مراهقون و لكن

١١

" يقولون أحذر من عدوك مرة وأحذر من صديقك ألف مرة...(قد يصبح أشد عدو لك صديقك العزيز في يوم ولكن ماذا إذا أصبح صديقك المفضل عدوك اللدود؟؟!!) "
ــــــــــــــــــــــــــــــــــــــــــــــ
عمار ابتسم ليهو بسخرية قبل مايلزو ويقول بشراسة:نعامة تزوزي بيك أختاني ما ناقصك هسي يا حسام
_لا بالله هو أنا الفاضي ليك يعني يا أرقوز أنت
جاهم صوت من ورا:جابت ليها إشهار وإشانه سمعة كمان مستواكم بقي زبالة(وريتنا العربي لكن)
حسام:هههههه براحة عليهم يا سيف ما تنسي أننا كنا أصحابهم في يوم
سيف وهو بتقزز:ما تذكرني ياااخ ما عارف كنت مصاحب الأشكال دي كييييف خلق تقررف والله ومشو وهم بشمتو ويضحكو عليهم
عمار وهو ضاغط علي أسنانو بغيظ:والله أندمهم  أولاد الكلب ديل إن ما خليتهم عبرة لمن أعتبر أبقى ما عمار إبراهيم
يوسف وهو بشد علي يدو:تأديبو علي يدي الحلبي دا هو والبتاع الماشي معاهو

حسام وسيف ١٨سنة كانو أصحاب ناس عمار ويوسف زمان لكن حصلت مشكلة كبيرة بينهم وبعدها بقو ما بطيقو بعض خالص ومن يتلاقو يتبادلو النظرات النارية والشتائم والضرب أحيانا(ذكروني بعدين أحكي ليكم قصتهم اوكي؟؟)أصحابهم في المدرسة بنادوهمELVEN لأنهم زي رقم حداشر "11" ما بتفارقو نهائي زي الزول وضلو ومتشابهين في اي حاجة زي كأنهم فولة وإتقسمت نصين نفس لون البشرة..نفس الطول...نفس الحجم والوزن...نفس تسريحة الشعر...يعني بإختصار نفس الدَقَة وللأسف برضو نفس الطينة والعجينة من الوساخة والنجاسة...وسيمين(HANDSOME)ومفترين شديد رافعين نخرتهم في السما ويا دنيا مافيك الا أنا..حسام طبعو حاد وقاسي يعني تعاملو ناشف شوية بعكس سيف البحب الفرفشة والهظار يمكن دا الإختلاف الوحيد بينهم(الحمدلله لقينا إختلاف)
#في جانب رئبال وسديم.....
رئبال كان بدندن بطرب ويصفر دلالة علي أنو مبسوط وطاير من الفرح سديم قال ليهو:الليلة شكلك مبسوط والمزاج رايق إن شاء الله دائما يا صحبي
_اي والله...اللهم أميين وإياك إن شاء الله
_لكن ممكن تحكي لي سبب الإنبساط المفاجئ دا شنو؟؟
رئبال إتلخبط:أأأ شنو أأأ مبسوط ساي من الله كدا مافي حاجة سديم زي كأنو فهمو إتجه علي الكولر وقال:شفت البت القبيل بتاعت الفيديو أعتقد أسمها لتين دي ياها نفس البت الطقشتك وأنت أحرجتها يوم داك تتذكر؟؟
رئبال بسخرية:ايوا طبعا..بت غبية وما عندها عقل ساي هسي دا عملة تعملها بالله فضحت نفسها والناس أكلو لحمها بنات أخر زمن
_يااااه والله ما كنت قايلك حقود للدرجة دي لسع شاميها أنت؟؟جمل أنت ما بتنسي نهائي؟!!
_ليييه أنت مصر تدافع عنها بالشكل دا؟؟
_لانها ما غلطت غلطة كبيرة يعني عشان تقول عليها كدا محسسني أنها صدمت أحمد أوربي ما أنت وبعدين شكلها بت طيبانة وظريفة ياخ وأسمها لتين كمان يا الله نفسي أتعرف عليها ياخ
رئبال كان بشرب في الموية ولمن سمع الكلام دا بوووخخخخ قلب مكوجي وقال بإستنكار:نعم نعم؟؟طيبانة وظريفة...!!!قصدك بت غبية وهبلة وحيوانة وما عندها عقل ومنطق
أتسعت عيونو بوسعها لمن لقى الولد الجمبو مليان موية ومنظرو بقى بيش قدام الناس..حسى أنو الموية بدت تتبخر منو من شدة ما كان الولد غضبان رئبال لحق الموقف بسرعة وقال
وهو بحك رأسو بإحراج:أسف ما كنت شايفك والله...بعتذر للمرة التانية
الولد مسقو من لياقة قميصو وقال بغضب:أسف؟؟تبخ فيني الموية وتجي تقول بي كل بساطة أسف!!أسفك دا حيعمل لي شنو كدي وريني؟؟(لتين لو كان شافت الحصل دا كانت حترقص أفريكانوو ياو ياو نيقاااا)
سديم مسك يدو:كدي فك الزول دا أول وبعدين هو قال ما شايفك وأعتذر ليك فما في داعي للأسلوب دا
الولد فك رئبال ومسك سديم وقال:وأنت مال أهلك أنت دي حاجة بيني وبين الزول دا ما تتدخل سامع ودفرو ليك لمن وقع في الأرض هنا رئبال غضب شديد أي حاجة الا سديم خط أحمر عندو قومو من الأرض وأدا ليك حسام بنية في بطنو لمن قرب يرجع الأكلو
حسام ركع بركبو في الواطة وبقى ماسك بطنو سيف جاء من ورا عشان يغدر رئبال لكن سديم دفرو ونزل فيهو خبط صاح
..حسام قام بسرعة وأدى رئبال بنية قوية في فكو رئبال حسى أنو الدنيا لفت بيهو ووقع في الواطة هنا  حسام أستغل الوضع وكان عايز ينط فيهو ويرفسو بجزمتو بس وقف بصوت مستر ياسر:حسام أقيف عندك دا شنو البتعملو فيهو دا بتتضاربو مالكم
حسام وهو بتف في رئبال الراقد في الواطة ويقول بإستحقار:التيت دا رش فيني الموية وقله أدبو أخليهو يعني
رئبال عيونو قلبو شرار وإتغاظ من حركتو وكضبو وقام عايز يجي يضربو المستر نهرو:لا وكمان عايز تضربو قدامي يا قليل الأدب يا ما مربي
_لكن يا مستر هو تفل فيني وكذب أنا لا قليت أدبي معاهو لا حاجة بالعكس أعتذرت ليهو لكن هو ما قبل الاعتذار وغلط علي وعلي ود عمتي
سديم:أيوا كلامو صح هم غلطو علينا وما حنسكت عن حقنا أبدا ما أرجل مننا هم والله
سيف:أنت تسكت خالص يا صيصة ليك عين كمان تتكلم ما بتعرف تدافع عن نفسك الا يجي صحبك يدافع ليك أنت هسي راجل بالله؟؟
_ أنت شكلو الضرب الضربتو ليك ما كفاك وبعدين هو باغتني ودفرني لكن لو كان جاني عديل صدقني كان فرمتو ليك
_ما حنك نتلاقي بعدين ونشوف الحيفرم التاني منو
_خلااااص أخرسووو كلكم قدامي علي المكتب حااااالا يلااا
سديم سند رئبال ومشو ورا حسام وسيف الكانو رافعين نخرتهم بإستعلاء وكأنهم عملو حاجة عظيمة وماشين يتوجوهم
مستر ياسر قعد في مكتبو وهو بتأفف:حسام وسيف أعمل فيكم شنو أنا كل يوم عاملين ليكم مصيبة ياخ حرام عليكم حترموني بجلطة يوم بسبب عمايلكم دي خلاص الفيني كملت لكن تاني ما حأسمح ليكم تقلو أدبكم في مدرستي دا أخر إنذار ليكم لأني ما عايز  أخرب وش مع أبهاتكم  عارفين معزتهم عندي قدر شنو لكن وحيات الله تاني كان سمعت أنكم إتضاربتو مع زول ما ترجوني في المدرسة دي أنتو فاهمين؟؟
حسام:قول ما بتقدر تطردني عشان أبوي داعم كبير لمدرستكم هه قال معزتهم عندي قال
_حسااااااام أخرس يا كلب أنا ما بنكر أنو أبوك بدعم مدرستنا وما بيقصر لكن دا ما بيمنع أني أرفدك هنا التربية أولا ثم التعليم ولو أبوك بقى وزير التربية والتعليم يلا أتفضلو علي فصولكم
حسام همس في أضان رئبال:شفت أحنا مهما عملنا بنطلع منها زي الشعرة من العجين هنا حتي الاساذة والمدراء بخافو مننا أنصحك ما تلعب معانا لانو حتخسر
رئبال أبتسم ليهو بسخرية وقال:حنشوف منو الخسران يا سيد حسام والبيان بالعمل وزي ما بقولو الحداث ما سواي أنت كلامك كتير وكيسك فاضي هههاااي
حسام:أنا حسام الغايب بي جسمو وسابق بي أسمو فهمت؟؟ ضرب كتفو بكتف رئبال ومشي
مستر ياسر ناداهم وقال:أنا بصراحة ما حلومكم لأني عارف حسام وسيف كويس فعشان كدا أعملو حسابكم وما تتعرضو ليهم كتير فهمتو يلا أمشو فصولكم
أول ما طلعو رئبال ضرب الحيطة بغيظ وقال:الكلاااااااب الحقيريييين وحيات ديني وإيماني ما أخليهم وربي أدفعهم التمن غالي شديد 
سديم:أوعاا تعصب دا هم الدايرنو ذاتو وأحنا أكيد ما حنديهم الدايرنو دا بالساهل صح؟؟خليك بارد وإتعامل معاهم بسياسة
رئبال سكت زي كأنو بقلب الكلام في رأسو بعد صمت نطق وقال:كلامك صح لازم نتعامل معاهم بهدوء ورواقة
جاهم صوت من ورا:يا شباب السلام عليكم
قبلو عليهو وردو:وعليكم السلام
_أنا شفت كل حاجة حصلت حسام وسيف ديل كلاب وخطيرين شديد لو ختوكم في رأسهم حيتعبوكم ويكرهوكم المدرسة دي أحسن ليكم تختوهم
رئبال:يا مان ما تخاف علينا التيت ديل ما حيخوفونا أحنا
سديم:اي ديل ما عندهم موضوع ساي عاملين فيها عصابة المدرسة والأشرار وأمور شفع الاساس دي
فؤاد ضحك لمن قرب يدمع وقال:أنتو جداد صح؟؟
_ايوا ولييه بتضحك كدا؟؟
_عشان أنتو ما بتعرفو حسام وسيف زي ما بعرفهم أنا ياخ ديل مرة لمو ليهم في ولد دقوهو دق العيش وكسرو ليهو يدو وكراعو وأزيدكم من الشعر بيت خبطوهو بطاولة في راسو لمن نزف وأغمي عليهو وكان قايلنو مات لكن الحمدلله أسعفوهو في أخر لحظة يلا عان بتتخيل نفسك بتحضر في مصارعة حرة لكن الفرق أنو الضرب والكسر دا حقيقي ما تمثيل ياخ ديل متوحشين ومتغولنين ومتبعبعين بشكل لا يحتمل مجننين نص أولاد المدرسة وعندهم حزب وأتباع مرتزقة ومتنمرين تابع ليهم وهم رؤوساءو نصيحة أبعدو من سكتهم المجرمين ديل عشان تسلمو من بطشهم
رئبال وهو بتجاهل في تحذيرات فؤاد ويقول بلا مبالاة:أممممم حلووو شكلو حيحصل أكشن الأيامات الجاية
سديم:حنستمتع يا سلاااااام جوء عصابات المدرسة دا بعجبني
فؤاد:أنتو شكلكم ما فهمتو كلامي كويس لكن بطريقتكم أنا عملت العلي وحذرتكم منهم تاني تتحملو البجيكم بعدين
رئبال:اي بالظبط كدا يا مان أنت عملت العليك وسعيك مشكور
_أنتو تالته صح؟؟
_أيوا..بنقرا حاسوب
_حاسوووب؟؟!!!دقستو الليلة من حظكم الشوم حسام وسيف زاتهم بقرو حاسوب قال شنو حيبقو مهندسين أقسم بالله العمارة الحيبنوها ولا يشاركو في جزء منها بلا شك يا حتتهدم يا حتتهدم أصو الناس الزي الديل ياهم الخاربين البلد..أعيد وأكرر أعملو حسابكم منهم(أنت زاتك أعمل حسابك الحيطان عندها إضنين الجماعة ديل بروحوك في ستين داهية يا فوفو)
شطحنا في الكلام وما أتعرفنا بالراسطات الكرام(حلوة لكن الراسطات الكرام دي) مد يدو وواصل:العبدلله زميلكم فؤاد محجوب أحياء والأجر علي الله
_إتشرفنا يا أصلي وأنا رئبال ودا سديم
_عااشت الأسامي والله حصتكم بدت ألحقوها بعدين حأجيكم في الفصل وحأوديكم تتعرفو علي شلتي المخستكة اووكي؟؟
_هههه طيب يلا مع السلامة
وطلعو فوق علي فصلهم وقبل ما يدخلو لمحو حسام وسيف قافلين الشارع ومعاهم كم ولد عاتين كدا(ترس بشري نيهاهاهاها)
أول ما قربو عليهم رئبال قال بغضب:زحو لينا من الشارع عايزين نخش فصلنا
في ولد قاليهو:قول لو سمحت أول
سديم:أنت قايلو ممر أبوك يا زول
سيف قال ليهو:اي ممر أبوي عندك مانع؟؟
رئبال:هسي الاتكلم معاك أنت منو عاين احنا ما دايرين معاكم كلام كتير زحو لينا عندنا حصة ماشين نلحقها
_ولو قلت لا حتعمل شنو؟؟
_أنتو قايلين نفسكم منو؟؟
سيف وهو بضرب كف حسام ويقولو في نفس الوقت بنظرات مرعبة:أحنا الإيلڤن وفخامة الاسم تكفي
رئبال أتفقع بالضحك وقال ليهم بسخرية:الشنوو؟؟الإيلڤن؟؟ ياااخ بالله قومو لفو ما ناقصين وهمنة معاكم أحنا...قال إيلڤن قال
حسام وهو بعاين لسيف ويضحك:شكلكم جداد في المدرسة دي عشان كدا ما بتعرفونا كويس ما حنك خلينا نتعرف هسي أنا حسام ودا سيف أحفظونا كويس لأنو حتشوفونا كتير
_أنا رئبال ودا سديم
_رئبال وسديم دي شنو الأسامي الغريبة دي لكن علي العموم إتشرفتو بمعرفتنا أكيد
سديم:لالا والله ما حصل لينا الشرف
حسام وهو بقرب عليهم ويقول بتهديد واضح:الأيام بيناتنا يا كتاكيت وحتعرفوني كويس ويا أنا يا أنتو في المدرسة دي
رئبال:يا زول أعلي مافي خيلك أركبو
سيف:قلت كدا؟؟
رئبال:ايوا قلت كدا
_بس أبقى قدر كلامك دا ولسانك الطويل دا أنا بعرف أقصو ليك
حسام أشر للأولاد أنو يفتحو ليهم الشارع وهم رضخو لطلبو بدون تردد أتبادلو النظرات المتفجرة ودخلو الفصل وأي واحد قعد في مكانو وتفكيرو برا خالص من الحصة
#في الفسحة.....
إيثار:اها يا لتين أحكي لينا عمتك بيان جابت ليك شنو الشمار حرقني..وما تفتكري أني نسيت حركتك بتاعت أمبارح تقفلي فيني أنا الخط آلتين؟؟متصلا ليكي وكمان بتفصلي الخط فيني حسابك معاي بعدين يا كلبة
لتين:أها خلاص يعني دايرة تهدديني ماااام ما بوريك اي حاجة الليلة
_ياخ خلاص أنا أسفة يلا قولي
براءة:أنت مالك حارقة بصلتك قدر دا ما تجيب ليها كان دايرة تجيب ليها مش في النهاية عمتها
_لالالا أنا حاسه في شئ شفتو من ما سنوني دي تاكلني بعرف في مصيبة جاية
_اها خلاص أنتهيتي من تحقيقاتك يا سيد شمار
فعلا كلامك صح في موضوع مهم عايزة أوريكم ليهو
_مش قلت ليكم انا احساسي أصلا ما بخيب
_خلاص إنطمي يا أم أحساس أنتي خلينا نسمع عندها شنو
طلعت ليهم الإستمارة وأدتها ليهم براءة وإيثار قروها بسرعة وصرخو في نفس الوقت:واااااي حتشتركي في مسابقة الصحفي الصغير
_أيوووون
إيثار حضنتها:ألف ألف مبروووك ليك أحلي خبر والله
براءة:فرحت ليك شديد والله يا تينو إن شاء الله تفوزي وترفعي راسنا ياااخ
_إن شاء الله ياخ طلعت الكاميرا النيكون الأدتها ليها بيان وصورت كم صورة بيها ورجعتها بسرعة عشان لطفي ما تجي تشيلها منها
بعدها إستأنفت كلامها وقالت:المسابقة حتتقام بعد شهر في دبي وبيان حتساعدني وتديني نصايح وتدربني بنفسها عشان أكون جاهزة دعواتكم لي بالتوفيق إن شاء الله
بهناك فؤاد عرف عمار ويوسف علي رئبال وسديم وطبعا ديل أستلموهم إستلامة جد وطوالي إتصاحبو وقالو يمشو يعرفوهم علي البنات وإتجوهو علي المكان البقعدو فيهو طوالي اليهو البينشات التحت شجرة النيم الكبيرة وطبعا إيثار أول وحدة شافتهم عندها قوة ملاحظة خارقة البت دي رادار بس ماشاء الله
أيثار من شافت رئبال وسديم معاهم قلبها عمل شحح وإنبرشت داخليا وخارجيا
_شوفو شوفو الأولاد جايين علينا وي وي ومعاهم قرضتين لا ديل بابوريين أحيي أنا يما الولدتيني بت
لتين بصدمة وهي بتفرك عيونها:سجمي دا ياهو نفس الولد الطقشتو وإتساخف معاي وصحبو الزوق الإعتذر لي بعرفو A F Y من وييين يا ربي(أختصار لي عمار وفؤاد ويوسف)
براءة:وووبعلياااا وووبعلييا أريتني طقشتو أنا دي أحييييياااا بس يا قلبي
إيثار:وووججععع وجججع كلو واحد أسمح من التاني أنا حيجيني هبوط أمسكوني عشان ما أقع ليكم هنا دا بي طولي براءة مسقتها وقالت:إيثو شكلي كييف عليك الله
إيثار:مزة لكن ما أمزز مني طبعا(أهم شئ الثقة بالنفس)
لتين:أستغفر الله العظيم يا رب أسكتو خلاص وصلو أوعاا تتعاورو فاهمين؟؟
فؤاد:السلام عليكم بنات
ردو ليهو السلام وهو واصل:رئبال وسديم أعرفكم بأخواتي وصديقات عمري لتين..إيثار..براءة
إيثار:وجعع أقصد مرحب بيكم نورتونا والله
براءة:زارتنا الملائكة والله الليلة إتفضلو
رئبال وسديم سلمو عليهم زي كأنهم بعرفوهم من مدة طويلة ولمن جاء دور لتين سلمت علي سديم بترحاب وسرور أما رئبال فسلمت عليهو بطرف يدها وهو يعجبكم في البرود ولا أشتغل بيها الشغلة ودا الشئ الغاظها منو وكرهتو شديد
أتونسو حبة كدا بعدها الجرس رن وأي واحد رجع فصلو
#في جانب بيان.....
بيان كانت قاعدة برا ومتوترة شديد خصوصا أنو البت ما فاقت وليها 4ساعات نايمة مشت للدكتور عشان تطمن منو قال ليها أنو هي كويسة ما عندها حاجة بس يدها أتكسرت وعملو ليها جبيرة ممكن تطلع الليلة لو عايزةبعدها بيان مشت الغرفة ولقتها صاحية وبتعاين للسقف في صمت سلمت عليها وقالت:حمدلله علي سلامتك أنا الصدمتك أسفة وربي بس أنتي ظهرتي لي فجأة في الشارع وأنا حاولت بقدر الإمكان أني ما أضربك بس للأسف ضربتك في يدك وإصطدمت بعربية تانية
_يا ريت لو كان ضربتيني مباشرة ومت كنت إرتحت من القرف العايشة فيهو دا
_ما تقولي كدا يا أخت كلنا بتمر علينا مشاكل في حياتنا وفي لحظات بتخلينا نكره الدنيا وما فيها لكن لازم نصبر ونحاول نحل المشاكل دي ونتجاوزها بقناعة
_هه إنتي بتقولي كدا عشان ما عشتي وجربتي الأنا عشتو وحسيتو ما أعتقد في زول في محلي كان واصل لحدي هسي في الحياة دي
_للدرجة دي ممكن تحكي لي مالك يا أخت يمكن أقدر أساعدك
وسن سكتت مسافة ودنقرت راسها في الواطة بيان فهمتها وقالت:طيب ما مشكلة لمن تحسي أنك عايزة تحكي لي حأسمعك وإن شاء الله أقدر أساعدك..أنا هسي حأمشي عندي شغل ضروري المساء حأمر عليكي وأسوقك معاي بيتنا إتفقنا
وسن أومات ليها برأسها بلموافقة وإنكمشت علي نفسها وبقت بتمتم بكلام ما مسموع...بيان طلعت وهي بتفكر فيها وبتقول:شكلو البت دي وراها سر كبير وما دايرة تقولو إن شاء الله تقتنع وتحكي لي قصتها عشان أقدر أساعدها وأقيف معاها المسكينة دي..وسن فجأة دخلت في حالة نفسية وبقت تصرخ وتقول:أبعد مني ما تلمسني يا حقير أبعد مني قلت ليك أرجوك ما تقرب علي ياخ..كانت عايزة تقلع الفراشة المركبة في يدها بس في ممرضتين جو ومسكوها وفي وحدة أدتها مهدئ وسرعان ما قواها خارت ورقدت وهي بتردد بهدوء:ما تقرب مني أبعد قلت ليك ما تقرب مني
ـــــــــــــــــــــــــــــــــــــــــــــــــــ
نهاية اليوم لطفي جات وإبتسامتها الماكرة الما بتطمن معاها(اللهم إجعله خير) شالت طبشيرة وكتبت في السبورة بخط عريض"عقاب"وختت خطين تحتو وقالت:
البنات أتفضلو يلا أمشو بالصف وبكرا الصباح ألقى التعريفات عندي مفهوم أما الأولاد ما حتطلعو الا تتعاقبو
طلعو عمار لانو مسبقا حلقو ليهو وفؤاد لانو دا أول يوم ليهو و٣أولاد أصلا كانو غايبين
يوسف وهو بمرر يدينو في شعرو ويبلع ريقو ويقول في قرارة نفسو:لا شعري لا ما حيتحلق الليلة لو عملو السبعه وزمتها أبتسم بخبث لمن لطفي طلعت عشان تجيب المكنة وكم أستاذ يجو يحلقو ليهم 
نط من درجو وقال بأعلي صوتو:ما أنا البحلقو لي شعري في المدرسة شافع أنا وطلع من الفصل وزملاءو قالو ليهو:أنت مجنون الليلة لو لطفي قبضتك حتنشفك
لحق شلتو بسرعة وجاء قدامهم وقال:ترارارا ما حلقو لي شعري
فؤاد:كيييف الكلام دا؟؟
لتين:شردت صح؟؟
يوسف:أيووون أخليها تجزني يعني؟؟
إيثار:ولطفي ما عرفتك؟؟
_لا خليتها طلعت تجيب المكنة وطوالي صييجتا
براءة:وووب سجمك الليلة
عمار:أرجى الراجيك بكرا لطفي حتبشع بيك وحتمسح بيك الأرض
لتين:أي أي أحسن تمشي بسرعة هسي والأفضل أنو ما تجي بكرا ذاتو
عمار:دا أحسن حل عشان تحافظ علي شعرك الدافع فيهو ملايين دا
يوسف حسى بشوية خوف من كلام أصحابو بلع ريقو بصعوبة وقال:الحاجة المطاط البلبسوها في المسلسلات ديك وبتظهرك صلعة ببيعوها وين؟؟
**********************
تاج الدين كان لابس نظارة قراية وماسك جريدة بقرا فيها بعد خلص منها ختاها وقال لمرتو:يوم الأتنين عندي سفرية مهمة للسويد
خلود(أم رئبال):فجأة كدا الحاصل شنو خير إن شاء الله؟؟
_والله في واحد سوداني هناك أتسبب بمشاكل للسفارة وأنا كصفتي السفير السوداني للسويد لازم أمشي وأحل المشكلة دي عشان ما تتفاقم والعلاقات تتدهور بين البلدين
_والله أنا قلبي ما مطمن من السفرية دي عليك الله ما تمشي يا أبو وسام
_ما أمشي كيف يا خلود صعب والله كلها فترة  أسبوع أسبوعين وبرجع بإذن الله
_خلاص كان مصر لكن خلي بالك من نفسك شديد الله يحفظك ويغطي دربك يا أبو وسام.

يتبع.....
تصبحو علي ألف خير♡