بلا أدنى شك فوجهة نظري ان من الحاجات إللى ساعدت وساهمت في تطور الغباء وصعود وتيرة العنف والجرائم الشاذه فالمجتمع بأنواعها وباختلاف درجات بشاعتها ، كثرة التحدث عنها سواء فالتلفزيون او الدراما ومن بعدهم السوشيال والفيديوهات عن طريق تناول البعض للحاجات دي كمادة بتخلى كتير يتابع ويبقى عنده فضول يعرف تفاصيلها ، في قنوات على اليوتيوب بتجيب الجرائم وتحطها في سياق كانها حدوته بتحكيها وتفصلها وممكن تضيف عليها وتختلق مواقف واحداث عشان تعمل نسق للفيديو او تخلية يطول فترغي وتهري كتير بقى وطبعا بقى سهل تتجاب مع الاسكرول وتلاقى فيديو لفلان بيتكلم ازاى حصلت ويقعد يحلل ويفصل وطبعا الخوارزميات تعرف انك بتشوف الكلام دا فيقعد يجيبلك الناس دي باستمرار وتشوف جرائم اكتر وممكن ابنك او بنتك الصغيرين يشوفوا الكلام دا ويترتب عليه اثر سيئ او نقطة سوده ممكن تكبر مع الوقت او مع الفرجه على كذا فيديو ، ممكن الواحد كان محظوظ ففتره الطفوله ان الموضوع كان صعب حتى انك تشوف افلام ومسلسلات فيها الكلام دا او بالكميه إللى بتحصل دي ، بس حاليا طباع الناس اتاثرت وشخصية الاطفال او الجيل إللى طالع بقى متبلد او مش بيراعي ولا بيحس بكبر الجريمه من كتر ما سمع عنها او شافها او اتحكاله ففيديو ما عن طريقة وأسلوب الجاني ، القلوب إللى بتموت من وهي صغيره مع حماس المراهقه وحب التجربه هيخلى في غباوة اكتر واطفال اكتر فالسجون او فدور تقويم الاطفال وبذرة جناة بتنشأ بسبب تعود الناس على الافعال والجرائم وترينداتها إللى بقت شبه يوميا .. اتمنى الكلام دا ميحصلش بالسيناريو السوداوي دا ويتم تدارك الموقف والتقليل من المحتوى دا لانه مفيش فائده من كلامك عن جريمه وتفصيصك لادق تفاصيلها ورغيك الكتير إللى كان ممكن تختصروا فنصيحه او فيديو افضل بدون توضيح .
١٠_٢٠٢٢
Sale7.. smsmzeros .. صالح
YOU ARE READING
خربشات متناقضه
Non-Fictionهى مجرد كلمات وسطور خرجت فى لحظات وسنوات مختلفه ، قد تكون نصائح ، خواطر ، عِبر ، دروس حياتيه لذلك هى مجرد خربشات قد تروق لك وقد تشعر ببعض التناقض بها .. تحياتى
