) مافيش
اميره:(بعصبيه بس مش قوى)مافيش يعني ايه , يعني كان عايز يضربك كده من نفسه
عباس: الحقيقه مره وزعل علشان بصارحه بالحقيقه
اميره: الى هيا ايه بقا
محمد:خلاص بقا ياعباس اسكت بقا كفايه كدة
اميره:(بصت لمحمد واحمد وسراج وشاهين) اسكتو انتو (وبصت لعباس)اتكلم يلا في ايه
عباس:مينا زعلان عشان بقوله من حق ابو شيرين يرفضه عشان احنا ملناش اصل ولا نسب (كل الشباب تنهدو)
اميره:(بصدمه وزعل ولوم ) ليه بتقوله كده اومال انا وبابا خالد نبقى ايه
عباس: انتو كتر خيركو على الى انتو بتعملوه معانا بس هيا دى الحقيقه احنا لا لينا اصل ولا فصل لو عند حضرتك بنت هترضى تجوزيها لاى حد مننا , اكيد لا
اميره: طب بطل كلامك المتخلف دة
مينا: (بص لاميره بدموع بعد تفكير) ليه يبطل ماهو فعلا معاه حق احنا محدش هيرضى بينا لو سمحتى ياماما لم يجى بابا قوليلو يتصل باهل شرين او لم يجيلو الرد ميقوليش لانو هو فعلا هيرفض وحضرتك وبابا كمان متأكدين من كدة (وسابهم وخرج محمد واحمد خرجو وراء مينا وسراج وشاهيبن فضلو مع عباس واميره بصتلهم بصدجمه وسابتهم وخرجت وهيا من جواها بتقولو انهم فعلا معاهم حق فى كلامهم)
خالد رجع من بره ومعرفش حاجه عن الى حصل بين الشباب وعدى يومين على كدة ومينا متجنب عباس تمام مبيكلموش بعض وخالد لاحظ عليهم دة بس متكلمش يوم الخميس بالليل خالد مخصصو انو يبقى راحه من المذاكره بيتجمعو يتكلمو فى اى حاجه الى حصل فى الاسبوع
خالد: مينا وعباس فى ايه بنكو
مينا: مافيش حاجه بنا فى ايه
خالد: متاكد يامينا
مينا: ايوه متاكد
خالد: بس ان شايف غير كدة ليه
عباس: بجد يابابا مافيش حاجه
خالد: لا فى ولازم اعرف يلا بقا احكولى (وسمع جرس التليفون فتح التليفون ورد على المتصل) السلام عليكم.............الحمد لله بخير والله انت عامل والجماعه عندك عملين ايه.................. خير ان شاء الله.................. ( بصدمه وفرحه) بجد ......... دة احلى خبر سمعتو ............... لا لا ان شاء الله اقرب فرصه طبعا ....................مع الف سلامه
اميره: خير ياخالد فى ايه
خالد:(بص لاميره وضحك وبص لمينا ورجع بص لاميره) هيبقى عندنا عريس
اميره:(بصدمه ) يعنى ايه
خالد:(بصلها وضحك على صدمتها وبص لمينا) افرح ياله ابو شرين وافق
ياترى ردة فعل مينا واخواته هيبقى ايه بعد ما عرفوا بموافقة ابو شيرين
ياترى خالد هيعرف بخناقة مينا وعباس
مينا حياته هتبقى ازاي مع شيرين بعد الخطوبه
#hadeer
#rody
