Captured Hearts (On-going)

Chapter 07

MAAGANG nagising si Honey dahil ngayong araw ang alis niya. Sapat na siguro ang mga larawang nakuha niya at tapos niya na rin i-edit ang mga iyon kaya uuwi na siya. Ayaw niya na rin magtagal dito.

Kasalukuyan siyang naglalakad ngayon papuntang reception para mag-check out. Hila-hila ang maleta ay pumunta siya roon. Nang makarating roon ay agad niyang inasikaso ang pagche-check-out niya. Nasa kalagitnaan na siya ng pagpipirma ng may biglang tumabi sa kaniya.

"Check-out." anito. She stilled when she heard that familiar baritone voice. She slowly looked up to see if she was right. At doon nagtama ang mata nila ng lalaking nagngangalang Kairus. "Hi, Chinese girl."

Hindi niya ito pinansin, sa halip ay ibinalik niya ang tingin sa pinipirmahan at agad ibinagay sa receptionist. Walang paa-paalam na umalis siya roon. Ayaw niya ng makipagusap sa lalaking iyon.

Hindi uso ang taxi sa Bohol lalo na at Sitio ang tinutuluyan niyang hotel at hindi sa Bayan. Kailangan niya pang bumyahe papuntang Bayan para makasakay ng taxi na siyang maghahatid sa kaniya sa airport.

Buong biyahe ay malalim ang isip niya. Ni hindi niya namalayan na narito na pala siya sa airport at hinihintay na mag-boarding ang eroplano niya.

Nang tawagin na ang eroplano niya ay pumunta na siya roon at umupo sa upuang nakalaan para sa kaniya.

Dahil nga maaga siya nagising ay nakatulog siya buong biyahe at ginising na lamang siya ng flight attendant para sabihin na nakarating na sila sa Maynila.

Dumiretso siya sa condo nilang magkakaibigan. As usual, pagkauwing pagkauwi niya ay ininterview siya ng mga ito.

"Napabilis 'ata ang uwi mo. Tapos ka na ba? Siguraduhin mong maganda ang mga nakuha mo ah. Patingin nga!" bungad sa kaniya ni Lyka.

"Lyka, Siyempre beautiful ang picture na nakuha ni bee. Am i right, bee? Now, kwentuhan mo us kung what happen sa'yo in Bohol. May afang ka bang nameet? Or oppa? Maybe you have boylet na, hindi mo lang sini-say to us." conyong ani ni Denice.

"Tigil-tigilan niyo nga ako! Pagod ako, okay? Gusto ko magpahinga. Please lang." sagot niya sa dalawa.

"Sige na nga. Magrest ka na. We will never kulit you this day." ani ni Denice. "Tomorrow na lang." Dagdag nito at binuntutan pa ng nakakalokong tawa.

Napailing na lamang si Honey sa sinabi ng kaibigan. Nang nakapasok siya sa k'warto niya ay kaagad siyang humiga.

Hindi niya alam pero pakiramdam niya ay pagod na pagod siya kaya hindi niya namalayan na nakatulog na pala siyang muli.

KIBAKABAHAN si Honey habang naglalakad siya papunta sa opisina ng Mr. Garciano na iyon. Pupunta siya roon dahil ipapakita niya rito ang nga litratong nakuha niya.

Nang makarating siya sa tapat ng opisina ng lalaki ay huminga muna siya ng malalim bago kumatok. Nang sumagot ang lalaki na pumasok siya ay pumasok na siya.

Abot langit talaga ang kaba niya dahil kapag hindi nagustuhan ng lalaki ang mga kuha niyang mga litrato ay mawawalan na siya ng trabaho!

"Oh, Ms. Lao, I'm glad you're back."bungad ng binata sa kaniya.

"Good morning, boss." bati niya rito. Pinilit niya lamang na tawagin itong boss kahit ayaw niya naman.

"Well?" anito na para bang hinhintay nito na sabihin niya ang pakay niya.

"Ahm. Narito na po ang mga kuha kong litrato." Aniya at ibinigay dito ang USB niya kung saan naroon lahat ng picture na nakuhanan niya sa Bohol.

Inabot naman nito iyon at isinaksak sa laptop nito. Tiniganan nito ang mga litratong naroon. Napakagat na lamang siya ng labi dahil nakita niya ang paglukot ng mukha nito na para bang hindi nito nagustuhan ang mga kuha niya.