Love Me Fearless

s i x.

Nasa business and finance office ako ng university para i-process ang last transaction ko before the graduation. I usually do this online but due to some conflict ay kinailangan ko pang personal na pumunta rito. Ang hassle pero hindi bale, last na 'to dahil in two weeks I will be graduating at excited na ako!

Mas naging abala ako ngayon dahil sa nalalapit na graduation at sa pag-aapply ng work. Naging madalang na rin ang pagkikita namin ni Eron ngayon dahil maliban sa pagiging abala ko, abala rin siya sa trabaho. Dagdag pa na kaka-promote niya lang as a manager.

Right after I settled down sa table ko, agad kong inumpisahan ang mga kailangan kong matapos in the company. After that, sinimulan ko ang paggawa sa thesis. Konti na lang ang kulang at pwede ko na ipasa mamaya.

Gosh! Sana ma-approve for defense. Ayokong ma delay sa graduation.

"Coffee!" I looked at the cup of coffee in front of me before looking up to Josh.

I sighed. "We already talked about this right?"

Sa nagdaang linggo, Josh admitted his crush on me and tried to woo me but, I immediately turned him down and told him that I am engaged. Naintindihan niya naman yun but he still continues to treat me special. I am not comfortable with it so, I asked him to stop!

"Chill! I also gave Nat and Ria. Hindi nga lang kasing espesyal ng sayo." He laughed.

Inirapan ko siya dahil sa biro at natatawang kinuha ang kape at ininuman. Pinagpatuloy ko ang ginagawa habang siya naman ay bumalik sa inuupuan.

Natapos at naipasa ko ang mga pinagawa pati ang thesis ko bago mag-lunch. Dahil last day na namin ngayon at posibleng huling pagsasama rin namin ay napagdesisyunan naming sabay-sabay mag lunch.

Nagkasundo kami na kumain sa Samgyupsalamat. Pinili namin ang pwesto na talagang natatamaan ng aircon dahil na rin sa mainit na panahon sa Pinas. Pumwesto ako sa open side habang napapagitnaan namin ni Ria na nasa dulo si Nat na siyang katabi ko. Katapat naman ang dalawang lalaki na sila Alex and Josh. Niyaya namin sila Sir Mico and Ma'am Chrys pero masyado silang busy dahil end of the month na ng Marso.

"Uy, let's take a selfie. Eto na last lunch natin together!" Emosyonal at excited na mungkahi ni Nat.

Ibinigay niya sa akin ang cellphone niya pero nang subukang kong kumuha medyo nahirapan ako dahil malapad ang lamesang nakapagitan sa amin kaya kahit may kahabaan ang braso ko hindi pa rin naging sapat para masali ang dalawa lalaki.

"Ako na." Suhestiyon ni Alex kaya binigay ko sa kanya ang phone."

"1...2...3... Samgyup!"

Nakailang kuha kami ng selfie bago nakuntento. Sakto naman na dumating ang mga pagkain.

"Anong plano niyo after ng REC?" Pagtatanong ni Alex habang kumukuha ng pagkain.

Busy ako sa pagkain kaya hindi ako nakasagot agad. "Edi, maghahanap na ng totoong trabaho pero pinag-iisipan ko ring magtayo na ng sarili kong business." Sagot ni Ria.

"Ako naman susubukan kong mag-apply sa Saunders Corp, same department. Familiar na rin kasi kaya sa tingin ko mas madali sa akin ang magtrabaho kung sakaling matanggap. Then, mag-iipon para makapagpatayo ng sariling business. 'Yun din naman ang dahilan bakit ako sumali sa REC." Si Josh.

"Magandang options nga 'yan. Eh, ikaw Sandy? Saan ka after?" Pagbaling ni Nat sa akin.

Nilunok ko muna ang kinakain ko bago ko siya sinagot. "Tatapusin ko muna ang graduation then, susubukan kong mag-apply sa 10 big companies sa Pinas, including TSC and RLI. Susubukan ko rin ang maliliit na kompanya in case na hindi ako matanggap sa kahit ni isa sa sampu."