مر شهر وأبوي بدأ يحس بغياب أمي وكل ما يحاول يقابلها ويتكلم معاها أمي كانت بتصدو ✋ وفي يوم أبوي مع المصاريف سلم شيراز علبه قال ليها أديها لأمك وفعلا شيراز سلمتها لأمي ولم فتحنا العلبه لقينا خاتم دهب 😍 أمي قالت لـ شيراز الجمعه الجايه ترجعي الخاتم وتقولي ليهو أمي قالت ليك ما محتاجه ✋ قلت ليها والله ما ح نرجعو عشان يهدي لمرتو التانيه لو إنتي ما عايزه تلبسي ان شاء الله نبيعو ولأ ح أمسكو انا لحدي ما اعرس وألبسو 😍 قالت لي شجن أفهمي لو إستلمت منو الخاتم معناها موافقه إني ارجع ليهو 😓 شيراز قالت ليها يا امي ابوي قال لو انتي رجعتي ليهو مستعد يطلق منال عليك الله وافقي عشان نرجع زي زمان 😔 أمي قالت ليها إستحاااله أرجع بس انتو لو عايزين تعيشو مع أبوكم انا ما بمنعكم قلنا ليها لااا طبعا أكيييد نحن بس معاك ✋ وأمي كل جمعه بعد تحضر لينا الاكل بتمشي بيت خالتي عشان أبوي ما يحاول يصالحها 😓 يوم الخميس همست لـ سحر وسمر بالكلام وقلت ليهم أمي ما تعرف ✋ وفعلا يوم الجمعه بعد أبوي وصل قالو ليهو الجمعه الجايه عايزين نمشي معاك بيتك الجديد انا قلت ليهم لااا ما ح تمشو لانو منال ما ح ترضى 😊 أبوي قال لي كيف ما ترضى بالعكس وداك بيتي انا ما بيتها ✋ والجمعه الجايه انتظروني جاهزين بس أمكم ما ح توافق قلت ليهو ما مشكله أنا بقنعها ✋ وأصلا دي كانت خطتي انو نمشي لـ منال 😊 وحزرت أخواتي وقلت ليهم ما تكلمو امي ح أكلمها انا في الوقت المناسب ✋ وفعلا كل ما كنت بحاول أكلمها كنت بخاف وبتراجع 😔 عدا إسبوع ويوم الجمعه كـالعاده أمي حضرت الأكل ومشت بيت خالتو سميه شيراز قالت لي شجن ح نمشي كيف من غير ما نكلم أمي 😢 قلت ليها أطمني انا مخططه إني أكلمها بعد تصل بيت خالتو سميه وفعلا إتصلت وقلت ليها أنو أبوي سايقنا مشوار من غير ما أحدد ليها المكان قالت لي بس ما تتأخرو قلت ليها تمام 😊 وطبعا قشرت بـ أحلي فستان وسرحت لـ سمر وسحر شعرهم ضفرتها شعره واحده وما شاء الله شعرهم طويل أبوي وصل قال لينا جاهزين يعني امكم وافقت 😍 قلت ليهو اي وافقت بس خايفه مرتك ما تتقبلنا 😔 قال لي إطمني عارفاكم جايين ورحبت بيكم وفعلا طلعنا وكل ما نجي جنب عماره أقول أكيييد مسكنها هنا 😏 لحدي ما وصلنا بيت عاااادي أبوي وقف العربيه وقال لينا أنزلو 😊 طبعا في اللحظه دي جاني شعور غريب أبوي فتح الباب دخلنا وقابلنا العقرب أقصد مرت أبوي الشلابه سلمت علينا ورحبت بينا 😒 بس انا كان نفسي أتناول سكين واطعنا لكن بعد شوفتها زعلي خف عشان لقيتها ما بتستاهل إني أزعل لأنها شييييييييبنه وما عارفه أبوي شافها كيف 😓 والله أمي نجفه واطمنت لم لقيت الوضع المعيشي عادي جدا ونحن وضعنا أحسن منها ✋ قدمت لينا العصير شربتو زي السم بس بلعتو عشان أبوي قاعد وضغطه على قلبي وقلت ليها سلمت إيدك واديتها إبتسامه 😊 وطبعا شيراز مستغربه من برود أعصابي بس مسكينه ما عارفه انا ناويه على شنو 😅✋ أبوي قال لـ منال أعملي لي كبايه جبنه قبل ما أمشي الصلاه قلت ليهو صح دي المواعيد البتعمل ليك فيها أمي 😊 طبعا أبوي غلبو يرد ومنال صرت وشها ودخلت المطبخ أبوي قال لي شجن حاسبي على كلامك 😒 قلت ليهو ما قاصده وهسي ح أمشي أعتزر ليها أبوي قال لي عارفك عاقله 😍 وفعلا دخلت المطبخ بس من غير ما إعتزر ليها وعملت روحي عايزه أشرب مويه 😅 وجينا طالعين مع بعض كأني إعتزرت وبعد أبوي شرب الجبنه طلع الجامع لصلاة الجمعه ومنال قاعده جنب سمر مسحت ليها شعرها وقالت ليها بتسخدمو زيت شنو 😍 ؟؟ قلت ليها أمي بتعمل ليهم خلطه سحريه بس أهم حاجه إنتي قولي ما شاء الله 😊 إتغاظت مني ودخلت المطبخ تحضر الغداء شيراز قالت لي شجن ده شنو العملتي ده 😳 قلت ليها ولا كلمه تعالي معاي دخلنا معاها المطبخ نظام نساعدها قلت ليها ما عامله طبيخ قرع 😊 قالت لي لااا عشان صلاح ما بيحبو قلت ليها غريبه كل جمعه لم يجينا بيطلب من أمي تعملو بس إحتمال يكون ما بياكلو الأ من يد أمي ✋ في نفس اللحظه حسيت بملامح وشها اتغيرت وصرت وشها زياده وشيراز واقفه مخلوعه 😳 لأنو كلامي كلو كذب وفعلا أبوي ما بيحب القرع 😅 بس حبيت أغيظ منال ولم سمعت أبوي جا راجع من الصلاه وقال لـ سمر وين شجن وشيراز 😓 ؟؟ قالت ليهو في المطبخ كنت متأكده إنو ح يجي المطبخ إتناولت أقرب معلقه وفتحت الحله من غير ما أعرف فيها شنو نظام شغاله وفعلا أبوي جا داخل ومبسوووط إنو إتقبلنا مرتو التانيه بس ما عارف الحصل شنو 😅 رصينا الغدا ومرتو زعلااانه وبقت تكرهني ظاهر في نظراتها لي 😒 المهم بعد إتغدينا قلت لـ سحر وسمر شيلو الصينيه دخلوها المطبخ 😊 قالو لي بس 😢 " قطعت كلامهم وقلت ليهم بحده أسمعو الكلام وشيلوها مع بعض 😠 منال قالت لي خليها هم صغار بدخلها انا قلت ليها لااا عااادي بدخلوها 😊 شيراز عايزه تقوم تشيلها صريت ليها وشي تقعد 😒 وفعلا شالوها سمر وسحر وكانو ماشين في أمان الله فجأه نسمع ليك طاااااخ جرينا علي المطبخ وفعلا وقعو الصينيه واتكسر صحنين 😅 وفي الحقيقه انا كنت متوقعه كده لأني عارفاهم شتر كبايه المويه ما بنخليهم يرفعوها عشان بيكسروها نص عدة امي مكسرنها عشان كده خليتهم يشيلو الصينيه 😌 سمر إتأثرت قالت ليها خالتو انا آسفه قطعت كلامها وقلت ليها بإبتسامه أسمها منال ما خالتو 😊 وبعدين ما تزعلي يا سمور هسي بنكلم أبوي يعوضها ✋ منال قالت لي نادتني بخالتو من باب الاحترام هم محترمني قلت ليها قصدك انا ما محترماك يعني عايزه تقولي أمي ما مربياني وانا قليلة ادب 😒 قالت لي دقيقه انتي فهمتيني غلط إنفعلت وقلت ليها لاااا بس انتي من الاول ما عايزانا وغلطانين نحن الجيناك اصلا ابوي لو ما جبرني ما كنت جايه ✋ إتغاظت قالت لي كان تقعدي مع امك وما تجي 😏 قلت ليها كمان بتطردينا واتلفت على اخواتي قلت ليهم تعالو طبعآ أبوي كان في صلاة العصر إنتظرناهو في الحوش واول ما وصل قلت ليهو لم مرتك ما عايزاني سمحت لينا نجي لييييه 😒 قال لي بخلعه في شنو 😳 قلت ليهو مرتك قالت لي كان تقعدي مع امك عشان جبت سيرة امي 😭 ابوي قال لي طيب ادخلي نتفاهم قلت ليهو لاااا بس ماشه البيت وفعلا ركبت في العربيه وأبوي قال لأخواتي اركبو اوصلكم ✋ وفي الطريق أبوي قال لي شجن انتي اكييييد قلت ليها كلام نرفزها قلت ليهو يعني انت بتدافع عنها وما مصدقني 😒 قال لي مصدقك بس الله يخليك أمك ما تعرف الحصل تمام وأنا ح إتكلم مع منال وخليك متأكده انو ماعندي أغلى منكم المرا ممكن أعوض بدلها عشره بس انتو ما بتتعوضو 😍 شيراز قالت ليهو طيب ليييه إتخليت عننا 😔 قال ليها شيراز انا عمري ما اتخليت عنكم ولسه عند وعدي لو امكم وافقت مستعد نرجع زي الأول ✋ بنتناقش في الموضوع لحدي ما وصلنا البيت وصادفنا امي جنب الباب أبوي نزل سلم عليها وقال ليها شكرآ عشان سمحتي للأولاد يقضو معاي اليوم امي قالت ليهو ديل بناتك وما بحرمك منهم ✋ بعد دخلنا البيت امي قالت لـ سمر وسحر مشيتو مع أبوكم وين 😊 ؟؟ قالو ليها مشينا بيتو التاني طبعا امي إتصدمت قالت ليهم وليييه ما قلتو لي ماشين 😡 الاتنين اتلفتو يعاينو لي فضحوني الأغبيه 😒 أمي اتلفت قالت لي الكلام ده كلو منك انتي صح 😡 وانا ساكته قالت لي لو عايزاها امشي عيشي معاها انا ما بمنعك قلت ليها والله ما كده بس كنت عايزه أعرف وضعهم المعيشي وعايزه أعرف إنو أبوي مقصر في حقنا ولأ لااا 😓 طبعا أمي زعلت وبقت ما بتتكلم معانا الصباح أثناء ما أمي بتشرب في الشاي قالت لـ سمر منال حلوه ردت ليها والله شييييييينه و وشها كلو حبوب 😓 انا جيت طالعه من الغرفه قلت ليها شنو يا نبع الحنان ما عامله زعلانه وبالمناسبه جوز اللوز ده زاتو مشى معانا المفروض تخاصميهم ولأ عايزه الشمار 😅 قالت لي شجن انا ما عايزه معاك نقاش 😒 جيت قعدت جنبها وختيت راسي في كتفها قلت ليها والله ما تزعلي لو شوفتي مرت أبوي شناته تقطع العجين من الخميره انتي قمر 😍 أمي قعدت تضحك قالت لي كلام الحبوبات ده جبتي من وين 😅 وشيراز ما قصرت حكت ليها بكل العملتو انا مع منال " وامي شغاله تضحك بأعلى صوت وفي الاخر شاكلتني قالت لي عيب تعملي كده البنت ما عندها ذنب قلت ليها شلبتك وما عندها ذنب قالت لي أبوك العينو زايغه 😒 قلت ليها غايتو المرا انا شاكلتها بس أبوي ده الأ تشاكلي انتي 😅✋ وعدت 6 شهور على نفس الروتين لحدي ما يوم الجمعه كالعاده أمي جهزت الأكل وماشه بيت خالتو سميه بعد طلعت إتفاجأت بـأبوي واقف جنب الباب وأبوي إتصدم لم لاحظ لأمي انو 😱 ""
#يتبــــع ⏪⏪⏪⏪
