Naguguluhan na ako sa mga nangyayari,
Lahat ng mga pangako'y hindi na mawari.
Pilit nilalabanan ang damdamin,
Ni ayaw ko na humarap sa salamin.
Sa tuwing naaalala ang 'yong mga mata,
Pilit kong iniiwan ang mga alaala
Hindi ko lubos maisip na
Tapos na ang lahat sa ating dalawa.
Mundo ko'y nawawalan na ng kulay
Gusto kong hawakan ang iyong mga kamay
Gusto ko mahalikan ang 'yong mga pisngi
At muling masilayan ang 'yong mga ngiti
Pag kasama ka'y parang nasa langit
Sobra kong saya kahit ito'y saglit
Puso'y nag aalab tuwing ika'y nayayakap
Mukhang ito'y mababaon nalang sa pangarap
Sana'y ika'y muling makasama
At gumawa ng panibagong mga alaala
Sana'y nasa iyong mga bisig
At maparamdam ulit ang aking pag-ibig.