Taong 1917, isa si Francisco Rafael Magsalin, 19 taong gulang, sa mga Pilipinong napili upang ipaglaban ang bandila ng Amerika sa Unang Digmaang Pandaigdig (The Great War). Dahil sa responsibilidad na ito bilang sundalo ng mga puti, kinailangan niya...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
Pahayag ng Pagtanggi
Ang mga susunod na mangyayari ay naglalaman ng mga konsepto at kaisipang maaaring makaapekto sa emosiyonal at mental na aspeto ng mambabasa. Hangad kong ipaalala na ito'y likhang isip lamang kung kaya't sana'y manatili lamang itong ganoon. Buksan ang isipan at lawakan ang pang-unawa.
***
HIS P.O.V. (Franz Rafa Magsalin)
🌻🌻🌻
Kaagad kong ininda ang balangtumama sa tuhod ko. Nabuwal ako mula sa pagkakatayo dahil sa tama na iyon. Napasigaw ako sa sakit nang tamaan muli ako ng bala sa bandang likod ng balikat ko. Gumapang ako patungo sa madamong bahagi ng lugar upang makaiwas sa sunod-sunod na barilan.
Napahawak ako sa balikat ko na naging dahilan upang makita ko ang dugo na tumatagas mula ro'n. Ang sakit! Sobrang sakit!
"Francisco! Yumuko ka! Nasaan ang baril mo?!"
Nabaling ang tingin ko sa lalaking nasa aking tabi. Nakadapa siya sa damuhan at may hawak na baril.Nakaasinta ang baril niya sa kabilang panig. Kagaya ko ay nakasuot siya ng uniporme ng sundalo. May watawat ng Amerika ang uniporme niya ngunit nakakapagsalita siya ng Filipino.
"Fire!"
Napatakip ako ng mga tainga ko nang mula sa kalangitan ay nagbagsakan ang mga sunod-sunod na bomba. Napakalakas ng mga pagsabog. Pinanood ko ang mga kapuwa ko sundalo na tumilapon at nawalan ng buhay dahil sa mga pagsabog.
"Francisco! Dumapa ka! Mag-ingat ka!" At hinila niya ako upang mapadapa at maitago sa tuloy-tuloy na palitan ng mga putok mula sa magkabilang panig.
Nabaling ang tingin ko sa tangkengpangmilitar na nakatutok ang kanyon sa aming direksyon. Sunod ay ang maiingay na tunog mula sa mga helicopters at mga fighting jets na nasa himpapawid.
"May babagsak na bomba sa gawing ito, Francisco! Tumayo ka riyan! Kailangan nating lumipat!" At kaagad akong tinapik sa balikat ng katabi kong sundalo na kanina pa ako tinatawag na Francisco.
