عندي مشكلة مع الفيديوهات بتاعت الأطفال سواء ولاد او بنات اللي بيرقصوا بشكل فج او باسلحه وحركات مش بتمثل سنهم ، فيديوهات الاطفال اللى بيغنوا اغاني مهرجانات وسخه ( لفظ لطيف) وفيديوهات الاطفال اللى بيعملوا تيك توك بحركات وترندات مش تمام ، والمشكله الاكبر مع الناس اللى بتاخد الكلام دا بمنحى فخر او ضحك وهزار وحلو خلوا الواد يتشهر ويبقى تريند وتشير بقى اللى هوا اطفال و و ، ي عم اطفال نحافظ على البراءه بتاعتهم نوعيهم نحافظ على الطفوله ونقوم بدورنا كمسؤولين بشكل عقلاني مش خناق يولد متمردين بحمق ، لما كلها تبقى رقصات ومغنين مهرجانات ونجوم تيك توك من الصغر فيما بعد هيبقى ايه النظام ايه الوضع ! .. بعد جيل او اتنين شكل المجتمع هيبقى ازاي ، لا دين ولا منطق ولا عرف ولا اي شيء يقبل بحاجه زي دي ، قبول الانتكاسة دي هيبقى على دماغنا فيما بعد والبوادر بتظهر من دلوقتي وربنا يستر ويلطف فاللى جي ..
صالح .. Sale7 .. Smsmzeros
16_7_2021 ✌️❤️
أنت تقرأ
خربشات متناقضه
غير روائيهى مجرد كلمات وسطور خرجت فى لحظات وسنوات مختلفه ، قد تكون نصائح ، خواطر ، عِبر ، دروس حياتيه لذلك هى مجرد خربشات قد تروق لك وقد تشعر ببعض التناقض بها .. تحياتى
