من اكتر الحاجات إللى بستغربها في الوقت الحالى ومن خلال متابعتي للحرب القائمه ، تعليقات البعض وخلطهم للأمور والمطالبه بنفس الاهتمام للعالم الثالث بتاعنا ، اشمعنا متعاطفين مع أوكرانيا وليه مش مع سوريا وليه مش فلسطين واليمن او العراق او اي بلد عربي ومسلم ، مش تقليل من قضية الانسان ككل بس عموما احنا تابعين ، ملناش وزن بين العالم دى وحتى إللى بيضربنا دا اقل من انه يشغل العالم دي نزاعات طائفية او إقليمية محدودة النطاق والمخاطر ، روسيا عندها نووي واسلحه تدمر كتير بجانب ان دخلتها ممكن تعمل حرب عالمية لو اطراف تدخلت او لو إللى فدماغها مش مشي زي ما عاوزه ، روسيا بتلعب لعبة تغيير أدوار فالعالم كله ، كفاية ماما امريكا و كفايه عيالها فالاتحاد الاوربي والكم طفل المدلل فانحاء العالم او العيال إللى فرضا عليهم وصايه ومنوماهم مغناطيسيا وبيسقفو وخلاص زي بلادنا كده ، ونعمل ابديت جديد وتبقى الصين و روسيا فالاوائل ، فالموضوع حاليا ملوش علاقه بمقارنات والموضوع اكبر من كده بكتير واكبر من قضايا الانسانيه لانه مصيري ومبنى على قوة ورد فعل مدروس وإلا لغم هيولع ومش هيطفى غير بتغير خريطه العالم ... ف ربنا يستر ويلطف بينا كلنا ويهدى الجميع للخير ✌️❤️🚶🏽♂️ ..
..
صالح .. sale7 .. smsmzeros
2_2022
YOU ARE READING
خربشات متناقضه
Non-Fictionهى مجرد كلمات وسطور خرجت فى لحظات وسنوات مختلفه ، قد تكون نصائح ، خواطر ، عِبر ، دروس حياتيه لذلك هى مجرد خربشات قد تروق لك وقد تشعر ببعض التناقض بها .. تحياتى
