Naglalakbay sa gitna ng isla, hinahanap ka
Nakitang may kasamang iba, nanigas ang aking mga paa
Nagising sa isang panaginip, ako'y lumuluha
Hindi ako handa sa wakas natin, ito na pala
Hinawakan ang iyong mga kamay
Kasing lamig ng isang bangkay
Walang maramdaman, puti at itim ang naging kulay
Ng mundo ko nang iniwan mo, wala nang buhay
Tinahak ang isang pasilyo, sinubukan hanapin ka
Ngunit walang akong magawa, nakagapos ka
Bumalik ako sa kung saan ka huling nakita
Paano ba mabuhay nang wala ka?
Dumaan ang mga araw, hinahanap ang halik mo
Yakap at aruga ang nais makamit ko
Ang mga ngiti mo na nagtatanggal nang lungkot ko
Di ko na masisilayan, O! Sinta ko.
