الفصل التاسع عشر من رواية بقايا عاشق
تجمدت من هول الصدمة وظلت تصرخ فهي ترى والدتها منتحرة ومقطعة شراين يديها ركضت إليها بفزع وهى تصرخ :ماما ماما ردى عليا حرام عليكي عملتى كده ليه
ثم أمسكت هاتفها وأردفت قائلة:الإسعاف لو سمحت عايزة عربية إسعاف العنوان*****بسرعة
ثم أغلقت الخط وهي بحالة يرثى لها هي لم تتوقع ان والدتها تقوم بفعل بنفسها
ليلى:ليه يا ماما كده ليه حرام عليكي انا مليش حد غيرك ليه كده يااااارب 😭
ثم أتت سيارة الأسعاف وأخذت سميرة إلى المستشفى
ليلى :لو سمحت يا دكتور طمني
الدكتور :ماتقلقيش الحمد لله قدرنا نلحقها ونقلنا لها دم لو كنتي اتاخرتي شوية مكوناش هنعرف نلحقها
ليلى:طب هي هتفوق أمتى
الدكتور :بكرة إن شاء الله عن إذنك
ليلى :أتفضل يا دكتور
جلست على الكرسى تبكي وتشكر ربها وظلت هكذا حتى آتى الصباح
ليلى:ألو يا آدم معلش مش هعرف أجي النهاردة
آدم :ماشى يا ليلى بس في ايه مال صوتك
ليلى:ماما في المستشفى
آدم :ليه ايه اللي جرالها..؟
ليلى ببكاء :تعبت شوية
آدم :طب أنتِ في مستشفى أيه..؟
ليلى:لا مالوش لزوم
آدم :يا بنتى قولي أنا لازم أطمن عليكي
ليلى :آدم عشان خاطري سيبني دلوقتي
آدم :ماشي يا ليلى براحتك بس لو عوزتي أى حاجة كلميني أوعي تترددي
ليلى :حاضر يا آدم سلام
لو سمحت يا دكتور ممكن أشوف ماما
الدكتور :آه أتفضلي
دلفت إلى الغرفة الطبية الخاصة بوالدتها
ليلى :ماما أنتِ كويسة
سميرة .............
ليلى :ليه مش بتردي وعملتي فى نفسك كده ليه حرام عليكي يا ماما انا ماليش غيرك حرام عليكي
ثم أكملت ببكاء :انا تعبت يا ماما تعبت من كل حاجة فى الدنيا طول عمري ماليش غيرك ولوحدي عايزة كمان ماتبقيش معايا ليه عملت ايه لكل ده أنتِ عاوزاني أمشي من هنا ليه
وليه أول ماعرفتي أني بشتغل مع آدم عملتي كده في حاجات كتير أنا مش فهماها هو أنتِ بتكرهيني أوي كده مستكترة إني أعيش مبسوطة ده أنتِ حتى مستكترا عليا وجودى في حياتك
سميرة :أنا مابحبكيش يا ليلى..! ده انا مابحبش غيرك
ليلى ببكاء :طب قوليلي مخبية أيه عليا..؟
سميرة :يا بنتي سيبيني ربنا يخليكي سيبيني انا تعبانة أنتِ لو تعرفي انا عملت ايه علشانك مش هتقولس كده
ليلى:ماشى يا ماما هسكت بس أنا متأكدة إنك مخبية عليا حاجة
ظلت سميرة تبكي وهس تتذكر ماذا فعلت لأجلها
إذن ليس بتلك السهولة ستضيع ابنتها منها
بينما ليلى شاردة ببكاء تريد معرفة ماذا تحيك والدتها من ورائها وتخاف وتريد أن تجعلها تسافر وتبعد عن آدم وهي لم تتحمل ذلك هي تريد ان تراه دائمًا بدون مبرر هي تريد رؤيته
*********صلو على الحبيب**********
حياة :طيب ياتقى عينك عليه هو بيحبك فعلا بس برضو الشيطان شاطر بس ماتبينلوش انك مش واثقة فيه بس خليكي مركزة
تقى :البنى آدم مش هيتصلح من يوم وليلة
حياة :ربنا يهدية يا تقى وبعدين في واحدة قراية فاتحتها النهاردة وتبقى بالمنظر ده يلا أومى عشان
تروحي الكوافير
تقى:لا يا حياة مش مستاهله
حياة :لا يا حبيبتي هتروحي وتبقي زي القمر عشان تجنني الواد عز أكتر ماهو مجنون
تقى :همممم ماشي
بس أنتِ ليه ماقولتليش لآسر انك بتحبية بقى
حياة :آسر بيستعبط معايا ومش مديني عقاد نافع اعمله أيه بقى ده غير إني روحت أقابله من غير ماحد يعرف وده شىء غلط وأنا مش متعودة أخبي حاجة عن أهلى وكمان ماينفعش أقوله بحبك كده
تقى :ماهو أنتِ لازم تديلوا دافع انو يعمل العملية انا بصراحة شايفة أنو بيحبك بس مش عايز يقولك عشان خايف لا تكوني مش بتحبيه وخايف أنك توافقي عليه عشان مرضه لازم تحطي في دماغك كل الأعتبارات دي يا حياة هو تردده ده عنده حق فيه ومنطقى جداً إنما أنتِ أيه ترددك إنك تنقذي الشخص اللي بتحبيه وأنتِ بنفسك قولتي ان الدكتور قال انو لازم يعمل العملية ضرورى، وإلا بعد الشر يعني ممكن
حياة :بس يا تقى ماتكمليش انا مش متخيلة لو جراله حاجة هعمل إيه
انا ماعرفش حبيته كدة أزاى بس عارفة أول ماشوفته حسيت بكمية راحة رهيبة أول ماسلم عليا ماكونتش عايزاه يسيب ايدي كنت مستغربه أوي من نفسي أزاي أحس بالأحساس ده مع واحد أول مرة أشوفة
كنت حاسة من نظرته أن وراه جرح عميق أوي وفعلاً طلع جرحه كبير أوي فوق التحمل هو عايش بذنب موت مراته وابنه اللي في بطنها، تخيلي كده هو بيحس بأيه ده حتى لو ماكنش بيحب مراته كان هيتوجع مابالك لو بيحبها بقى
كنت بقنعه بأنه يستحمل الوجع ده وانا نفسي مش مقتنعة انا نفسس بتوجع عشانه ده غير التعب اللي جاله بيبقى بيتعذب وقت التشنجات دي اوي ياتقى
تقى :خلاص بقى بطلي عياط أدعيلة وحاولي تصارحيه فى أسرع وقت عشان ماتندميش يا حياة البعد عن حد بتحبية صعب أوي أصعب أحساس فى الكون هو الفراق يارب ماتجربيهوش
حياة:يارب ياتقى
يلا بقى نروح الكوافير معلش نكدت عليك
تقى :بس يابت انتي تعملى اللي انت عايزاه
حياة :أنتِ هتلبسي ايه
تقى :مش عارفة لسه
حياة :يخرببت عقلك تعالي ندور على حاجة حلوة فى الدولاب تلبسيها بدل منظرك ده
تقى بتذمر :أنتِ تقوليلي كده وهو يقولي يا مسعد انتو بتعملو فيا كده ليه 😏
حياة :وربنا عندو حق الواد 😄
تقى :😢😢😢
CZYTASZ
بقايا عاشق"مكتملة"
Romansتهاجمه تلك الذكريات اللعينة التي تستطيع تحطيمه بكل سهولة؛ فهو سبب في موت أغلى ما لديه،ويرى أنه لا يستحق سوى الموت واستسلم إلى ذلك المرض اللعين الذي سيؤدى به إلى الهلاك لا محالة، ولكن هل سيمسك باليد المنقذة له أم لا
