خالتي نوره قالت ليهو ربنا يديك بنت الحلال 😍 قال ليها موجوده عايز أخطب بنت عم صلاح 😊 أمو قالت ليهو بس شيراز مخطوبه وسحر وسمر لسه صغيرونين 😔 وائل سكت مسااافه بلع ريقو وقال ليها بصوت مكسور لاااا قصدي شجن خالتي نوره إتفاجأت قالت ليهو منووووو 😳 وائل قال ليها والله ما قصدي أخون يسري بس عشان أضمن إنو مازن يفضل معانا طول العمر وإنتي عارف... 😔 خالتي نوره قطعت كلامو وقالت ليهو يا ولدي ما تفهمني غلط دي دموع فرح والله حتي انا كنت بفكر كده لأنو شجن لسه صغيره ومصيره تتزوج وبدل تعرس الغريب أولى بيها انت بس كنت خايفه من ردة فعلك 😢 وزي ما يسري ربنا يرحمو ولدي انت ولدي وبتمني ليك الخير 😍 وعشان مازن يتربى بينا بس ان شاء الله شجن توافق 😔 وائل قال ليها انا ح إتكلم مع أبوها وانتي كلمي أمها ولو شجن رفضت حاولي أقنعيها 😓 قالت ليهو ان شاء الله ربنا يتم ليكم علي الخير وتوافق ✋ اليوم التاني أبوي ناداني في الصالون وقال لي شجن يا بتي الحياة دايما بتدينا دروس وانتي مريتي بـ أول درس وكان صعب شديييد إنو تفقدتي راجلك بس يا شجن الحياة قدامك طويله وانتي لسه صغيره عشان كده محتاجه ليك لـ سند يكون دايما واقف جنبك ✋ دموعي نزلت بس ما كنت فاهمه قصد أبوي شنو 😓 مسحت دموعي وقلت ليهو انت سندي قال لي اكيييد انا سندك الاول بس يا بتي العمر ما مضمون عايز اطمن عليك وعلي ولدك وجاتك فرصه ما تضيعيها ✋ قلت ليهو ان شاء الله يومي قبل يومك بس قصدك شنو بفرصه 😳 قال لي من الاخر يا شجن جاك عريس طبعا انفعلت و وقفت من الكرسي قلت ليهو بس انا ما عايزه أعرس أنا كده مبسوطه ومافي زول ح يدخل حياتي بعد يسري 😠 أبوي قطع كلامي قال لي أول أعرفي العريس منو قلت ليهو من غير ما أعرف وانا ح أعيش بس قصاد مازن ولدي ما عايزه راجل في حياتي غير يسري 😠 أبوي قال لي والله عندك حق يسري ربنا يرحمو كان راجل ما ساهل والعريس والله زي يسري ما بيقل عنو وأخوهو 😊 قطعت كلامو وقلت ليهو منوووووو وائل أكيييد لااااااا وده اخر واحد ممكن اوافق بيهو ✋ ودخلت الغرفه أبكي واليوم كلو امي وأبوي يتكلمو مع بعض بصوت واطي وبهمس 😓 اليوم التاني أثناء الشاي أمي قالت لي يا بتي وائل ولد كويس وبعدين أخو يسري يعني ما ح تعرسي واحد غريب وانتو الاتنين محتاجين لبعض 😓 قلت ليها انا ما محتاجه ليهو ✋ قالت لي بس ولدك محتاج ليهو كـ اب وبنتو محتاجه ليك كـ ام قلت ليها انا ولدي ح أكون ليهو مقام الام والاب وأبوي قاعد ح يربي معاي ✋ اما ياسمين حاليا انا في مقام امها من غير ما إتزوج وائل 😒 قالت لي يا بتي مازن مع مرور السنين ح يكبر وفي حاجات انتي ما بتفهميها زي الأب 😔 وفضلت تزن علي في اللحظه دي جات داخله خالتي نوره قالت لي تعالي أقعدي جنبي وبعدها فتحت معاي نفس الموضوع 😓 قلت ليها كيف توافقي يا خالتي نوره إني إتزوج بعد يسري 😒 قالت لي عشان انتي لسه صغيره ومن حقك تعيشي باقي حياتك والسبب التاني والله لو ما كنت ضامنه إنو وائل يصونك ويحميك زي يسري ما كان وافقت 😔 وأمي قالت لي يا بتي وافقي عشان خاطر ولدك ما يتربى من غير أب 😢 صاح في لحظة ضعف قلبي إتعلق بـ وائل بس كنت مستبعده فكره الزواج خااالص وخالتي نوره وامي فضلو يزنو علي لحدي ما وافقت بس اليوم كلو كنت محتاااره 😭 صاح زمان كنت منتظره اللحظه النجتمع فيها انا و وائل في بيت الحلال بس حاليا الوضع إختلف وكنت حاسه انو بـ زواجي التاني ح أكون إرتكبت ذنب في حق يسري 😢طبعا الزواج تم وكان عباره عن عقد في الجامع وبحضور الأهل وشهرنا العقد وطلعت من بيتنا ودموعي نازله كأنو جنازه يسري قدامي 😭 وعمي كمال جا من السعوديه حضر العقد ورجع بعد إسبوع وفضلت عايشه معاهم زي الأول يعني زواجي ما غير حاجه 😓 وقلت لـ وائل ما تفكر إني ح اعيش معاك زي ما كنت عايشه مع يسري ويسري ح يفضل في قلبي وأنا إتزوجتك بس عشان الأولاد ✋ قال لي إطمني حتى أنا ده هدفي وكل واحد فينا ح ينوم في غرفة منفصله 😓 اليوم التاني طلعت من الغرفه خالتي نوره قالت لي شجن يا بتي مافي داعي تلبسي التوب وائل خلاص بقى حلالك 😍 وائل قطع كلامها قال ليها خليها يا أمي علي راحتها 😊 طبعا لم وائل يكون قاعد في البيت أنا دايما بكون في حالة سكوت 😓 وكنت بدردش مع مازن في الغرفه وبحكي معاهو كأنو شخص كبير مع إني عارفه مازن صغير وما بيفهم بس كنت بفضفض عشان إرتاح بالرغم من إني إتزوجت من حبي الأول بس ما كنت مرتاحه 😔 ولم وائل يكون خارج البيت بقعد مع خالتي نوره في الهول وطبعا مهتمه بـ ياسمين زي مازن كأنها بنتي ما كنت بفرز بينهم 😊 وبصراحه حتى وائل كان بيهتم بـ مازن زي ياسمين يعني الأولاد كانو بعيدين عن خلافاتنا ✋والروتين اليومي الصباح وائل بيصبح علي مازن حتي يمشي الشغل والعصر بيطلع بيهو في الشارع 😓 وفي يوم ياسمين جات من الشارع ملطخه بالطين و وائل جا شايل مازن وملابسو برضو فيها طين قلت ليها يسو ده شنو 😱 وياسمين بس تعاين لي وتتبسم وائل قال لي انا السمحت ليهم يلعبو بالطين 😊 ما ناقشتو دخلت حممتهم وبدلت ليهم ملابسهم بس كنت مغيوووووظه ومن تعابير وشي وائل عرف إني رافضه لعبهم بالطين واليوم التاني إتكرر نفس الموقف وبرضو كنت متماسكه وساكته إحتراما لـ خالتي نوره ✋ بسس وائل دايما كان بيكاويني بتصرفاتو عشان انفعل واتنرفز بس كنت بتحكم في غضبي 😓✋ ويوم الجمعه ... ""
يتبع.....
