မကောင်းမှုဟူသည် ဆိတ်ကွယ်ရာမရှိဆိုသည်မှာ တကယ်မှန်သည့်စကား။ ဥပဒေချိုးဖောက်ကျူးလွန်တာမျိုးမဟုတ်သည့်အပြင် ကိုယ့်ဖက်ကကြည့်လျင် လုံးဝ မှားယွင်းနေတဲ့အရာ မဟုတ်သော်လည်း မြန်မာပြည်ကို ၂ညခိုးပြန်လိုက်တဲ့ကိစ္စသည် ကိုယ့်မိသားစုအတွင်း
မိုးမီးလောင်သွားသကဲ့သို့ပင်။
ကိုယ်ကပဲ ကံညံ့နေတာလားမသိပါ မြန်မာပြည်ပြန်တဲ့
Flight ပေါ် မှာ တောင်ကြီးက အသိမိသားစုလည်း ပါနေခဲ့သည်တဲ့။ လေယာဉ်ပေါ်မှာ ကိုယ့်ကလည်း သတိမထားမိခဲ့ ကျေးဇူးတင်စရာကောင်းတာက ကိုယ်မြန်မာပြည်မှာရှိနေတဲ့ ဒုတိယညမှ သိသွားတာမလို့ နောက်နေ့ ချက်ချင်းပြန်တဲ့ ကိုယ်က ကသီလေးလွတ်သွားခဲ့တာပင်။ မဟုတ်ရင် မန္တလေးထိလိုက်လာပြီး ဘုန်းမည့် ဖေဖေရဲ့ လက်စက မသေး။
" သုဉာဏ်ထက် မင်းဘာအချိုးချိုးနေတာလဲ"
MacBook ရှေ့ ညီအစ်ကိုနှစ်ယောက်လုံး မျက်နှာငယ်လေးတွေဖြင့် ထိုင်နေကြသည့်အဖြစ်က နည်းနည်းတော့ ရယ်ချင်စရာကောင်းသည်။ ITခေတ်မှာ မိဘဆီမှ အဆူအဆဲခံရတာတောင် FaceTime နှင့်။
" အစ်ကိုရယ် စိတ်လျော့ပါအုန်း"
ဘေးက မေမေကလည်း မျက်နှာလေးညိုးကာ လက်လေးတဆွဲဆွဲဖြင့် ချော့မော့နေတာတောင် နှာမှုတ်သံတပြင်းပြင်းနှင့် ဖေဖေက တကယ်အမှန်ကြီး ဒေါသထွက်နေတာ။
"နောက်တစ်ခေါက် အဲ့လိုမဟုတ်တာတွေ လုပ်ကြည့် မင်းကို ငါဒီအတိုင်း ကြည့်မနေဘူး ကျောင်းထုတ်ပြီး ပြန်ခေါ်မယ် လူကြားလို့မှမကောင်းဘူး မင်းအဲ့လောက် ဟာ ငါကွာ"
မေမေပြောပြထားလို့ သိသင့်သလောက်သိသွားပြီဖြစ်တဲ့ ဖေဖေက လေယာဉ်လက်မှတ်ဖြတ်ပြီး ချက်ချင်းလိုက်လာဖို့ တကဲကဲဖြစ်နေတာကို မေမေနှင့် ကြီးကြီးမေတို့က "ဒီကိစ္စ ငါတို့ရှင်းမယ် နင်ဝင်မပါနဲ့"ဆိုတဲ့ စကားနောက် အံတကြိတ်ကြိတ် လက်သီးတပြင်ပြင်။ လုပ်ချင်တာ
လုပ်ထားပြီးပြီမလို့ အခုချိန် ထုထောင်းရုံတင်မကဘူး အမှုန်ကြိတ်လည်း ခံရတော့မှာပင်။ ဒါပေမယ့် ပြောပြချင်နေတာက ဖေဖေပြန်ခေါ်လည်း မလာနိုင်ကြောင်း အချစ်ကို ကျောင်းပြီးသည်အထိ တက်မည်ဖြစ်ကြောင်း ကတိပေးထားသည်ဆိုတာတော့ စိတ်ထဲတွင်သာ ထားလိုက်ရသည်။
