Nagumpisa sa blangkong pahina
Hinahabol ang bawat paghinga
Inaabangan saan hihinto ang mga letra
at ang mga salitang tulad ng "mahal kita"
Marahil parehas nating hindi alam kung saan ito patungo
Hindi alam kung bakit sabay ang pagtibok ng pulso
Magkakabit ang mga kamay at nakatingin sa isat isa
Sino ba itong taong nasa harap ko na patuloy lang nagsasalita
Wala akong marinig, kahit ano sa kanyang mga sinasabi
Heto ako, binabasa lang ang bawat galaw ng kanyang mga labi
Pinikit ko na lang ang aking mga mata
Nagbabakasakaling makarinig ng himala
Pinapanuod siya, abala sa kanyang mundo
Ako nama'y abala sa paghawak sa binabasa kong libro
Nais ko sanang lumapit ngumit ako'y nagdadalawang isip
Marahil ako'y iibig nalang sa isang panaginip.
