وعدت السنين يوم امي قالت لي شجن سرحي لـ أخواتك 😓 قلت ليها شيراز وين !! ليييه اي حاجه أعملها انا 😔 قالت لي شيراز بتغسل لأبوك في الجلابيه عشان مسافر ومن الآخر ح تسرحيهم ولأ أجي بالسوط 😒 قلت ليها لااا خلاص اي حاجه ولا الدق وأثناء بسرح في سحر قلت ليها انتي عارفه اي وحده شعرها طويل بتكون شينه 😊 سحر إتغاظت مني وعايزه تبكي أمي قالت ليها خليها دي حاقده عشان ما عندها شعر زيك نبع الحنان أحرجتني بس دي الحقيقه 😅 فعلا ما شاء الله سحر وسمر شعرهم في نص ضهرهم 😍 قلت لأمي صح انا شعري ما طويل بس بعدين ح تشوفي شعر بتي ح يكون جاري بالأرض 😌 وعشان ما يتوسخ ح أخلي سحر وسمر يمسكو ليها وهي تمشي 😍 امي قالت لي خلاص فكرتي في العرس والولاده تاني ما بتنفعي في القرايه بس الله يحضرنا زمنك 😒 قلت ليها والله انا زاتو عايزه واحد يمنعني القرايه ويقول لي مكانك البيت 😍 قالت لي الأ يكون هو زاتو جاهل ولو ما كملتي حتى الجامعه عرس ماف ✋ انتهيت من سحر وبديت اسرح في سمر قلت ليها بكره بتشتري لي حاجه من المدرسه ولأ أسرح ليك تسريحه مكعوجه ✋ قالت لي بشتري ليك بس سرحي لي حلو 😍 المتخلفين كانو مصدقين اني ح أسرح ليهم شين عشان كده بيشترو لي ومحزراهم انو امي ما تعرف كنت بكسب من تسريحهم مره تسالي ومره فول 😅 اليوم التاني أبوي ودعنا وكان مسافر مأموريه تبع الشغل لمده 10 يوم ودي اول مره يبعد مننا 😔 بعد رجعت من المدرسه وكان اول يوم بعد سفر أبوي قلت لأمي الغدا بـ شنو 😋 ؟؟ قالت لي بـ سلطة أسود قلت ليها وتاني قالت لي بس قلت ليها بخلعه كيف بسسسسس يعني عشان ابوي ما معانا لكن سوف يعود أبي وسأخبره بكل شي ✋ قالت لي في طبيخ رجله في التلاجه لو عايزه قطعت كلامها وقلت ليها لااا والله كفايه الأسود 😅 قالت لي وما بتهدديني بأبوك وأكل ليك ماف ح تفضلي جعانه لحدي ما يجي أبوك راجع من السفر عشان تشتكي ليهو 😡 قلت ليها والله بهظر اي شي ولا الجوع 😅 وبعد 10 يوم أبوي جا من السفر بس جا راجع إنسان مختلف خاااااالص اقل حاجه بيتنرفز فينا 😢 وأمي كانت بتحزرنا ما نعمل أزعاج وقالت لينا يكون مضغوط في الشغل عشان كده خلو يرتاح ✋ وبعد إسبوعين قال مسافر مآموريه للمره التانيه وفعلا أمي جهزت ليهو الشنطه 😓 وعدا إسبوع وفي يوم انا كنت محمومه ما قدرت أمشي المدرسه وكنت مدروخه شبهه نايمه 😓 الضهر جات خالتي فاطمه وأثناء ما بتشرب في الجبنه قالت لأمي انتي صلاح وين ؟؟ لي كم يوم ما شايفه عربيتو 😊 !! امي قالت ليها مسافر مآموريه مدني تبع الشغل 😓 خالتي فاطمه سكتت مسافه وسرحت بعيييد " أمي قالت ليها في شنو يا فاطمه من جيتي شكلك ما عاجبني 😓 قالت ليها والله يا ساميه في حاجه عايزه أقولها ليك بس ما قادره إبدأ الكلام وما قادره أسكت بس لااازم تعرفي 😓 امي قالت ليها إتكلمي يا فاطمه في شنو 😳 قالت ليها والله أمس مشيت لـ أختي في بحري ولمحت صلاح طالع من بيت وركب عربيتو بس هو ما شافني والعصر أنا جايه لقيت عربيتو واقفه جنب نفس البيت بصراحه إستغربت ورجعت سألت اختي قالت لي ديل راجل ومرتو سكنو جديدين في الحي ✋ امي قالت ليها ما فهمت قصدك بس اكييييد شبهتي لأنو صلاح مسافر 😊 خالتي فاطمه قالت ليها والله يا ساميه بتمنى أكون شبهتو بس اتأكدته من العربيه وحاولت أسكت ما أكلمك بس غلبني ومن حقك تعرفي صلاح متزوج وممكن أوصف ليك العنوان عشان تتأكدي ✋ طبعا أمي إتصدمت وفضلت ساكته مسااافه وبعدها إنفعلت وقالت ليها ما عايزه اي وصف صلاح أنا واثقه منو إستحاله يعرس فيني ✋ خالتي فاطمه استأذنت طلعت وانا فضلت أبكي بدون صوت أمي لاحظت قالت لي شجن انتي صاحيه 😳 رفعت التوب من وشي قالت لي لييييه بتبكي في حاجه مؤلماك 😢 ؟؟ بعدها زدت في البكا وقلت ليها أبوي ما بيعمل كده 😭 قالت لي إنتي سمعتي الكلام طيب أهدي أكييييد فاطمه غلطانه وانا متأكده أبوك ما بيعمل كده 😓 وأحزرك ما تجيبي سيره لـ شيراز وحتى أبوك بكره بعد يجي ما تفتحي ليهو السيره دي تمام 😓 هزيت ليها راسي بس أمي طول اليوم كانت مهمومه واتصلت علي خالي ياسر وحكت ليهو كل الحصل ✋ خالي قال ليها إستحاااله صلاح يعمل كده ما تخربي بيتك بكلام النسوان 😓 قالت ليهو ما عارفه أعمل شنو بس بصراحه صلاح تصرفاتو اتغيرت حتى مع اولادو أصبح نيرفز 😔 خالي قال ليها عشان تقطعي الشك أمشي لـ جارتك توصف ليك البيت وانا بتأكد ليك بس ما تسألي صلاح من حاجه ✋ قالت ليهو تمام وفعلا المساء امي لبست توبها وقالت لينا ماشه لـ فاطمه وجايه هسي 😊 قلت ليها بإنفعال يا أمي المرا دي ما تمشي ليها بعد الكلام القالتو ليك 😓 شيراز قالت لي ليييه خالتي فاطمه قالت شنو 😳 بس قبل ما أرد عليها امي صرت لي عشان ما أحكي 😒 قلت لـ شيراز خالتي فاطمه قالت أنا مستهتره 😏 شيراز ضحكت وقالت لي بس كلامها صاح 😅 وانا من جوا قلبي بيتقطع وعايزه أطق من الزعل وكان نفسي أفضفض واحكي لـ شيراز بس امي منعتني 😔 وطبعا بقيت إكره خالتي فاطمه شديييد عشان كذبت في ابوي وبعد أمي جات راجعه إتصلت علي خالو ياسر وصفت ليهو البيت 😓 وبعد أبوي جا راجع من السفر وكـالعاده امي كانت بتهيأ ليهو الجو وبتقول لينا ما ترفعو صوتكم عشان يرتاح 😊 بس أمي غلبها تصبر والصباح بعد طلعنا المدرسه أمي سألت أبوي قالت ليهو صلاح ما ملاحظ انو معاملتك معانا اتغيرت واقل حاجه بتنفعل 😔 في شنو ؟؟ قال ليها مافي حاجه 😊 قالت ليهو لو من ضغط الشغل ما مشكله لكن لو في حاجه تانيه احسن يا صلاح تكلمني انت بدل أسمع من برا ✋ في اللحظه دي أبوي إنفعل قال ليها تسمعي شنو وما تصدقي الناس عايزين يخربو علاقتنا والقالو ليك إشاعه 😡 وطلع الشغل أمي إتصلت علي خالو ياسر حكت ليهو النقاش الحصل وقالت ليهو صلاح كان بيدافع عن روحو من غير ما يعرف الموضوع شنو وده دليل على انو في حاجه مخبيها عني عشان كده لااازم تتأكد لي الليله 😓✋ قال ليها خلاص نهاية الدوام بمشي للعنوان ونعرف الحقيقه وفعلا المغرب باب الشارع كان بيدق شديييد واول ما شيراز فتحت الباب 😳
#يتبــــع ⏪⏪⏪⏪
