بعد شويه وائل جا راجع وقفل الباب بقوه وبحده قال لي ليييه بتصرخي علي ياسمين كده 😠 انتي فاكره لو جبت منك طفل ح ينسيني ياسمين تبقي غلطانه لو جبتي مليون طفل ح تفضل ياسمين هي المفضله بالنسبه لي ✋ وده كان شرطي قبل ما نتزوج انو ياسمين تكون من اولوياتك صح 😠 وانا واقفه بسمع فيهو وما حاولت إعتزر أو أبرر ليهو بس كل همي إنو يسكت 😓 وائل إتغاظ من سكوتي قال لي بتكلم معاك ردي وطبعا انا بعاين ليهو ومستاءه قلت ليهو من الآخر إنت حاليا عايز تصل لشنو 😓 قال لي من قبيل بتكلم معاك وما عرفتي عايز شنو 😠 قلت ليهو مشكلتك دي كلها عشان إتكلمت مع ياسمين صح اوك ح اطلع انا من البيت خااالص عشان ترتاحو مني انت وبتك ✋ ولبست التوب وائل مسكني من يدي بقوه وقال لي ياسمين مع شيراز في بيتكم ح تمشي تطرديها من هناك صح 😒 وانا مع مسكة يدو انهرت بالبكا وائل اتخلع قعدني في السرير وقال لي شجن في شنو إنفعلت وقلت ليهو ما تتكلم معاي قال لي يا بنت قولي بسم الله انا هسي عملت ليك شنو 😳 قلت ليهو إنت إنت ومن البكا ما قادره أجمع الكلام كنت ببكي من كل قوتي وائل قال لي بس انا كنت بتناقش معاك نقاش عادي 😢 وطلع الهول إتصل علي امو تجي بسرعه لأنها كانت خارج البيت وبعد وصلت وائل كان ماسك لي كباية المويه عشان أشرب بس انا رافضه أشيلها منو 😓 خالتي نوره وصلت واتخلعت حضنتي عليها قالت لي في شنو يا بنتي 😱 بعد ضمتني حسيت اني إرتحت شويه هزيت راسي مافي حاجه وائل قال ليها والله كنت بتناقش معاها نقاش بسيط بس هي إنفعلت 😢 قلت ليهو ما بسيط انت عايز تتخلص مني طبعا وائل اتخلع قال لي كيف اتخلص منك 😳 قلت ليهو انت قلت لي لو جبت مليون طفل ما عايزني أنا واولادي وهمك كلو بس ياسمين وهسي أنا ح أمشي بيت أبوي 😔 وائل قال استغفر الله انا ما قلت ما عايزكم قصدي إنو ياسمين برضو بنتي زي الـفي بطنك ده بس انتي فهمتيني غلط 😓 خالتي نوره صرت لـ وائل وشها وإتناولت كباية المويه وقالت لي أشربي هزيت راسي ما عايزه رفعت راسي من خالتي نوره و وقفت صلحت التوب خالتي نوره قالت لي ماشه وين 😳 قلت ليها بيتنا وائل قال لي شجن إنتظري خالتي نوره قطعت كلامو قالت ليهو وائل أطلع برا قال ليها بس عايز اوضح ليها بس أمو قطعت كلامو وبحده قالت ليهو قلت ليك اطلع 😠 وفعلا وائل طلع من الغرفه خالتي نوره قالت لي شجن يا بتي أنا ما بمنعك تمشي لـ امك بس هسي لو مشيتي ليها وعيونك وارمه كده ح تتخلع وح تقول حصلت حاجه للفي بطنك 😢 وامك عندها السكري ما بتستحمل عشان كده أنعلي إبليس وأقعدي في غرفتك هنا و أوعدك وائل ما ح يجيك وبعد تهدي أمشي ليها تمام 😊 هزيت راسي بـ حاضر خالتي نوره ناولتني كباية المويه شربتها قالت لي أرتاحي وبعد خالتي نوره طلعت من الغرفه وائل قال لأمو شجن لو مشت بيت أهلها تاني ما ح تجي راجعه والمشكله ح تكبر ✋ أمو قالت ليهو وانت من الأول ليييه تعمل معاها مشكله وكلنا متأكدين إنو شجن بتعامل ياسمين زي بتها 😡 وائل حكى ليها كل الحصل وقال ليها بس أنا سمعتها بتشاكل في ياسمين وما قدرت أسكت ليها 😓 أمو إنفعلت قالت ليهو انت عارف شجن حامل وفي الشهور الاولي وبتحصل ليها تغيرات بس انتو الرجال بتلقو الطفل قدامكم جاهز وما بيهمكم تعب الام والحاله النفسيه البتمر بيها 😠 ولأ عشان هبه ربنا يرحمها كانت قاعده مع اهلها في الشهور الاولى انت كنت مرتاح وما عارف البيحصل 😒 واصلت كلامها وقالت ليهو وائل إنتظر ماشي وين 😓 قال ليها داخل إعتزر لشجن قالت ليهو ما تدخل هسي انتظرها لحدي ما تهدأ 😓 وائل جا داخل الغرفه قعد جنبي مسح شعري وقال ياسمين ياسمين وانا ساكته قال لي ما عايزه تردي 😊 قلت ليهو انا ما ياسمين وزح يدك مني 😠 قال لي بس بالنسبه لي انتي وياسمين واحد قلت ليهو لااااا ياسمين الوحيده البتهمك قال لي والله ويشهد الله ما قصدي أقلل من قيمتكم عندي بس صح انا غلطان ماقدرت أقدر موقفك وأمي وضحت لي ✋ واوعدك تاني مهما عملتي ما ح أزعلك ضحك وقال لي يعني عندك حق الڤيتو 😅 وأنا منتظر اللحظه البكون فيها راجع من الشغل وانتي تكوني معصبه وتقولي لي بنتك و ولدي دقو اولادنا 😍 قطعت كلامو وقلت ليهو إستحاله اقول ليك كده لأنو كلهم بعتبرهم أولادي ✋ باسني في خدي وقال لي دي شجن الحبيتها 😘 فكيت يدو مني و وقفت من السرير وائل إستغرب قال لي ماشه وين 😳 قلت ليهو ماشه أجيب ياسمين قال لي لاااا انتي ما مضمونه تجي راجعه ح امشي انا ✋وفعلا وائل جا مع ياسمين وانا كنت قاعده في الغرفه ياسمين اول ما شافتني وقفت ورا أبوها قلت ليها ياسمين تعالي 😊 وشغاله تعاين لي منظرها أثرني وائل قال ليها ماما شجن قالت ليك تعالي وهي واقفه تعاين لي صرت وشها وهزت راسها لاااا 😒 وائل مسكها من يدها وقعدها جنبي بوستها في خدها قلت ليها انتي زعلانه مني قالت لي اي لأنك صرختي فيني 😒 وائل قال ليها بس في واحد بيزعل من أمو 😊 قالت ليهو بس هي ما أمي هي خالتو شجن طبعا في اللحظه دي إتمنيت الزمن يرجع قبل ما أرفع صوتي عليها وانا إتصدمت سكته 😔 وائل قال ليها ياسمين حبيبتي كده عيب إسمها ماما شجن 😓 أنا بعد سمعت كلامها دموعي نزلت وائل مسكني من يدي وهز لي راسو لااا نظام أكون قويه 😓 وقال ليها يسو الـ بيعمل ليك الأكل منو والبناولك الصباح اللبن منو وكذلك الشكولاته 😊 ردي حبيبتي منووو أشرت ليهو بيدها ناحيتي وائل قال لي خلاااص يا شجن أمشي اقعدي مع شيراز انتي ومازن وما تجينا هنا عشان ياسمين ما عايزاك 😓 وفي اللحظه دي وائل ضغط علي يدي ياسمين قطعت كلامو وقالت ليهو بإنفعال لاااااا لااااااا لااااااا وائل قال ليها حبيبتي وطي صوتك شنو لااا قالت ليهو ماما شجن ما تمشي تقعد معانا وآخيرا 😍 حضنتها علي وائل قال ليها يعني ما زعلانه منها هزت راسها لاااا قال ليها بعد ده امشي نومي قالت ليهو لااا عايزه أنوم مع ماما شجن عشان ما تمشي لشيراز قال ليها إطمني ما ح تمشي 😊 إتلفتت قالت لي بالجد هزيت راسي وقلت ليها اي باستني في خدي وطلعت 😘 وائل قال لي عرفتي ليييه إنفعلت فيك عشان خايف العلاقه بينكم انتي وياسمين تتوتر وانا اكتر واحد ح اكون متضرر 😘 قلت ليهو خلاص عرفت مافي داعي تأنبني كل مره ضحك وقال لي العفو دايما فاهماني غلط 😅 اليوم التاني الصباح طلعت الهول سمعت خالتي نوره و وائل يتهامسو ولم وصلتهم قطعو الكلام بس كنت متأكده إنهم بتكلمو عني 😏 رجعت الغرفه وائل جا داخل صريت وشي وائل قال لي خير في شنو صاره وشك من الصباح 😳 اهاااا صح نسيت الشهور دي إنتي ح تكوني زي الحربويه كل مره بشكل جديد أقصد بمزاج جديد 😅 وبعد عايزه أسألو بس إتراجعت قلت أكيييد ح يكذب علي وبعد وائل طلع الشغل وأثناء ما بجهز في ياسمين للمدرسه قلت ليها يسو حبيبتي لم انا كنت في الغرفه بابا وحبوبه كان بيتكلمو في شنو 😊 قالت لي بابا قال ح يشتري لي عجله 😍 قلت ليها لاا لااا غير العجله حبيبتي اتذكري بابا قال لـ حبوبه شجن مالها 😊 ؟؟ قالت لي ما عارفه بس سمعت بابا قال لو شجن ""
يتبع....
