اليوم التاني وائل قال لي شجن عندي سؤال وحاولت أنسى واتجاوزو بس بصراحه غلبني وبتمنى تجاوبيني بكل صراحه واوعدك ما ازعل بس اهم حاجه الصراحه وبعدها سكت مسافه ✋ طبعا إستغربت وقلت ليهو وائل اسأل ما تسكت قال لي شجن لم أنا عملت الحادث وإنتي كنتي بتبكي كلميني بصراحه كنتي بتبكي عشان افتكرتيني ميت ولأ كنتي بتبكي علي زول تاني 😔 قلت ليهو قصدك منو بـ زول تاني 😳 ؟؟ وائل اتكلم معاي بوضوح قال لي خلاص انسي السؤال قلت ليهو لاااا أشرح لي قصدك منو بزول تاني 😠 قال لي قصدي بتبكي عشاني أنا ولأ اتذكرتي حادث يسري وطلع من الغرفه من غير ما يسمع ردي طبعا اتصدمت من كلامو 😳 ومنتظره يجي راجع الغرفه بس طلع الشغل فكرت إتصل عليهو بس اتراجعت 😓 العصر إثناء ما أناشغاله في المطبخ بجهز في الغداء سمعت صوت عربية وائل بسرعه دخلت الغرفه بس وائل قعد في الهول ما جا الغرفه وكان بيلعب مع مازن 😊 انا طلعت الهول قلت ليهو وائل اتحمم عشان نعمل الغدا وائل دخل غرفتو وانا حصلتو قلت ليهو يومك كان كيف في الشغل 😊 رد لي الحمدلله وما عايز يرفع عينو يعاين لي قلت ليهو وائل الصباح طلعت من غير تسمع ردي والله بكايي كان نتيجة مشاعري ناحيتك 😢 وانت اخر واحد تسأل السؤال ده لانك عارف طبيعة العلاقه بينا ولو ما بحبك ما كان ضحيت و وافقت إتزوج يسري حتى بعد اتزوجتو ما اتهنيت معاهو مات 😔 وبعدها اتزوجتك وإفتكرت إنو رجعت لـ حبي الاول بس إنت صدمتني لأنو ما إتوقعت في لحظه إنك تشك فيني وائل قال لي اشششششش وضماني عليهو ودي أول مره نقرب من بعض 😍 وفي اللحظه دي اتذكرت لم كان بيتكلم بالتلفون مع وحده وقال ليها ح نتزوج قريب رفعت راسي من كتفو صريت وشي وسألتو حبيبتك إسمها منو وتجاوبني بصراحه زي ما أنا جاوبتك 😒 قال لي بإندهاش حبيبتي منو 😳 والله ما عندي حبيبه وبعد هبه ربنا يرحمها ما اتوقعت اني احب للمره التانيه لحدي ما دخلتي انتي حياتي قلت ليهو وبعديني دخلت البنت السمعتك تتكلم معاها في التلفون 😒 ضحك وقال لي قصدك البنت الوهميه والله اصلا التلفون كان مقفول خالص وكنت عايزك تسمعيني وتفتكري انو في وحده في حياتي عشان أغيظك زي ما كنتي بتعملي إنتي لم تكاويني مع المرحوم 😔 قلت ليهو بالجد مافي وحده 😍 قال لي ربنا يشهد في اللحظه دي جات ياسمين داخله الغرفه وقطعت كلامنا قالت لي ماما سدن انا دعانه طبعا ما قادره أوصف إحساسي لم أسمع ياسمين بتقول لي ماما 😍 وائل قال ليها والله كلنا جعانين بس ماما شغاله تحقيق 😊 قلت ليها هسي يا يسو ح أعمل ليك الأكل وائل قال لي وأنا قلت ليهو انت بالذات ما عندك غداء 😊✋ طبعا خلال فترة خالتو ليلى في السعوديه وجودنا انا و وائل في البيت برانا خلانا نتقرب من بعض كتييير وفضلنا عايشين زي اي زوجين 😍 لحدي ما يوم المساء ياسمين قالت لـ وائل بابا أنا ما عايسه أنوم هنا نلجع غلفتنا وائل قال ليها بإستغراب لشنو 😳 ؟؟ قالت ليهو عشان سدن بتضلبني قال ليها بخلعه شنوووو 😱 ؟؟ قالت ليهو بس ما ننوم معاهم ننوم بلانا ✋ قال ليها حاااااضر وفعلا دخلو غرفة وائل وبعد ياسمين نامت وائل جا راجع الغرفه وقال لي شجن إنتي عملتي شنو لـ ياسمين 😒 قلت ليهو بخلعه منو أنا ولا حاجه بس في شنو 😳 قال لي أنا لو عارف ما سألتك بس إتذكري ما ضربيها ولأ رفعتي صوتك عليها بدون ما تقصدي 😓 قلت ليهو بإستغراب إستحاااله يحصل كده بس ليييه السؤال ده 😒 قال لي بصراحه ياسمين الطلبت ننفصل وننوم برانا بس ما عارف السبب شنو ؟؟ قلت ليهو طيب أسألها 😒 قال لي سألتها وقالت إنتي ضربتيها قلت ليهو شنوووو انا ضربتها 😱 وانت طبعا صدقتها عشان كده سألتني صح 😏 قال لي أكيييد لااا بس ياسمين ما بتعرف تكذب قطعت كلامو قلت ليهو معنى كلامك ده انت مصدقها 😒 طيب يا وائل أعمل البيريحك وحاليا أطلع من الغرفه قال لي شجن انا ما قلت مصدقها قلت ليهو وائل أرجع غرفتك قال لي طيب ما تنفعلي ✋ بس مازن ح ينوم معانا شالو وطلع " واليوم التاني الصباح كـالعاده وائل شايل مازن وانا حضرت الشاي ختيتو في التربيزه ياسمين جات بسرعة قعدت جنب أبوها في الكنبه وائل قال ليها يسو وين الكرسي حقك ده مكان ماما شجن قالت ليهو لااا أنا ح أقعد هنا 😒 قلت ليهو خليها أنا أصلا ما قاعده 😊 وفعلا أنا شلت مازن ودخلت الغرفه و وائل ما كلف روحو يحصلني وبعد خلص الشاي جا داخل الغرفه قال لي انا طالع الشغل عايزه حاجه قلت ليهو لااا 😏 قال لي ياسمين خالتها طلبت تشوفها ح أوصلها وآخر الدوام أرجعها قلت ليهو ان شاء الله خالتها ما تضربها زيي ✋ قال لي شجن انا الموضوع ده لسه ما فتحتو بس خليك متأكده إني واثق فيك لويت ليهو خشمي 😏 ياسمين جات داخله قالت ليهو بابا ثلعه وصرت لي وشها 😒 حتى انا كنت مصدومه وبسببها راجعت تصرفاتي معاها مليون مره عشان أعرف السبب بس ما حصل غلطة عليها 😓 طلعو والمسا بعد جو راجعين عايزه أبدل ليها ملابسها قالت لي لااا بابا بيلبثني 😒 وائل بحده قال ليها ياسمين قلت ليهو ما مشكله 😊 بس في الحقيقه تصرفاتها بتجلطني لو ما عرفت السبب شنو 😓 وكالعاده دخلو غرفة وائل بعد شويه ياسمين قالت لأبوها انت نوم هنا وانا ح أنوم مع ماسن 😊 بس وائل منعها قال ليها لااا ما تمشي ليهم عشان شجن بتضربك قالت ليهو والله ما بتضلبني طبعا وائل إتصدم من كلامها 😱 وياسمين فضلت تبكي قال ليها طيب أمشي وفعلا ياسمين جاتني في الغرفه وقالت لي بصوت منخفض ماما سدن عايسه أنوم معاتم 😢 وبصراحه انا مغيوووظه منها قلت ليها لااا أمشي عند بابا عشان هنا مازن نايم وما يصحى 😓 ولسه واقفه تعاين لي ومكسوره بقلبي قلت انتي هبله يا شجن ح تخاصمي طفله قلت ليها طيب تعالي جات جاريه قالت لي والله بنوم بلاحه ما بثحي ماسن 😢 قلت ليها تمام في اللحظه دي جاتني مكالمه من وائل رفضت أرد قلت عايز يطمن على بنتو بعدها جاتني رساله شجن بعد ياسمين تنوم تعالي غرفتي دقيقه بقلبي قلت لو إنتظرني لبكره ما ح أجي ✋ وفعلا ياسمين نامت وبعد ساعه باب الغرفه براااحه فتح لقيتو وائل مسك يدي عايز يسوقني معاهو قلت ليهو نعسانه عايزه أنوم قال لي هسسسسس ياسمين ح تصحى عايزك دقيقه بقلبي قلت كل همو بنتو 😒 بعد دخلنا غرفة وائل قال لي رايك شنو في تصرفات ياسمين أديتو نظره ممزوجه بصره قلت ليهو ما عارفه 😒 وإتلفت عايزه أطلع من الغرفه مسكني من يدي وقال لي انا ناديتك عشان نحل مشكله ما عشان نعمل مشكله جديده وجراني من خصري قربني منو وقال لي يعني لسه ما إنتهيت من مشكلة بنتي أعمل مشكله مع مرتي والله سؤالي ليك ده عشان نعرف السبب ونعالجو 😊 قلت ليهو أعرف السبب إنت وعالجو أنا ما بيهمني لأني متأكده إني ما غلطانه ✋ قال لي شجن أنا عارفك ما غلطانه بس عندي فكره وعايزك تنفذيها بكره تمشي بيت أهلك تقعدي يومين عشان ياسمين طبعآ أنا إتصدمت 😳 قطعت كلامو وقلت ليهو أوك وليييه بكره عشان خاطر بنتك هسي أسوق ولدي ونطلع 😒 قال لي شجن من متين بنفرق بين اولادنا عشان تقولي بنتك قلت ليهو من لحظة صدقتها قال لي أعيدها ليك مليون مره أنا ما صدقتها وعرفتها كذابه وح تمشي بيت أبوك ما عشان بنتي ح تمشي عشان علاقتنا أنا وإنتي ولأ إنفصالنا كده عاجبك 😓 وعشان أقدر أعرف من ياسمين سبب كذبها لازم ننفذ الخطه دي وفعلا انا مشيت بيتنا وهو مسك بنتو " المغرب ياسمين قالت ليهو بابا ماسه أنوم مع ماما سدن قال ليها وانا أقعد براي 😊 قالت ليهو حلاث أدرب ليها تلفون تجينا قال ليها بس ماما شجن قالت تاني ما ح تجي هنا عشان انتي ما بتحبيها 😊 قالت ليهو والله بحبها 😍 قال ليها بس إنتي قلتي بتضربك قالت ليهو تذبت عليك عشان انت ما تنوم معانا في الغلفه 😓 قال ليها بس شجن بتخاف تنوم براها 😓 وطبعآ انا و وائل كنا متواصلين بالتلفون وقال لي ياسمين تبكي عايزه تجيك قلت ليهو ما مشكله خليها تجي 😊 قال لي لااا لانو لو جاتك ما ح نكون حلينا مشكله انا عايزها تتأثر بغيابك عشان تطلب منك انتي الـ ترجعي البيت ونعيش كلنا مع بعض 😊 قلت ليهو ولو غيابي ما أثر عليها ضحك وقال لي يبقى خلاص ح ننفصل عن بعض 😅 طبعا صدمني ما رديت قال الوووو شجن ردي سامعاني قفلت الخط رجع إتصل رديت في المره التانيه قلت ليهو من هسي ننفصل 😒 قال لي يا بنت انتي هبله كنت بهظر معاك وفعلا اليوم التاني الصباح جاتنا ياسمين وقالت لي ماما سدن ارح بيتنا 😊 قلت ليها لااا انا قاعده هنا قالت لي بابا قال انتي بتحافي تنومي بلاك ثح حلاس تعالي وبابا بنوم معانا طبعا اتحرجت وخاصه انو قالت كده جنب امي 😅 وامي تضحك بس مافاهمه الحاصل شنو ؟؟ المساء بعد وائل رجع من الشغل إتصل علي شجن إنتي وين قلت ليهو في مكاني الطبيعي في بيت أبوي 😊 قال لي ياسمين طلبت منك تجي راجعه صح قلت ليهو بس انا ما لعبه بينك وبين ياسمين مره تقول لي أمشي ومره تعالي ولو عايز بنتك برسلها ليك ✋ قفل الخط وبعد شويه سمعت صوتو في بيتنا جا داخل الغرفه شال مازن ومسك ياسمين قال لي انا ح أسوق الأولاد وأمشي بيتنا وانتي لو عايزه تقعدي هنا حره 😓 قلت ليهو يا سلااام ياااخ كده ممكن أنوم هنا مرتاحه من غير إزعاج 😍 وائل إتغاظ قال لي ولو عايزه تعرفي سبب تصرف ياسمين تعالي معاي وفعلا وائل رجع مع الأولاد البيت وانا في الباب طالعه قابلت 😍 ""
يتبع.....
