يوم انا واقفه جنب الباب وكـالعاده شاغلت ياسمين بلساني وياسمين ضحكت بصوت عالي 😅 وائل رفع راسو يشوفها بتضحك مع منو ولم عاين لي انا صريت وشي وقلت ليهو بدل تركز مع التلفون خلي بالك من بتك عايزه تقع منك 😒 قال لي ما بتعلميني أمسك بتي كيف 😏 احرجني الحيوان لملمت باقي كرامتي ودخلت البيت 😓 والبنت شويه شويه إتعودت علي ومن تشوفني تمد لي لسانها حتي لو انا ما مديتو ليها 😅 في الحقيقه انا علاقتي عكسيه مع الاطفال وعندي خالتي لم تجينا اولادها بيعملو لي صداع وضغط وسكري وشلل اطفال 😔 ودايما بقول لأمي أمشي ليها انتي بدل تجينا وتجيب مصايبها ديل معاها 😓 وامي كانت بتشاكلني طبعا اولاد خالتي كرهوني في كل الأطفال الأ ياسمين كل الأطفال بكفه وياسمين براها في كفه كيف ما أحبها وهي بنت الكراش 😅 نسيت أقول ليكم انو خلاص كرشت علي وائل ونسيت صاحبو 😅 يوم وانا راجعه البيت لقيت أحمد اخوي قاعد في كرسي جنب وائل ( عندو كرسي صغير ) مشيت مسكتو من يدو وباليد التانيه شلت الكرسي وقلت ليهو تعال من جنب المنفسنين ديل 😏 وائل رد لي بكل برود المنفسن منو فينا هسي أخوك ذنبو شنو 😒 دخلنا البيت وأحمد كان ماسك شيبس قلت ليهو أديني معاك عشان انا القلت لأمي تشتري ليك الشيبس 😊 قال لي بس ده ما إشترتو لي أمي إشترى لي الولد ده قلت ليهو الولد منو 😳 قال لي يااااح أبو ياثمين ثحبتي قلت ليهو قصدك وااائل بالله طلع عندو ذوق 😓 ومرت الأيام بس طبعا بقيت ما بدخل بيتهم خااالص من يوم وائل إتنرفز فيني 😏 لحدي ما يوم إتصلت خالتي نوره قالت لأمي عايزه شجن تجي تمسك لي ياسمين عشان ماشين المستشفى لمريض وما بنتآخر 😊 أمي قالت ليها والله شجن عيانه بس بتجيك شيراز فعلا كنت مصدعه ومحمومه عندي لوز 😔 وامي كلمت شيراز بس شيراز رفضت قالت لأمي انا ما بمشي بيتهم بس ممكن تجيب ياسمين نمسكها هنا ✋ وإتلفتت قالت لي بهمس مالي بمشي للمستفذ ده في بيتو 😏 وفعلا بعد شويه الباب دق شيراز فتحتو وجات شايله ياسمين قالت لي واااي يا شجن ما شوفتي جابها المستفذ زاااااتو قلت ليها منوووو 😳 قالت لي أبوها قلت ليها وائل أحلفي قالت لي والله " وفعلا مسكناها لحدي ما رجعو من المستشفى ✋ وبعد يومين العصر وانا راجعه من الجامعه جيت ماره بجنبو وكان قاعد براهو من غير ياسمين عشان كده كنت محترمه روحي كأني ما شايفاهو بس فجأه سمعت صوت وائل قال شجن سلامتك والف لا بأس عليك 😊 طبعا من الخلعه ضربات قلبي زادت حسيت كأنو طلبني للزواج وبسرعه دخلت البيت من غير ما أرد عليهو 😓 وحكيت لـ شيراز قالت لي يا بنت أهدي ده تصرف عااادي عرفك عيانه وكفر ليك يعني ما حاجه وااااو والموضوع إيزي ✋ طبعآ شيراز أحبطتني بعد ما كنت متفاءله وافتكرتها دي بدايه سعيده 😔 واليوم التاني أمي جات داخله وشايله ياسمين قالت ياسمين إتشبكت فيها قلت ليها بالمناسبه أبوها ما بيوافق إنو واحد يشيلها 😓 قالت لي كيف يعني وأصلا انا شلتها من أبوها وكمان قال لي ان شاء الله ما بتغلبكم طبعا أنا إتفاجأت من كلام أمي 😳 وياسمين إتعودت علينا وبعد لعبنا معاها نامت زي ساعه وبعد صحت أمي قالت لي رجعيها عشان يحمموها قلت ليها منوووو الترجعها انا لااااا طبعا 😳 ترجعها شيراز وشيراز حلفت ما تمشي قلت ليها خلاص يرجعوها سحر وسمر امي قالت لي بري ديل بيوقعوها ويحصل ليها حاجه تبقى في رقبتنا 😓 وياسمين ما عايزه تنزل مني في الآخر شلتها ومشيت بيتهم وبقرأ في سورة يس عشان ما أقابل وائل 😓 وفعلا دخلت لقيت خالتو نوره شغاله في المطبخ قالت لي أمسكيها بس 5 دقايق أخلص وأمسكها منك 😊 وفعلا فضلت ألعب فيها وإتهابل معاها وأطلع ليها في لساني واغير ليها صوتي أعوأعوأعو وهي تضحك 😅 حسيت في واحد واقف وراي إتلفت لقيت صاحب وائل واقف ويتبسم إتخلعت قلت ليهو الواحد بيستأذن قبل ما يدخل بيت الناس وبعدين وائل ما موجود 😠 قال لي بس انا ما عايز وائل قلت ليهو يسري برضو مافي 😠 قعد في الكرسي وقال لي يسري مشى وين 😊 قلت ليهو عندو مشوار 😓 قال لي انتي بتعرفي يسري قلت ليهو أكيييد بعرفو ✋ وهسي اطلع قبل ما أنادي ليك خالتي نوره و الولد لسه قاعد بإستكانهه وقلت بصوت عالي خالتي نوره عندكم ضيف 😓 خالتي نوره جات طالعه من المطبخ قالت لي منو وإتلفتت على الولد قالت ليهو يسري جيت متين 😊 بقلبي قلت يالهووووي يعني ده يسري 😱 طبعا اول مره نتعارف ويسري شغال يضحك وانا إتحرجت شديييد قلت ليهو بعتزر كنت فاكره إنكم أصحاب 😢 قال لي ولا يهمك وخالتي نوره قالت لـ يسري أمسك منها ياسمين الحبشيه مافي ✋ وفعلا شالها وانا طلعت منهم محرجه وفي الباب صادفت وائل قلت خلاص ح يتم الناقصه بس الحمدلله ما شافني ماسكه بنتو عايزه أطلع وقفني قال لي الواحد بيقول السلام عليكم طبعا واقفه في بيتهم ما بقدر احرجو رديت ليهو وعليكم السلام 😒 قال لي ان شاء الله ياسمين ما بتتعبك قلت ليهو إطمن أصلا انا ما بهبشها عايزه أطلع إبتسم وقال لي بالمناسبه أنا آسف عشان إتنرفزت فيك بس عندي أسبابي الخاصه 😊 قلت ليهو حصل خير وكنت خايفه إنو يسمع ضربات قلبي قال لي بقيتي كيف أمي قالت كنتي عيانه 😓 قلت ليهو الحمدلله قال لي تمام وطلعت من بيتهم وكأني في حلم معقول فجأه يتغير كده 😳 واليوم التاني وانا واقفه في الظلط منتظره المواصلات ماشه الجامعه وقفت جنبي عربيه ويسري مد راسو قال لي لو ماشه الخرطوم أركبي نوصلك معانا 😊 بقلبي قلت جنيت ولأ جنيت عشان أركب عربية وائل 😳 بس رديت ليهو لااا شكرا 😊 وائل قال ليهو خليها تكون خايفه مننا نختطفها 😒 ودور العربيه إتحرك وانا واقفه ساعه منتظره المواصلات 😔 واليوم التاني كذلك وانا طالعه من البيت و اول ما فتحت باب الشارع لمحت وائل مطلع عربيتو انا بسرعه رجعت دخلت بيتنا قلت بعد وائل يتحرك حتى أنا اطلع عشان ما يقيفو لي 😓 وبعد دقيقتين طلعت وماشه في الشارع في امان الله وقبل ما أصل الظلط وقفت جنبي عربيه وضرب بوري إتلفت لقيتو وائل 😳 قال لي شجن بطلي غباء وتعالي أركبي ما تخافي ما ح أكلك وانا أصلا واصل الخرطوم 😓 ركبت معاهو وانا متوتره بعد اتحركنا قال لي بالمناسبه لاحظت ليك بالمرايه بعد طلعتي رجعتي لشنو 😒 قلت ليهو نسيت حاجه رجعت شلتها قال لي اهااا طيب ناس بيتكم كيف 😊 ؟؟ قلت ليهو تمام قال لي والجامعه كيف ؟؟ قلت ليهو تمام ضحك وقال لي إنتي علقتي في كلمة تمام ولأ شنو 😅 وبعدين خليك عاديه انا ما متوحش للدرجه دي وبعتزر للمره التانيه عن إنفعالي معاك بتمنى نبدأ صفحه جديده تمام مد يدو وقال لي انا إسمي وائل 😊 ضحكت ومديت ليهو يدي وكانت بارده تلج من التوتر قال لي ياسمين عامله ليكم وجع وش صح 😊 قلت ليهو بالعكس والله ظريفه وبدينا ندردش دردشه عاديه ومن خلال الدردشه وائل عرف اني بدرس في جامعه السودان و وصلني لحدي باب الجامعه 😍 وقال لي شغلي في العربي قريب منك إنتي بتخلصي محاضرات الساعه كم 😊 ؟؟ قلت ليهو لااا برجع براي قال لي ما تفتكري اني ح أخصص روحي ليك بس انا قصدي لو في نفس زمني نرجع مع بعض 😊 قلت ليهو لا شكرا قال لي تمام طيب الصباح بتطلعي الساعه كم قلت ليهو عاده 6 ونص ✋ قال لي اوك ودور العربيه مشى وده كان احلي يوم بالنسبه لي وفعلا الصباح كل ما اطلع كنت بلاقي وائل طالع ما عارفه صدفه ولأ هو قاصد 😓 لحدي ما يوم العصر كنت راجعه من الجامعه وكنت مصدعه وزهجانه و وائل كان قاعد مع بنتو جنب الباب ما سلمت عليهم وائل قال لي شجن ياسمين بتشاغل فيك عبريها شويه 😒 فعلا اتلفت لقيتها ماده لسانها شاغلتها من بعيد ودخلت البيت بعد المغرب لقيت رساله من رقم غريب شجن انا وائل اتصلي ضروري طبعا اتخلعت انو لقى رقمي وين 😳 شلت التلفون وطلعت السطوح عشان ضمان مافي واحد ح يسمعني ومن اول جرس رد علي بـ كيفك يا المجنونه 😅 وبعد سلم سألني قال لي شجن الليله مالك ؟؟ قلت ليهو مافي حاجه 😓 قال لي بس كنتي راجعه من الجامعه كئيبه اعتبريني صديقك وفضفضي اصلا انتي في مقام ياسمين بنتي 😅 قلت ليهو والله كان عندنا test وما اشتغلت فيهو كويس قال لي يا شيخه حرام عليك افتكرت الموضوع اكبر من كده ✋ عارفه لم انا كنت في الجامعه كنت بفرح لم اغلط في الـ Test لانو بعد اعرف الاجابه الصح عمري ما بنساها بس الصاح ممكن في الامتحان الجايي انساه قطعت كلامو وقلت ليهو دقيقه دقيقه انت جبت رقمي من وين 😳 ""
#يتبــــع ⏪⏪⏪⏪
