ညီငယ္ (ညီငယ် ) Zawgyi and Unicode

အပိုင်း ၄၉

အပိုင်း ၄၉

Unicode

"မောင်ဖြိုး...ငါ မင်းရဲ့သားကို တရားဝင် လက်ထပ်ချင်တယ်။ခွင့်ပြုပေးပါလား။"

ဒီနေ့တော့ ဖြိုးမောင်သင်းရဲ့ ဆိုင်ကိုသွားပြီး ဟိန်းစစ်နဲ့
သူ့ကို လက်ထပ်ခွင့်ပေးဖို့ ဖြိုးမောင်သင်း ကို အပူကပ်ရပါသည်။ဟိန်းစစ် ကို လက်ထပ်ခွင့်ရဖို့ အရဲစွန့်ကာ ကြိုးစားရသည်။

"ဘာ...ဘာပြောတယ် ခေါင်ထက် ။မင်းက ငါ့သားကို လက်ထပ်မယ် ဟုတ်လား။"

"ဘာဖြစ်လို့ အံ့ဩသွားတာလဲ။ငါ ညီငယ့်ကို ဘယ်လောက်ချစ်သလဲ ဆိုတာလဲ မင်းအသိ။
ညီငယ့်ကို
လက်ထပ်ယူချင်တယ် ဆိုတာလည်း မင်းရဲ့ အသိပဲလေ။"

"ငါ သိပါတယ်။အဲ့ဒါက အရင်က အခြေအနေလေ။အခုက မင်းရဲ့မိဘတွေ မင်းအနားမှာ ရှိနေတယ်။သူတို့က မင်းနဲ့ငါ့သားရဲ့ လက်ထပ်ပွဲကို ခွင့်ပြုမယ် ထင်နေလား။ပြီးတော့ စပယ်။မင်းမိဘတွေ မင်းနဲ့သဘောတူ စေ့စပ်ပေးထားတဲ့ စပယ်။သူ့ကို မေ့ထားလို့ ရပါ့မလား။အခြေအနေက အရင်နဲ့ မတူတော့ဘူးဆိုတာကို မင်း နားလည်သင့်တယ်။"

"စပယ် က ငါနဲ့ တရားဝင်စေ့စပ်ထားတာမှ မဟုတ်တာ။စပယ့် ကို ညီမလေးတစ်ယောက်လို လုပ်ဖော်ကိုင်ဖက် တစ်ယောက်လိုပဲ သဘောထားတာပါ။ငါ ချစ်တဲ့သူမှ မဟုတ်တာကွာ။"

"လူသိရှင်ကြား စေ့စပ်ထားတာ မဟုတ်ပေမယ့် မင်းကုမ္ပဏီ ကလူတွေ တိုးတိုးတိတ်တိတ် သိထားကြတယ် မဟုတ်လား။
ပြီးတော့ ငါ့သားက ယောင်္ကျားလေးလေ။အများအမြင်မှာ လက်ထပ်ဖို့ ဆိုတာက စိတ်ကူးယဉ်လို့ပဲ ကောင်းတဲ့အရာပါ။လက်တွေ့ အကောင်အထည်ဖော်ဖို့ဆိုတာ အတွေးလောက်မလွယ်ဘူး ခေါင်ထက်"

"မင်းက ညီငယ်နဲ့ငါ့ကို သဘောမတူလို့ အဲ့လို စကားပြောတာလား ဖြိုးမောင်သင်း။"

"မင်းနဲ့သားရဲ့အကြောင်းကို ငါက အတော်များများ သိထားတဲ့သူပဲလေ။အခုချိန်မှာ ချစ်သူ၊ရည်းစား ဖြစ်နေရင်လည်း ငါမကန့်ကွက်ပါဘူး။ဒါဟာ မင်းတို့ရဲ့ လွတ်လပ်မှု၊ သားရဲ့ ရွေးချယ်မှုပဲလေ။လက်ထပ်တာကတော့ အရမ်းကျယ်ပြန့်သွားပြီ။ငဲ့ကြည့်စရာတွေလည်း များသွားပြီ။မင်းမိဘအသိုင်းအဝိုင်းရှိမယ်။နောက်ပြီး သားရဲ့အမေ။သူ့သဘောထားက အရေးကြီးတယ်။"