عشقت مجنونة (الجزء الأخير )

الحلقة السابعة عشرة ⁦⁦♥️⁩

الحلقة السابعه عشرة ...⁦♥️⁩

أصابك عشق أم رُميت بأسهمِ ... فما هذة إلا سجيه مغرمِ ⁦ ⁦♥

فتح هيثم عيونه علي رنات تصدر من هاتفه صباحاً ... امسك الهاتف ورد بملل ..

_الو ...!

نعمه بضحك علي الناحيه الأخري ...: قوم يا عم النايم نسيت أن وراك شغل ... ولا انا عشان سمحتلك بأجازه اسبوعين تغيب كل دا ...!!

هيثم بنفي ...: انا مش جاي الشغل تاني يا نعمه .... انا هقدم استقالتي ...

نعمه بإيماء وتفهم ...: تمام يا معلم ... بس انت هتقدم استقالتك من الشغل .... يا تري بقي هتقدم استقالتك من خطوبتي الاسبوع الجاي هههههههه

هيثم بصدمه ...: إيه ...!!!

نعمه بضحك ...: مالك اتصدمت كدا ليه يا ابني ... أيوة خطوبتي الاسبوع الجاي ...

هيثم بسعادة كبيرة من أجلها ...: الف مبروك يا نعمه عقبال الفرح يا رب ...
نعمه بسعادة اكبر ...: الله يبارك فيك يا هيثم ... انت زي اخويا الصغير واكتر كمان ربنا يحفظك يا اخويا ...

هيثم بإبتسامه ...: ربنا يوفقك يا رب في طريق حياتك ... معلش هقفل بقي عشان ورايا امتحانات في الجامعه ...

نعمه بإيماء ...: ماشي ربنا معاك يا بشمهندس ...

اغلق هيثم الهاتف واتجه ليرتدي ملابسه حتي يذهب الي الجامعه وبداخله إصرار كبير أن يُنهي دراسته في الهندسه قسم البترول ويُسافر بعيداً الي اي مكان بعيد عن زكرياتها وعنها ... بعيداً عن اسراء حب طفولته التي وفي لمح البصر أصبحت لغيره بعدما كان يتمناها ليل نهار ...

هيثم بحزن وهو يرتدي ملابسه ...: ربنا معاكي ويوفقك في حياتك هتفضلي بنت خالتي وحببتي حتي لو بعدتي عني وبقيتي لغيري يا اسراء ...

هيثم شاب عادي ليس به عضلات كبيرة نحيل بدرجه متوسطه ليس نحيفاً للغايه ولكن جسده جميل أيضاً لديه شارب يشبه شارب بوراك وشعر متوسط الطول قمحي البشره ذو ملامح وسيمه ورجوليه جذابة وعيون عسليه اللون غايه في الجمال ...

اتجه هيثم الي الجامعه حتي ينُهي امتحاناته في الفرقه الرابعه لكليه الهندسه ...

وعلي الناحيه الأخري ...

نعمه بفرحه وهي تتحدث مع خطيبها الذي عوضها ظلم ما رأته في حياتها ...: انا مش مصدقه يا محمود بجد اني في فترة قصيره اووي اتعلقت بيك كدا ... علي رأي البنات هو انت جيت منين حبيتك بالتلاته هههههههه

محمود بضحك علي الناحيه الأخري ...: بقالي يا نعمه سنه كامله بجري وراكي لما كنتي سكرتيره السيوفي باشا وحتي لما استلمي المدير التنفيذي انا كنت بحاول بكل الطرق اني اقولك اني بحبك وان مش زي ما انتي فاكره أن الرجاله كلهم وحشين وكدا بس للاسف انتي كنتي رافضه حتي الكلام مع اي حد ....