#حياة_اليتيم
#حياه_اليتيم_2
#جزء_من_حلقة_سابقة
حسن:(بصدمة وزعيق) انا هطلع اقول للمدير على الى انت عايز تهببو دة ماشى ابقى اسمع انت ولا سراج حد فيكو راح هناك هطين عشتو ويلا كل واحد يقوم على سريرو
مينا:(بعصبيه) اوعو تفكرو علشان طلعتو احمد من هنا تبقو بتبعدوة عننا لا انا هعرف اوصل لاحمد وميهمنيش بقا اذا كنتو عرفتو او لا
#بداية_الحلقة_الجديدة
حسن: حلو قوى الكلام دة انا بقا اروح اقولو للاستاذ حسام وهو يجى يتصرف معاك
مينا: تحب اجى اوصلك
حسن: ماشى يامينا (ومشى حسن)
سراج:(بعصبية) انت مجنون يامينا انت الى انت عملتو دة
مينا:(بقلق) الى حصل حصل بقا انا يعنى هعمل اية
سعد:(بخوف) ربنا يعدى الليلة دى على خير (رجع حسن ومعاه حسام العنبر كلو قام)
حسام:(بجدية) تعالا هنا قدامى يامينا (مينا راح قدامو وهو باين عليه القلق) اقدر اعرف انت قولت اية
مينا: انا كل الى قولتو انو عايز اعرف العنوان الى راحو احمد علشان نبقى نطمن عليه من وقت للتانى
حسام: لية بقا
مينا: هو اية الى لية دة اخويا وحضرتك عارف انو من اقرب الناس ليا هنا
حسام: طب يامينا انا بقا مش عايز لا انت ولا سراج تفكرو مجرد تفكير انكو تقرب من احمد تانى
مينا:(بصدمة)يعنى اية بقا احنا منقدرش نستغنى عنو
حسام:(بزعيق) جرا اية ياله انت هجادلنى الكلمة بكلمتها شكلك كدة الفلكة والتعليق وحشك وعايز ترجعلو تانى
سراج:(بسرعة) لا طبعا يامستر هو بس من حبو لاحمد قال كدة احنا مش هيبقى لينا دعوة باحمد خالص (بدموع) لو شوفناه فى الشارع مش هنكلمو
مينا: انت بتقول اية انت كمان
حسام:(قرب من مينا وشدو من التيشرت بتاعو ) طب تعالا بقا لم اعملك ازاى تسمع الكلام (الكل خاف)
سعد:(جرى عليهم) يامستر مينا بيقول كدة من الزعل هو مش هيكلم احمد تانى (وبيحاول انو يخليه يسيب مينا)
حسام:(زقو وقعو على الارض ووقع سعد معاه) ابقا اسمع انك انت ولا هو (يقصد سراج) فكرتو مجرد تفكير انكو تحالو تشوفو احمد والله هعلقلكو من رجليكو وهربيكو من جديد اما اشوف بقا كلمتى هتتسمع ولا لا (وسابهم ومشى ) جريو الشباب عليهم وقوموهم
(عند احمد الى قضى سهرة بره مع الناس الى اتبنوة رجعو البيت احمد دخل البيت لاول مرة(احمد بص حوالية لقى مكان نظيف نورو حلو احسن من عتمة العنبر مكان مترتب )
اميرة:(مسكت ايد احمد) تعالا اوريك الاوضة الى هتعقد فيها (ومشيو شوية ودخلو الاوضة دخل احمد الاوضة وبص فيها اوضية شبابية فيها كل مايختاجو الشباب كمبيوتر ولاب توب ومتروقة وبتطل على حمام سباحة منظرها حلو جدا احمد دخل قعد على السرير وحط ايدو على خدو وسرح)
امير:(قربت منو وقعدت جمبو) الاوضة مش عجباك تعالا اتفرج على باقى الاوض والاوضه الى تعجبك هتبقى الاوضة بتاعك
احمد:(باصص فى الارض وبصوت واطى) لا (اميره بصت لعادل)
عادل: طب مش محتاج حاجة
احمد:(بدموع) شكرا
اميره: طب لية الدموع دى انا مش عايز اشوفها تانى (احمد وقف بسرعة رجلو وجعتو قعد تانى اكملت اميره كلامها) مالك ياحبيبى انت كويس
احمد:(بدموع) رجلى وجعانى
اميرة:(بسرعة) طب استنى ادلكهالك (ولسه هتمسكها احمد بعد عنها بسرعة وساعتها افتكر مسكتهم لية ساعه ماكانو بيعلقوة فى الفلكة)
عادل: اميره متقلقيش بس تلاقيها من التطعيمات الى خدوها ساعات بتعمل كدة تعالى وسيبة يرتاح (طلعو بره وسابو احمد فى الاوضة)
اميرة: انا خايفة يهرب
عادل: متقلقيش انا قافل الباب
اميرة: انا هقعد هنا مش هنام
عادل: وبعدين ياميره معاكى انا عملت الى انتى عايزاه واتبنتلك الى قلبك اختارو خلاص بقا ريحى نفسك من كام سنة وانتى بتعانى حرام عليكى نفسك
اميرة:(بدموع) خلاص ياعادل يلا ندخل ننام (ودخلو نامو قبل ماينامو بصو على احمد لقوه لسة مكانو متحركش ولسة بيعيط (فى الملجأ الصبح سمعو صفارة الاستيقاظ الكل قام)
عباس:ااااااه (مينا وسراج جريو عليه)
مينا: مالك فى اية
عباس: مافيس بس رجلى بتوجعنى
شاهين: وانا كمان رجلى وجعانى
سعد: وانا بردو
سراج: الى خدو فيها الحقن
سعد وشاهين وعباس: ايوة (مينا بص لسراج)
سراج: يبقى عادى متقلقوش بس متنموش جمبها وحركوها وهيا هتفك
مينا: ياترى احمد رجليه بردو بتوجعو
سراج: انتو مش وراكو مدرسة يلا روحو
مينا: يرحو فين يفطرو الاول (التلاتة بصو لمينا وسابو وراحو جهزو وراحو المدرسة) فى المدرسة عليهم حصة انجليزى سعد قاعد قدام حاطط دماغو على الدسك وساكت عباس قاعد فى الاخر ساند دماغو على ايدو وباصص فى الشباك وشاهين قاعد فى النص حاطط ايدو على خدو وسرحان دخل المدرس واستغرب منهم وانهم مش زى كل حصة شرح الحصة وخلص وهما على نفس الوضع دة متغيروش (خرجو جميع الطلاب من الفصل ولسة التلاتة زى ماهما)
اشرف: مالكو ياولاد فى اية الحصة خلصت (التلاتة فاقو من شرودهم وقامو وقفو ووطلعو بقا كلهم قدام المدرس)
اشرف: فى اية اول مرة ادخل الحصة ومشدش فى شعرى منكو
شاهين: مافيش حاجة يامستر بعد اذنك يلا ياشباب (ومشيو التلاتة) (بعد يومين عند احمد)(اميره قاعدة جمبو وبتعيط بصت لعادل)
اميره: وبعدين ياعادل دة بقالو يومين مبيكلش ولو كل تبقى لقمتين بطلوع الروح
عادل: احنا غلطنا لم جبنا الولد دة
اميره: لا متقولش انك هترجعو الملجأ انا حبيتو قوى عوضنى عن سمير كتير(بدا احمد يطلع اصوات وهو نايم زى اه اه اه اميره بصتلو بلهفو وحطط ايدها على جبينو لقتو سخن جدا)
اميره:(بخضة)ينهار ابيض الواد سخن جدا (بصت لعادل ) انزل هات دكتور بسرعة طبعا عادل نزل ورجع كانت اميره بتعملو كمدات وصل الدكتور وكشف علية واطمن عليه الدكتور طلع من الشنطة حقنة
عادل: خير يادكتور فى اية اية الابره دى
الدكتور: متقلقش ياعادل بيه دى خافض للحرارة ابن حضرتك حرارتو معدية الاربعين (وقلب احمد على جمبو وادالو الابره ومكنش فية رد فعل من احمد خالص اميره افتكرت منظرو بعد التطعيم وبصت لعادل بقلق خلص الدكتور وقام خرجو بره وسابو احمد يرتاح )عادل : عندو اية يادكتور
الدكتور: عندو سوء تغذية وضعف جامد وانميا انا هكتبلو على علاج لازم يمشى عليه المحاليل دى واحدة كل يوم وياخهد فيها الحقن دى والحقنة دى كل تلات ايام واحدة الف سلامة عليه بعد اذنكو
عادل: انا من رائ اننا نرجع الولد دة وناخد طفل صغير منعذبوش معانا ولا يعذبنا معاه كدة
اميره: بس انا قلبى اتعلق بية
عادل: ابقى روحى زورية كل فترة واهتمى بيه بس سبية الظاهر انو متعلق بجد هناك (راحت اميره مسكت ايد احمد وباستها وفضلت تعملو كمدات علشان الحاراة تنزل (مراسبوع واحمد لسة نايم مبيقمش من على السرير خالص عايش على المحاليل رفض الاكل تمام وعينو ورمت من كتر العياط واميره وعادل قررو انهم يرجعو الملجأ بدل مايضيع من ايدهم زى ابنهم)
اميرة:(قعد جمب احمد من جهة وعادل من الجهه التانية وساعدو يقوم يقعد)والله هتبقى مبسوط معانا بس اهدى ومتعيطش كده
احمد:(بتعب ودموع)لوعايزاني ابقى مبسوط بجد رجعيني هناك عند اخواتي
عادل:انت مش مبسوط معانا هنا احنا بنعملك وحش
احمد:(بتعب ودموع)انا عايز ابقى مع مينا ومحمد وسراج وشاهين وعباس هما دول كل حياتى اهلى الى اتحرمت منهم دول اهلى متحرمونيش منهم كمان
اميره:(بدموع)مش هنحرمك منهم وقت متحب تروح هوديك هخليك تروح تشوفهم على طول والله وكمان كل جمعه هخليك تروح تقضي اليوم كله معاهم
احمد:(بعياط) انا عارف ان عندكوا احسن من هناك بس انا مش هعرف ابعد عنهم والله مش متخيل حياتى من غيرهم
عادل:(بدموع من كلامو) طيب ياحمد انا هرجعك الملجأ بس بشرط
احمد:(بفرحة) انا هعمل كل الى حضرتك عايزو بس رجعنى لمينا
عادل: تقوم تاكل معانا دلوقتى والصبح هرجعك هناك تانى
احمد: بس انا مش جعان
اميره:(تتنهد وتحضنه ودموعها تنزل)هتقوم تاكل معانا دلوقتى هنرجعك مش هتاكل هنسيبك هنا ومش هنرجعك تانى
احمد:(بعياط) لا خلاص هاكل
اميرة:(حضنتو) وانا هعملك كل اللي انت عايزه يا أحمد
عند محمد اللي كان واقف بقاله فتره بيراقب اوضة المدير عشان يشوف مين اللي فيها
ومجرد ما المدير طلع وراح يلف على العنابر محمد جرى بسرعه عشان محدش يشوفه ودخل اوضة المدير وفتح الملفات وبيفتش في الاوراق على العنوان اللي احمد ساكن فيه
محمد(في نفسه): ايه ده كل ده ورق والمفروض ادور فيه ربنا يستر بقا بس مش هخرج من هنا والله غير لما آلاقي العنوان ويانا ياانتوا بقا(في نفس الوقت اللي محمد بيدور في الورق كان فيه عين بتراقبه من بعيد وشايفه كل اللي بيحصل)(محمد لقى العنوان اخيرا وكتبه في ورقه وخرج بسرعه ولسه بيمشى لقى صوت من ورا بيقوله) :انت كنت جوه بتعمل ايه
محمد(محمد وقف بصدمه واتدور براحه وخبى الورقه وبص وسكت) شيرين : مردتش يعني انت كنت بتعمل ايه جوه
محمد(بتوتر): ككك كنت اا مكنتش بعمل حاجه
شيرين : ياراجل طب ايه اللي في ايدك ده
محمد(مسك الورقه كويس): مافيش في ايدي حاجه
شيرين(قربت منه ومسكت ايده واخدت الورقه منه وفتحتها وشافتها): عنوان مين ده
محمد : مش عنوان حد
شيرين(بجديه): خلاص متقولش انت حر ولما المدير يجي هبقى اسأله وهو اللي هيقولي عنوان مين دة
محمد(بسرعه وبخوف): لا والنبي ماتقوليله
شيرين : طب قولي انت دا عنوان مين
محمد(بتوتر): دا عنوان واحد كان معانا هنا بس في ناس اتبنوه وعايزين نطمن عليه والمدير مش راضي يقول عنوانه
شيرين(بجديه): بس مينفعش تدخل وتفتش كده في حاجات مش بتاعتك وانا للاسف هضطر ابلغ المدير
محمد(بخوف): لا بالله عليكي انتي مش عارفه ممكن يعمل فيا ايه (جه من وراهم صوت محمد اتعرب اكتر)
حسام : في ايه اللي بيحصل هنا
شيرين : حضرتك مستر حسام مدير الملجأ
حسام : اه انا وانتي مين
شيرين : انا شيرين اللي جاية التدريب بتاعي هنا
حسام : انتي اللي تبع كليه الخدمه الاجمتاعيه
شيرين : اه انا
حسام : اه وصلني انك هتشرفي معانا فتره نورتينا بس انتي كنتي واقفه كده ليه الواد ده عمل حاجه ولا ايه
شيرين(بصت لمحمد وشافت في عيونه الخوف): لا معملش حاجه داانا كنت بسأله على مكتب حضرتك وهو اللي وصلني لهنا
حسام : اه طب اتفضلي جوه في المكتب وانت على اوضتك محمد بص لشيرين بصة ترجي ومشى وسابهم وشيرين دخلت مع المدير المكتب) (عند محمد راح لمينا وباقي الشباب في العنبر بتاعهم ودخلهم
سراج : انت كنت فين ياابني اختفيت فجأه كده و روحت فين
شاهين(بضحكه): لولا ان مافيش هنا بنات كنت قولت بيصيع كده ولا كده
عباس : لا يا جماعه محمد محترم والله
سراج(بضحكه): اه محترم جدا
شاهين : عباس محسسني انه ميعرفش محمد وعمايله الشمال(كلهم ضحكوا)
محمد : وانت يا مينا مش هتشارك في الحفله بتاعتهم دي
مينا(فاق من شروده): هاا بتقول حاجه يامحمد
محمد : لا داانت مش معانا خالص بس انا جايبلك حاجه هتفرحك
مينا : حاجة ايه
محمد(طلع الورقه): عنوان احمد اهو
مينا(باستغراب): وانت جبته منين
محمد : جبته من مكتب المدير فضلت مراقبه لغاية ما خرج ودخلت دورت لغاية ما لقيته
مينا(بجديه ونرفزه): انت متخلف ياله انت ايه اللي عملته ده
محمد : عملت ايه مش انت هتموت وتطمن عليه وانا جبتيلك عنوانه عشان تروحله اهو
مينا(بزعيق): ولو كنت اتمسكت وانت هناك وموتك كنا عملنا ايه بقا
محمد : خلاص يامينا ماانا قدامك اهو ومتمسكتش فكك بقا من جو الاب او الاخ الكبير ده
مينا(بعصبيه وزعيق): انت بارد ليه ياابني الحق عليا اني خايف عليكوا
عباس(بهدوء): وطي صوتك يامينا عشان محدش يسمعنا بقا مش ناقصين مشاكل(الكل سكت وبعد حوالي عشر دقايق)
محمد : بس انا شوفت حتة بنت جايه لمدير وشكلها هتشتغل هنا انما ايه قمر
سراج(بضحكه): احلف ياض
محمد : والله قمر ورقيقه اوي
شاهين : اخيرا جالنا اشكال جديد وحلوه بدل اشكالكوا اللي تسد النفس
عباس : ماتهدوا بقا ياجماعه عيب عليكوا
مينا : تصدوا ان انتوا اللي قعدتكوا تسد النفس انا قايم وسايبكوا جتكوا القرف(وقام بعد عنهم وقعد على سرير احمدومحمد قعد يكملهم كلامه على شيرين)
مرت فترة غاب احمد اسبوع عن الملجأ والشباب هيموتو ويعرفو حاجة عنو
في صباح اليوم الجديد في الملجأ
أحمد وصل الملجأ مع أميره وعادل وكان فرحان جدا ودخلوا مكتب المدير(بعد السلام والتحية بنهم)
حسام(بصيلهم ووقف بإستغراب): خير في ايه رجعتوا تاني ليه ايه اللي حصل عمل اية علشان ترجعوه
عادل : مافيش حاجه حصلت ومعملش حاجة (وبص لاحمد)بس أحمد حابب انه يفضل هنا مع اصحابه اللي متربي معاهم
حسام(بص لاحمد بجديه ورجع بص لعادل تاني): وانتوا بتسمعوا كلامه دي اصلا حاجه مش بمزاجه
اميره : لا دي حاجه بمزاجه مينفعش يقعد في مكان مش مرتاح فيه ولا حابه احنا جينا النهارده نرجع احمد هنا لأصحابه وهنعمل اجرائات تانيه وناخد طفل لسه رضيع
حسام : ماشي اللي انتوا عايزينه(الباب خبط وكان محمد ودخل بعد ما المدير أذنله)
محمد(دخل و أول ما شاف احمد قرب ليه وخده في حضنه وفضلوا حاضنين بعض كتير جدا واحمد ومحمد دموعهم نزلت ودموع اميره وشرين نزلت من منظرهم)
المدير(بزعيق): انت يابني اخلص انت جاي هنا ليه
اميره : متزعقلهمش كده هما اخوات ومشافوش بعض بقالهم فتره سبهم براحتهم
حسام :(بعد كام ثانية)محمد اخلص قول عايز ايه جاي هنا ليه
محمد : انا جاي لحضرتك امضي الورقه دي لمستر اشرف
حسام : طب هات واخلص(ومضاها ومحمد خرج بس كانت عينه على احمد طول ماهو ماشي)
شرين: بس يامدام اميره انسانية من حضرتك انك تتبنى شاب فى عمر احمد ولم تلاقية تعبان ترجعية
اميره: طبعا احمد انا حبيتو قوى وكنت بتمنى انو يعيش معايا (طبطبت على ظهره) طالما هو حابب هنا مش هجبرو على العيشة معانا
احمد: بس حضرتك متكونيش زعلانة منى انا حبيتك جدا والله بس انا مقدرش استغنى عن اصحابى
اميره:(قامت وحضنت احمد) وانا مش هبعدك عنهم ياحبيبى واى حاجة تحتاجها اتصل بيا فى اى وقت هتلاقينى هنا
احمد: هتيجى تزورينى تانى
اميره: طبعا اكيد
عادل:وكل اسبوع هنيجى ناخدك ونوديك مكان من شكل(وباس دماغو احمد حضنو وعدال حضنو)
حسام:(بص لاحمد بضيق) يلا يااحمد ارجع العنبر (احمد بصلو بخوف وشرين لاحظت دة بص لحسام)
شرين: بعد اذنك وخرجت بره حسام ضرب جرس لعامل فى الملجأ دخل العامل
حسام: نزل الشنط دة عنبر 6
العامل: حاضر يافندم
(محمد جرى وراح العنبر بسرعه وكان مينا وسراج بس اللي هناك وكانوا قاعدين مع بعض بيتكلموا وهو دخل عليهم فجأه وبينهج من الجري مينا وسراج وقفوا بإستغراب)
مينا : في ايه يامحمد مالك بتجري كده ليه
محمد(بنهجان): احمد
مينا : احمد ماله في ليه
محمد(بنهجان): احمد هنا في الملجأ
مينا(بعدم تصديق): بجد !! طب ليه وهو فين وعامل ايه
سراج : براحه يامينا وسيبه ياخد نفسه الاول وبعدين يتكلم
مينا : اهو اخد نفسه اهو اتكلم يلا يامحمد
محمد : كنت في مكتب المدير وشوفته هناك مع الناس اللي اخدوه بس كان في ايده كالونه شكله تعبان
مينا(بقلق): تعبان ماله ياترى
محمد : هو قال انه هيجي هنا يسلم عليكوا
سراج : طب هو يعني زمانه جاي هنا الوقتي
محمد : اه زمانه جاي مينا(اخد نفسه واتنهد بفرحه انه هيشوف احمد) وبعد حوالي ربع ساعه لقوا أحمد داخل عليهم واول ما شافوه وقفوا وهو جرى على مينا وحضنه
أحمد(بدموع وهو حاضن مينا): متخليش حد ياخدني من هنا تاني يامينا انا مش عايز اسيبكوا انا معرفش غيركوا
مينا(بهدوء وهو حضنه): ششش متعيطش بقا اهدى
احمد : انتوا كنتوا واحشني اوي وطول الوقت بفكر فيكوا
مينا(بإبتسامه): وانت كمان كنت واحشنا والله ياحبيبي
سراج : طب بالنسبه ليا مكنتش وحشك انا كمان ولا هو مينا بس
احمد(راح حضنه): انا بحبكوا كلكوا والله
سراج : حبيبي يا ميدو
اميره(دخلتلهم): انا حبيت اني اجي اشوف اخوات احمد اللي مش قادر يبعد عنهم خالص دول
احمد(بإبتسامه راحلها ومسك ايدها ومشوا لغاية مينا ومحمد وسراج): هما دول بقا اخواتي يا ماما ولسه شاهين وعباس بس تقريبا في المدرسه
اميره : ايوه ياحبيبي وشكلهم بيحبوك اوي زي ما انت بتحبهم كمان
مينا : طبعا احمد اخونا الصغير وكلنا بنحبه بس بعد ازنك خلي بالك منه
اميره(بإبتسامه حزينه): لا هو رجعلكوا وخلوا بالكوا انتوا منه
مينا(بص لأحمد بسرعه): ليه انت عملت ايه
احمد : والله ما عملت حاجه
اميره : هو معملش حاجه بس هو مش عايز يبعد عنكوا واحنا مش عايزين نزعله فرجعناه تانى
مينا(بفرحه): انا مش عارف اشكرك ازاي بجد
اميره : اهم حاجه راحة احمد(وبصت لأحمد بدموع) انا همشي ياحبيبي ولو احتجت اي حاجه ابقى كلمني وانا كل يومين اطمن عليك وزي ما اتفقنا يوم الاجازه هتقضيه معانا(وبص لمينا وحطط ايدها على وشو مينا حس بحنان لاول مرة بيحس بية) خلى بالك منو يامينا وخلى بالك من معاد علاجو هو فى الشنطة (رجعت بصت لاحمد) انا كل ثلاث ايام هظبط نفسى عليهم وهجبلك حد يديلك الحقنة
أحمد : ماشي بإذن الله
اميره(خدته في حضنها ودموعها نزلت): هتوحشني اوي ياأحمد
احمد : وحضرتك كمان هتوحشيني وبابا عادل هيوحشني اميره(سلمت على مينا وسراج ومحمد ومشيت وهي عينها على احمد وبتعيط)
محمد:(بص لاحمد بابتسامة وحضنو تانى وبعدين محمد افتكر الحصة) ينهار اسود دة زمان اشرف قالب عليا الدنيا سلام ياله وهبقى اسلم عليك بعدين (وجرى محمد على الفصل)رجع محمد الفصل وشاف عصايا فى ايد اشرف وقف يدفى ايدو علشان كانت ساقعة دخل الفصل
اشرف: كنت فين نص ساعة علشان تمضى ورقة وتيجى (محمد بصلو بخوف وسكت)
اشرف:كنت فين(بردو محمد ساكت) انطق ياله كنت فين
محمد:(بارتباك) كك كن كنت فى العنبر
اشرف:(مسك ايد محمد وفتحها وضربوعليها ومسك التانية بردو فتحها وضربو عليها واتكرر انو يفتح ايدو ويضربو عليها كذا مره وعباس وشاهين هيموتو علشان صاحبهم بينضرب كدة)
اشرف:(وهو بيضرب محمد) انا لم اقولك تروح لمكان متتلكعش فى الطريق سامع
محمد:(بتوجع) خلاص يامستر بقا حاضر (اشرف سابو بعد ماضربو اكتر من ست سبع عصيان) (يتيم بقا محدش هيقولو ايدك ورامة لية ولا رجلك ورامة لية ولا حد هيعرف يكلم المستر الى ضربو)دخل محمد وهو جسمو بيترعش من الضرب قعد مكانو وسكت
محمد:(خلى اشرف باصص على السبوره وبص لشاهين وعباس بصوت مهموس) عندى ليكو مفاجاه هقولهالكو بعد الحصة
اشرف:(سمعو وبصلو) يعنى انت مافيش عندك دم(محمد بصلو) مضروب سبع عصيان اعمل فيك اية تانى (محمد ساكت اكمل اشرف كلامو بجدية) محمد اتقى شرى احسنلك ماشى انا بحذرك بلسانى انت حر بقا
عند مينا واحمد وسراج فى العنبر
مينا:(بهدوء) اية ياحمد دة عينك حمرا وتحت عينك اسود وخاسس انت كنت بتعمل فى نفسك اية
احمد:(بخوف) هو انا مكنتش باكل ولابشرب وكنت اكتراوقات ببقى صاحى ومن تالت يوم اكتر اكلى كان محاليل(وبص لمينا بدموع) انا كنت بعيط ليل ونهار علشان اجيلكو هنا
سراج:(بزعيق) طب لية كدة يا أحمد (مينا بص لسراج بمعنى انو براحة) براحة اية يامينا افرد كان طول اكتر من كدة كان يرجعلنا ميت
مينا:الحمد لله انو كويس خلاص بقا انت عارف انو لا بياكل ولا بيشرب غير معانا (دخلو عليه شاهين وعباس ومحمد عباس جرى علية وحنو
عباس:(بدموع) وحشتنى قوى ياحمد انا مش مصدق انك هترجع تعيش معانا تانى (ومش عايز يسيبو من حضنو )
شاهين:(زق عباس) ياعم اوعى بقا (وحضن احمد) وحشتنى قوى احلى خبر سمعتو النهاردة انو انت هترجع تانى تعيش معانا
مينا:(خد بالو من ايد محمد مسك وكانت مزرقة) مالها ايدك يامحمد
محمد:(بتريق) الكائن الفاضى الى فوق دة ضربنى سبع عصيان
مينا: لية
محمد: علشان جيت هنا من الفرحة ونسيت الحصة خالص
مينا: احسن تستاهل (وراح جاب ميةمن الحنفية وفوطة نظيفة وحطها على مكان الزرقاء الى على ايد محمد وبعد شوية دهنلو مضاد للكدمات)
(بعد ثلاث ايام عند اميره راحت لاحمد ومعاه واحد صيدلى علشان يدى لاحمد الحقنه قابلهم حسام على الباب
حسام: مدام اميره اتفضلى (وبص للى معاها)
اميره: اهلا استاذ حسام دة صيدلى جاى علشان يدى لاحمد الحقنة معادها النهاردة
حسام: مدام اميره مينفعش دكتور الدار هيدهالو
اميره مينفعش اى حد يدهالو ممكن تمتو لقدر الله
حسام: بجد يامدام اميره مينفعش
اميره: خلاص ياستاذ حسام اظن انا ينفع ادهالو
حسام: (بضيق) ينفع اتفضلى
اميره:(بصت للصيديلى طب معلشى انا اسفة قوانين الدار اتفضل (الصيدلى مشى واميره دخلت لاحمد)
احمد اول ماشافها جرى عليها وحضنها
احمد: ماما اميره وحشتينى قوى (احمد وسراج وعباس وشاهين كانو بيذاكرو ومينا كان بيسمع لسعد لم شافوها كلهم قامو وفقو)
اميره وانت كمان ياحبيبى (وراحت سلمت على الشباب ) عملين اية ياولاد
الكل: الحمد لله كويسين
اميره: انا كنت جيبه واحد يديلك الحقنة يا احمد بس مرضوش يدخلوة فانا هدهالك
احمد:(بخوف) مش عايز حقن
اميره: اية الى بتقولو دة ياحمد يلا قوم دى شكة ابره
احمد: بلاش والنبى
مينا: ايوة شغل العيال رجعنالو تانى اهو (بجدية) يلا ياحمد قوم
احمد:(وقف وبعد عنهم) انا مش عايز حقن مش هاخد حقن
سراج: يابنى تعالى بدل مانكتفك
احمد:(بخوف)سراج بطل هزار بقا
مينا: مش هيجى بالذوق يلا ياشباب (وفضلو يحطوة عليه لحد مامسكوة
احمد: خلاص خلاص والله خلاص سبونى بقا
مينا: خلاص ياشباب سبوة (اميره وافقة بتضحك عليهم )
احمد:وقف قدام اميره ومسك فى مينا دخل حسام عليهم
حسام: ايه ياحمد نص ساعه (احمد اول ماشافو عدل هدومو عالطول)
اميره: معلشى ممكن تطلع بره علشان ياخدها
حسام: ماشى وطلع بره (احمد رجع وقف قدام اميره واميره ضربتلو الابره بس كانت بتضربها براحة )
احمد: اااااااااااه كفاية بقا خلاص شليها بقا
اميره: استنى ياحمد ثوانى بس معلشى ( بعد عددة ثوانى شالت الابره واحمد راح قعد على السرير ر
اميره: بالشفا ياحبيبى
فى نفس اليوم بالليل شرين بدات تمارس عملها والى لفت نظررها الى عملو احمد وانو باع حياه نظيفة بعيده عن الملجأ علشان خاطر اصحابو احمد كان قاعد فى العنبر واخد اجازة من المدرسة على مايخف فكان لوحدو والباقى فى المدرسة وكلياتهم
العامل: احمد انسة شرين عايزاك فى مكتبها
احمد: حاضر (وطلع احمد رحلها المكتب خبط ودخل بعد مأذنتلو)
احمد: حضرتك طلبتينى
شرين: اه تعالا ياحمد اقعد (دخل احمد وقعد على كرسى قصاد مكتب شرين)
شرين: قولى بقا ياحمد عامل اية
احمد: الحمد لله كويس
شرين: خلصت الحقن
احمد: لسة واحدة بعد بكره ان شاء الله
شرين: بالشفاء يارب قولى ياحمد لية انت ضعيت عليك فرصة انك تعيش فى عيشة نظيفة تتعلم تعليم نظيف ولية متعلق بالشباب قوى هنا
احمد: مضيعتش عليا حاجة انا مبعرفش اعيش من غيرهم
شرين: ليه ياحمد كان قدامك فرصة تعيش حياه احسن
احمد: احسن حياه ليا هنا انا من يوم ماوعيت على الدنيا وانا معرفش حد غيرهم كان نفسى اعيش زى اى طفل ليه اب وليه ام وليه اخوات طلعت ماليش كل دول ومالقتش غير مينا ومحمد وعباس وشراج وشاهين وكتير غيرهم وعيت على الدنيا مالقتش غيرهم هما كل حاجة ليا لم بحتجهم بلاقيهم جمبى فى عز المى هما الى معايا ورغم انهم مرو بنفس الالم الاانهم مسبونيش ابدا بعد العمر دة اسبهم علشان تعليم ولا عيشة نظيفه
شرين: بس ياحمد انت ضيعت عليك فرصة انك تعيش عيشة كويسة وتعليم كويس وحياه مرفهة مش احسن من الاهانة الى هنا اكيد الكل بيتهان هنا واكيد فى ايام بتمر صعبة(احمد دمع وسكت اكملت شرين كلامها وهيا بتدى احمد منديل ) لية الدموع دى
احمد:(وهو بياخد منهما المنديل وبيمسح دموعو) افتكرت موقف مريت بيه هنا كان اصعب حاجة فى حياتى
شرين: تعرف تحكية
احمد: بلاش
شرين: بس انا عايزة اعرفو
احمد: فى حصة انجليزى المشرف شتمنى باهلى معرفتش امسك لسانى رديت عليه وقولتلو بتنفس الشتمة ضربنى بالاقلام والشلاليط وبعدها علقونى فى الفلكة ونزل و ضرب فيا(بدموع)وبعد ماتعب انا اغمى عليا سابنونى كدة مغمى عليا لحد المغرب كل دة واصحابى وافقين اصحابى الى بعت الدنيا علشانهم ومش (بعياط اكتر) ومش بس كدة نزل المدرس كمل عليا وضربنى تانى وفضل يضرب فيا والاخر رمونى زى الكلب لوحدى واصحابى الى انا بعت الدنيا علشانهم هما الى عالجونى من يومها وهما بقو اقرب ليا من روحى (وانهار اكتر من العياط)
شرين: طب اهدا ياحمد اهدا كفاية عليك كدة ان شاء الله لينا قعدة تانية مع بعض
احمد:(بعياط) ان شاء الله (فضلت معاه لحد ماهدا خالص طلبتلو لمون شرب منو شوية )
احمد: بعد اذنك
شرين: اتفضل ياحمد (تانى يوم فى فصل سنة تالته موبيل مستر العربى اتسرق من الفصل)
خالد:انا عايز اعرف الموبيل دة راح فين (محدش رد عليه )
خالد:تعالا ياسعد نادى مستر حسام (محمد نزل وبعد عددة ثوانى رجع محمد وحسام حسن وراه)
حسام:فى اية يامستر خالد
خالد:انا موبيلى اتسرق فى الفصل دة
حسام:(بصدمة)اية اتسرق مين الى سرقو
خالد:منا عايز اعرف
حسام:(بص الفصل وبجدية )مين الى خد موبيل المستر(محدش رد علية اكمل كلامو )إلى خد الموبيل يقول انا لو طلعتو مش هرحمو(بردو محدش رد اكمل كلامو )طيب اقفو كلكو وسيبو الشنط على الدسك (الكل وقف وساب الشنط على الدسك )
حسام:انا هفتش هنا وانت يامستر خالد قتش هناك (وبداتفتيش الطلاب ومبقاش الا الصفة فى للنص )
حسام :(بصلهم )الحرامى منكو يطلع احسنلو(محدش رد )كمل حسام تفتيش لحد ماوصل للثلاث شباب وبدا بشاهين فتشو وملاقش معاه حاجة فتش سعد ومكنش معاه حاجة فتش عباس وطلع الموبيل من شنطتو
حسام(مسك الموبيل وبص لعباس )ايه دة
عباس(بصدمة وتوتر وارتباك )وال و الل والله ماعرف عنو حاجة
حسام:(ضربة بالقلم )متكدبش الموبيل طالع من شنطتك
عباس:(بعياط )والله ماسرقتو ولا اعرف جية شنطتى ازاى
حسام :(شدو من قميصو وزقة بره )افتح ايدك ياله طبعا شاهين وسعد فى حاله صدمة
سعد:انت مصدق انو عباس سرق موبيل
شاهين:لا يمكن طبعا
نرجع لعباس وحسام
طبعا عباس كل إلى لسانو والله ماسرقت حسام شد ايدو فتحها وضربو عليها جامد
عباس:اااااه والله ماسرقت
وفتح ايدو بنفس الطريق مره واتنين وضربو 20 عصايا على ايدو
حسام (بزعيق وعباس انهار )انت عارف عقوبة إلى بيسرق اية ايدو تتقطع انت عارف كدة بس للاسف معرفش اعمل بس لازم تتربى من تانى
حسام خد عباس ودخل أوضة وفضل يضرب فية
شاهين وسعد راحو قالو لمينا والباقى
سعد:(بنهجان ودموع وكمان شاهين مدمع) مينا الحق يامينا
مينا:(بصلهم برعب) فى اية
شاهين:(بدموع) مسكو تليفون مستر فى شنطة عباس ومستر حسام خدو الاوضة ومش عارفين بيعمل فيه اية
الكل جريو وراحو عند الاوضة سامعين توسلات وصوت ضرب ومش عارفين اية إلى بيحصل خالص بعد اكتر من نص ساعة طلع حسام وهو شادد عباس وراه
جمع كل الملجا من كل الى فية عرف بموضوع انو عباس سرق تليفون مستر خالد
حسام واقف وعباس واقف وراه والدموع على خدو
حام:(فى المايك) طبعا الكل عارف انو السرقة حرام وعقوبة السرقة قطع الايد بس الى سرق عيل صغير علشان هنعقبو علشان ميعملهاش تانى
عباس:(بعياط) بس يامستر واالله العظيم ماسرقت
حسام:(بجدية وزعيق) قالو للحرامى احلف
عباس:(بعياط) انا ربنا شاهد على كلامى واعمل الى حضرتك عايزو
حسام:(بيق من كلام عباس شدو على العمال)علقهوه فى الفلكة (عباس كان مستسلم ليهم جدا بس كان فى نفسو بيقول حق المظلوم مبيضعش علقوة فى الفلكة ونزل حسام ضررب عباس توسلاتو رجعت عليت تانى
عباس: اااااه والله العظيم والله ماعرف جية منين ااااااااااه
الكل واقف مصدوم انو عباس سرق
حسام واقف بيضرب فجاه اتمسكت العصايا منو ياترى ايه اللي حصل ومين مسك العصايا من ايد حسام ، وعباس خلاص كده ولا لسه لعقابه بقيه ، وشيرين دورها هيبقى ايه في الملجأ ده ، وحكايات ابطالنا هتبقى ايه ..كل ده هنعرفه مع بعض الحلقات الجايه
#hadeer
#rody
