مراهقون و لكن

٢٤

"إلي إحداهن:أنتِ لا تعلمين مقدار الجهد الذي أبذله لكي أبدو ثابتا أمامك ولكن في كل مرة أفشل فعيناي تبوحان لك بكل شئ...!! "
ـــــــــــــــــــــــــــــــــــــــــــــــــ
#في ثانوية النخيل......

_شايف المزة ديك بتقرأ في أحياء يااخ قليلة أدب وتافهة بشكل تخيل طلبت مني أني...ياخ خجلان أقولها زاتو،،ما عارف كيف وصلت بيها الوقاحة أنو تنطقها بكل بساطة قدامي كدا خلعتني والله المهم أختصرتها وقلت ليها انا ما بتاع الحاجات دي أمشي شوفي ليك ولد بايظ وما نافع زيك كدا وأعملي معاهو الوسخ دا وطوالي مشيت منها ياخ مدرستنا دي بقت منحطة عديل كلو يوم بتصادفني***** وبتحنسني تحانيس عديل غايتو حالة بطالة جدا
_هههههههااااييي والله دي عوجة ياااخ البنات بقو جريئات وأكعب من الأولاد أحنا بقينا ناس الله بس هههههه والله
_سيف العفن قبضتو يوم كااري ليهو بت من النوع داك وشكلو كانو ناويين علي نية سوداء لو ما قبضتهم ياخ شماني وشبكني ليك خربت مزاجي بعد ما كان كويس وطنطن لي طوالي سكتو وقلتو ليهو:شوف يا سيف أيوا نحن سيئين واي حاجة لكن ما بنهبش بنات الناس لأنو عندنا أخوات في البيت ما بنرضا ليهم كدا صح؟؟ رد لي:أنا ما غصبتها هي براها عايزة كدا،،قاطعتو:الرضاء في الحاجات دي إتنين يا إما زنا يا إما زواج وقع ليك؟؟طوالي فصلها مني ورجع عادي
_ود اللزينااا هههههه سيف دا تافه وعمرو ما حينعدل
_لكن طيب
عمار عاين ليهو بإستغراب،،حسام إنتبه لنفسو أتنحنح وقال ليهو:هي قصدي زول أصلي ودسيس وراسطة للدين وكدا يعني
_أيوااااااه
أثناء ما بتكلمو حسام لمح رئبال جاي عليهم وعيونو بتطق شرار،،أبتسم بسخرية وقال:الغضنفر جاي علينا
_هااا؟؟
ما أستنى كتير سمع صوت رئبال بوراهو بقول:انت المقعدك مع الأعداء شنو يا عمار؟
_عملنا هدنة عندك مانع؟
_أنا ما سألتك بتكلم مع عمار أنا أعيد وأكرر قاعد مع البتاع دا لييه؟
_بتاع منو يا بتاع أنت والله هسي أقوم عليك
_يا زول ما عندك بي شغلة أقعد مع حسام ولا شيطان ما بخصك فاهم يلا أقطع وشك مني ياا
_كدا يا عمار؟مااااشي ... صدقني بعدين حتندم وحترجع لينا يهوندا كلمتك وحسام القاعد معاهو دا خلي يضوي ليك كويس؟
_يا حبيبنا ما سامع الزول دا قال ليك أمشي من هنا ولا أمشيك بطريقتي؟
_ما ماشي حتعمل لي شنو يعني؟؟
_بتعرف براك حأعمل ليك شنو،،ورفع يدين أكمامو وكفكهم لزوم مستعد يتضارب ورئبال قلع شنطتو وختاها وخلاص كانت المديدة الحارة حتدفق بس فؤاد ويوسف جو جاريين من هناك ومسكو رئبال قبل ما يتشاكل وعمار مسك حسام وقعدو وقال ليهو:أهدى،،فؤاد ويوسف ساقو رئبال معاهم وعيونهم مليانة حقد تجاه عمار،،عمار فضل يعاين ليهم مسافة وهم ماشين وكان في لمعة حزن في عيونو ،،حسام طقطق ليهو بأصابعو وقال ليهو:هيي هيي سرحان وين أنت?
_هاا? لالا ولا حاجة
فؤاد ويوسف قعدو رئبال في البينشات تحت شجرة النيم الكبيرة وكانو بهدو فيهو عشان يروق وباقي الشلة سديم وإيثار وبراءة شافوهم وجو جاريين عليهم
سديم قال لرئبال:قويت رأسك ومشيت ليهو صح؟
_يعني عايزني أشوف حسام بخدع فوقو وأقعد اعاين ليهو أكيد ما حأسكت طبعا
براءة قالت ليهو:أنا جربت أتكلم معاهو كم مرة بس ما راضى يفهمني
إيثار:حسام لعبها صح وجاء لعمار وقرب منو في الوقت المناسب بس أنا نفسي أعرف الفي بالو شنو تتوقعو حيأزى عمار؟
يوسف بعصبية:بس خلى يبقى راجل يعمل ليهو شنو والله يا انا يا هو في المدرسة دي
سديم:أهدي يا يوسف ما حيقدر يعمل ليهو حاجة أكيد علي الأقل هسي لأنو في خطة في رأسو
رئبال:إنسان لا يطاق ما عارف كيف كنتو أصحاب التيت دا والله أنا من شفتو شميتو وقلبي أباهو
براءة إتنهدت وقالت ليهو:حسام ما كان كدا زمان كان زول بشوش وبضحك طوالي مع أي زول بس أتغير شديد بعد موت أمو ومرض أختو وتومتو الوحيدة
سديم:أول مرة أعرف أنو حسام عندو تؤام
رئبال:حتى أنا بس غريبة ما شفتها ولا مرة هي في معانا في مدرستنا دي ؟؟
إيثار:أيوا بس ما بتظهر كتير وبتقعد أغلب وقتها براها ما عندها أي أصحاب وبتعتبر حسام وسيف أصحابها الوحيدين وبتتجاوب معاهم
رئبال:هي مريضة بشنو؟؟
إيثار:ما عارفة بالضبط بس أظن عندها إضطراب في الأعصاب
يوسف:هي كانت مع امها في الحادث وأعصابها إضررت وفي أجزاء منها تلفت عملو ليها كم عملية بس ما نجحت
سديم:يعني مجنونة؟
يوسف: ممكن نقول عندها شوية إضطراب وجنون
براءة:مسكينة أنا قاعدة أحن عليها والله
إيثار:أي والله بس الغريبة أنها لسع بتتكلم مع عمار وتتجاوب معاهو بالرغم من كل شئ
يوسف:هي ما قادرة تستوعب لحدي هسي أنو عمار ما عايزها ولا حيكون ليها في يوم
رئبال بصدمة:في علاقة كانت بيناتهم يعني؟؟
براءة:أيوا سبأ كانت بتحب عمار بس هو لا وكان مرتبط بيها شكل ساي بالبلدي كدا ما عندو ليها شئ بس هي كانت متلعقة بيهو شديد وهو كان مقرر يخليها ويصارحها بالحقيقة بس هي عملت الحادث وغابت عن المدرسة شهر كامل ولمن رجعت كانت متغيرة لدرجة انو شكينا أنو عندها فصام مرة بتكون كويسة ومرة جنونها بقوم وعمار انتهز الفرصة دي وقطع علاقتو معاها وحسام عرف بكل حاجة بس ما قدر يلوم اختو لأنها مريضة أما عمار فقطعها معاهو ستة صفر وحمدالله انو اختو ما كويسة وإلا كان كتلها بيدو بس ما هان عليهو انو اختو تؤامو الكانت معاهو في نفس البطن تنجرح وتنكسر بسبب حاجة ما ليها يد فيها ومن ساعتها أحنا كدا ما بنطيق بعض نهائي
سديم ضحك وقال:والله قصتكم دي تنفع فيلم عديل هههه
إيثار:مدرستنا دي فيها العجايب يا زول
رئبال:بس برضو ما بطيقو الأسمو حسام ولا بطيخ دا
يوسف:خلاص كفاية نفقد في ذنوبنا عشانهم هسي بكونو شبعو حسنات
سديم:يلا يا جماعة عامريين إن شاء الله
رئبال:ماشي وين أنت؟
سديم: أنت زاتك حتمشي معاي يلا أرح وجراهو من يدو وساقو بدون ما يتكلم بكلمة ولمن وصلو المكان العايزو
رئبال قال ليهو:جايبني هنا لييه يا سديم؟
سديم:شايف لتين هديك ليها أمشي وأتكلم معاها وخلينا نتفك من الموضوع دا بالله
_أقول ليها شنو يا سديم ما بقدر والله خلينا نرجع
_ترجع شنو يا متخلف أنت بس أمشي ليها والكلام براهو بجي
_طيب طيب أمري لله
سديم لزاهو وقال ليهو:يلا يا بطل انت قدها،،رئبال بقى يمشي خطوتين ويرجع ثلاثة خطوات في النهاية أتشجع وسلم علي لتين وقال ليها:أحم ع عايزك في موضوع؟؟
_طيب أتفضل أحكي
_ما ينفع هنا لازم نكون برانا بعيد من الناس
لتين إستغربت منو وقالت ليهو:طيب يلا أرح المدرجات هناك ماف زول حيسمعنا
_طيب يلا
وأثناء ما ماشين رئبال عاين وراهو وغمز لسديم سديم أبتسم ليهو وعمل ليهو إشارة بيدو بمعني تمام
أول ما وصلو المدرجات وبقو براهم لتين قالت ليهو:اها بقينا برانا يلا أحكي ،،رئبال بقى يتمتم ويلخبط في الكلام،،لتين قالت ليهو:علي فكرة انا حأمشي لو قعدت تعمل لي كدا
_لا خلاص أسف أنا
_أنا بديت أزهج وشكلك ما ناوي توريني
رئبال أستجمع شجاعتو وقال ليها:شوفي يا بت الناس أنا عرفت كل حاجة والسبب الخلاكي أنتي وعمار تتشاكلو هو أنا،،لتين قلبها عمل شحح لمن قال ليها:عمار بحبك بس أنتي بتحبيني أنا وعشاني قطعتي علاقتك مع زول صحبك من زمان بس أنا عايز أسألك وبصراحة كدا أنتي بتحبيني بالجد يعني من جوة قلبك ولا ساي؟؟
لتين إترددت قبل ما تقول ليهو:عمري ما حبيت زول زي ما حبيتك أنت
_أنت متأكدة؟؟عارفة عني شنو عشان تحبيني قدر دا
_صدقني أنا عارفة حاجات يمكن انت ذات نفسك ما عارفها
_زيي شنو يعني؟؟
_أمممم زي أنك لمن تتكلم مع زول بتمرر يدك علي شعرك أكتر من مرة ولمن تسمع كلام زول بتزم خشمك وبتعاين ليهو في عيونو ولمن تكون زهجان بترفع حاجبك وبتكون ضاغط علي عمود أنفك بيدك اليمين وبتهز رجلك الشمال وكمان بتحب اللون الأزرق والأغاني الهادية وبتميل للعزلة وبتعشق شاي اللبن أها كدا كيف معاك؟؟
رئبال أنصدم من المعلومات العارفاها لتين عنو وقال ليها:واااو بالجد انتي عارفة عني كتير أهنيك علي دقتك في الملاحظة دي
_هههههه شكرا شكرا
_شوفي يا لتين انتي بتعجبيني يعني نوع البنات البحبهم فعلشان كدا انا حأديك فرصة نعرف فيها بعض أكتر وبعدها النتيجة يا اما واصلنا يا اما خلينا تمام؟
لتين طارت من الفرح وقالت ليهو:اوعدك حنستمر ياااخي ما بتعرف كلامك دا فرحني قدر شنو الله يخليك لي يا أناي
_ما عارف بس زعلان علي عمار مهما كان هو في النهاية صاحبنا
_عمار هو الأختار كدا وعلشان انا بعرفو كويس حاقوليك انو عمار ما بحب يشارك حاجتو يا تكون ليهو براهو يا بلاش فعشان كدا عمار دا خلاص كدا ببح لو قلت ليك انو ما متأثرة انو خلاني أبقى كضابة عمار دا كان حاجة مميزة في حياتي بس
_طيب يا ستي فرصتك بدت من الأن يلا أغتنميهل كويس
_وااااي يعني بعد كدا ممكن اناديك حبيبي بدل رئبال عادي صح؟
_اي لكن ما تتوقعي مني أنا حاجة الفترة دي طيب
_أنت وجودك جمبي يكفي يا حبيبي وحياتي كلها
ــــــــــــــــــــــــــــــــــــــــــــــــــــــــــــــــــــ
#في الجهة التانية......
كانت قاعدة في مدرجات الملعب وبتراقب حسام وعمار من وراء السور الحديدي البيفصل الملعب عن الساحة ،، لمحت سيف ماسك بت من يدها وماشي معاها ،،نادتو بصوت عالي وهو ما قدر يتجاهلها،،إستأذن من البت المعاهو ومشى ليها وهو صاري وشو،،وقف قدامها وقال بزهج: خير في شنو يا سبأ؟؟
قالت ليهو بدلع:عايزاك في موضوع ياااخ مالك بتزهج فيني كدا خلاص أمشي خليتك زاتو
سيف فصل وقال ليها:طيب أسف أحكي موضوعك
_كنت عايز أسالك حسام وعمار رجعو تاني أصحاب شايفاهم واقفين سوا أكتر من مره وطوالي بلقاهم مع بعض الحاصل شنو من وراي؟
_ لا يا ستي مافي كلام زي دا لكن أخوك المجرم دا ناوي ليهو علي عمله بت لذين
سبأ إنعدلت في قعدتها وقالت ليهو بأهتمام:أوبااا كل دا يحصل وأنا ما جايبة خبر ما حنك أها احكي لي حيعمل شنو في عمار؟؟
_بس ما توريهو أني حكيت ليك ارجوك وإلا كدا ما حأوريك بأي حاجة
_أطمن يا سيدي حيفضل سر بيناتنا
_كدا ريحتيني أسمعي يا معلمة وحكي ليها كل حاجة
_واااي حسام دا ببالغ ياخ صدمني الصراحة
_أنا أخليك في حالة الصدمة بتاعتك  دي وامشي للبت ديك لأنو حتمشي وتخليني بسبب فضولك دا
_هههههههههه يلا حبيبي أمشي ليها وما تتمادى وتخش العميق عارفاك متهور أنا
_هههههه حاحأول مع أني متأكد أني حأشطح وأدرعها
_هههههه أمشي يلا يا نجس
أنتظرت سيف مشى بعدها أبتسمت بخبث وقالت:دي فرصتي عشان أقرب من عمار أكتر وأغيظ لتين الخلاني عشانها وأهو في النهاية زاتو طلعت بتحب واحد تاني وخلتو زي ما خلاني ههههه شوف الدنيا دي دوارة كيف بعد ما أتخلى عني  لفى ورجع لي تاني لكن لازم أنتقم منو علي العملو فيني وأخليهو هو اليجري وراي براهو،،قامت من المدرج وهرولت بسعادة تجاه الكافتيريا...
ــــــــــــــــــــــــــــــــــــــــــــــــــــــــــ
وسن كانت قاعدة في غرفتها وبتحضر في التلفزيون حست بطمام قوي في بطنها وألم في ضهرها بالأضافة لأنها كانت تعبانة ومرهقة بالرغم من انها ما عملت أي مجهود اليوم وفجأة حست بأنها عايزة تستفرغ وطوالي جرت الحمام ورجعت كل الفي بطنها بعدها مضمضت خشمها وغسلت وشها وجات طالعة ورقدت في السرير وقالت:أنا مالي يا ربي؟؟
ــــــــــــــــــــــــــــــــــــــــــــــــــــــــــ
بيان وسهى جهزو نفسهم عشان يمشو للكوافير وفي الطريق كانو بتكلمو عن التفاصيل الحيعملوها وكدا،،
سهي كانت بتقول لبيان:أنا ما حأتحنن هسي قبل ما يجي محمد بيوم برسم لأنو في خلال الكم يوم ديل الحنة حتبهت صح?
_أي كدا أحسن والله
_أنتِ عارفة أنا برسم بس عن بسمه زولتي دي لأنو رسمها بسيط وحلو شديد
_أي الحنة البتكون من الرجل للركبة دي ما حبابها
_أخخخ بس متين تتزوجي ونمشي نتحنن سوى ونشترى التياب الما خمج ولا الكعب عالي وووب علي بموت في الكعب والدبابة أنا
_هههههههه نصيبي بصيبني يا زولة ما مستعجلة أنا
_بس أتذكري انو العمر ماشي وأنت ماشاءالله ما صغيرة يعني قصدي في عمر زواج وكدا يعني
_دقيقة يا سهى يعني دايراني أحوم في الشوارع واقول للناس عليكم الله عرسو لي انا ما قادرة أتنفس؟
_بيان أنتي لسع بتحبيهو صح؟؟
_م م منو هو؟
_ما تتغابى قصدي علي سامر
_وأحبو لييه ما خلاص أي زول بقى في دنيا براهو ونسى التاني وعلاقتنا دي من الماضي وأنتهت
_أنتهت قلتي لي؟؟خلاص فصلتها منك يا بيب
وسكتو وتاني طول الطريق ما إتكلمو لحدي ما وصلو الكوفير،،قبل ما يدخلو سهى قالت لبيان:حنطلع بدري ما حنتأخر لأنو أنا كلمت بسمة تفضى لي نفسها
_كويس ما حنستنى كتير يعني
أول ما دخلو في مرة جات جارية علي سهى وحضنتها وباستها وقالت ليها:سوسو مشتاقيين ياخ مالك مطولة مننا؟
_بالأكتر والله يا بسومة مشغوليات وراجلي جاي بعد كم يوم تاني ما حأفضى عشان كدا قلت اجيك بدري ههههه
_أحسن حاجة عملتيها والله طبعا أنا ناسي خارجتهم بدري وفضيت ليك عشان ازبطك
_تسلمي يا عسل هي نسيت اعرفك علي أختي الصغيرة بيان
_ماشاء الله الله أكبر عسسل يا ناس
_تسلمي وأنتي زاتك حليونة ماشاء الله
بعدها قعدو وبسمة جابت ليهم عصاير شربوها وبسمة أستلمت سهى وبيان كانت قاعدة في الأنتظار في واحدة قدامها وبعد ٤ ساعات كانو خلصو
سهى قصت شعرها ونضفت جسمها وعملت حمام زيت وبيان طلعت العدسات وصبغت شعرها أسود وعملت أطرافو بالبني وبرضو ظبطت حواجبها،،بسمة قالت ليها:بقيتي خورافية أتحصني ما يسحروك
_ههههههه بالجد؟
سهي قالت ليها:أي والله ماشاء الله تبارك الله عليك
_أنتي زاتك طلعتي خونفشارية وأحلي مني
ودعو بسمة وحاسبوها وبيان مشت قدام عشان تحهز العربية وهي طالعة ضغطت علي مفتاح العربية عشان تفتح ،،سمعت صوت الصفارة البتدل على أنو العربية فتحت خلاص،،مشت عليها وما كانت منتبهة للكلب الكان راقد تحت عربيتها وبمجرد ما كانت عايزة تفتح الباب سمعت صوت نباح شرس عاينت تحتها ولقتو كلب اسود كبير حبست أنفاسها ورجعت لوراء وهي مثبتة نظرها علي الكلب وفجأة صرخت وكتحت والكلب كتح بوراها في اللحظة دي سهى جات طالعة وشافت بيان بتصرخ والكلب جاري بوراها جرت خشت الكوفير علشان تشوف ليها زول يساعدها وبيان بهناك جارية وكل شوية تعاين وراها تلقى الكلب فاتح خشمو وجارى وراها تصرخ قدرتها وتقول:واااي ألحقوني الكلب حيعضيني أوووومييييي جررررر جرررر لمن تعبت من الجري لفت ليها بشارع كدا وطوالي خشت ليها في حضن زول ووقعو في الواطة هم الأتنين وبيان بقت تدردق في الواطة وتقول:واي الكلب حيعضيني وحأموووت لااااع ما عايزة أسعر وأموت عليك الله خليني،،الراجل الصدمتو قال ليها:أهدي يا أستاذة مالك وفجأة قال بيان؟؟
بيان إتلفتت عليهو وقالت ليهو:أنت يا سامر تاني الجابك شنو هنا؟؟
-والله أنا ماشي مشي عادي انتي فجأة جيتي جارية ظهرتي من وين ما عارف ودخلتي فيني
_ك كنت كنت طالعة مع سهى وسكاااني الكلب وقبل ما تتم جملتها دي سمعت صوت الكلب بنبح بصوت عالي
كنكشت فيهو وما فضل ليها إلا تتعلق برقبتو وقالت ليهو بخوف:وااي يا سامر الكلب حيعضيني ما تخليهو يعضيني كويس؟ سامر ضحك وقرب منها وقال:أمممم أفكر أخليكي للكلب يعضيك ولا أسوقك معاي يا ترى أعمل شنو؟
_سامر ما تتثاقل ياخ أنا خايفة وديني لسهى بس وأرجع _هههههه طيب طيب هي وين؟
_خليتها في كوفير*****قريب من هنا ما بعيد
بقو ماشين وبيان ماسكة في يد سامر بيدينها الأتنين بعد شوية هبشت شعرها وقالت بغيظ:واااي شعري باظ وبقى كلو تراااب الله يجازيك يا كلب السجم يخخ
سامر ضحك وقرب منها وقال:علي فكرة بقيتي حلوة كدا
بيان إرتبكت من حركتو وبقت تنفض شعرها من التراب و قالت ليهو:يعني زمان كنت شينة ؟ وهي صاره وشها
_لا بس أخر مرة لاقيتك فيها كنتي متغيرة ما اتعودت عليك كدا
_وأنت منو أصلا عشان تدخل في شكلي وشعري منو السمح ليك بكدا أأأ؟
سامر قرب منها أكتر ورفع ليها حاجبو وقال:أنا منو؟؟هه لالا تمام
بعد شوية لاقو سهى وبسمة في الشارع ومن شافوها ماتو بالضحك وبسمة شغالة ليهو:ما سمعتي كلامي قلت ليك أتحصني عشان ما يسحروك هههههه
سهي قالت ليها:كر علي سحروك يا السمحة شعرك كلو بقى تراب والله
سامر أبتسم بخبث وقال:تعالي خليني أحصنك ومن دون أي مقدمات ختى يدو في رأسها وبدى يحصنها،،بيان ما قدرت تقول ليهو حاجة كانها كانت مخدرة الزمن داك بعد ما خلص ودعهم وقال:يلا أنا لازم امشي اتأخرت علي شغلي وخلي بالك من نفسك كويس يا بيان
بيان حدرت ليهو ومشت والشارع كلو تلبع سهي وتقول ليها:يا معفنة تجري تخشي جوه قايلاني ما شايفاك يعني يا بياعة تاني كان جيت معاك حتة أصبري بس
سهى بقت تقح من اللبيع وقالت ليها:ما هربت
أنا مشيت أنادي زول عشان يساعدنا
بسمة قالت ليها:دا كلب ناس البيت الجنبنا دايما مطفش لي الزبائن الله يحرقو الكريه التقول موصنو توصية لكن حدو الشارع دا ما بتجاوزو
_عشان كدا ما حصلني في الشارع داك
_عاد داك شارع السرور اللاقيتو فيهو حبيب القلب
_أسكتي يا سهى أتحرجت معاهو جنس أحراج
بسمة قالت ليها:الكان جاي معاك دا حبيبك وااي كسااار وقرضة شفتي يا سهي وكت كان بحصنها أحيي أنا لابقين علي بعض الله يحفظكم من العين
_أتخيلي مركبين مكنة مفصولين وأنهم بطلو يحبو بعض بس كذااااااااابين الأتنين بموتو في بعض
_عويرة عاد دا راجل يخلوهو والله لو مكانك أكنكش فيهو بيديني ورجولي وسنوني هههههه
_تقولي شنو بس عنيدين خلاص
بيان ما عرفت تقول شنو وسكتت وهي بجواها لسع عندها مشاعر لسامر بس متجاهلاها
أما بهناك هو كان بتذكر في ملامح وشها وهي خايفة من الكلب وماسكة فيهو عشان يحميها منو،،أبتسم وهمس:يشهد الله لسع بحبك يا بياني والله