Napangiti na lamang ako habang pinagmamasdan ang masasayang mukha ng mga customer. Enjoy na enjoy ang mga ito.
Jared planned all of this. Marami siyang mga pakulong alam kaya nagbo-boom ang business niya. Ilang beses na rin siyang na-feature sa mga magazine dahil sa kakaibang style niya nang management. He deserves all the credit.
"You done, baby?" Tanong ko sa kaniya. Kumuha na rin ako ng tissue para punasan ang gilid ng bibig niya.
"Yes, momma." Magiliw siyang tumango at inabot ang avocado shake niya. Inalalayan ko lang naman siya para hindi matapunan ang damit niya. "Yummy..." komento niya pagkatapos tikman ang shake.
Napangiti ako. "Tito Jared made that for you. You say 'thank you' later, okay?" Sabi ko habang todo alalay sa kaniya.
"Yes momma..." Sagot niya habang abala sa paborito niyang shake.
"Sus...kaya ko rin namang gawin 'yan." Rinig kong ismid ni Daniel.
Kunot noo naman akong nag-angat ng tingin sa kaniya. "Bakit? Kaya mo bang tapatan 'tong shake ni Jared?" Tanong ko kasabay nang hiyawan ng mga tao sa gilid. May mga nagsasayawan na rin sa harap, mostly mga couple.
"Hindi ko lang tatapatan, hihigitan ko pa."
Ngumuso ako at nilapag na sa lamesa ang shake ni Maxine nang matapos na siya. Abala na ang bata at georgia sa panunuod sa harap kaya di nila napapansin ang bulungan namin ni Daniel.
"Kapal ng mukha natin, 'no?" Irap ko nalang at umayos ng upo. Hindi ko na siya pinansin pa at nag-focus na lamang sa banda. Ang laking epal niya, huh?
Nagpalakpakan naman ang lahat pagkatapos ng isang kanta. Marami ang mga request kaya masayang masaya ang buong banda—sigurado kasing malaki ang magiging tip nila.
"Thank you everyone!" Ngisi ng vocalist.
"Yes! One more!" Tili ng ilan.
"Perfect!"
"Rock song naman!"
Napangiti nalang ako at nilingon ang waiter na namataan kong palapit sa'kin. Tumango ako at hinayaan siyang bumulong sa'kin. Maingay na kasi at nagkakatuwaan na ang mga taong tapos na sa pagkain.
"Pinapasabi po ni Sir Jared na kung may gusto kayong ipaluto, magsabi lang daw po kayo." Aniya.
"Wala naman. Bigyan mo nalang kami ng available desert ninyo tonight. And please tell Jared to come here and join us...." Bumaling ang mga mata ko kay Daniel ng bigla itong tumayo. Kumunot ang noo ko habang sinusundan ito ng tingin. Papunta ang loko sa harap. Magre-request din?
"Uhm sige po, ma'am." Hindi ko na napansin ang pagpapaalam ng waiter dahil nakatuon ang buong mga mata ko kay Daniel na mukhang may balak gawin.
"What is he doing, Georgia?" Tanong ko nang makitang nakikipag-usap siya sa banda.
Nagkibit balikat lamang si Georgia. "Don't know." Nilingon niya si Daniel at inantay ang gagawin nito.
"Wow! This is the first time guys! Someone wants to sing a song for his little girl!" Balita ng vocalist.
Nanlaki naman ang mga mata ko at nilingon si Maxine na masayang nakatingin kay Daniel. She even clapped her hands!
KABANATA 11
Magsimula sa umpisa
