قلت لـ شيراز بس انا بنيت مستقبلي وأحلامي مع وائل كيف فجأه أعيشها مع يسري أفهميني قلبي إتعلق بـ وائل ولو العرس ده تم أنا ممكن أجن 😭 شيراز قالت لي ما تقولي كده كل مشكله وليها حل 😔 قلت ليها الحل الوحيد إنو أحكي لأمي الحقيقه ✋ قالت لي شجن ما تنسي أمي عندها سكري ممكن ما تستحمل الصدمه 😔 طيب حتي لو كلمتيها لم تقولي ليها انا و وائل بنحب بعض أكيييد ح تسألك عرفتي كيف انو وائل بيحبك ؟؟ ح تقدري تحكي ليها كل الحقيقه وانك كنت بتقابلي وائل من وراها ✋ فضلت ساكته شيراز واصلت كلامها وقالت لي إنتي عارفه لو أبوي إكتشف الحقيقه ممكن كل حنيتو ناحيتك تتحول لـ غضب وأبوي لم يغضب بيتصرف اي تصرف من غير ما يفكر ✋ عشان كده يا شجن ما تدخلي روحك في متاهه وأسئله ما بتقدري علي إجابتها ✋ قلت ليها طيب أعمل شنو 😭 قالت لي عندك خيارين يا تقبلي بـ يسري والعرس يتم وربنا يسعدك يا تفكري في سبب مقنع تلغي بيهو الخطوبه 😓 وفي الآخر ما ح تقدري تلغي العرس لانو أبوي إستشارك قبل ما يديهم كلمة وانتي وافقتي صح ✋ وانتي عارفه أبوي صعب يرجع في كلمتو 😓 بس والله يا شجن في ناس حبو بعض بعد ما إتزوجو قلت ليها بس انا لاااااا ما ح إتزوج بالطريقه دي ✋ وطبعآ علاقتنا انا و وائل إنتهت خااالص حتي المكالمات بينا إتقطعت 😔 وكنت مفهمه يسري إنو ما يحاول يتصل بي لحدي ما إنتهي من الإمتحانات وما يكون في تواصل بينا الأ قريب العرس ✋ طبعا أبوي إشترط عليهم انو العرس يكون بعد الجامعه 😓 ومع مرور الأيام بديت إتعايش مع الوضع وإتقبل إني خطيبة يسري 😢 يوم قاعده في الغرفه أقرأ جات سمر داخله وشايله ياسمين قالت لي شوفي جبت معاي منو 😍 ؟؟ من غير ما أشعر قلت ليها هنا ما حضانه عشان تجيبيها وتقريبا شايفاني بقرأ يعني ما ناقصه إزعاج 😠 قالت لي شجن انا جبتها ليك عشان إنتي بتحبيها 😢 قلت ليها كنت بحبها وهسي بح 😓 وياسمين تعاين لي بإندهاش جات شيراز داخله قالت في شنو يا سلاااام ياااخ ياسمين عندنا 😍 قلت ليها انتي وياسمين برا شيراز قالت لي شجن البنت طفله ما عندها ذنب 😓 قلت ليها الشر يعم واصلا بقيت اكرهها زي أبوها 😒 قالت لي شجن حاولي اتأقلمي مع الوضع لأنك بعد العرس يومي ح تقابليهم وح تعيشو في بيت واحد قلت ليها ده لو العرس تم ✋ طبعا امتحنت الفاينال وظهرت النتائج ودي كانت أسوء نتيجه 😔 وأمي زعلانه مني بسببها قالت لي أنا عشان كده كنت رافضه الخطوبه خلاص فكرتي في العرس واهملتي الدراسه 😠 بقلبي قلت ليها السبب ما العرس بس ده كلو بسبب صدمتي في العريس 😭 وكنت عايزه أكلم أمي واقول ليها لغيت العرس واليحصل يحصل بس كان سكريها مرتفع قلت خلاص إنتظر إسبوع بعد تهدأ وتنسى موضوع النتيجه حتى أكلمها عشان ما تكون صدمتين ✋ بس للأسف إتصدمت انا لم عرفت إنو أبوي وعمي كمال (أبو يسري) حددو مواعيد العرس 😭 يكون بعد شهر عشان عمي كمال راجع السعوديه وكنت بتخيل يسري كأنو وائل عشان اقدر اتواصل معاهو 😔 لحدي ما يوم في نص الكلام قلت ليهو وائل يسري إتخلع قال لي وائل منو 😳 انا يسري 😒 طبعا في اللحظه دي حسيت بالدنيا لافه في وشي 😱 بس إستخدمت سرعة البديهه وقلت ليهو انت ما بتسمع قلت ليك يا أخو وائل 😓 قال لي يعني إسمي تقيل علي لسانك وما بتقدري تنطقي لدرجة تناديني بـ أخو وائل ولأ إسم وائل أحلى من إسمي 😒 في اللحظه دي حسيت بالذنب وإعتزرت منو ✋ والشهر بالنسبه لي مر بسرعه زي الإسبوع وجا يوم العرس 😭 وطول اليوم كنت بقنع في روحي إنو كابوس لحدي ما يسري إتصل علي شيراز وقالت ليهو خلاااص شجن جاهزه ✋ وكنت زي اي عروس منتظره عريسها يجي يسوقها وفعلا يسري وصل وكان في كامل أناقتو 😍 بس أنا غلبني إتحكم في مشاعري فـإنهرت بالبكا بعد لاحظت لـ وجود ياسمين رجعتني للزكريات وكيف كنا بنخطط انا و وائل لليوم ده 😭 طبعا أصحاب يسري إتخلعو وشيراز بدل تهديني بكت معاي احتمال عشان حاسه بوجعي 😢 يسري ناولني مويه صحه من العربيه ومنديل مسحت دموعي يسري باسني في راسي قال لي اول مره أشوف دموع الفرح في الحقيقه 😘 بقلبي قلت بس للأسف دي دموع حسره ما فرح وبسبب البكا ما قدرنا نتصور وياسمين كانت فرحانه تعاين لي وتضحك 😅 يسري قال لي أبوها كان رافض إنها تجي معاي بس في الآخر أمي أقنعتو ✋ بقلبي قلت بتمنى لو ما جات علي الأقل ما كنت إنهرت بالطريقه دي 😔 وصلنا الحفله وكنت بفكر اني أمسك المايك من الفنان واحكي كل الـ في قلبي بس بتراجع وكنت بدعي انو ربنا يديني قوه وأفضل متماسكه للآخر 😢 بس الحمدلله أنو طول الحفله ما شوفت وائل الناس كانت كتيره وبعد الحفله ودعنا الأهل ويسري كان مؤجر شقه 😔#إستكااانهه ✋ :وصلنا الشقه وطول الليل انا ويسري كنا في حالة هدوء 😓 اليوم التاني صحيت من النوم لقيت الغرفه فاضيه دخلت إتحممت وانا طالعه يسري جا داخل من برا قال لي صباح الخير رديت يسعد صباحك 😊 قال لي أصحابي جهزو التلاجه بس نسو يحضرو بسكويت الشاي نزلت السوبرماركت جبتو ✋ قلت ليهو ما كان شرطي ودخلت المطبخ أعمل الشاي يسري قال لي ما تعملي حاجه وانا نازل لقيت ست شاي جنب العماره وصيتها تعملو وتجيبو لينا 😊 قلت ليهو ليييه توصيها انا كنت ح أعملو قال لي ما مشكله اعملي الأيام الجايه 😊 رجعت الغرفه ويسري فضل قاعد في الصاله بعد شويه جرس الباب دق سمعت يسري قال ليها تسلمي يا خاله وخلي الباقي معاك ✋ قالت ليهو ربنا يسعدكم ويهنيكم قال ليها اللهم آمييييين 😊 بعد قفل باب الشقه جاني في الغرفه قال لي شجن الشاي جاهز 😊 قعدنا في الصاله نشرب في الشاي وكل واحد فينا ساكت فجأه يسري قال لي شجن انتي مخبيه عني حاجه 😓 قلت ليهو بخلعه كيف يعني مخبيه عنك حاجه اكيييد بتخيل ليك 😒 قال لي طيب بصراحه انتي في زول جبرك علي العرس ؟؟ قلت ليهو يسري انت عايز تصل لشنو بالأسئله دي 😒 قال لي عايز أصل لسبب كآبتك من أمس ملاحظ ليك ما مرتاحه معاي 😔 عايز أعرف وجودي هو السبب ولأ عندك مشكله قطعت كلامو وقلت ليهو إنت ما عندك علاقه بس كل الحكايه متوتره لأنو ما إتوقعت العرس يتم بالسرعه دي واول مره أبعد من أهلي وأكون مع زول غريب في بيت واحد 😢 يسري ضحك وقال لي يعني انا الإتزوجت قبل كده 😅 وامس طول الليل كنت بفكر في سكوتك كنت متوقع السبب أكبر من كده طيب مافي مشكله الحل بسيط انا وانتي يومين ونتعود على بعض 😍 وبالنسبه لأهلك بعد نرجع البيت 24 ساعه ح تكوني معاهم ما تنسي اصلا الباب فاتح في الباب إبتسمت ليهو 😊 بالجد خلال الشهر ده إكتشفت إنو يسري قلبو أبيض زي اللبن وكنت بتمنى لو حبيتو قبل ما أحب وائل بس القلب وما يريد 😔 وكنت بحاول أتعامل معاهو بكل ود وحزر وأكتر حاجه جذبتني ليهو إنو ما حصل ضغط علي في حاجه يعني حياتنا كانت عاديه زي قبل العرس حبة دردشه على ضحك علي شغل المطبخ اليوم بينتهي ✋ عدا شهر وعقد الشقه انتهي وأنا ما كنت عايزه أرجع البيت عشان ما اقابل وائل لأني كنت متأكده اني ح انهار واتفضح جنبهم 😔 عشان كده أقنعت يسري انو نمد ايجار الشقه ويسري ما كان بيرفض لي طلب وفعلا أجرنا الشقه لمدة شهر زياده وكنت شايله هم الرجوع 😔 وبعد الفتره إنتهت الليل كلو فضلت صاحيه كيف ح اقابل وائل معقول ح أقدر أعيش معاهو في بيت واحد وخاصه انو لسه مشاعري ناحيتو ما اتغيرت 😢 فكرت أقنع يسري نزيد الايام بس اتراجعت وقلت مصيري في الاخر أرجع البيت عشان كده أحسن أواجهه القدر واتغلب علي المشكله 😔 وفعلا اليوم التاني رجعنا ويسري في الطريق قال لي شجن في شنو دايما سرحانه قلت ليهو مافي حاجه بس اشتقته لامي 😊 قال لي هسي ح تلاقيها وصلنا البيت بعد نزلنا من العربيه حسيت بقلبي طلع من مكانو وقلت لـ يسري ممكن أدخل اول لأمي قال لي حااااضر من عيوني حتى انا ح ادخل معاك ✋ بس انا كنت قاصده انو يسري يدخل لاهلو وانا امشي لاهلي المهم دخلنا بيتنا مع بعض وبعد دردشنا وقعدنا مسااافه يسري قال لي شجن بعد ده نمشي نسلم علي امي 😊 بس انا كل مره بقول ليهو دقيقه نقعد شويه كنت بكسر في الوقت في الاخر يسري وقف وقال لي شجن أمك ما ح تشبعي منها وبعدين خلاص تاني ح تعملي ليها وجع وش 😊 وفعلا مشينا بيتهم وبقلبي كنت بدعي أنو ربنا يديني قوه أواجهه بيها وائل 😔 ونحن في الباب قبل ما ندخل حسيت بجسمي اتشلا وانفاسي وضربات قلبي زايده دخلنا الهول إستقبلونا خالتي نوره وعمي كمال بعد قعدنا يسري قال لامو وين ياسمين و وائل 😳 في اللحظه دي دموعي وصلت طرف عيوني امو قالت ليهو سافرو يسري إتفاجأ قال ليها شنوووووو 😱 ؟؟ قالت ليهو والله حتي نحن إتفاجأنا قبل إسبوع وائل قال إنو مقصر في حق بنتو ومحتاج لفترة نقاهه من الشغل عشان كده آخد اجازه وفجأه قرر يسافر مع بنتو القاهره بس والله إشتقنا ليهم 😢 طبعا في اللحظه دي يا دوووب حسيت بانفاسي رجعت طبيعي بس يسري زعل وقال لامو كان ينتظرني بعد أجي إحتمال كان نسافر كلنا مع بعض ولييييه ما إتصل كلمني 😒 عمي كمال قال ليهو وائل قال ما يكلموك عشان ما يزعجك ✋ طبعآ أنا مبسوطه بالخبر و بقيت بتحرك في البيت بكل أريحيه 😌 بعد دخلنا الغرفه وانا واقفه في الدولاب سمعت يسري فجأه قال يعني الأ إتصل عليك انا والله حقو الواحد ما يتكلم معاك 😒 أنا إتلفت على يسري لقيتو بيتكلم بالتلفون إبتسمت لإني كنت فاكره إنو جن وبيتكلم براهو طلع في التلفون بس قطعت إبتسامتي لم سمعتو قال والله انا إتصلت عليك عشان اتكلم مع ياسمين ما معاك 😊✋ بقلبي قلت دقيقه دقيقه ياسمين يعني ده وائل 😢 وفضل يدردش معاه قال ليهو والله لم وصلت متوقع ياسمين تستقبلني في باب الشارع بس اتصدمت لم أمي كلمتني هسي وين ياسمين ؟؟ أهااا نايمه غريبه بقت تنوم بدري 😓 خلاص بتصل عليها الصباح وائل لحظه قبل ما تقفل سلم على شجن ولأ أقول ليك على مرتي 😅 وأنا بقلبي بقول يسري لاااا ما تعمل كده بس رديت وقلت لـ يسري سلم عليهو انت عشان الرصيد بس يسري ناولني التلفون وقال لي رصيد شنو ده الايمو وفعلا إستلمت التلفون 😔 ""
يتبع......
