هى مجرد كلمات وسطور خرجت فى لحظات وسنوات مختلفه ، قد تكون نصائح ، خواطر ، عِبر ، دروس حياتيه لذلك هى مجرد خربشات قد تروق لك وقد تشعر ببعض التناقض بها ..
تحياتى
خلينا نتكلم على التحرش بما أنه الموضوع طول وزاد عن حده وخليني اقول اني شخص عادي يعني لا منظر ولا بتاع خطب وكلام كبير الموضوع بس مجرد رأي وعلى سبيل الهري المعتاد مجاش عليا يعني المهم كل يوم والتاني يظهر موضوع تريند وخبر وشو وياخد اكتر من مكانته أو وقته بدون فهم لحقيقة الموضوع وتلاقي ناس بتدخل تخلط في الأوراق وتهم تترمي من كل جنس ونوع ف خلاصه الكلام التحرش أو التعدي على الغير فعل غير انساني من شخص غير سوي لا يقبل التبرير ولكن كأي فعل له أسباب و اوقات كتير بيبقى الموضوع مرضي وفساد نفوس نتج عن مجتمع بيسهل وبيسر دا من خلال التكتم تحت بند الستر واللى فالاخر بيظلم بشكل كبير الضحايا وبيخلي في استضعاف وساديه من طرف الجاني ، مجتمعنا ربي جيل وأجيال قبله على عيب وميصحش و مينفعش كده وتعصب لعادات وتقاليد نتج عنها تمرد الجيل على دا كله وبيلاقي لذه في تحدي ما نشأ عليه من تعاليم وتوجهات وهدم كل الأصنام اللى طلع عليها ومع موجة التنوير وتلميع الغرب ونمط حياتهم المتحرر بقيت عادي تلاقي جو الصحوبيه وتقارب الأجناس ما هي ظيطه بقى وعادي تلاقي شاب روش وبنت عاجبه نفسها مع الوقت بيحصل تخطي للحدود واحيانا بيبقى في وساخه وابتزاز أو تعدي جسدي وطبعا مع انشغال الأهل أو تربية الخوف والعقاب الغاشم بيزداد الضغط والكبت والخوف والندم والاكتئاب وبيتكفي ع الخبر مجور ولما تيجي فرصه زي حوار المريض الاخير شويه شويه حاجز الصمت بيتكسر وكل واحد بيفتكر الماضي والقصص اللى دارت معاه ويقلب في المواجع وتلاقي تريند زي اول مره تحرش كان عمري وقصص توضح مدى تفشي وباء ادعاء الطهاره فينا وضياع قيم كبيره إلى اخره مشكله التحرش والاغتصاب موجوده وبتحصل كتير بس طول ما الاوضاع زي ما هي هتعدي الموجه دي وهيتحاسب واحد بس ، لكن لما يبقى في وعي وتقارب أسري وتربيه كويسه وتصحيح مسار لما أفسده الذوق العام السائد ف( الاغاني والسينما والمواقع الإلكترونية والتطبيقات والتلفزيون .. الخ ) .. وتقويم نفسي لكل اللى اجرم فحق غيروا ساعتها الدنيا هتظبط الموضوع للاسف محتاج وقت ومجهود من كل المجتمع ودور الدوله فالتوعيه والأهل فكسب ثقة الأبناء للمصارحه والجيل في الإصلاح من الذات والتثقيف وجميع الفئات العمرية والاجيال في التقرب من الله واتباع التعاليم الصحيح وتطهير النفس وإدراك عواقب الأفعال دنيا واخره واعلاء قيم الإنسانية وحفظ الآخر ..
...
Oops! This image does not follow our content guidelines. To continue publishing, please remove it or upload a different image.
المشكله في الأفكار مش فالمظاهر أحيان كتير
..
Oops! This image does not follow our content guidelines. To continue publishing, please remove it or upload a different image.
الناس اللى بتقول اللبس مشكله الدين زي ما أمر بالتستر أمر كذلك بعض البصر فكن مسؤول عن أفكارك ونقها افضل من التبرير لسوء أفعالك كلا يحاسب على أفعاله ويكتب عمله
..
ونصيحه أخيره لأي شخص تعرض لموقف مؤذي أن يتجاوز ويتعامل كناجي لا يطيل البقاء في طور الضحيه حتي يقوى ليواجهة ويأخذ حقه لان الاكتئاب والحزن لن يفيد ولن يغير مما وقع شئ ولكنه يمكن أن يؤثر بالسلب على مجرى الحياه والدنيا داين تدان ..
