الحكم بالحياة بعد الاعدام

تكمله الجزء ١٩

_ ما فهمت وضحي!!! ما اكدر اتغاضى  اني البارحه نزلت بنص الليل دخلت لغرفتج صح ردت اطمئن عليج بس ما اكذب اتمنيتج كاعده واسألج واعزف الجواب
فيض احجي لا تعبيلي اعصابي اني ما اتحمل ابقى افكر بشي لان لا بالي يرتاح ولا عيني تاخذ نوم ولا يبقى عندي عقل وتركيز
_ والله خايفه منك
_ لا تخافين فيض اني كمال 
_ كمال الي راح احجي ترى يدخلني السجن
_ لج فيض احجي خبلتيني
_ الكلى الي بجسمك
_ منج ... شلون واني بعيني شفت المتبرع واكف كدامي بالمستشفى ! ( للحظه لم اصدق كلام تلك الفتاه التي اختلقت  الكثير من الاكاذيب في الصباح ) اريد اعرف كلشي من البدايه
_ الموضوع بدأ من اتصلت عليك وما جاوبت اتصلت على رقم بيت عمي جاوبني   زيد وعرفت انت بالمستشفى قلقت وطلبت عمه نضال گلتلي
انت مريض تحتاج تبرع غلقت  التلفون
بدون ما افكر حسيت راح اضيع اذا صار عليك شي
رجعت بلغتها اني اتبرع الك وافقت وبعدها اجى عمي اخذني وبقيت كم يوم
_ شلون تتبرعين وانت بعدج قاصر
ابتعدت بنظراتها عني وهي تحاول مسح الدموع
_ غيرو مواليدي والدكتور الي سوالك العمليه هو وعمي ونضال عدهم التفاصيل والله اني ما اعرف شي غير موضوع التزوير والتبرع
_ كنت اتكلم بهدؤ خوفا عليها كانت تبدو متعبه وخائفه لكن خوفي وصدمتي اكبر
ما توصلت اليه من استنتاجات ليله الامس ،كلام فيض الان يؤكد لي انهاحقيقيه
والولد الي شفته بالمستشفى وادعى ان هو المتبرع
_ والله ما اعرفه ولا شايفته
مع الاسف والله كلكم حقراء حتى انت تلاعبتي بيه وياهم
_ اني ما تلاعبت ومجان بتفكيري غير بس اشوفك بخير وين التلاعب
شنو الاذيه الي اذيتك بيها ، بدأ بالصراخ
_ لو ميت ولا عارف اهلي الي استغلوا مرضي ، لو انت الي طمطمتي السالفه وياهم
_ الله يخليك صوتك راح تسمع نضال
_ ليش انت عبالج راح اسكت والله لا افضحكم كلكم واحد واحد
انعل ابو الفلوس .... بس حتى گلبي ينغسل منكم حتى اعرف انتو مو اهل ولا سند
_ يا فيض اذا طلعتي دتكذبين قسما بالله وبكتابه الي حلفت عليه
اطلعج من قلبي واعتبرج ميته
_ والله ما كذبت ولا اتفقت وسكتت لان نضال خوفتني اذا احد عرف بموضوع التزوير والعمليه لان اني قاصر يدخلونا السجن وفوكاها بصموني من اخذني عمي الله يخليك انت حلفت ما تأذيني ) سألني بعصبيه
_ على شنو بصموج
_ ما ادري غير علمود يغيرون المواليد
_لك اني عايش ويا عصابه برئاسة اختي لعنه الله عليكم
فتحت الباب وخرجت خطوات كانت هي ورائي تتوسل الي
وصلت عند الدرج تمسكت بي
التفت لها اعلم اني احبها لكنني لم اكن اعلم انني اعشقها برغم البركان الذي كان يغلي بداخلي و يريد ان ينفجر بدأت اخاف من اكاذيبها اخاف ان اصدقها
نظرت الى عينيها كانت تتوسل لي وتهمس بصوت مخنوق
_ الله يخليك فكر بيه والله وصحتي وروح ابويه واوخوتي بشنو تريد احلفلك اني ما فكرت غير بيك من وافقت متحملت فكره انت مريض ووممكن اخسرك
تعال نحجي بالغرفه اخذت بيدي ودخلت معها الى الغرفه جلست على السرير كالمنكوب اسند رأسي المنحني للاسفل بكلتا يدي 
متعب اكاد اجن كنت اشعر بصدمه سلبتني القدره على التفكير
لم اطاوعها حين عدت معها الى الغرفه الا لانني احتاج الي شخص يساعدني في التفكير
قلبي يكاد يتمزق من ألم الشعور بالخذلان اختي الوحيده التي طالما كنت
اعتبرها بمقام امي اعتنيت بها وبعائلتها كل تلك السنوات
وها تطعنني من الخلف في اشد وقت احتجت لها فيه
يا الله اي شيطان بداخل تلك المرأه .... المصيبه انها اختي
بماذا اعقابها ؟على احتيالها ام على المجازفه بحياة  فيض لا من اجل مساعدتي انما من اجل مالي
ما الذي فعلته يا كمال لنضال كي تكمن لك كل ذلك الحقد والخذلان
وهذه الصغيره  هل هي ايضا ملامه ام انها ضحيه جشع
رفعت رأسي نظرت اليها كانت تستند واقفه وخلفها خزانه الملابس
تبكي بهدوء من دون ان  تهمس بأي كلمه
شكد نطوج من الفلوس  ) فزعت من السؤال وجابت بسرعة
_ والله ما اخذت درهم غير بالمستشفى بقيت وحدي محد يمر يطمئن عليه الا عمي كل كم يوم يمر انطاني مبلغ اخلي جوه ايدي  خاف احتاج شي
بس ما ادري اذا من فلوسك او لا
اصلا اني موضوع الفلوس  ما عرفت بي الا منك  يوم الي كعدنا بالحديقه تعاتبنا وحجيتلي معاناتك بالمرض وشلون جنت مستعد تدفع كل درهم عندك بس تتحسن صحتك وذكرتلي المبلغ الي دفعته كبير بيومها فكرت وين راحت الفلوس ومنو اخذها بس بعدين كلت خلص ما ابحوش بشي يسبب مشاكل المهم كمال بخير هاي تسوى فلوس الدنيا
بحياتي مراح افكر وياك بماديات والي سويته جان سبب محبتي الك
اني احبك من قبل ما انت تحبني وما ترددت لحظه  ان اتراجع  او اخاف اسوي العمليه  جازفت بحياتي  بوقتها لان فكرت اذا يصير عليك شي اني راح ابقى تايهه بهالدنيا من غيرك  الموت خيار افضل لو اسم الله صار عليك شي
كمال اني مو كدك ولا كد اختك  لا تجازيني بعد الي سويته ظلم وضياع
اذا انت ما رحمتني وتكتمت على الموضوع اختك مستحيل تقبل تبقيني ساعة
بيتها
_هذا بيتي مو بيت احد كلهم كاعدين عندي  ، هسه المطلوب مني حاليا اسكت
وما افضحهم وعادي ولا كأنه اختي من دمي ولحمي باگتني  واني بين الحياة والموت  من كل عقلج اني هيج انسان محتال واكدر امثل
مستحيل
اني راح اعرف شلون اطلعج من الموضوع وافضحهم بعيد عنج  بس هذا ما يعني ان اني راضي عنج وعن سكوتج
انت حملتيني حاليا تأنيب الضمير تجاهج الي صارلي اشهر احسه تجاه الشاب الي ظنيت هو المتبرع
الحقيقيه صدمتوني   ومو لاگلي كلمه توفيكم حقكم ممثلين ومحتالين ومخططين والله اجرلكم اذن ثبتولي بعدني غشيم وعلى نياتي
تنهدت بحسره
انت تصرفين طبيعي ولا كأنه عرفت شي واني الهم والله لا ارجفهم )
خرجت من غرفه فيض وعدت الى شقتي
توجهت مباشره الى الهاتف اتصلت بزميل لي في الشرطه
(الو شلونك مختار
اكو دكتور بمستشفى (...) يشتغل شغل مخالف للقانون شغله تزوير واحتيال ،
ادري لازم تبليغ يله تكدر اطلع امر
،زين زين اني باجر امرلك وافهمك الموضوع )
ذلك اليوم دخلت الى غرفتي ارتديت ملابسي وخرجت لم يكن بوسعي ان ارى احد دون ان الكمه بوجهه
ألم بداخلي جعلني اختنق بدأت اتذكر ذكرياتي مع نضال وانا اقود السياره
بدأت الدموع تتساقط من عيني
برغم قسوتها معي دائما كنت احبها هي اخر ما تبقى لي من اهلي
وجودي بينها وبين اولادها وزوجها كان يجلب لي الطمئنينه ان لي اهل وسند
ركنت بالقرب من النهر ... حتى جلست في مكان هادئ الى منتصف الليل
عدت الى شقتي من الباب الخارجيه
صعدت الى الاعلى حين وصلت الى باب غرفه المعيشه رأيت فيض تجلس
وهي تضع كفها اسفل وجهها
حين كلمتها وقفت مفزوعه
( شعندج هنا )
( بقى بالي مكدرت انام صعدت اشوفك رجعت ،لكيتك بعدك برا كلت انتظر لحد ما اطمئن عليك وانزل )
تحركت من امامي وهي تلقي علي التحيه خائفه
( تصبح على خير ) حتى خرجت من الشقه
لم انم ليلتها حتى حل الصباح ذهبت الى عملي كالعاده وعند العاشره خرجت لملاقاه زميلي
( مختار اني تبرعلي شخص بالكلى بس شاك ان الدكتور تلاعب ويايه وحصل على الكلى بطريقه غير شرعيه والفلوس هو الي اخذها
اني ما اريد ابلغ عنه يطبه مرض لان الشغله مو متأكد منها وصارلها اشهر
بس هيج انسان لازم الواحد يوقفه عند حده
اني الي رايده منك بس تجيبه للمركز تحقق ويا وتگله اجتي عليك شكوى بس ما اريده يعرف من منو
انت بعد بخبرتك ترتبله قصه
خرجت من مختار بعد ان اتفقت معه على خطه
عدت الى البيت عند الثانيه ظهرا حاولت ان اتصرف بصوره طبيعيه
كنت اترقب اتصال مختار
الذي سيقلب الطاوله على نضال وفاروق
بينما انا جالس اتناول الطعام معهم جميعا رن الهاتف تمالكت نفسي كي لا اذهب وارفع السماعه طلبت نضال من زيدون ان يذهب
واذا به يناديني ان المكالمه لي
خرجت الى غرفه المعيشه التقطت السماعه وتقصدت ان اتكلم بصوت
مسموع
-اهلا
-نعم اني كمال
-الدكتور الي سوالي العمليه دكتور ممتاز
-اخي اني شخص اتبرعلي بالكلى وشفته كدام عيني
هذا الدكتور كذاب وديحاول يلفق اكاذيب
على العموم هسه جاي وافتهم منك كلشي
شعرت بأحدهم يقف عند باب غرفه المعيشه
كانت نضال ...
شكو
هذا الدكتور الي سوالي العمليه لازمي وخلال الاعترافات معترف
العمليه الي مسويها الي المتبرع مو رجال بنيه قاصر
هسه رايح اشوف شكو
_ خلي فاروق يروح وياك احسن
_ لا لا وحدي

(((هذا تكمله بارت البارحه بأذن الله
البارت الجاي لان بي مواجهه يحتاج اذكر كل تفاصيله
مكدرت اليوم ادخله واكطمه على النص لذلك وفيت بوعدي ونزلتلكم تكمله هذا البارت انتظروا باقرب وقت بارت الخطه والمواجهه
اتصور بعد بارت او اثنين ونرجع نخوض بقصه الحاضر وننتهي من الذكريات والماضي
يعني نكمل قصة البطل والبطله من هم متزوجين
والقصه كملنا اكثر من ثلاث ارباعها بقى الربع  ادري اتأخر عليكم
واعرف البعض يتملل من الانتظار بس ما بيدي حيله الي دا اكدر عليه
ما اقصر بي اني من النوع الي اتعب بالكتابه لان اريم مخطط لكل بارت استجمع بي الاحداث برؤوس اقلام وابدي اسرد واربط حتى ما اترك ثغرات ملحوظه لان مجبره احيانا اختزل امور لخصوصيه الاشخاص الحقيقيين وبعض الاحيان اتلاعب بالاحداث اطرق الها بصوره قريبه للحقيقه لان تمس اشخاص سواء اخلاقيا او عائليا فصدقا الموضوع
يحتاج انتقاء وتركيز وتفكير وياخذ وقت طويل الله الشاهد والاغلب يمكن يعرف اني ما اكتب اي قصه اذا ما كان بيها هدف ونصيحه بهالقصه بالذات
هواي احتاجت مني تركيز لان بيها امور امنتني عليها البطله وما وافقت اذكرها لكن وعدتها اذكرها بأسلوب هين وبتمويه من خلال الاحداث يمكن
عدد محدود من الاشخاص ينعدون على الاصابع سألوني بيها لان تركيزهم بالقراءه عالي فيدققون بالتفاصيل الي نادا ما احد يكدر ينتبه ان اني مختزلتها ))))