قلت لـ خالتي نوره مستعده أرجع أعيش معاكم في البيت بس المره دي بشروط ✋ قالت لي موافقه في اللحظه دي وائل جا داخل وإتفاجأ بوجودي خالتي نوره واصلت كلامها وقالت لي شروطك شنو يا شجن 😓 ؟؟ قلت ليها اولا وائل ما عندو علاقه بي ما يتدخل في خصوصياتي وائل رفع راسو عاين لي 😒 خالتي نوره قالت لي أكييييد ✋ قلت ليها والشرط التاني ما عايزه أشوفو في وشي وأنا قاصده أقول كده كـ شرط تعجيزي عشان خالتي نوره ترفض وأنا ارجع بيتنا ✋ قالت لي بس وسكتت مسااافه غلبها ترد وائل قطع تفكيرها قال لي اوك موافق ✋ أمو قالت ليهو كيف يعني 😳 قال ليها إطمني يا حاجه ما ح أبعد منك بس شجن ما ح تشوفني ✋ قلت لـ خالتي نوره بس عايزه وقت عشان أكلم أبوي وأقنعو إني ح أرجع أقعد معاكم لأنو بعد الحصل أكييييد ح يرفض 😓 وائل قال لي انا ح إتكلم معاهو قلت ليهو لاااا شكرا 😒 قال لي بس ده كان غلطتي وحبيت أصلحها قلت ليهو لااا وبتمنى إنك ما تدخل في الموضوع ده 😓 وائل طلع من البيت زعلان خالتي نوره قالت لي طيب رأيك شنو أقنعو أنا ✋ قلت ليها تسلمي بس أحسن إتكلم معاهو انا 😊 وبعد رجعت البيت كلمت أمي تساعدني وفعلا كلمت أبوي بس رفض قال لي لااا وبعدين يسري إتوفى الناس تقول شنو وانتي قاعده عندهم بصفتك شنو وخاصه وائل قاعد في نفس البيت 😒 إضطريت أكذب وأقول ليهو وائل مسافر عشان كده أنا ح أقعد مع خالتي نوره وبعد إصرار حتي وافق 😓 وفي نفس اليوم الـرجعت فيهو وائل ترك البيت وكل يوم العصر كان بيجي يسلم علي أمو وانا بكون قاعده في بيتنا مع أمي لحدي ما اراقب عربيتو إتحركت حتي أرجع ✋ وطبعا أبوي أكتشف أني كذبت عليهو وإنو وائل ما مسافر 😓 ولم سألني كذبت عليهو للمره التانيه وقلت ليهو خالتي نوره قررت إنو وائل يترك البيت وانا أعيش معاهم ✋ أبوي قال لي بس الحل ده غلط لأنو البيت من حق وائل إنتي ترجعي معانا هنا و وائل يرجع بيتهم 😒 قلت ليهو هسي خالتي نوره عيانه بعد تتعافى ح أكلمها وأجي راجعه 😓 عدا شهر و وائل أوفى بـ وعدو وفعلا ما كنت بشوفو وكل خميس بعد يرجع من الشغل ويسلم علي أمو يسوق ياسمين تقعد معاهو الجمعه ويرجعها السبت المساء وفي الحقيقه أنا إبتديت أفتقد وجود وائل 😔 وكنت عايزه أسأل خالتي نوره إنو ساكن وين وقاعد مع منو بس خجلانه لأنو ما من حقي أسأل 😔 وعشان أنا السبب إنو يبعد من البيت بس ما كنت متوقعه انو ح ينفذ طلبي حتي لو نفذو ما كنت متوقعه انو ح يفرق معاي 😔 ومشاعري إتلخبطت بين فقدان يسري و وجود وائل ويوم السبت العصر جات ياسمين جاريه بعد سلمت عليها سألتها براحه بابا وين 😊 قال لي ما عالفه بث نسلني وثلم علي هبوبه ومسى قلت ليها إنتي مشيتي معاهو وين ؟؟ قالت لي بيت هيلو هيلو 😍 قلت ليها والنام معاكم منو قالت لي بس انا وبابا قلت ليها يعني ما معاكم بنت قال لي لااا لااا بث انا وبابا لعبنا واكلنا ونومنا 😓 قلت ليها متأكده مافي بنت قالت لي اي الصباح وأثناء ما بنشرب في الشاي قلت لـ خالتي نوره كلمي وائل يرجع البيت ما عايزه أكون أنا السبب في إنو يبعد عنكم 😓 قالت لي والله كلمتو يرجع بس قال كده هو مرتاح ✋ في يوم مازن جاتو حمى شلتو ومشيت بيتنا وأبوي وداهو الدكتور وكان عندو إلتهاب 😢 المساء جات خالتي نوره داخله الغرفه قالت لي شجن ح أشيل مازن عشان وائل واقف برا وعايز يطمن عليهو قلت ليها طيب 😊 وفعلا شالتو وانا بعد مسافه طلعت عايزه أشوف وائل كنت متوقعه إنو يكون قاعد في الهول بس الصدمه لقيتو قاعد في عربيتو في الشارع 😢 في اللحظه دي حسيتي بالحسره معقول للدرجه دي متمسك بـ قرارو لمحتو قاعد في العربيه ويلعب في مازن خالتي نوره قالت لي عارفه إتأخرت عليك بس وائل مشتاق لـ مازن وكان خايف عليهو 😢 قلت ليها ما مشكله إنتي أدخلي وأنا بنتظرو 😊 وأول ما خالتي نوره دخلت مشيت ناحية العربيه وقفت جنب باب وائل إتلفت علي ولم شافني إتخلع 😳 نزل من العربيه قال لي لم عرفت مازن عيان ما قدرت إستحمل الأ أجي إطمن عليهو ✋ قلت ليهو ده ولد أخوك ومن واجبك تطمن عليهو بس ما ظريفه تسلم عليهو في الشارع الناس تقول علينا شنو وفي الآخر ده بيتك 😊 قال لي لو دخلت ما ح تزعلي قلت ليهو أكيييد لاااا وبالنسبه لـ كلامي وشروطي كانت نتيجة زعل ✋ تعال راجع عشان خاطر أمك وبتك قال لي يعني ما ح تتركي البيت لو جيت راجع قلت ليهو لااااا 😊 بعد دخل قعد في الهول وشايل مازن خالتي نوره إتفاجأت 😳 وائل قال ليها إطمني يا حاجه شجن موافقه إني أدخل 😊 خالتي نوره إتلفتت علي هزيت ليها راسي اي قالت لي ربنا يفرحك يا بتي ويكملك بعقلك زي ما فرحتيني 😍 قلت ليها اللهم آمييين تحبو تشربو شاي وائل بـ إبتسامه قال لي ممكن 😊 وانا ما عارفه ليييه كنت فرحانه برجوع وائل جات ياسمين جاريه وقعدت جنب أبوها وقالت ليهو بابا ح تثوقني معاك زي أمبالح صح 😍 قال ليها لااا كلنا ح نقعد هنا قالت ليهو بابا نحن كان معانا بنت وائل إستغرب وقال ليها كيف يعني 😳 قالت ليهو في البيت الهيلو مث كنت انت وإنا ومافي بنت قال ليها اي ياسمين إتلفتت وقالت لي اهااا ما تلت ليك مافي بنت 😊 وااااي أحرجتني وفضحتني 😓 شلت مازن وقلت ليهم عايزه أنومو ودخلت الغرفه و وائل إكتشف إني بسأل منو وبصراحه لاحظت إني كل يوم بتعلق بوجود وائل أكتر من الأول وبجيني إحساس غريب أول ما أشوفو معقول رجعت أحب وائل إستحاااله 😱 عشان كده قررت إني ارجع بيتنا ✋#إستكااانهه :واليوم التاني بعد وائل طلع الشغل قلت لـ خالتي نوره إنو أمي إتصلت علي وعيانه عشان كده ح أمشي أقعد معاها كم يوم 😓 خالتي نوره صدقت كلامي وفعلا رجعت البيت وقلت لأمي عايزه أقعد معاكم هنا وما راجعه 😔 قالت لي ده بيتك بس الحصل شنو 😳 ؟؟ قلت ليها والله ما حصل حاجه بس أنا هناك ما مرتاحه ودايمآ مقيده لازم 24 ساعه اكون لابسه التوب او العبايه عشان وائل قاعد 😓 قالت لي صاح عندك حق بس ح تقنعي نوره كيف وهي متعلقه بيكم شدييييد 😢 قلت ليها أصلا فهمت خالتي نوره ح أقعد إسبوع عشان انتي عيانه بس كل مره بزيد ليها في الأيام لحدي ما تقتنع إني ما راجعه ✋ امي قالت لي يا بنتي الكذب ما بيحلك قلت ليها بس مافي حل 😔 وفعلا خالتي نوره جات تشوف امي وأمي مثلت انها عيانه 😅 وكل يوم وائل يتصل يسألني راجعه البيت متين بقول ليهو بعد يومين 😊 ومر إسبوع يوم كـالعاده وائل طلع بـ مازن الشارع بس المره دي إتأخر لحدي المغرب ما رجع مازن 😳 قلت لـ سحر أطلعي شوفي وائل لسه قاعد جنب الباب مع مازن 😊 سحر جات راجعه قالت لي لااا قلت ليها يكون دخل البيت أمشي جيبي مازن من عندهم 😊 بعدها سحر جات راجعه من عندهم زعلانه قالت لي مازن نايم و وائل رفض قال لي لااا إنتي ما بتقدري ح توقعي كلمي شجن تجي تشيلو قلت ليها خلاص ح أمشي أنا ✋ وفعلا مشيت البيت بعد سلمت على خالتي نوره ودخلت الغرفه أتناول مازن وائل جا محصلني قال لي انتي فهمك شنو ده ما كان وعدك لي 😠 وانا ساكته قال لي ما ناويه ترجعي البيت صح 😒 طيب ليييه من الأول كذبتي علي وقلتي لو أنا رجعت البيت انتي ح تقعدي عادي 😠 عايزه أشيل مازن مسك مازن وقال لي اول ردي على سؤالي ولأ تكوني المره دي بالجد شوفتي حاجه تانيه 😒 قلت ليهو انت مصر انك تتهمني 😠 وصاح شوفت حاجه اها ح تمنعني أشيل مازن خالتي نوره نادتني قالت لي في شنو يا شجن 😳 قلت ليها ولا حاجه يا خالتي بس وائل رافض إني أشيل مازن قالت ليهو والله يا وائل حتي انا ما قادره أبعد منهم بس شجن مضطره تقعد مع أهلها عشان أمها عيانه✋ شلت مازن ورجعت بيتنا وياسمين كل يوم بتجي مع خالتي نوره وبتقضي اليوم كلو معانا والعصر بحممها وأسرحها حتي ترجع البيت 😓 لحدي ما يوم قالت لي عايزه انوم معاكم قلت ليها خلاص كلمي أبوك وتعالي وفعلا رجعت البيت وقالت لـ وائل عايزه أنوم مع شجن في بيتهم 😊 بس وائل رفض ولم أصرت عليهو إتكلم معاها بحده قال ليها قلت لاااااااا وخلاااص نومي ما تعذبيني 😠 ياسمين زعلت المغرب سمر جاتني في الغرفه قالت لي شجن ياسمين معاك قلت ليها لااا آخر مره كانت معاي العصر وقالت ماشه البيت وجايه بس ليييه بتسألي 😳 قالت لي ياسمين مختفيه وهسي بفتشو فيها لبست التوب بإستعجلات وطلعت وفعلا عربيه وائل مافي وخالتو نوره تبكي وتقول ياسمين خلاااص ضاعت الأمانه ضاعت 😭 طبعآ فتشنا الشوارع ما لقيناها دخلت البيت فتشت تحت السراير في الآخر جات شيراز وشايله ياسمين قلت ليها لقيتيها وين 😳 قالت لي في المخزن وملابسها كانت مرطبه من السخانه خالتي نوره قالت لي ح إتصل على أبوها مسكين طلع زي المجنون من البيت 😔 في اللحظه دي انا شلت ياسمين حممتها عشان ملابسها مليانه تراب من المخزن ودخلت بيها الغرفه وائل جا قال وين ياسمين امو قالت ليهو مع شجن في الغرفه 😊 جا داخل شالها مني وفضل يبوس فيها قال ليها ليييه يا ياسمين تعملي كده قلت ليهو حصل خير 😊 بس ما رد علي 😏 ياسمين قالت ليهو عشان انت صرخت فيني ومنعتني أنوم مع حالتو سدن طبعا انا إتصدمت قلت ليها خلاااص ما تزعلي هسي ح تمشي تنومي معاي 😊✋ وائل إنفعل وقال لي لاااا أصلا انتي من دخلتي علينا حياتنا كلها اتقلبت كنا عايشين في امان الله بس إنتي خربتي كل حاجه 😠 طبعا كلامو صدمني ما رديت رجعت بيتنا من غير ما اتكلم مع زول امي جات راجعه البيت وقالت لي شجن ليييه جيتي راجعه بالطريقه دي ونوره كانت بتناديك ليييه ما رديتي عليها 😒 قلت ليها ما سمعتها وبعدين خلاص ياسمين ولقوها عشان كده مافي سبب أقعد عندهم بس مازن وين وليييه ما جبتي معاك 😓 ؟؟ قالت لي إفتكرتك ح ترجعي بيتك عشان كده خليتو مع حبوبتو قلت ليها بإنفعال داك ما بيتي 😠 أمي إتخلعت من ردة فعلي قلت ليها هسي ح أمشي أجيبو وفعلا رجعت أشيل مازن بس حبوبتو أصرت إنو ننوم معاها وانها مشتاقه لـ مازن قلت ليها بجيبو ليك بكره لقيتها عيونها دمعت وقالت لي حتى لو قلت ليك عشان خاطر المرحوم 😭 إتأثرت وإضطريت أقعد شلت مازن ودخلت غرفتي وطول الليل كنت بتذكر في كلام وائل نص الليل جاني مسكول من وائل قلت أكيييد إتصل بالغلط بس جاتني رساله شجن لو صاحيه ردي علي فتحتها وما رديت 😌 بعدها جاتني رساله انا آآآسف برضو ما رديت عليهو واليوم التاني الصباح ماسكه ولدي في الغرفه وما طلعت منها جات ياسمين دقت الباب بعد فتحت ليها وقفت في باب الغرفه وقالت بأعلى صوتها بابا ماسن ساحي 😍 قلت ليها يسو حبيبتي أدخلي عشان أقفل الباب 😊 قالت لي بث بابا قال لي ثوفي ماسن ساحي 😒 بعدها وائل جا دق الباب قال لي شجن عايز أصبح على مازن قبل ما أمشي الشغل لبست توبي فتحت الباب قلت ليهو إتفضل 😓 واول ما دخل قال لي شجن وقبل ما يتم كلامو انا طلعت الهول لخالتي نوره بعد شويه سمعت صوت وائل بنادي قال لي شجن تعالي بدلي لـ مازن ملابسو إستفرغ فيها 😓 قلت ليهو جيبو هنا قال لي ما بقدر خالتي نوره قالت لي أمشي يا بنتي عشان ما يجيهو إلتهاب 😢 وفعلا دخلت الغرفه وانا صاره وشي عشان ما يتكلم معاي وائل قال لي شجن انا آسف والله ده كان لحظه إنفعال 😔 قلت ليهو ولا يهمك وفعلا كلامك صاح بس ما حياتك براها الإتلخبطت حتى انا حياتي متلخبطهه حبيت مره واحده في حياتي ودوست على قلبي وإتزوجت ضد رغبتي عشان أحقق رغبة حبيبي و اول ما بدأت أحب راجلي ربنا حرمني منو 😭 وراجلي الـ كان رابطني بالبيت ده بس بعد إتوفى مافي حاجه بتربطني عشان كده إطمن أنا ما ح أقعد هنا ✋ قال لي بس ده بيتك قلت ليهو كان بيتي وحتى لو قعدت ما ح أكون مرتاحه لأنو كل يوم بتعرض للإهانه وإحتمال المره الجايه تقول أنا السبب في موت هبه مرتك 😒 وائل إتأثر بكلامي وطلع من البيت وطبعا مازن ملابسو كانت نضيفه بس وائل كذب علي عشان أجي راجعه الغرفه ويتناقش معاي ✋ بعدها شلت مازن ومشيت بيت أبوي بعد يومين وائل قال لأمو انا قررت إتزوج وأحقق ليك رغبتك 😊 أمو قالت ليهو أخيييرا إقتنعت وده ما يسعدني 😍 وبقلبو قال عشان شجن ترجع البيت لأنو عندها حق صح كده ما مرتاحه بـ سبب وجودي 😔 أمو قالت ليهو ربنا يديك بنت الحلال قال ليها موجوده ✋ ""
يتبع.....
