Wild Series #1: The Wildest Play

#TWP01

Entry 01

Binuksan ko ang pintuan ng unit ko at mas nauna pang pumasok sina Audrey kaysa sa akin. Nahiya naman ako kaya pinapasok ko muna silang lahat bago ako sumunod. Inikot ko ang aking paningin sa simpleng condo unit ko.

May isang kwarto at isang bathroom. Maliit lang ang salas at ang kitchen, pero ayos lang dahil mag-isa lang naman akong titira dito. The interiors are chic with the color of light pink and cream. Kulang pa ang gamit ko sa condo kaya naman nagpa-sama ako sa mga kaibigan na dumaan sa appliances store. Nakabili kami at dinala dito.

Binagsak ni Baste ang kahon ng electric fan ko kaya agad ko siyang hinampas.

"Mas mahal pa 'yan sa buhay mo!" Sigaw ko sa kaniya.

Ngumiwi siya at mabilis na kinuha ulit ang kahon at dahan dahang binuksan. Sa sobrang bagal feeling ko aabutin kami ng liwanag.

"Huwag ka ngang mang-asar, Baste!" Iritado ko nang sambit kaya tinawanan niya ako.

"Baste, girlfriend mo 'yan si Gillian ngayon. Iniinis mo." Rinig kong asar ni Sabrina na pinuntahan ata ang kwarto ko.

Umirap ako na nakita ni Baste kaya iniwan ko na sila roon sa salas. Sumunod ako kina Sabrina at naabutan na nakaupo na sa kama.

"Hanggang kailan kayo ni Baste?"

Nagkibit balikat ako. Hindi naman kami seryosong dalawa ni Baste. Wala lang kami ma-jowa ngayon kaya naisipan naming kaming dalawa muna. Masaya naman, kaibigan ko siya at kilala namin ang isa't-isa. Alam naming kapag umayaw ang isa sa'min, walang hard feelings.

"Edi hanggang makahanap ng bago! Parang hindi mo alam na malandi kaibigan natin." Saad ni Audrey at binuksan ang cabinet ko. Lahat na lang talaga 'tong babaeng 'to.

"Gusto ko na rin mag-condo." Dagdag na bulong niya.

"Sabihin mo kina Tita,"

"Hindi papayag ang mga 'yon. Lalo na si Kuya. Feeling nila baby pa ako kahit second year college na tayo."

Tumawa ako at tumabi sa kanila sa kama. Dahil bukas ang pintuan ng kwarto ko, nakikita ko ang mga lalaki naming kaibigan na inaayos ang mga gamit na pinamili ko.

"Mabuti ka pa nga pinayagan."

Napawi ang ngiti sa labi ko at nagtaas ng isang kilay.

"Patigasan lang ng ulo 'yan, Audrey." Sagot ko.

Hindi sila sumagot kaya natulala ako sa mga kaibigan naming nasa labas. Ngumuso ako at nakaramdam ng kaunting kagaanan ng pakiramdam. Finally, I am living with my own. It suffocates me everytime I'm in the house.

"Hindi ko naman kayang maging matigas pagdating sa mga magulang ko."

Binalingan ko si Audrey. She pouted and I can't help but to find it cute. I patted her head and smiled.

"Sana all kasi masaya." Tumawa ako pero hindi niya ako sinabayan.

"Baka biglang may dalhin kang lalaki dito, ha."

"Sino? Si Baste?"

"As if papatulan mo 'yang pangit na 'yan." She said a bit louder dahilan nang pagbaling sa amin nila Baste.

"Ano 'yon, Audrey? Sinong pangit?!"

Pumasok sa loob si Baste, dala pa rin ang kahon ng electric fan. Sumunod si Kobe na dala ang manual at si Denzel na mema lang. Umambang lalapitan ng kaibigan namin si Audrey pero agad niya itong binato ng unan.

"Tigilan mo ako, Baste, ha! Mag-b-break din kayo!" Sigaw niya.

"Ikaw nga hindi kina-crush back!"