الفصل الثامن عشر من رواية بقايا عاشق
تلك الكلمات التي صرح بها سلبت منها أى شىء ماتبقى من المنطق والعقل والقرر أصبح للقلب
تلك النظرات الصادقة التي تعلن العشق وتترجى القبول تجعلها تريد معانقته
يكفى تألم قلبها منذ أمس وإذ بقلبه يتألم معها
ستترك أمرها لقلبها الذي سيحدد طريقهم بدقاته
كان ينظر إليها وهو بترجى الموافقة
عز :مالك يا تقى للدرجادي الأجابة صعبة
ثم كرر عليها سؤاله مرة أخرى :تقبلي تتجوزيني
لم تتحمل عدم الرد عليه أكثر من ذلك وأومأت رأسها بالأيجاب وتعلو على ثغرها إبتسامتها التي بات يعشقها ووجها الذي عاد إلى إشراقه من جديد وكأنها عادت من الموت إلى الحياة
وكأنها استبدلت نار الفراق بلهفة الشوق
عز بعد أن وقف:يا شيخة وقعتى قلبي
أسعد :أتفضل يابني أعد
عز:آه والله يا حج فيك الخير ده انا ركبتي هتتخلع
مش هنقرا الفاتحة بقى
آسر :أستنى يا عز ماما لازم تكون موجودة
بعد إذنك يا عمي يعني أمي بتعتبر عز ابنها ومش بعيد تقاطعه لو قرا فاتحته وهي مش موجودة
عز:أيوه صحيح دي حنون تعلقنى
آسر:أتلم ياض
أسعد وهو يحاول ان يخبىء الأشتياق: طبعاً تنور
وهو يفكر أتأتى حبيبته البيت الذي كان يبنى كل أنش فيه من أجلها ولكنها هى من أضاعة كل ذلك ودفنت قلبه تحت صخور صلبه
تقى :وأنتِ ياسوسا بتعملي فيا كده ده أنا كنت هموت من القلق وأنا فى دماغي مليون سيناريوا
حياة:معلش بقى يا توتى والله هما اللي خلوني أعمل كده
عز:على فكرة ياتقى ده أقتراح حياة؛ عشان تجيبك
حياة:يعنى دي جزاتي ماشي 😞
جلس آسر وهو ينظر نظرات خاطفة لحياة التي كانت تبتسم بشدة وفرحة عارمة لأجل صديقتها وهي تتحاشى النظر إليه من شدة الخجل
عز :طيب استأذن انا بقى وأخد خطيبتي
مراد:أيه هو اللي أخد خطيبتي دي 😕
عز باحراج:مهو عشان احنا بنشتغل مع بعض
مراد:لا معلش ماعندناش الكلام ده😏
أسعد:استنى يا مراد
خدها يابني طالما رايحين الشغل وخلي بالك منها وأوعى تزعلها تقى غالية علينا كلنا لو ضايقتها في يوم من الأيام انا اللي هوقفلك دي بنتي
عز:ماتقلقش يا عمي تقى فى عيونى يلا ياتقى
آسر :طيب استأذن انا بقى وهنبقى موجودين بكرة الساعة 6 إن شاء الله
أسعد:ماشي يابني تشرفونا
رحل تحت نظرات خاطفة منهما
نهضت حياة وهي تأخذ الورد التي أتى به آسر وظلت تبتسم له
*********لا حول ولا قوة إلا بالله**********
عز:أدخلى العربية برجلك اليمين يا عروسة
تقى :هههه ماشى
عز :أيه رأيك فيا وأنا رومانسي😆
تقى :آه أنت في الرومانسية ماعندكش ياما أرحميني
عز:أيه ده انتي بتتريقي ولا أيه 😏
تقى :لا فشر
عز:ماشى يلا وصلنا العيادة يا عروستي
إيه بتضحكي على ايه
تقى:حلوة كلمة عروستي دي
عز:طب يلا يا عروستي
أزيك يا نهى باركيلي أنا وتقى اتخطبنا
نهى بدهشة: اتخطبتوا أمتى ..؟!
عز:دلوقتى أهو
بصى أنا عايزك تدى لكل المرضى اللي تيجي شيكولاتة أقولك خلي الكشف النهاردة ببلاش
تقى:وليه كل ده..؟
عز بابتسامة :عشان قلبي كان النهاردة ممكن يوقف بس رجع ينبض تاني
يلا انا هدخل بقى عشان أنتِ بتتحولي للون الأحمر بسرعة وشوية وهتوقعي من طولك
نهى:آه ياسهتانة أنتِ، وتقوليلي عندي مشوار مهم وقولي لعز ده أنتِ طلعتى سوسة
تقى:أنا سوسة ،ده انا عبيطة 😏
نهى :آه يا ختي بأمارة أنك خليتي دكتور عز اللي مضرب عن الجواز يخطبك انتي
تقى :وليه بقى مضرب عن الجواز يعني ..؟
نهى بخبث :عشان بيحب الحرية وكل يوم مع واحدة شكل ده الطبيعي بتاعه وبعدين أنا مستغربة يعنى البني آدم مش بيتغير فى يوم وليلة يعني هل دكتور عز مثلا هيمشي على الصراط المستقيم
لازم تخلي بالك يا تقى دكتور عز علاقاته مش سطحية خالص انا بشتغل معاه بقالي كتير وعارفة
قامت تقى بعد ان اقلقها كلام نهى واتجهت إلى
غرفة عز
تقى:عز لو سمحت عايزة أتكلم معاك
عز:تعالي يا تقى واقفة ليه
تقى :هو أنت هتفضل تعرف بنات
عز:مش فاهم؟
تقى :لا يا عز أنت فاهمني كويس
عز:تقى انا بحبك أنتِ، ولو على معرفتي بالبنات ياستي انا مش هتعدي حدودي ف أى حاجة وهعتبرهم صحابي مش أكتر تمام عايزك تطمني من ناحيتي خالص انا فعلاً عايز أبدأ حياة نضيفة
تقى :وليه ماتقطعش علاقتك بيهم خالص
عز :عشان انا دكتور يا تقى ولازم يبقى عندى علاقات بناس كتير
انا عايزك تثقي فيا أكتر من كده
أنتِ اللي فى قلبي بس فاهمة لا أنتِ جزء من قلبي
تقى :بس حاسب لا تجرحه يا عز أوعى تجرح قلبي ساعتها مش هستحمل هنهار
عز: انا لسه قايلك انك جزء من قلبي يعني أكيد عمري ماهجرح قلبي تمام
تقى:أتمنى يا عز أتمنى ان ده هو اللى يحصل
عز:طيب ايه أنتِ هتنكدي علينا واحنا قراية فتحتنا بكرة ولا ايه اضحكي بقى
تقى :تعرف يا عز.... أول يوم شوفتك فيه كنت حاسة أننا هنتقابل تاني وكنت كل أما اشوفك أتعلق بيك أكتر ،كنت حلم بعيد أوي عمري ماتخيلت انو يبقى واقع، وانك تبقى عايز تتجوزني وكنت كل أما أشوفك بتتعامل مع أى واحدة ببقى عايزة أضربك وأضربها
عز:هههههههه انتي هتقوليلى فاكرة سما
تقى :بس ماتفكرنيش بيها قال ايه مش بشوف غير واحد بس عارف كنت عايزة أعملها ايه
عز :أيه
تقى :كنت عايزة أحط صوابعى فى عنيها عشان ماتشوفش خالص ولا واحد ولا اتنين
عز :ههههههه مش بقول مسعد😄
تقى :مسعد تاني 😢😢
عز:بس والله بحبك يا مسعد
تقى :مسعد ايه بس 😒
عز :تعرفي كان قلبي هيقف لما قولتيلي أمبارح انك مش موافقة عليا
تقى :وأنا كنت بقولك كل ده وانا قلبي بيتقطع ودموعي ماكنتش بتوقف
عز :خلاص يا حبيبتي مافيش بعد كده دموع صدقيني يا تقى.. هعيش عشان اخليكي مبسوطة بس
نهى:دكتور عز ماري برة
ماري :أوعى كده يا نهى فى أيه يا عز كل أما اجي تقولى مشغول ،ومش بترد على مكالماتي ولا حتى بتجيلي الفيلا
عز:ازيك يا ماري أتفضلي
مارى :عايزة أعد انا وانت لوحدنا يا عز أو أقولك تعالى نروح فيلتي
عز :استني بس يا مارىي اعرفك على تقى خطيبتي
مارى بعصبية :أيه خطيبتك أزاي...، أنت قولتلي انك مش بتفكر في الموضوع ده
عز:فى ايه يا ماري وأنا غيرت رأيي عشان حبيت
مارى بعصبية :ليه هي يا عز ليه مش انا
تقى :جرى ايه يا حبيبتي هو أيه هو اللي أنتِ
عز:ماري لو سمحت أمشي
مارى بعصبية :لا مش همشي
ثم وجهت حديثها لتقى وأردفت قائلة :وأنتِ بقى ماتعرفيش مغامرات خطيبك المصون ماتعرفيش طبعا انو ....
قاطعها عز بعصبية :أطلعي برة يا ماري أنتِ جاية تبوظيلي حياتي
ماري :ماشي يا عز هطلع
تقى : أنت كنت بتعمل إيه عشان هي تقول كده
عز:بصي يا تقى مش هكدب عليكي أنا كنت بعمل كل حاجة غلط تيجي على بالك، بس انا خلاص هبعد عن أي حاجة غلط كنت بعملها صدقيني
تقى :وأنا أيه يضمنلي أنك مش هترجع للغلط
عز:وعدي ليكي يا تقى والله العظيم عمري ماهرجع للطريق الغلط مش هقولك عمرنا ماهنزعل من بعض لأن دي سنة الحياة لكن هقولك اني هحاول بكل الطرق أبقى واحد كويس يليق بيكي
تقى :وأنا مصدقاك يا عز
***********صلى على الحبيب***********
آسر :ماما يا حنان
حنان:أيه يا آسر
آسر :قراية فاتحة عز بكرة
حنان بفرحة:عز هيقرا فاتحته أخيراً
إسراء :مين العروسة نعرفها ؟
آسر :آه صاحبة حياة
حنان :ربنا يتمملهم على خير عز طيب
آسر :طبعا هنروح بكرة معاه، بس فى بيت حياة عشان أبو حياة هو اللي مربي تقى
حنان :يعني انا هروح بيت حياة
آسر :أيوة
حنان :طيب هما عارفين أني جاية
آسر :أيوة انا قولت لابو حياة وهو قالي تنور ايه فى ايه أنتِ عايزة تقولي حاجة
حنان :لا أبداً
إسراء :الله يعني هنروح بيت سينيورة حياة بكرة
ونقرا فاتحة عز
آسر:آه يا حبيبتي عقبالك
إسراء :ياريت
آسر :أيه يابت البجاحة دي 😂
إسراء :يوة متركزش معايا بقى
ذهب إلى غرفته وتذكر ما حدث منذ ساعات
عز:يالا يا آسر بيت حياة أهوه
آسر :طيب خبط يالا
طرق عز على الباب
حياة بابتسامة :أتفضلو
آسر وهو يعطيها الورد :عاملة أيه
حياة : الحمد لله أتفضل
دلفو إلى الداخل، وجدو منزل بسيط ومرتب ومعلق على جدرانة العديد من الصور لفتت إنتباه صورة لفتاه صغيرة ذات عيون خضراء يبدو أنها حياة وهى صغيرة تبدو كالملاك منذ صغرها
لاحظت حياة شروده فى صورتها، وحمدت ربها على أنشغال أسعد ومراد فى الحديث مع عز
آسر :طيب بما أنك فهمت كل حاجة يا عمي احنا عايزين طريقة نجيبها هنا، ونسيب الباقي على عز
حياة:خلاص انا هتصل بيها ،وأقولها ألحقيني أو أى حاجة هخليها تيجي على طول
فاق من شروده بها وأمسك هاتفه وأجرى مكالمة
كانت تقف فى المطبخ تمسك الكوب الذي كان يشرب منه وتبتسم كالبلهاء قاطع شرودها رنين هاتفها ووجدت اسمه ينير الشاشه
ابتسمت وأردفت قائله:ألو
آسر بابتسامة :أيه أخبارك
حياة :تمام
آسر :ممكن أطلب منك طلب
حياة:آه طبعا
آسر :ممكن أشوفك النهاردة
حياة بتردد:هو فى حاجة
آسر :محتاجك معايا يا حياة محتاج أتكلم معاكي
حياة :طيب عايز تشوفني فين
آسر :أشوفك في كافية******
حياة:تمام ربع ساعة، واكون هناك سلام
أغلقت الخط معه وأردفت قائلة بحزن :يارب انا عارفة انو غلط بس انا عايزه يتعالج والله لولا ظروف مرضه عمري ماكونت وافقت لكن لازم أعمل معاه المستحيل عشان يخف
ثم أرتدت ملابسها، وخرجت من المنزل
أما عنه فهو كان يجلس ينتظرها، وهو لا يعرف ماذا سيقول لها فقط يريد الحديث معها
حياة:اتأخرت عليك
آسر:لا أبداً اتفضلى
حياة :عايزني فى أيه ...؟
آسر :عايز أسألك سؤال
حياة :أتفضل
آسر :أنا أيه بالنسبالك
ألجمها هذا السؤال فماذا تقول له الآن هو لا يعرف أنها تعشقه ليس فقط تحبه، ولكن كيف تقول ولماذا هو يسأل ذلك السؤال
حياة :مش فاهمة
آسر :لا يا حياة أنتِ فاهمة
حياة :طيب ممكن تقولى ليه بتسأل السؤال ده
آسر بتنهيدة:صدقيني أنا تايه دلوقتي بس عايز أى حاجة توجه تفكيري
حياة :مش عارفة أجاوب أنت فاجأتني بالسؤال
آسر :يعني انا ولا حاجة بالنسبالك
حياة :لا طبعغا
بس مش منطقي إني أرد عليك بالأجابة... انا هحتفظ بيها لنفسي زيك بالظبط أنت محتفظ بكل حاجة جواك صح
آسر:طيب أغير صيغة السؤال
لو واحد زيي جالك وطلب منك الجواز هتوافقي
حياة:يعني ايه زيك وأيه المشكلة مش فاهمة
آسر :ياسلام ياعني مش عارفة المشكلة
حياة :عشان موضوع تعبك يعني
أنت نظرتك للأمور سطحية أوي يا آسر، مايمكن أتجوز واحد سليم ويعمل حادثة ويتعب أيه رأيك بقى ساعتها هسيبه لمجرد انو تعب يبقى انا مش إنسانة ،وماستهلش أي حاجة فى الحياة
آسر :بس دي شفقة
حياة :تمام خليني أسألك سؤال
لو أنت مثلا متجوز ومراتك عملت حادثة وأتشوهت أو حصلها أى حاجة هااا هتسبها
آسر :لا طبعاً
حياة :وفي الحالة دي هيبقى اسمها شفقة ولا حب
هاااا مش بترد ليه
آسر :مش عارف أرد الصراحة
حياة :طيب أنت مش عايز تعمل العملية ليه
آسر :يوة يا حياة تاني
حياة :طبعا تاني ليه مش عايز تدي لنفسك فرصة
آسر :عشان مش لاقي حاجة تخليني متمسك بالحياة
حياة:لا في بس انت مغمض عيونك، أفتح عيونك هتلاقي حاجات مش حاجة تخليك متمسك بالحياة
آسر :يمكن بس الحاجة دى مستخبية
حياة : أنت ليه بتتكلم بالألغاز
آسر :ولا ألغاز ولا حاجة
المهم عقبالك
حياة :وعقبالك انت كمان
آسر :والله انا بدأت أفكر
حياة:قبل مامشى عايزة أقولك فكر فى موضوع العملية صدقنى ده لمصلحتك
آسر :طيب ولو عملت العملية واتشليت
حياة :يبقى ده قضاء ربنا، ولو حد فضل معاك مش هيبقى شفقة هيبقى حب يا آسر صدقنى
أقولك صلى استخارة وربنا هو اللى هيوجهك
عن إذنك
آسر :طيب أستنى أوصلك
حياة :لا مافيش داعى
ذهبت وهى تفكر بكلماته، لما لم يقل لها أنه يحبها إذ يشعر بذلك...؟ هى لن تعترف ستترك زمام الأمر فى يده
بينما هو يفكر بمعنى ماقالته له، هل ذلك يعنى أنها ستتققبله أم مجرد شفقة أم حب مثلما قالت ..؟
**********ﻻ حول ولا قوة إلا بالله*********
وصلت إلى منزلها بعد انتهاء العمل، والسعادة تغمرها بسبب وجود آدم بجانبها، فتحت باب منزلها ولكنها تجمدت مما رأته
انتهى الفصل الثامن عشر
مالها ديه 😒
ياترى بقى عز هيتصلح ولا هيرجع تانى
وهل آدم ممكن يحب ليلى
وأيه اللى هيحصل مع أسعد وحنان
هنعرف فى الفصول الجاية❤
بقلم شيماء عثمان
DU LIEST GERADE
بقايا عاشق"مكتملة"
Romantikتهاجمه تلك الذكريات اللعينة التي تستطيع تحطيمه بكل سهولة؛ فهو سبب في موت أغلى ما لديه،ويرى أنه لا يستحق سوى الموت واستسلم إلى ذلك المرض اللعين الذي سيؤدى به إلى الهلاك لا محالة، ولكن هل سيمسك باليد المنقذة له أم لا
