خربشات متناقضه

عن شخصي .. اتحدث بـ ( غرور )

احب اشكر كل الناس اللى اتعاملت معاها وخدت عني انطباع او فكره سواء حلوه او وحشه ..
.
واحب اوضح ما يلى
انا سئيل ورخم و بارد وقاسي ومبحسش و مصلحجى و مطرطش (مجنون ) و رغاي و خبيث و بنافق ومغرور ومش طيب او ملاك يعني
..
تمام بس
...
السئاله او الرخامه او البرود دي حاجات تاكد بانك اللى تستحقها وعشان كده بعاملك بيها انا فالعاده ببقي كويس مع اى حد اعرفه او لا لحد ما اعرف الاسلوب اللى يستحقه وبتعامل بناءا عليه بعد معاملة مره واتنين واكتر ومراعاه للظروف بس فالاخر بيطلع اسلوبي هوا الافضل فالنهايه 😉
..
القساوه ،، انا قاسي اوك .. بس برضو ممكن تكون انتا اللى طري وعشان كده بترجم رد فعلى على انه قاسي 😂
..
وموضوع انى مبحسش ولامبالى : فدا شئ كلنا بنعانى منه فالوقت الحالى باردتنا او بغير مع ناس معينه او كل الناس
وتاكد انى كنت حساس جدا بس تعبت بنفس بدرجة الحساسيه واكتر
..
وموضوع انى مصلحجى : فدا شئ غير قابل للتصديق فانا مش مادي للدرجة يعنى والحمد لله ( ملاك 😂 ) بس هي الفكره فانك مش قادر تقيم طريقة التعامل اللى بينا والاساس اللى قائمه عليه واللى اكيد هوا المصلحة المتبادله
..
خبيث ولئيم : بسمعها كتير الكلمه دي كصفه مميزه لى المشكله انى مش فاهم ازاي ، انا لو فعلا كده مش هيفرق معايا وعادي هتعود عليها وهجملها كمان بس المصيبه انى مش كده .. بس ممكن اكون ذكي او اتعلمت من حاجات واكتسبت حكمه فالتصرف فبعض الامور والتعامل
فكونك بتعتبر الذكاء والحكمه فالتصرف خبث فدا عيب فحضرتك ومش هشغل بالي بيه بعد كده (كفايه عيوبي تشغلنى )
..
رغاي وبتكلم كتير : ناس بتفتكرني بهري كتير وبتكلم اكتر م اللازم وردود الافعال بتبقي باينه انهم مش حابين كده فاقول لهم انى ولله الحمد اقدر استغني عن الكلام معاكم واصنع حدود لكلامي لدرجة الانعدام بس بتكلم واتواصل عشان بحبهم وبفصل لهم الكلام وبكتر لخير او لمرح بس مش اكتر
..
مطرطش ومجنون : دا اقل اجب يعني لازم بعد ما اتكلم مع حد فى نظرتي لفكره او اعرض له وجهة نظري فقرار اخدته
يقولي كده :-D
المهم دا شئ مميز وحلو كوني مختلف عن الكلام التقليدي والحوارات والنظرات المحدوده (مش تعالي ) بس الفكره ان اى حد مختلف بيتقال عليه الكلام دا فالاول
..
مغرور :-D .. فالغالب يعني دا اللى هيتقال بعد اللى هيعتبروه تلميع بس مش مهم
..
كتبت الكلام دا كله تفريغ لكم من السلبيه اللى جوايا وباسلوب ساخر لانه ميستاهلش كم الرغي دا كله
لا هممني اى كلمه سلبيه او نظره سلبيه او تعبير سلبي تجاهي بعد كده كل واحد يقول اللى عاوزه وطز فاى حد خد اى انطباع غلط عني ولا هيشغلني لا هبرر ولا هوضح تاني
#طز_كبيره 😂
#بدايه_جديده
#صالح
24/2/2016 smsmzeros