#حياه_اليتيم
#حياه_اليتيم_16
#جزء_من_حلقه_سابقه
اميره: خير ياخالد فى ايه
خالد:(بص لاميره وضحك وبص لمينا ورجع بص لاميره) هيبقى عندنا عريس
اميره:(بصدمه ) يعنى ايه
خالد:(بصلها وضحك على صدمتها وبص لمينا) افرح ياله ابو شرين وافق
#بدايه_الحلقه_الجديده
مينا بصلو بصدمه وعدم تصديق والكل انصدم
اميره:(بصدمه مع فرحه) انت متاكد ياخالد
خالد: ايوه طبعا متاكد (كل الشباب حتى عباس قامو حضنو مينا وباركولو
احمد:(باستغراب) انت ساكت ليه يامينا (مينا بصلو وسكت
سراج: ايه يابنى انت مش فرحان (بردو بصلو وسكت
محمد:(قعد جمب مينا ) انت بتتمنى اليوم دة ويوم مايتحقق تبقى كدة (بردو ساكت
شاهين: مينا متقلقناش عليه
عباس: انت لسه زعلان منى علشان كدة ساكت (كل دة ومينا ساكت وخالد واميره بيبصو لبعض بخوف لتكون الصدمه اثرت عليه فجاه مينا دموعو نزلت
اميره:(بصتلو بضحكه فرحه وراحت قعدت جمبو وحطط ايدها على كتفو ومسحت بايدها التانيه دموعو) دى دموع الفرح مش كدة
مينا:(بدموع) انا مش مصدق (بص لخالد بصه انو بيكدب عليه وبيترجاه يقولو الحقيقه) وافقوا بجد ولا انت مش عايز تجرحني وتقولي انهم رفضوا , متعيشنيش فى وهم انا مش قدو , قولى الحقيقه
خالد: يابنى انا هكدب عليك ليه , والله وافقوا تحب أكلم ابو شيرين تاني وتسمع الموافقه انت منه
مينا:(بص للكل برعشه فى جسمو واعصابوة باظت) طب انا مش بحلم انا صاحى صح يعنى مش هقوم ويبقى حلم دة واقع
سراج:(ضربو بالقلم على وشو وقرصو من خدو براحه) ياعم واقع اهو
مينا:(بدموع)انا حاسس اني بحلم وخايف اقوم من الحلم ده
شاهين:انت لسه هتحلم قوم ياعم احنا عايزين نفرح
اميره: ايوه ياولاد حسسونا بالفرح كده في البيت (كل دة ومينا لسه مش مصدق وبصلهم شويه وبص قدامو وسكت )
خالد: وعلشان الخبر الجميل دة انا عازمكو بره على العشا يلا اطلعو اجهزو (الشباب شدو مينا وطلعو)
اميره: ربنا يكمل فرحتو على خير
خالد: يارب (وطلعو يجهزو هما كمان)(مرت ايام وراحو اتقدمو واتقبلو ولبسو دبل وفات باقى السنه الدراسيه خلال الفتره دى فرح مينا وشرين اتحدد سراج قرب من رنا وعباس قرب من دينا احمد ومحمد وشاهين مهتمين بالدراسه جدا وبيذاكرو مذاكره من نار وخالد بيساعدهم فى المذاكره خلصت السنه وخلصت الامتحانات تالت يوم بعد انتهاء الامتحانات الثانوى العام كانت الحنه
ليله يوم الفرح بالليل مينا قاعد مع الشباب
احمد: خلاص يامينا من بكره هنام لوحدى وانت مش هتبقى معايا
محمد: ايه ياحمد مش اتفقنا انك هتيجى تنام معانا انا وعباس بنام على سرير واحد
احمد: بس انا اتعود انام ومينا معايا فى الاوضه
مينا: احمد انا مش عايز ابقى قلقان عليك اهدى بالله عليك علشان كدة مينفعش
عباس: متقلقش عليه يامينا فتره وهيتعود ان شاء الله
سراج: المهم انت خلى بالك من نفسك وخلى بالك من شرين
مينا: متقلقوش عليا انا هبقى كويس ان شاء الله
شاهين: يااااااااه من يوم ماوعيت على الدنيا متفرقتش عنك يامينا
عباس: بس ده حال الدنيا وكل واحد مننا هيفتح بيت
مينا: المهم خلو بالكو من نفسكو وخلو بالكو من بعض واعقلو كدة علشان بعد كدة مش هعرف اصلح وراكو , وانت والنبى يامحمد اهدى شويه واعقل بقا انت داخل على كليه جو المقالب دة مينفعش , واحمد انا عايزك تاخد بالك من نفسك ومش كل حاجه تخاف منها , سراج وعباس وشاهين انتو عقلين خليكو كدة ديما (وبص لسراج) انا سيبك هنا مكانى خلى بالك منهم
محمد:(بيمسح دموعو) خلاص بقا الليله فرحك احنا مش عايزين نعيط بقا
مينا: بما ان النهاردة اخر يوم ليا هنا وبكره مش هبات معاكو هنا قومو
شاهين: هنعمل ايه
مينا: هنفرش وننام على الارض كلنا جمب بعض اخر مره هنتجمع فيها ( وفرشو على الارض ونامو وبعد مارحو فى النوم دخلو عليهم اميره وخالد
خالد: ايه الى نيم العيال دى فى الارض
اميره: شكلهم حلو قوى وهما نايمين كدة وخايفين على بعض
خالد: بكره هينقصو واحد
اميره: يارب نعيش لحد مانجوزهم كلهم
خالد:(بص لاميره بضحكه) بس كدة البيت هيفضى علينا تانى
اميره: لا ماهما مش كلهم هيتجوزو بره , وبعدين ماهما هيجو بعيالهم هنا ويفضل معايا ويكبرونا انا وانت (خالد بص لاميره وضحك وخدها وخرجو من الاوضه وسابوهم نايمين
عدى الليل, وجيه يوم الفرح كان تجهيزات كتيره , ويوم طويل عند شرين والبنات ومينا والشباب , خلص اليوم وجيه الفرح , طلت شرين بالابيض وفرحتها متتوةصفش , وكمان اهلها فرحانين جدا انو لقو شاب بيحب بنتهم قوى كدة , طول الفرح كان رقص من الشباب والبنات واميره وخالد فرحتهم زى مايكون بيجوزو ابنهم الى ربوه من صغرو واتولد على ايدهم , خلص الفرح بسلام والكل كان مبسوط وفرحان بيتكلمو على جمال شرين وجمال عريسها , الاهل ودعو العرسان ومينا وشرين ركبو عربيه ووصلوهم للبيت وعملولهم هيصه تحت البيت شويه وسابوهم ومشيو , طلعو مينا وشرين وهما على السلم مينا شال شرين قدام باب الشقه نزلها علشان يفتح فتح مينا الباب
مينا: اتفضلى ادخلى قصرك يا أميرتى (شرين ابتسمت بكسوف , ودخلت برجليها اليمين ضحك مينا على كسوفها , ودخل وراها وقفل الباب , شرين طول الوقت مكسوف وباصه فى الارض)
مينا:(قرب منها بهدوء مسك وشها ورفعو بابتسامه) انتى باصه فى الارض ليه , دة بيتك وانا جوزك مافيش حد غريب هنا علشان تتكسفى منو
شرين:(بكسوف) منا عارفه
مينا: مانتى عارفه ايه (وغمزلها , شرين ضحك وبعدت عنو وادتو ظهرها قرب منها تانى ووقف قدمها) ياستى انا عارف انك لسه مش واخده عليا , وانو انتى اول يوم تباتى بره بيت بابا ويتقفل عليكى باب مع راجل انتى متعرفيهوش وغريب عليكى , بس انا مبقتش غريب خلاص , انا بقيت جوزك واخوكي وابوكي وابنك وصاحبك وهنفضل مع بعض طول عمرنا يعني مينفعش يبقى في بينا كسوف ولا احراج ولا انتي ايه رأيك
شرين:(بكسوف) عندك حق
مينا:(عايز يطلعها من الى هيا فيه دة باى شكل) طب ايه رائيك نتفرج على الشقه
شرين: مانا شوفتها
مينا:(حط ايدو على كتفها حس انو شرين اتخضت كدة مشلش ايدو علشان تاخد عليه )لا شوفتيها حاجه وانك تشوفيها معايا حاجه تانيه ولا ايه
شرين:(بابتسامه خضه) ماشى يلا نشوفها (وراحو الاتنين اتفرجو على الشقه والحاجه الى مينا ميعرفهاش بقا بيسالها عليه وحس انها اتفكت شويه وبدات انها تاخد عليه
مينا: هيا ايه دى ياشرين
شرين: دى حاجه انت مالكش فيها يامينا
مينا: بس شكلها حلو (شرين ابتسمت مينا بصلها) مقولتليش ايه دى (وبيمد ايدو يلعب فيها شرين ضربتو على ايدو العليه اتفتحت شرين قفلتها بسرعه) دة ميك اب
شرين: ايوه اسكت بقا
مينا: طيب بس اعمل حسابك انا مبحبش الميكب الاوفر
شرين:و انا مبحبش المكيب الاوفر دة اولا ثانيا دى حاجه متتكلمش فيها
مينا:(بابتسامه) ماشى ياستى يلا نكمل فرجه على الشقه (وراحو يكمل فرجه على الشقه) مرت ايام ومينا وشرين خدو على بعض (يوم النتيجه عند مينا وشرين وهما بيجهزو للخروج)
شرين: مينا علشان خاطرى هنروح لكارمن لان زمانها متوتره وخايفه جدا ولازم ابقى معاها علشان اطمنها
مينا: ماهو بردو اخواتى نتيجتهم النهاردة
شرين: بس دى بنت واختى الوحيد محدش معاها غير ماما وبابا , وهايدى ورنا ودينا وكنزه فى البلد مش هنا
مينا: بس اول ماالنتيجه تظهر نمشى عالطول
شرين: ماشى اطمن عليها ونمشى عالطول (وراحو الاتنين لبيت كارمن فتحت مامتها
ولاء: شرين ازيك ياحبيبتى عمله ايه
شرين: الحمد لله ياماما (وسلمت عليها وسلمت على مينا ودخلو ) هيا فين كارمن
ولاء: هاريه نفسها من العياط جوه (دخلت شرين ومينا لقو كارمن قاعده على الكمبيوتر مستنيه النتيجه وبتعيط
شرين: ايه ياكارمن الى انتى عملاه فى نفسك دة
كارمن: (بعياط) النتيجه هتبان النهاردة انا خايفه قوى
مينا: اهدى بس ياكارمن انتى عملتى الى عليكى والباقى دة بتاع ربنا
كارمن: عارفه بس انا تعبت ونفسى الاقى مجهودى وتعبى
مينا: ان شاء الله هتلاقيه اهدى انتى بس
كارمن:(بعياط) يارب (ومعداش ربع ساعه والكل على اعصابو فجأه كارمن بععياط وصريخ) بانت انا خايف قوى يارب يارب
مينا: قومى ياكارمن اما اجبهالك (كارمن قامت من مكانها وطبعا الكل ضاغط على الموقع الى بانت عليه فضل مينا بتاع نص ساعه على مالموقع فتح معاه ودخل رقم الجلوس وجاب شهادة كارمن بعد عذاب ولقت نفسها جايبه 95
كارمن:(بصدمه وعياط اكتر؟) بس
مينا: ايه يابنتى الى بس بعد الى شفتو والاسئله الغبيه الى كانت فى الامتحان مجموعك كويس جدا
كارمن: بس انا كنت عايزه اجيب مجموع اكبر
شرين: لسه التنسيق منزلش ياكارمن (كارمن فضلت تعيط كتير كل دة ومينا عايز يروح للشباب ومش عارف يكلم شرين من انهيار اختها بعد ماكارمن هديت شويه
مينا: لسه ياكارمن التنسيق منزلش وبعدين انتى مجموعك حلو
كارمن:(بعياط) مش هيعجبك مستر خالد انا عارفه
شرين: ياحبيبتى والله هيعجبو , وبعدين انتى نفسك تدخلى تمريض مجموعك هيجيب ان شاء الله (كارمن بصتلها وعيطط بعد ماهدوها خالص مينا بص فى الساعه لقى الساعه 8
مينا:(بهمس) شرين يلا بقا فات ساعتين بعد النتيجه وكدة العيال هيزعلو
شرين: حاضر يامينا هقول لماما بس ونمشى (راحت لمامتها وكارمن) مبروك ياكارمن مبروك ياحبيبتى , انا لازم امشى علشان نطمن على الشباب كمان ماشى هجيلكو تانى ان شاء الله وسلمو على اهلها ومشيو (فى بيت خالد) الشباب قاعده وباين عليهم الحزن جدا جدا
اميره: اهدو بقا علشان خاطرى ايه ياحمد بس كفايبه عياط بقا (التلاته باصين فى الارض وبيعيطو وبس اميره بصت لخالد) متكلمهم ياخالد
خالد: ماهما معاهم حق يبقو كدة (وسابهم ومشى فات وقت وسمعو جرس الباب فتح سراج دخل مينا جرى عليهم شافهم بالمنظر دة وقف مكانو بسكوت وصدمه
مينا: منجحتوش
احمد:(بعياط) والله لو كنا بنهمك قوى كنتت جيت من بدرى وسابو وطلع (كان قاعد فى النص بين محمد وشاهين مينا بصلو بزعل وراح قعد مكانو
مينا: هو انتو جبتو مجاميع وحشه
اميره: لا يامينا المجاميع حلوه ماشاء الله بس هما زعلانين منك
مينا: والله غصب عنى كارمن كانت منهاره خلاص ومجموعها مش عاجبها
شرين: انا اسفه انى اخرتو عليكو بس اختى مالهاش غيرى والله حتى البنات مش هنا
مينا:(بص لمحمد وشاهين) محمد , شاهين انا مش بحبكو زعلانين منى خلاص بقا بالله عليكو
محمد: خلاص يامينا مافيش حاجه بس اطلع لاحمد
مينا: منا هطلعو بس انتو جبتو كام
اميره: شاهين 98 محمد 97 احمد 96.5
مينا:(تنهد بارتياح وحضن محمد وشاهين ) خلاص بقا مش زعلانين منى مضيعوش الفرحه بقا
شاهين: خلاص يامينا مافيش حاجه
مينا: طب انا هطلع لاحمد (سابهم وطلع لاحمد وشرين قعد معاهم
شرين: مبروك ياشباب
الاتنين: الله يبارك فيكى (عند مينا واحمد خبط ودخل)
مينا:(دخل وقعد جمبو وحط ايدو على كتف احمد) ايه ياحمد والله غصب عنى كارمن معاهش حد وكانت منهاره جدا
احمد: انا كنت متوقع انك تبقى هنا ومعانا من الصبح احنا كنا طول النهار واحنا على اعصابنا ومحمد تعب الصبح وانت مكنتش معانا
مينا: والله غصب عنى متزعلش منى بقا ومضيعش الفرحه بقا
احمد: خلاص يامينا مافيش حاجه
مينا: بجد
احمد:(بابتسامه) بجد (وحضن مينا
مينا: محمد كان مالو
احمد: مافيش لم عرف انو النتيجه هتبان النهاردة اتخنق ووشو ازرق بس الحمد لله فاق بسرعه
مينا: الحمد لله (نزلو الاتنين وقامت اميره وشرين عملو عشا وتورته احتفالا بالنجاح وطلع خالد سلم على مينا وكل الى موجودين كانو فرحانين بالشباب مشى مينا وشرين
بعد مامينا مشى سراج فى الاوضه مع شاهين فجاه موبيل سراج رن بس كان عمله صامت
سراج: (فى بالو) دى رنا طب ارد عليه ازاى والجوكر اللى قاعد دة انا احسن حاجه اكنسل دلوقتى واطلع شاهين بره الاول (وكنسل على رنا وبص لشاهين) شاهين اطفى النور واطلع بره علشان عايز انام
شاهين: هطفيلك النور بس مش هطلع بره علشان انا قاعد على االلاب
سراج: خدو معاك واطلع بره روح اقعد مع الشباب
شاهين: فى ايه ياسراج عايز تطلعنى بره ليه
سراج: علشان عايز انام يلا بقا هوينا
شاهين: مع انى مش مصدق بس اوك هطلع (وخد اللاب وطلع) (اول ماطلع سراج رن على رنا)
سراج: ازيك يارنا عمله ايه
رنا: الحمد لله كويسه انت عامل ايه
سراج: كويس الحمد لله
رنا: كنسلت عليا ليه
سراج: شاهين كان فى الاوضه , فى حاجه ولا ايه
رنا: لا مافيش بس عرفت انو النتيجة بانت اخواتك عملو ايه
سراج: الحمد لله نجحو وجابو مجاميع كويسه
رنا: انا خفت اصلا كارمن جابت مجموع مش عاجبها
سراج: لا الحمد لله المجاميع هنا كويس 98 و97 و96.5
رنا: ماشاء الله
سراج: الحمد لله انهم عدو
رنا: الحمد لله
سراج: هتيجى امتى يابت وحشتينى
رنا: جاين ان شاء الله على اخر الاسبوع
سراج: تيجو بسلامه (وفجاه الباب اتفتح سراج قفل الفون بسرعه وعمل نفسو نايم)
شاهين: سراج سراج انت نمت طيب تصبح على خير (خرج وسابو
سراج:(قام بعد ماشاهين خرج) اعوذ باللله منك قاطع اللحظات الحلو تتك الارف عيل رخم
يوم التنسيق ما نزل اجتمع خالد بالشباب
خالد: انتو الى رحمكو من ايدىت ان التنسيق جه فى صالحكو وهتدخلو كليات كويسه
احمد: دة عشان ربنا بيحبنا والله
خالد: قررتو هتدخلو ايه
احمد: انا هدخل صيدله
محمد: وانا هدخل صيدله
شاهين: انا نفسى ادخل هندسه بترول
اميره: ليه ياشاهين انت مش عايز تدخل صيدله مع اخواتك ليه وهتدخل هندسه
شاهين:انا كنت بتمنى اني ادخل هندسة بترول والحمدلله ربنا وفقني وهدخلها
اميره: ربنا معاكو ياحبايبى (خالد سابهم وقام)
محمد: انا زعلان قوى علشان بابا خالد زعلان مننا
اميره: هو كان عايزكو تجيبو مجاميع احسن من كدة
شاهين: احنا مش ناقصين كتير اكتر حاجه 3.5 %
اميره: هو ديما كان بيحلم انو حد فيكو يقفل ال 100%
احمد:(بضحكه) ليه فاكرنا مين
اميره: وانتو متشبهوش ولا ايه
شاهين: ياماما دى كارمن الى معاه من الابتدائى جابت 95 يعنى احنا جايبين اعلى منها
محمد: هو زمانو نام دلوقتى احنا بكره الصبح نصحيه بطريقتنا يلا ياشباب (وبص لاميره) نطلع احنا بقا نخطط لطريقه نصالحو بيها تصبحى على خير ياماما
احمد: طبعا مش هتقوليلو حاجه
شاهين: ولو قولتيلو الاتفاقث الى جاى هيبقى عليك
اميره: امشى ياله انت وهو ايه عايشينم مع بلطجيه
محمد: احنا عرفناكى وحذرناكى وانتى بحره بقا يلا تصبحى على خير وطلعو الشباب واميره فضلت تضحك منن كلامهم (تانى يوم الصبح الشباب صحيو بدرى عن خالد بس كانو التلاته بس سراج وعباس لسه نايمين نزلو المطبخ لقو اميره جوه
محمد: هو مافيش يوم يروح عليكى نومه ونصحى احنا قبلك
اميره: بقالى اكتر من 15 سنه بصحى فى الوقت دة عادة واتعود عليها
احمد: طب احنا عايزين نعمل احنا الفطار النهارده
اميره: يعنى ايه
شاهين: يعنى تعالى اقعدى كدة وبس وقولى لينا بس نعمل ايه واحنا نعمل
اميره: بس انت وهو بلاش هزار يلا واطلعو بره
محمد: على فكره احنا مبنهزرش
اميره: وهتعملو ايه بقا
احمد: الى انتى كنتتى هتعمليه
اميره: انا كنت هعمل جبنه بطماطم وبيض مقلى وبيض مسلوق وفول وسلطه واقلى طعميه وجبن ولانشون
احمد: ايه ايه ايه كل دة انتى عمله وليمه
شاهين: بصى احنا هنحضر الفطار ونطلعو فوق لبابا فى الاوضه علشان نصالحو هنعمل اكل الى احنا عارفينو ماشى
اميره: ورونى الشطاره هتعملو ايه (وبدأو يعملو الى هما عارفينو وبعد شويه خلصو)
احمد: احنا خلصنا
اميره: قامت بصت على الاكل (كان كلو جبن بس شكلو حلو)
شاهين: ها ايه رأيك
اميره: حلو يلا خدو الاكل واطلعو(الشباب خدو الاكل وطلعو) خبطو ودخلو خالد كان لسه نايم قربو منو
محمد:(بصوت مهموس) بابا بابا (خالد قام وبص على محمد وبيلف لقى احمد وشاهين ومعاهم الاكل
احمد: مش هتنزل من هنا الا لم تصالحنا
خالد: انا مش عايز اتكلم معاكو
شاهين: مش كنت عايزنا ندخل كليات قمه
خالد: بس الى طالع الاول على المعهد مش منكو كان نفسى يبقى حد منكو
محمد: الى طالع الاول مع حضرتك من ابتدائى احنا كان تأسيس التعليم اصلا مش صح
خالد: بس انتو فى وشى وكنت مستنى منكو درجات اعلى من كدة
شاهين: من 94 لى 98 فى تقدم اهو ومحمد كمان بردو واحمد بردو كان جايب فى تانيه 93
محمد: خلاص بقا والنبى احنا مش حاسين باى فرح وانت زعلان مننا
خالد:(بصلهم بابتسامه) منا مبعرفش ازعل منكو للاسف (الشباب ضحكو وحضنو خالد
احمد: يلا افطر بقا واحنا هننزل
خالد: لا هنفطر كلنا تحت يلا خدو الاكل وانزلو وانا هاخد دش واغير واجى وراكو
الشباب : ماشى (وشالو الاكل ونزلو بيه تحت كانت اميره كملت الاكل )
احمند: ايه دة انتى عملتى اكل
اميره: منا عارفه انو خالد مش هياكل فوق بس سبتكو تطلعو تصالحوه
محمد: والحمد لله صالحناه( بعد شويه الكل اتجمع وفطرو ونزلو خالد وسراج الشركه) قبل الظهر عند رنا وهايدى دخلت وهيا بتكلم سراج وبيتفقو انهم يخرجو
رنا: خلاص ماشى استنانى هناك على الساعه 4 ......سلام (وقفلت مع سراج هايدى بصتلها شويه وهيا ساكته رنا بصتلها وبصت فى الفون ) ها صورتينى كام صوره
هايدى: بردو بتكلميه انا مش حذرتك من الموضوع دة
رنا: يادى الموضوع الى مش هيخلص
هايدى: يارنا بابا لو عرف مش هيعديها بالسهل لا ليكى ولا ليه
رنا: ياهايدى دة على اساس انك مش بتكلمى محمد بردو من وراء بابا
هايدى: انا الى بينى وبين محمد فيس بوك وبس مبيتعداش كدة ومش هيتعدها اصلا
رنا: اهو خلص امتحانات وارتاح من النتيجه اما نشوف بقا هيعمل ايه
هايدى: مش هسمحلو يابنتى والله صدقينى لو بابا عرف هيكلم مستر خالد ومستر خالد هيطن عشتو وبابا يطن عشتك انتى كمان
رنا: والنبى ياهايدى اسكتى بقا متخرجنيش من المود بقا
هايدى: انتى حره يارنا بس انا حذرتك قلبت بابا وحشه جدا وهتفوقى على مصيبه كبيره انتى مش قدها وساعتها ممكن بابا يحلف عليه مانتى متجوزاه وتبقى خسرتيه للابد زى ماعمل مع عمتو
رنا: ها خلصتى امشى بقا ولافى نصايح تانيه
هايدى: لا يارنا خلاص بس لم تقعى متبقيش تعيطى وتندمى وانا حذرتك كذه مره وانتى مش قبله النصيحه وساعتها انا مش هبقى ليا دعوه بيكى ولا هحامى عنك
رنا: ايوه شطوووووره مالكيش دعوه بيا ولا تحامى عنى يلا بقا علشان عايزه انام شويه
هايدى: برحتك يارنا تصبحى على خير (وسابت رنا وخرجت ورنا نفخت بزهق ونامت )
فى الشركه سراج مع خالد
سراج: يمكن احمد الى متأثر قوى فينا بغياب مينا هو محمد بيحاول يعوضو لم يكون بالليل فى الاوضه بيفضل يعمل الحاجات الى كان مينا بيعملها معاه قبل مامينا يمشى
خالد: هو فتره وهيتعود ياسراج
سراج: بس هو قال انو مش هيبعد ومن ساعه ماتجوز فات اكتر من شهر مشفناهوش الا مرتين تلاته
خالد: طب انت بتشوفو كل يوم
سراج:والى فى البيت دول
خالد: ايه ياسراج انا اول منره اشوف كدة
سراج: علشان هو اول مره يبعد بالطريقه دى والله مبنستحملش بعدو عننا
خالد: ياحبيبى اكيد عندو ظروف منعتو
سراج: كان ممكن يسال حتى لو بالتليفون( فجاه الباب خبط)
خالد: ادخل (دخل مينا سلم على سراج سراج سلم عليه من غير نفس وسابهم وخرج )
مينا: ازيك يابابا
خالد: الحمد لله ازيك انت يابنى وازاى مراتك
مينا: الحمد لله والله بخير , هو سراج زعلان منى
خالد: انت مبقتش تسال عليهم
مينا: والله برجع البيت شرين بتبقى خايفه لوحدها واليومين دول اصلا هيا تعبانه جدا انا وخدها للدكتور بعد الشركه
خالد: طب انت ايه الى جابك يامينا
مينا: ماهو المعاد بالليل جيت اشوف شغلى , انا هطلع لسراج
خالد: طيب يابنى ورضيه
مينا: حاضر يابابا انا كدة كدة جاى بالليل انا وشرين بعد الدكتور ان شاء الله
خالد: ان شاء الله
مينا: بعد اذنك (وخرج مينا راح لسراج المكتب) خبط ودخل (بصلو شويه) سيجا
سراج:(بصلو بضحكه) مبتقوليش كدة الا لم تكون عايز منى حاجه
مينا: عايزك متزعلوش منى انا مبقتش دلوقتى اعرف اتحرك شرين بتخاف والله
سراج: هاتها معاك يامينا بتوحشنا والله
مينا: والله وانتو وحشتونى جدا جدا بس غصب عنى
سراج: طب هتيجى امتى احمد هيتجن ويشوفك
مينا: هاجى والله النهارده ان شاء الله
سراج: طيب يلا نشوف شغلنا لمستر خالد يقيم علينا الحد
مينا:(بضحكه) يلا (وقعدو يشوفو شغلهم)(رنا وسراج اتقبلو واتفقو انهم يطلعو تانى بكره فى نفس المكان والمعاد بالليل عند مينا الى خد شرين وراحو للدكتور
مينا: يادكتور عالطول بترجع ودايخه
الدكتور: طب تعالى يامدام شرين دخلت شرين مع الدكتور وراء الستاره وكشف عليها وبعد كام دقيقه طلع وطلعت بعدو شرين (بيشاور لشرين)اتفضلى ارتاحى
مينا: طمنى يادكتور
الدكتور: انتو قلقانين قوى كدة ليه
شرين: هو الى قلقان انا مش قلقانه انا بقولو دور برد وهيروح
الدكتور: هو مش دور برد هو تعب هيطول معاكى شويه
شرين:(بصدمه بصت لمينا وبصت للدكتور) تعب ايه يادكتور
الدكتور: اهدى يامدام شرين دة تعب بتتمناه اى ست
مينا: دكتور انت بتتكلم بالغاز ليه هيا مراتى مالها
الدكتور: مدام شرين حامل
مينا:(بصدمه مع فرحه ) انا هبقى اب بجد والنبى يادكتور
الدكتور: ايوه بجد (خلصو باقى الكشف والدكتور ادى شرين علاج ومثبتات علشان يثبت الحمل وخرجو من عند الدكتور ركبو العربيه
شرين: انا عايزه اروح افرح ماما
مينا: انسى ماما النهاردة كلميها تليفون النهاردة هنروح عندنا
شرين:(بزعل) طب نروح لماما الاول نفرحها ونمشى عالطول
مينا: شرين كل مره بتقولى كدة وبنروح بيمسكو فينا اجلى ماما النهاردة
شرين: علشان خاطرى والنبى يامينا
مينا: ماشى ياشرين (وطلع مينا على بيت شرين كان سراج واقف قريب من شباك بيطلع على بيت اهل شرين وشافهم
سراج:(فى بالو) هو مش قال انو جاى النهاردة والله لو ماجيه لتبقى زعله معاه بجد
عند مينا وشرين دخلو لاهل شرين قعدو
شرين: ماما انا جاى افرحك انا حامل
ولاء: بجد ياشرين بجد ياحبيبتى اتاكدى
شرين: انا لسه جايه من عند الدكتور دلوقتى
يحيى: مبروك ياحبيبتى الف مبروك
شرين: فين كارمن
ولاء: عند رنا والبنات
شرين: هما جم
ولاء: جم من فتره صغيره (وبصت لمينا) خلى بالك من شرين يامينا
مينا: فى عنيا ياماما متقلقيش (وبص لشرين) يلا ياشرين
ولاء:لسه بدرى ياولاد ملحقناش نشبع منكو
مينا: والله ياماما انا واعد اخواتى انى اروح ليهم النهاردة بس جينا نفرحكو بخبر الحمل الاول
ولاء:(بزعل) ربنا يتمم فرحتكو على خير ويقومك يابنتى بسلامه مجبوره الخاطر
شرين:/ متزعليش والنبى انا هجيلك تانى
يحيى: اتهدى بقا فى البيت متطنطتيش كل شويه
شرين: حاضر(وسلمو عليهم ومشيو راحو بيت خالد فتحتلهم اميره وسلمو عليهم واتجمعو كلهم
مينا: انا بقا عندى خبر هيفرحكو كلكو
اميره: خير يامينا فى ايه
مينا: قريب قوى ان شاء الله هتبقى تيته وجدو (الكل انصدم مع فرحه ونسو زعلهم منو ونسيو كل حاجه وباركوله وقعد معاهم شويه ومشيو تانى يوم سراج ورنا اتقابلو
رنا: هايدى بقالها فتره بتزن انى منزلش اشوفك بره
سراج: وهيا مالها هيا اصلا
رنا: مالها ازاى بس هيا معاها حق بابا ومستر خالد اصعب من بعض وانا بقا بصراحه خفت قوى
سراج: يعنى ايه يارنا (فى نفس الوقت خالد ومينا كانو موجودين فى المكان فجاه رنا وسراج اتسمرو مكانهم
ياترى خالد شافهم ولا رنا وسراج الى شافوهم ولا الاتنين شافو بعض , طب ايه الى هيحصل , ورنا هتقول ايه لسراج ولا هيا ناويه انها تسمع كلام هايدى , ياترى الشباب هترسى على الكليات دى ولا هتغير , كارمن التنسيق هيجبلها تمريض زى ماهيا عايزة , الشباب حياتهم فى الكليه هتبقى ازاى , هيواجهو صوعبات ولا هتبقى ازاى استنونى الحلقات الى جايه
#hadeer
#rody
