عشقت مجنونة (الجزء الأخير )

الحلقه السابعة والثلاثون ⁦♥️⁩

الحلقه السابعة والثلاثون ...⁦♥️⁩

فتح عمار الباب ببعض الغضب من هذا الذي يأتي بوقف متأخر ...

ثواني وصدم بشدة ...

عمار بصدمه ...: سيرين ...!!

سيرين بخبث وإستغراب ممثل ...: ايه دا هي دي مش شقه ليلي بنت خالي ...!! ازيك يا قبطان عمار معلش شكلي اتلخبطت في العنوان ...

عمار بإستغراب ...: هو انتي ازاي مش عارفه شقه بنت خالك ...!

وعلي الناحيه الاخري في شقه ليلي ...

كانت تقف علي الباب تتصنت عليهم بغضب شديد وقد علمت أن تلك الحيه تتمسح بعمار فهي تعلم جيداً عنوان شقتها ولكنها فعلت هذا عن قصد حتي يدخلها عمار الي شقته ... انفجرت ليلي من الغيظ الشديد ... لتفتح الباب في تلك اللحظه بغضب شديد يظهر علي ملامحها ...

ليلي بغضب تحاول إخفائه ...: إيه دا سردين .... قصدي سيرين .... خير بتخبطي علي شقه عمار ليه ...!!

سيرين بتمثيل ...: اصلي فكرتها شقتك ... معلش اصل بقالي كتير منزلتش مصر عشان كدا اتلغبطت تقريبا بين شقتك وشقة القبطان ...

ليلي بغضب شديد ...: لا أبقي اكشفي بقي علي ذاكرتك يا حبيبتي ... اتفضلي واقفه عندك ليه ...! معلش يا قبطان إذا كانت بنت عمتي ازعجتك ...

عمار بخبث وهو ينظر الي غيره ليلي بفرحه شديدة وعشق ...: لا أبداً دا انا حتي كنت هعزمها تدخل عندي فكرتها تاهت ولا حاجه ...

ليلي بغضب وهي تجذب سيرين من يدها حتي لا تدخل فهي تصدق كل ما يقال لها وقد تدخل تلك المتطفله الي شقه جارها الوسيم ...: لا هي جايالي انا ... يلا تعالي يا سيرين ...

سحبتها ليلي من يدها بغضب وأغلقت الباب خلفها في وجه عمار بعدما نظرت له بغضب شديد قبل أن تغلق الباب ...

ليلي بغضب بعدما دلفت ...: ايه يا بنت عمتي في حاجه ولا ايه ...!!

سيرين بخبث ...: انا جايه بس أسألك سؤال ...!! هو انتي ليه وازاي اشتركتي في العرض بتاع الأزياء وبقيتي الموديل الرئيسيه فيه ...؟؟ يا ريت تجاوبي ...!!

ليلي بغضب وبعض الخبث ...: أظن دا شيئ ميخصكيش ... بس برضه هجاوبك وهقولك بكل بساطه المدير بتاعكم هو اللي جالي بنفسه لحد شقتي وعرض عليا أبقي الموديل الرئيسيه للعرض كله وكنت هرفض بس هو قالي أنه محتاجلي عشان فكرته الجديدة اللي هيعرضها للعالم بالبراند العالمي بتاعه ...

سيرين بغضب شديد ...: ووافقتي ليه اصلا ..... انتي اصلا واحده مبتفهمش في الفاشون أو العروض بتاعته او اي حاجه ليه توافقي هو دا مجالك ...؟!

ليلي بخبث وهدوء ...: بالراحه علي نفسك بس يا بنت عمتي عشان تقريبا في دخان طالع من دماغك ... اوافق أو موافقش دي بتاعتي انا ومحدش ليه دخل بيها ومش انتي يا ماما اللي هتقوليلي دا مجالي ولا لأ ... واظن لو انا مش مناسبه للعروض والفاشون مكنش المدير بنفسه دور عليا في كل شقه في العماره دي لمجرد أن لمحني ماشيه في الشارع وشاف فيا الفاشونيستا اللي هتمثل براند عالمي مش مجرد براند وخلاص ... صمتت ليلي لتتابع بإستفزاز ... إنتي بقي معلش يعني دخلك ايه ...! ولا انتي اصلا وافقو عليكي ازاي ...! دا انتي يا حبيبتي من قله أكلك بقيتي بتاكلي في نفسك تقريباً ...! ايه دا بجد هم ازاي يوافقو عليكي يا سيرين متزعليش مني بس بصراحه كدا انتي محتاجه تكشفي يا حبيبتي عشان تظبطي جسمك اللي بقي قد الtoothpaste (خله الأسنان ) ... نظرت لها بسخرية وضحك لتتابع ... لا تكشفي ايه انتي محتاجه خديجه المغربيه بصراحه كدا عشان الكشف مش هيجيب معاكي نتيجه ...