"အဲ"
တည်တင်းနေတဲ့ ရုပ်ကို တံခါးဖွင့်ဖွင့်ချင်းတွေ့လိုက်ရတော့ လန့်သွားတာကတစ်ကြောင်း မထင်ထားတဲ့လူမို့
အံဩသွားတာက တစ်ကြောင်း ပါးစပ်က အလိုလို
ယောင်သွားမိသည်။
အန်တီက ဟင်းပို့ခိုင်းကြောင်းပြောလာတော့ လက်လွဲယူကာ ခနထိုင်ခိုင်းလိုက်ရသည်။ စားပြီးပြီလာမေးတော့
လည်း "ပြီးပြီဗျ"တဲ့။ ဒီကလေးရုပ်သာတည်တာ
စကားပြောလိုက်ရင်း အရမ်းယဉ်ကျေးတယ်။
စကားပြောကြရင်း ကိုယ်ဘုရားသွားရင်
သူပါလိုက်ချင်သည်ဟုဆိုလာပြန်တော့လည်း
မငြင်းဖြစ်။ ကိုယ်တောင်အဖော်ရသေးသည် မဟုတ်လား။
စည်သူတို့ သုန်သုန်တို့ကလည်း အလုပ်သင်နဲ့ မအားတာကြောင့်ရော ဘယ်မှလည်း သိပ်သွားသည့်ပုံမရတာကြောင့်ရော ခေါ်သွားဖို့တွေးလိုက်သည်။
Facebook မှာ သူလာaddလိုက်ပါမည်ဟုဆိုကာ
နှုတ်ဆက်ပြန်သွားတော့မှ သူလည်း ရေမြန်မြန်ချိုးကာ
အန်တီပို့လာတဲ့ ဟင်းနဲ့ ကိုယ်တိုင်ကြော်ထားတဲ့
မုန်လာထုပ်ခရုဆီလေးကို ထမင်းနဲ့ စားလိုက်တော့သည်။
ညနေစည်သူပြန်ရောက်လာတော့ ညနေ၅နာရီခွဲ ။
လမ်းထိပ်မှာ ညစာသွားစားမည်အရေးကို
စည်သူရေချိုးတာကို ထိုင်စောင့်နေရင်း ဖုန်းဒေတာဖွင့်
လိုက်တော့ friend request တစ်ခု။
Thu NYAN Htet ဆ်ိုတဲ့accလေးကို confirmနှိပ်ပြီးတာနဲ့
ဝင်ကြည့်လိုက်သည်။ profile က ညအချိန်ရိုက်ထားတဲ့ပုံဖြစ်ပြီး ရင်ဘတ်မှာ Nike logo အဖြူလေးပါတဲ့
မိုးကာသားဂျာကင်အမဲကိုမှ သူဆောင်းနေကျ လျှာထိုးဦးထုပ်အမဲပါဆောင်းထားသေးတော့ သူ့မျက်နာကိုသေချာမမြင်ရ။
Wallထဲဝင်ကြည့်တော့လည်း ဟာသတစ်ချို့shareထားတာကလွဲလို့ တခြားသိပ်မတွေ့ ။ scroll down ဆက်လုပ်နေရင်း တော်တော်အောက်ရောက်မှ ကောင်မလေး
တစ်ယောက်ရဲ့ ပုံတစ်ချို့ သူ့ကိုပါ tagထားသေးသည်။
"📸 by Htet ❤️" ဆိုတဲ့ Captionနဲ့
Han Nay Nweဆိုသည့် accမှ တင်ထားသည့်ပုံ။
ကာကီရောင် long coatလေးနဲ့ ကောင်မလေးက
ချစ်စရာကောင်းတယ်ဆိုတာထပ် မျက်နာပေါက်က အနောက်တိုင်းသူတွေလို ခပ်သွယ်သွယ် ဖြစ်သည့်အပြင်
ပုခုံးလောက်ဆံပင်အကောက်လေးနှင့် ။ အသားဖြူဖြူ နှာခေါင်းချွန်ချွန်နဲ့ မျက်လုံးနက်နက်တွေကလည်း အနီးကပ်ရိုက်ထားတဲ့ ပုံကြောင့်သိသာလွန်းနေသည်။ တောင်ကြီးမြို့ရဲ့ ဆောင်းရာသီနဲ့ လိုက်ဖက်စွာဝတ်ဆင်ထားတဲ့ သူ့ပုံစံက တကယ်ကို လှပတဲ့ကောင််မလေးမှန်းသိသာသလို likeအရေအတွက်ကလည်း ထောင်ကျော် comment တွေကလည်း အများအပြား။
အပိုင်း(၉)
Start from the beginning
