أبوي إتصدم لم لاحظ لأمي إنو بطنها كبيره سلم عليها وقال ليها ساميه انتي حاااامل 😳 امي ما ردت وعايزه تمشي بيت خالتي قال ليها ساميه ادخلي جوا ما نتناقش في الشارع أبوي جا داخل وقال لينا أمشو الصالون عندي كلمتين مع امكم 😓 طبعا اتفاجأنا إنو أمي جات راجعه قلت ليهو يا أبوي نحن ما صغار عارفين اي حاجه إتكلم جنبنا عا... قطع كلامي وبحده قال لي شجن قلت أمشو بهناك 😡 والغربيه انو امي ساكته لملمت باقي كرامتي ومشيت أبوي إتلفت على أمي قال ليها كل جمعه انا بجيكم هنا ليييه ما كلمتيني إنك حامل حتى لو ما عايزه تقابليني كان ترسلي بناتك يكلموني ✋ قالت ليهو ما بكلمك لانو أخباري ما بتهمك ولو قصدك عشان طفلك لم يشرف في الدنيا حتى تكون مسؤول عنو وحتي لو عرفت ح يفرق شنو 😏 ؟؟ انت أصلا رافض البنات والـ في بطني برضو بنت عشان كده خليك عايش حياتك مرتاح مع البتجيب ليك الولد 😏 قال ليها بس انا ما قلت رافض البنات وبناتي ديل نعمه 😍 بس البحر ما بيابى الزياده وانا كنت عايز ولد وعرسي كان غلطه 😔 أمي قطعت كلامو وقالت ليهو صلاح موضوع عرسك بالنسبه لي إنتهى والرابط بينا الطفل ده ولسه ما طلع 😒 أبوي بعد إنتهى من النقاش جانا في الصالون قال لينا امشو لامكم وحده تناولها مويه و التانيه تعمل ليها عصير وبعد تخلصو تعالو راجعين عايزكم ✋ طبعا انا وشيراز ما فاهمين اي حاجه قلنا ليهو حاضر وفعلا مشينا لأمي ولقيناها متوتره قلت ليها يا امي في شنو قالت لي بعصبيه مافي حاجه 😒 شيراز قالت ليها أبوي عرف الحمل صاح 😓 قالت لينا الليله جا بدري عايز شنو لو جا في مواعيدو ما كان شافني 😒 قلت ليها جا بدري عشان يكشفك واديتها ضحكه 😅 بس قطعتها لي بتعابير وشها صرت لي شدييييد 😠 وبعد رجعنا لأبوي قال لينا بحده ما كلمتوني بأمكم إنها حامل لشنو 😡 ؟؟ الحاله معتبركم بناتي الواعين الفاهمين ومعتمد عليكم 😒 قلت ليهو بس أمي نبهت علينا وحزرتنا انو ما نكلمك وقالت لو كلمناك ح تطلع تخلي لينا البيت 😢 ومن غير ما أفكر قلت ليهو وما عايزين نكسر قلبها للمره التانيه زي ما عملت إنت 😓 أبوي سكت مسافه وقال طيب الـ بيمشي معاها الدكتور منو ؟؟ قلنا ليهو خالو ياسر قال لينا ومواعيد الدكتور متين ؟؟ قلت ليهو بعد إسبوع قال تمام بس من اللحظه دي ح تمسكو انتو خدمة البيت أمكم بس ترتاح فاهمين 😠 وانا وشيراز نعاين لبعض واصل كلامو وقال لينا أمكم محتاجه لراحه ومن السرير ما تقوم أعملو اكلكم براكم حتى لو اكلتو سندوتشات تمام قلنا ليهو حاااضر ✋ وفعلا أبوي بقى متابع ويوم مواعيد الدكتور خالو ياسر جا يودي أمي بس أبوي رفض وقال هو أولى ✋و ياسر أقنع أمي إنها تمشي مع أبوي " أمي اتلفتت وقالت لينا ألبسو عشان تمشو معاي بس أبوي رفض وقال ليها نحن ماشين الدكتور ما ماشين نتفسخ 😒 بس أمي أصرت إننا نمشي ممعاها وانا بسرعه لبست طرحتي شيراز قالت لي شجن ما تمشي 😓 قلت ليها يا بنت انتي غبيه دي فرصه ما بضيعها أفضل من أقعد في البيت 😍 وبعد رجعنا من الدكتور دخلنا الغرفه شيراز قالت لي أكبر غلطه عملناها إننا مشينا معاهم 😓 عاينت ليها بإستغراب قالت لي انا حاسه إنو أبوي كان عايز يستفرد بأمي عشان يحلو مشاكلهم إحتمال لو ما مشينا معاهم كان علاقتهم رجعت زي الاول 😔 قلت ليها ترجع كيف ومنال قاعده في نصهم 😏 حددو لأمي انو الولاده تكون بعد 3 شهور وفي الشهر الاخير أبوي بقى ينوم معانا 😍 قال عشان امي إحتمال توضع في اي لحظه عشان كده لازم العربيه تكون في البيت طبعا أبوي ومنال انفصلو والحمدلله من غير ما يكون في بينهم أطفال 😍 ويوم الطلاق انا وشيراز احتفلنا وعملنا كيك وعملنا الشاي أمي قالت لينا أمشو إحتفلو مع أبوكم بهناك في الصالون لأنو الموضوع ده ما بيهمني 😒✋ وفعلا احتفلنا في الصالون مع أبوي ولم سألنا من مناسبة الاحتفال قلت ليهو عشان انت رجعت لينا ومنال طارت من نصنا أبوي ضحك وقال لي والله انتي مجنونه 😅 بس خليك متأكده انكم أغلى حاجه عندي 😍 قلت ليهو وامي كيف 😉 قال لي يشهد الله مكانتها عندي زي الأول قلت ليهو واوعدنا تاني ما تعرس في امي قال لي اطمني كانت غلطه وما بتتكرر وشيراز مستغربه في طريقة كلامي مع أبوي بس اصلا انا جريئه شويه 😅 طبعا نص الونسه بتكون عن امي " أبوي بيسألنا منها وبيحاول يطمن عليها عن طريقنا ودايما بينبهنا انها ما تتعب والمفروض ترتاح وقال لي ما تنسي الـ في بطنها دي أختك الصغيره ولأ ما أختك 😅 قلت ليهو بما إنو أمي وأمها واحد تبقى أكيييييد أختي 😍 ومرت الـ 3 شهور وفي يوم امي كانت بتتألم أبوي أسعفها للمستشفى ودخلوها عمليه ولاده والدكتور بشرنا ولأول مره في حياتي أشوف دموع أبوي 😢 ""
#يتبــــع ⏪⏪⏪⏪
