#حياه_اليتيم
#حياه_اليتيم_13
#جزء_من_حلقه_سابقه
أميره(بقلق) : اتصرف ياخالد اتصرف
خالد(بنرفزه بسيطه): اعمل ايه يعني انا خلاص مخي هينفجر من التفكير ومش عارف اوصل لحل
اميره(وقفت وبدموع): انا قولتيلك ان اللي بتقوله ده مينفعش سامعني مينفعش
#بدايه_الحلقه_الجديده
تانى يوم فى المدرسه خالد فى الفصل إلى فيه محمد واحمد وشاهين وكارمن
خالد:طيب يلا افقلو الكتب بقا علشان نبدأ تسميه (كل الطلبه قفلو الكتب وبصو لخالد )
خالد:يلا نبدا يلا يا محمد (محمد وقف ولسه خالد هيسألو تليفونو رن بص فيه لقى اميره )اكمل خالد كلامو )ثوانى ياولاد(طلع بره وبعد دقيقتين رجع الفصل وشو مقلوب
خالد:(وهو بيلم حاجتو )متعملوش صوت ياولاد انا هبعتلكو مستر أيمن دلوقتى تعالى ياكارمن اقفى هنا متخليش حد يتكلم
محمد(طلع وهو لسه فى الفصل وبصوت واطى )فى حاجه يابابا ماما كويسه(خالد بصلو وسابو ومشى محمد فضل باصص عليه باستغراب)
كارمن :يلا يامحمد ارجع مكانك
محمد:(بصلها وبص للشباب ورجع مكانه والقلق سيطرعليهم رجع خالد البيت وفتح لقى اميره واقفه بتعيط
اميره :خالد (بعياط وهيا بتهز دماغها )مش هيخدو مش هديهولو
خالد:محدش هيخدو(شخص وقف وبصلهم )
الشخص:فين محمد
خالد:عايز منو ايه جاى تسال عليه ليه
الشخص :(لف ليهم وظهر انو مصطفى عم محمد )ليه !! ليه ايه ابن اخويا
خالد:ومكنش ابن اخوك لم كنت بتنيمو فى السقعه من غير غطا ولم كنت بتحرقو بالمعلقه والسكينه ولسه الحرق معلم فى جسمو ومكنش ابن اخوك لم رميتو فى الملجأ ومكنتش عايزو اشمعنا دلوقتى راجع عايزو
مصطفى:والله بقا كنت بربيه ودة ابن اخويا وانا حر فيه وانا بقا عايزو ولازم اخدو
خالد:وانا قولتلك مالكش دعوه بيه والولد مش لازم يشوفك نفسيتو بتتعب لم بيشوفك يلا بقا اتفضل من غير مطرود
مصطفى:ابن اخويا هخدو هخدو لو مش بالتراضى والمعروف يبقى نتقابل فى المحاكم ياخالد بيه (وسابو ومشى وسط صدمه من خالد واميره )
اميره:هيرفع قضيه وياخدو ياخالد
خالد:اميره محمد عند 19 سنه من حقو يقول هو عايز يعيش مع مين وبعدين مش لازم محمد يعرف حاجه متوتريهوش يااميره (اميره بصتلو بخوف ودموع وسابتو ومشيت وهيا بتعيط راح ورها وخدها فى حضنو
اميره:مش هستحمل تانى انو حد يبعد عنى انا اتعلقت بيهم قوى أتصرف ياخالد
خالد:سبيها على الله ومتقلقيش
اميره:ياااارب(وفضلت فى حضنو شويه وبعدين دخلو قعدو يستنوهم لم يرجعو
رجعو الشباب من المدرسه والكليات اميره حاولت تتماسك علشان محمد ميحسش بحاجه دخلو وطلعو يغيرو ونزلو اتجمعو على الغدا
احمد:بابا هو حضرتك مشيت ليه
خالد:مافيش ياحبيبى بس كان فى مشكله فى الشركه والحمد لله لحقتها قبل ماتكبر
اميره:شاهين قولت لمدرس الألعاب انك مش هتلعب كوره
شاهين :لسه مقبلتوش من يومها لم يرجع من التدريب هقولو
اميره:ماشى متنساش
شاهين:متقلقيش ياماما
اميره:وانتو عملين ايه فى المدرسه
احمد:ماشيه الحمد لله
محمد:بابا هو حضرتك لسه زعلان مننا
خالد:لا مش زعلان يلا اتغدو علشان تلحقو معاد الدرس
(مينا وسراج طول القعده باصين فى عين اميره وخالد إلى بيدارو دموعهم بالعافيه ومبيحولوش يبصو فى عين حد خلصو اكل وقامو الشباب راحو الدرس ومينا وسراج وعباس طلعو فوق يذاكرو وخالد واميره فضلو تحت (خالد مرحش الدرس علشان معندوش حصه )
عند مينا وسراج قاعدين فى الاوضه وعباس نايم
سراج:مينا مالك
مينا:انا حاسس انو ماما وبابا مخبيين حاجه علينا
سراج :زى ايه يعنى
مينا(بصلو بغيظ )بطل تخلف ياله هو انا لو اعرف فى ايه ولا زى ايه كنت جيت سألتك ولا كلمتك
سراج:طب بجد انت حاسس بايه
مينا:حاجه حصلت ومخبينها انا شوفت فى عيونهم دموع حابسنها بالعافيه وعلى وشهم الحزن
سراج:متقلقش مافيش حاجه
مينا:طب كلمو احمد ومحمد وشاهين ليه مع انهم متجاهلينهم بقالهم كام يوم
سراج:مش ممكن بابا قرر يسامحمهم
مينا:لا بابا خالد مش بالسهولة دى
سراج:مش عارف بقا انت حيرتنى
مينا:انا بقا لازم اعرف
بعد يومين مينا فى البيت مع اميره علشان معندوش محاضرات اليوم دة والباقى بره الباب خبط
اميره:مينا افتح يابنى
مينا(نازل من فوق )حاضر ياماما حاضر (نزل مينا وفتح الباب لقى عسكرى
مينا:(بخضه)افندم
العسكرى:مش دة بيت خالد العطار
مينا:ايوه هو
العسكرى:دة اختار من النيابه (مينا خدو منو ومضى ومشى العسكرى
اميره:(خرجت اميره من المطبخ )مين يامينا
مينا:دة عسكرى وجايب اختار من النيابه
اميره:(بخضه )نيابه(وخدت منو الورقه وبص فيها ودموعها نزلت وحطت ايدها على بوئها
مينا :فى ايه ياماما
اميرة:(بدموع) عم محمد رفع قضيه علينا وعايز يخدو
مينا:(بصدمه ) ايه!!!طب احنا هنعمل ايه
اميره:مش عارفه يامينا
مينا:احنا نستنا بابا خالد لم يجى
اميرة (مسكت ايد مينا )اخوك مش لازم يعرف حاجه متبينش لمحمد اى حاجه
مينا :متقلقيش ياماما اكيد مش هبين لحد حاجه انا مش مستغنى عنو
اميرة بصتلو بدموع وسابتو ودخلت المطبخ
رجع خالد مع الشباب من بره الشباب
طلعو الاوض وخالد دخل الاوضه بتاعتهم اميره دخلت وراه
اميره:(بدموع )جيه اختار من النيابه النهارده
خالد:مصطفى رفع قضيه(اميره هزت دماغها بمعنى أيوة كمل خالد كلامو )الكلب عض الايد إلى اتمداتلو
اميره:(بعياط) مينا عرف بس انت هتعمل ايه ياخالد
خالد:هقوم محامى طبعا بس لازم محمد يعرف
اميره :طب استنى عليهم يتغدو الأول
خالد:ماشى ياميره(طلعت اميره تحضر الاكل ودموعها على خدها حضرو الاكل وكلهم اتجمعو على الغدا كلهم قعدو ياكلو بصمت تام
محمد:يلا ياشباب علشان معاد الحصه
خالد:(مسك ايد محمد )اقعد يامحمد انا عايزك فى موضوع مهم
محمد:طب لم أرجع من الدرس النهارده علينا رياضه والمستر مبيشرحش تانى
خالد:(بصلو والدموع نزلت غصب عنو واميره عيطط ودموع مينا نزلت)متقلقش انا هخليه يعيد ليكو الشرح تانى
محند:(بخوف ) فى ايه
خالد:(قام وقف ومسك ايد محمد وراحو قعدو على كنبه والكل قام وراهم)محمد انت طبعا كبرت وبقيت راجل يعتمد عليه
محمد:(باستغراب)فى ايه ليه حضرتك بتقولى الكلام دة
خالد:(بدموع )لانو عمك رفع قضيه وصيه وعايز يخدك(محمد اتصدم وباقى الشباب انصدمو ونفسو بقا عالى اكمل خالد كلامو )لا يامحمد مش عايزك تتعب انا عايزك تكون كويس
مينا:(مسك ايد محمد بهدوء )محمد القاضى ممكن يحكملو انو الوصيه تبقى معاه
محمد:(بصدمه وقام وقف)بس انا عايز ابقى هنا معاكو انا عايز اعيش هنا
خالد:(شدو من ايدو براحه خلاه يقعد )احنا بنحط احتمالات مش حاجه اكيده (بان عليه الخوف والقلق )(خالد حط ايدو على كتف محمد )انا مش عايزك تقلق خالص حتى لو حكملو والوصيه بقت معاه انا مش هسيبك هفضل معاك وهتكمل تعليمك وكل طلباتك انا هنفذهالك
محمد:مش عايز حاجه(بعياط)مش عايز تعليم معنديش طلبات (بص لاميره وقاك رحلها بعياط )هتسبيهم يخدونى بعد مارجعت حسيت بحنيه الام والاب والأخوات هتحرمونى منهم تانى (الكل عيط من كلامو وخالد قام خدو فى حضنو وعيط جامد جدا والكل انهار وباقى الشباب كانو مكتفبين بالعياط )(مرت الايام وجيه يوم الجلسه طبعا الكل راح المحكمه وبدأت الجلسه وخلصت واتحكم ان الواصي على محمد هيبقى عمه لانو سنو لسه مجبش السن انو يبقى واصى على نفسو وان محمد هيروح مع عمو من دلوقتى ، محمد بص لخالد واميره واخواته بصدمه من غير ما يتكلم ولا حتى يعيط ، و اميره صوت عيطها عالي جدا واخواته كلهم عيطوا وصوتهم على بالعياط ، محمد فضل باصصلهم من غير ما ينزل دموع حتى بصدمه وبس
مصطفى( قرب من محمد ومسك ايدو وشدو) : يلا
محمد(جسمو اترعش واتنفض واتخض)
اميره:(راحت لمحمد ومسكت ايده بعياط وبتهز دماغها بمعنى انها مش عارفه تعمله حاجه)
مصطفى(شد محمد من ايدو جامد وخدو ومشى)
خالد(جرى وراهم):مصطفى اسمعنى بس
مصطفى(شادد محمد من ايدو ومردش على خالد )
خالد : بقولك اسمعنى
مصطفى:(وقف )نعم
خالد:(بدموع )انتو هتعيشو فين
مصطفى:دى حاجه متخصكش
خالد :متخصنيش ازاى بس ومحمد هتخده معاك
مصطفى:مالكش دعوه بمحمد بقا وهبعت عسكرى ياخد كل حاجته (بص لمحمد )يلا (محمد مشى مع مصطفى وباصص وراه لخالد وهو لسه مصدومه ومنزلش ولا دمعه )
خالد(رجع لاميره والشباب)
اميره:خدوا محمد ومشيو
خالد (هز راسو بأسف بمعنى ايوه)
اميره(بصرخه )لا ااااااااااا (وانهارت اكتر خالد خدها فى حضنو شويه وبعدين خرجو من المحكمه ركبو وراحو البيت)
رجع محمد على بيت عمو ، اول مادخل بص البيت مكان غريب عليه ، كان فى استقبالو مرات عمو وابنة
هانى:(بص لمحمد من فوق لتحت ، وبص لابوة )يعنى هيا المشرحه ناقصه قتله ، احنا لاقيين ناكل رايح تجبلنا واحد يشاركنا اكلنا وبيتنا
مصطفى:(راح لابنو )تعالى ياهانى انا عايزك جوه شويه(وبص لمحمد)ماتتلقح فى اى نصيبه هتفضل واقف زى عمود النور كده (مصطفى خد ابنو ودخل ، ولسه محمد تحت تأثير الصدمه ، محمد راح قعد على كنبه وبص يمين وشمال ، وبص قدامو بسرحان مر وقت ومحمد على نفس القعده ، خرج عمو من الاوضه ، وشاف محمد راح وقف قدامو ، محمد محشس عليه وفضل باصص قدامو ومشافوش
مصطفى:(ضربو فى كتفه)اسمع ياله (محمد بصلو بخضه)مافيش تعليم ومن بكره هتروح تشتغل فى اى ورشه انت مش هتقعد عال عليا وانا اصرف عليك
محمد:(وقف بخوف ورعب وصوت مرعوش )انا مطلبتش منك حاجه ، انا هكمل تعليمى ، وبابا خالد متكفل بكل مصاريفى
مصطفى:(ضرب محمد بالقلم وقعو على الكنبه تانى ، محمد حط ايدو على وشو وبص لعمو بخوف مصطفى اتكلم بزعيق وشدة وقفه)اسمع ياله من هنا ورايح مافيش حاجه اسمها بابا خالد دة خالص انساااه انت سامعنى (وزفو وقعو على الارض وسابو ومشى )
هانى:(قرب من محمد وشاف القلم معلم على وشو )داحنا هنتسلى قوى (وسابو ومشى ، طلعت مرات عمو من المطبخ ، قربت من محمد ، محمد قام وبعد عنها بخوف )
فاطمه: من حقك تخاف منى يامحمد(محمد بصلها برعب وفضل ساكت كملت كلامها )تعالا اقعد يامحمد متخفش (محمد فضل بعيد عنها متحركش ، قامت وراحتلو مسكت ايدو براحه وخدتو وقعدت معاه على كنبه ومحمد مستسلم ليها)
مش عايزاك تخاف منى انا مش ممكن أذيك
محمد:ليه مش انتى كنتى هتبقى سبب فى موتى زمان
فاطمه(بدموع ) وبندم ندم عمرى دلوقتى
محمد:حضرتك بتعيطى
فاطمه: دموع ندم يابنى
محمد :فين وليد وحشنى قوى
فاطمه(قامت وقفت قدام صوره متعلقه لطفل صغير بتاع 11سنه )ووحشنى قوى انا كمان
محمد:(بعدم فهم ) مش فاهم
فاطمه:يعنى بعد انت ماسبت البيت بحوالى ثلاث سنين كنا عايشين من خيرك انت كان ربنا بيقولنا خدو خدو خلى انتقامى عسير وفى يوم نزلت اجيب هانى من المدرسه كان وليد سخن وتعبان سبتو فى البيت ولم رجعت لقيت البيت والأرض فى سوء واحد كأن ماكنش فى بيت هنا اصلا البيت بقا عباره عن تراب ولحد الان مش عارفين طريق لجثه وليد (بدموع ) ومن يومها وانا بقول دة انتفام ربنا خد منى انو حاجه عندى وبقيت أقول انو دة حق اليتيم إلى بهدلنا(سمعو صوت مصطفى خارج من الاوضه ، فاطمه بصت على الاوضه وقامت من جمب محمد دخلت المطبخ ، طلع مصطفى بص لمحمد بارف وسابو ونزل ، وظهرت الصدمه على وش محمد وكأن لسه مش مصدق إلى حصل )
نفس الوقت فى بيت خالد ، رجعو البيت ، مجرد مادخلو اميره طلعت فوق ، اما الشباب اتجمعو فى اوضه محمد وعباس ، وكلهم قعدو على سرير محمد ، اما اميره طلعت وخالد معاها مفكر أنها هتروح للشباب ، لقاها وقفت قدام اوضه سمير ابنهم ، وفتحها ودخلت
خالد(دخل وراها )فتحتيها ليه انتى مبتحبيش حد يفتحها
اميره:(بصدمه وسرحان وهيا بتتأمل منظر الاوضه وبتحسس بايديها على الطرابيزه) اول مره من يوم موت ابنى احس الاحساس ده ، ان قلبى واجعنى كأنو ابنى لسه ميت النهارده
خالد:متقوليش كده ياميره محمد عايش ربنا يحميه لشبابو
اميرة:(بعياط )بس مش معايا ، ومش فى حضنى ، ومش قدام عينى
خالد(قفل الباب بسرعه )اهدى يااميره
اميره:(بدموع )قلبى وجعنى قوى
خالد:(بدموع)صدقيني يا اميره ، مكنش في ايدي حاجه اعملها ، وانتي شوفتي كده بنفسك ، انا عملت كل اللي عليا ، بس دا حكم في الاخر ، ومقدرش اعارضه
اميره:عارفه ، بس محمد مش هيبقى عارف كده
خالد:دلوقتى العيال إلى بره دى محتاجين حد يكون جمبهم وميسبهمش
اميره:انا معاهم ومش هسبهم ، بس محمد لوحدو
خالد:اميره بالله عليكى كفايه علشانهم ميخافوش اكتر ماهما خايفين ، يلا نطلع ليهم(وطلعو خالد واميره راحو للشباب )
اما عند الشباب ، متجمعين على سرير محمد ، وكلهم دموعهم بتحكى الحزن إلى جواهم
احمد:(بدموع ) ياترى هو عامل ايه دلوقتى(بعياط )ولا بيعمل ايه اصلا
عباس:انت اكتر حد عارف محمد عامل ايه ياحمد ، لان انت الوحيد إلى مريت بالظرف ده
مينا:(بدموع)محمد غير احمد ، احمد كان مع ناس بتحبو ، واختاروه من بين ناس كتير ، ومسمعتش ماما اميرة لم قالت انا اخترت إلى قلبى اتفتحلو ، لاكن محمد الله اعلم هو واخدو ليه ، بس الحاله إلى كان جاى بيها محمد الملجأ ، تأكد انو واخدو علشان مصلحتو
عباس:( بص الاوضه ) الاوضه وحشه قوى من غيرو ، (بعياط )كنت ديما بسيب سريري وانام جمبو ، مينا ، انا ومحمد قربنا من بعض قوى الفتره إلى فاتت دى
مينا:(بعياط )اهدى بقا علشان خاطرى
عباس :(بسرحان ) طب هو بيعمل ايه ، طب بيأكلوه وبيشربوه ، طب هينام فين ، طب ياترى عامل ايه من غيرنا ، اكيد زعلان او زمانه منهار ، وممكن يكون تعبان ، او حتى عمه عمل فيه حاجه
سراج:(بعياط ) لا كده كفايه ، كلامكوا ده تعبني بجد
(فجأه الباب خبط ، ودخلو اميره وخالد ، الشباب مسحو دموعهم ووقفو)
خالد:(بزعل)اقعدو ياولاد (قعدو وبعدين بصلهم )انتو عاملين فى نفسكو كدة ليه ، محمد عند عمو ، هيكون احن عليه مننا
شاهين:حضرتك بتقول ايه ، كلنا عارفين انو عم محمد هو اكتر شخص بيكرهو على وجه الارض
مينا:عارف يابابا ، انا شايل ذنب محمد قوى (الكل بصلو باستغراب) علشان انا عارضو لما قال انو عايز يرجع الملجأ ، على الأقل كنا هنبقى عارفين هو فين
اميره(بعياط)بس بقا كفايه علشان خاطرى ، انا تعبت بجد (وسابتهم وخرجت وخالد خرج وراها والشباب بصو لبعض )
تانى يوم بعد المدرسه رجعو الشباب البيت ، مجرد مادخلو اميره جريت عليعم
اميره: شفتوه جيه المدرسه
عباس:(بزعل)مجاش
اميره:(بدموع )كنت عارفه انو مش هيجى
احمد:بعد اذنك ياماما (و سابوها وطلعو )
اما عند كارمن وشرين ، رجعت كارمن البيت وشافت شرين رحتلها
كارمن:شيرو
شرين:عمله ايه ياحبيبتى
كارمن:الحمد لله كويسه
شرين:ديما ياحبيبتى ، ها عمله ايه فى المدرسه
كارمن:الحمد لله ، بس مش عارفه اخوات مينا النهاردة كان مالهم
شرين:مالهم ازاى
كارمن:أولا كده محمد مجاش المدرسه ، شاهين واحمد كانو كانهم مناموش طول الليل
شرين:يمكن يكون تعبان الواد دة اصلا معندوش مناعه والجو بيدفى وبيسقع تلاقيه واخد برد
كارمن : الله اعلم ، يلا انا هقوم اطلع علشان الحق اراجع قبل المعهد
عند محمد فى بيت عمو ، ظهر محمد قاعد على الارض ، وساند دماغو على السرير بسرحان ، قدامو طبق فيه شويه حب فول ورغيف عيش بلدى ، بره الكل قاعد على السفرا بيتغدوا ، فاطمه عنيها على الاوضه إلى فيها محمد
فاطمه:(بزعل بصت لمصطفى)بقولك ايه يامصطفى ، انادى لمحمد يجى يتغدا معانا
مصطفى:منا حاططلو اكل
فاطمه: ماهو معرفش ياكلو فى الفطار ، الاكل مايتكلش اصلا ، علشان خاطرى الواد مكلش حاجه من امبارح
مصطفى :(بصلها بزعيق )ممكن تاكلى وانتى ساكتة
فاطمه:دة يتيم وانا مش مستغنيه عن ابنى التانى
مصطفى:وانا بقا اكلو من قوت ابنى ، بكره يشتغل ويجيب قرش
(فاطمه سكتت وكملت أكلها)(بعد ماخلصو الغدا هانى:انا نازل ياماما
مصطفى :استنى يابنى خدنى معاك(نزلو الاتنين من البيت وفاطمه قامت دخلت لمحمد ومعاه طبق فيه شويه رز على طبيخ وعليهم حتته فرخه(منابها مكليتوش ووشالتو لمحمد)
فاطمه:( قربت منو وقعدت جمبو فى الأرض ومسحت بايدهاعلى شعرو ) انت مكلتش بردو (محمد بص للاكل (الفول والعيش )وسكت
فاطمه:انا عارف انو ميتكلش بس انا جيبالك اكل تانى
محمد:أنا ماليش نفس
فاطمه:علشان خاطرى يابنى قبل حدا مايجى
محمد:والله مش عايز
فاطمه:طب بس شويه صغيرين بلاش تاكل رز كل الحته الفرخه دى علشان تقدر تقاوم ياحبيبى
محمد: مش هقدر اكل ماليش نفس
فاطمه: طب عايز ايه وانا اعملهولك
محمد: انا عايز ارجع مدرستي وعايز ارجع لاخواتي
فاطمه(بزعل )كان على عيني بس مش بإيدي يابني انت شايف ان عمك اول ما بيخرج بيقفل علينا الباب من برا
محمد:هو بجد عايز يخليني اشتغل
فاطمه:(بزعل) ايوه بيقول انه هيشوفلك ورشه وتنزل فيها من بكره ونزل يتفق مع الاسطى
محمد: بس انا مبعرفش اشتغل
فاطمه: مش عارفه بقا بس اكيد هيعلمك(محمد بصلها بزعل ورجع ركن راسو على السرير تانى فاطمه بصتلو بحزن وسابتو وقامت )
مرت الايام ومحمد نزل الشغل واشتغل فى ورشه استرجى ، ولسه عمو وابنة بيعملوه وحش ، ومرات عمو بتشيلو الاكل بتاعها ، وكان ممكن ياكل طقه فى اليوم ، ولسه تحت تأثير الصدمه ، غياب محمد ماثر على اخواتو جدا ، ودى مزعل اميره وخالد جدا ، غير انهم زعلانين جدا على محمد اصلا وفى يوم مافيش غير اميره فى البيت الباب خبط فتحت اميره وسكتت بصدمه
ياترى فى ايه الى صدم اميره ، ياترى عم محمد هيغير معاملتو معاه وهيبقى كويس ، رد فعل البنات لم يعرفو ايه ، الحياه عند الشباب هتبقى ازاى ، هيعرفو يتواصلو مع بعض تانى ، استنونى الحلقات القادمة
#hadeer
#rody
