مفيش اسوء من الحب والتجارب العاطفية أو الصداقه اللى بتجي على فراغ أو استعراض لمدى قبولك ولتأكيد ذاتك وقدرتك على الجذب ، الناس اللى بتتخذل فتجربه أو يتم رفضها فتقلب الرفض لفقدان ثقه بالنفس و تدخل فعلاقات متعدده ومتناقضه بطريقه جارحه ومهينه لناس كتير واول ضحاياهم بيبقى هما .. الموضوع بيبقى بشكل مبالغ فيه ونتائجه بتبقى كارثيه لو متمش لمه والفوقان منه الرجلين بتدخل فوحله و الاستنزاف بيبقى كبير ومجهد ، غير طبعا لما الأطراف المتعدده دي تتلاقى وتتداخل ويكتشفوا أنهم فئران تجارب وضحايا لفراغ عاطفي
فنصيحه بس احنا بشر مش شرط تبقى الناس بنتظر لنا نفس النظره اللى فعيونا ليهم ، ممكن ناس ترفضنا وناس تقبلنا ، ورفضهم أو قبولهم دا لا يدل على اي شئ اطلاقا ، بس ممكن نعتبر دا باب بينبهنا أننا نعالج بعض الأمور ونحسن انتقاء الناس اللى عندها انسجام معانا وهتقبلنا على وضعنا أو هتحاول معانا عشان نبقى زي بعض و ننسجم .. رجاءا بلاش تستعجلوا وقت ما تتخذلوا أو تتجرحوا وتخدوا ناس فالرجلين ولو وصل بيكم الوضع انكم ترفضوا اي علاقات وتعملوا حدود اعملوا دا عالاقل اهون بكتير من اي حل تاني مندفع وتحت تأثير الحزن والشعور بالرفض ..
نصيحه بس ✋ صباحكم أو مساكم فل ✌️❤️
..
صالح .. smsmzeros .. sale7 ❤️✌️
13_5
ESTÀS LLEGINT
خربشات متناقضه
No-ficcióهى مجرد كلمات وسطور خرجت فى لحظات وسنوات مختلفه ، قد تكون نصائح ، خواطر ، عِبر ، دروس حياتيه لذلك هى مجرد خربشات قد تروق لك وقد تشعر ببعض التناقض بها .. تحياتى
