خربشات متناقضه

باهتين ! ( الرماديات ) 🤚

في نوع من الأشخاص اللى عرفتهم مؤخرا وانضموا لفئه المقربين أو اديتهم مكان في قلبي عالاقل ، مع مرور الوقت بيبعدوا لمنطقه رماديه كده اللى هو مبتبقاش عارفهم هما صحاب ولا اغراب طب المكان الموجود لهم دا ليه لازمه هل لي نفس المكان دا عندهم !  ، بتبقى العلاقه متذبذبه بين فتره بنرجع نقرب ونتعامل وأصحاب واخوات جدآ وفتره تانيه ولا بنسال ع بعض واخرنا نتفاعل مع بعض في الميديا بس كمشاهده استيت أو تفاعل مع بوست وهكذا لكن ككلام وتعامل معهم لأ ، المشكله ان مع الوقت بتكتشف انك أهدرت جزء كبير من وقتك مع الاشكال دي من العلاقات الباهته و مليت قلبك باشخاص باهتين ورماديين لا بيسالوا لو غبت ولا بيستقطعوك لو معاك ظرف ومختفي ولا حتى بتلاقيهم معنويا معاك في اي طارئ  ، وممكن كمان يشوفوك مقصر فحقهم ويلقحوا عليك كلام فاستيت أو بوست انك ندل ومبتسالش وممكن بعد كده يعرفوك فمصلحه أو طلب بكل بجاحه ! ،
..
الخلاصه اللى اتعلمتها من التعامل اني اتجاوز الناس دي وأبطل اديهم اي حيز من حياتي أو نفسي واعاملهم بنفس المبدأ بتاعهم مركونين عالرف وبتفرج واتفاعل معاهم كاصول وواجب وجدعنه مني بس ، لكن مش هينفع نبقى صحاب او اخوات تاني .
..
ههد الهرم وطز كبيره لاي حاجه بينا :) ⁦♥️⁩⁦✌️⁩⁦🚶🏿‍♂️⁩
..
Sale7 _ Smsmzeros ♥️✌️
22_7_2019