لمحت عربية أبوي من بعيد إستأذنت وبسرعه دخلت البيت وحكيت لـ شيراز قلت ليها صاحبو ظريف أكتر منو 😓 قالت لي وانتي عرفتي كيف إنو ده صاحبو 😒 قلت ليها لأنو المفتري الـ بيتكلم مع العمال والتاني ساكت يا زوله انا خلاص قررت اكرش صاحبو 😍 قالت لي ده كل همك طيب عندهم أخوات قلت ليها ما عارفه لمحت أبوي وما قدرت أسألهم بس تقريبا عندهم بنت متزوجه لأنهم شايلين طفله أكيد بنت أختهم بس المره الجايه بتأكد ✋ عدا إسبوع يوم الصباح امي قالت لي شجن الليله النضافه عليك صح 😒 رديت عليها وأنا تحت البطانيه اي بس عندي وجع راس ما قادره اقوم 😢 شيراز قالت لي والله لو تموتي الليله ما ح أنضف ليك كل ما تكون النضافه عليك اتعودتي تعملي فيها عيانه 😒 للللب امي جات ضربتني في ضهري وشالت البطانيه قالت لي قومي نضفي خلي راسك اليتكسر 😠 قلت ليهم الله يسامحكم خلوني انضف ليكم وبعدها اموت من التعب 😔 امي قالت لي اي نضفي بسرعه حتى تموتي عشان الـبيجي للبكا يلقى البيت نضيف طبعا امي قالت لي كده عشان عارفه اني مستهبله وكذابه ما عيانه 😅 قلت ليها حاااضر يا مرت أبوي لم اشاغل أمي بناديها بـ مرت ابوي 😅 ناديت سحر قلت ليها نضفي لي وبديك حاجه سمحه 😍 قالت لي الحاجه شنو 😓 قلت ليها اول نضفي وبعدين نتفق " سمر قالت ليها ما تصدقيها شجن كذااابه المره الفاتت نضفت ليها وغشتني 😏 سحر قالت لي اول سلميني 50 جنيه حتى إشتغل ليك ✋ قلت ليها انا لو عندي 50 جنيه دي حالتي 😒 امي قالت لي ما ح ينضفو ليك هم مؤجزين عشان يقرو للإمتحانات ولأ عشان ينضفو ليك انتي 😒 قلت ليها اليقرو كان ينفعو ومسكت المقشاشه وشغاله أغني حبيبي تعال تعال نتلم مدام الريد إختلط بالدم .... امي قالت لي للمره المليون وطي صوتك ده ولو سكتي يكون أحسن بدل تاخدي ذنوب في صوت زي صوت الحمير 😒 جدعت المقشاشه وقلت ليها أصبرري لو ما طلعت قونه مشهوره وبتجيني عشان أغني في عرس بناتك البايرات ديل وانا ح اذكرك كلامك ده وبعد أرفض ما تحنسي راجلي عشان يجبرني أغني ليكم 😊 قالت لي وراجلك ان شاء الله بيسمح ليك تغني قلت ليها أكيييد أصلا هو زاتو ح يكون عازف في فرقتي 😍 قالت لي لو مربطه ليك مع عازف كلمينا عشان ما نخسر قروشنا في تعليمك 😒 قلت ليها لااا لسه اصلا الراجل بيجي بعد الشهره 😍 قالت لي حتى طموحاتك زي وشك الناس تخطط تعرس دكتور ومهندس وانتي عايزه عازف حفلات 😏 قلت ليها بري بري الدكاتره مفلسين ونكرهه كره ورجعت أغني يمه الزول انا براي بجيب الزول امي قالت لي عرستي الدكتور انا والسكنه سابع دور انا يلااا الصفقه فوق بس للأسف جاني الشبشب طاير من حيث لا ادري 😓 وصوت امي قالت لي قومي تمي شغلك بعد مسكت المقشاشه سمعت صوت عربيه كبيره في الشارع فتحت الباب وجيت جاريه لامي والله جيرانا الجديدين وصلو بعفشهم 😍 امي قالت لي وانتي عرفتيهم كيف ؟؟ قلت ليها شوفت الدفار قالت لي احييي منك جنك شمار دايما فاضحاني 😓 قلت ليها ح نمشي ليهم متين عشان نتعرف علي بناتهم 😊 قالت لي يا بت أصبري متين وصلو خليهم أول ينظمو عفشهم ويرتاحو 😓 ومرت اللأيام وانا كل يوم بلاحظ لـ ولدهم قاعد جنب الباب في الكرسي وشايل الطفله قلت لأمي الأ نمشي للجيران نسلم عليهم قالت لي بنمشي بكره قلت ليها لا بس هسي 😓 بقلبي قلت لازم اتعرف علي المزز ديل وفعلا لبست العبايه ومشينا بس الولد كان إختفى من الباب قلت ما مشكله بشوفو في بيتهم لااازم إتعرف عليهو عشان إتقرب من صاحبو 😍 المهم دخلنا البيت وسلمنا علي المرا ظريفه اسمها نوره وأمي عرفتها بـأسامينا في اللحظه دي جا الولد داخل وشايل الطفله أمو نادتو قالت ليهو تعال سلم علي جيرانا 😊 سلم علينا وكـالعاده كان صارم حتي سلم علينا من غير إبتسامه نوره قالت ليهو ياسمين نامت رد ليها اي ح أدخل أرقدها في السرير إتلفتت قالت لينا ده ولدي الكبير إسمو وائل وعندي ولد تاني أصغر منو إسمو يسري وأبوهم مغترب نطيت انا قلت ليها طيب وين بنتك 😊 قالت لي للأسف ما عندي بنات بس عندي الولدين ديل 😔 امي قالت ليها ربنا يخليهم ليك 😊 قلت ليها طيب والطفله دي ما بنت بنتك 😳 قال لي بحسره قصدك ياسمين هزيت راسي اي وشقت قلبي نصين لم سمعتها قالت لي دي بنت وائل ولدي 😍 قلت ليها بخلعه وبدون ما أفكر شنووو أكيد إنتي بتهظري 😱 أمي قرصتني والمرا إتخلعت قلت ليها قصدي أمها وين ما قابلناها 😊 قالت لي بصوت مبحوح ربنا يرحمها نطيت من الكرسي قلت ليها شنووو ماتت كيف 😳 امي تاني قرصتني وقالت ليها ربنا يرحمها نوره ردت لي ماتت بالأزمه و وائل كان بحبها شدييييد عشان كده ما إستحمل الصدمه ولحدي الآن متعلق بـ بتو وبزكريات مرتو ونحن عشان نخفف عليهو عرضنا بيتنا للبيع وإشترينا البيت ده عشان ينسى شويه بس هبه مرتو ما ح تتنسي 😔 ما عارفه بعد عرفت انو مرتو ميته إرتحت شويه وضربات قلبي زادت بالرغم من إني عايزه أكرش مع صاحبو بس ما عارفه ليييه إنجذبت لـ وائل 😍 قلت ليها يا خالتو لو إحتجتي لأي حاجه إعتبرينا بناتك 😊 طبعا شيراز بتعاين لي مستغربه رجعنا بيتنا وامي شاكلتني قالت لي عامله فيها محقق كل ونستك أسئله بس اصلك ما زولة مرقه 😠 شيراز قالت لي وكمان بتقولي ليها نادينا نشتغل ليك انتي عشان تنضفي بيتنا الأ امي تشاكلك بقلبي قلت ليها ياااخ فرق بين إشتغل هنا وإشتغل هناك 😅 اليوم التاني صحيت بدري نضفت البيت وبخرتو وشيراز شغاله تعاين لي مستغربه بعد انتهيت من النضافه قلت لأمي ماشه لـ خالتي نوره 😊 قالت لي لـ شنو 😳 قلت ليها أشوفها لو عايزه حاجه قالت لي لاااا لو عايزه حاجه كانت كلمتك 😓 شيراز قالت لي عشان كده نضفتي البيت من غير نقاش 😅 ما رديت عليها وقلت لأمي يا امي عشان جديدين بتخجل تنادينا بس لم تتعود علينا ح تناديني قالت لي يا بنت قلت ما تمشي وبعدين عندها ولدين ما صاح إنتي داخله وطالعه منهم 😒 قلت ليها ح أمشي ليها بس الليله وح أديها رقم تلفونك أقول ليها لو عايزه حاجه تتصل علينا 😊 قالت لي فكره حلوه وفعلا لم مشيت لقيت الحبشيه تنضف سلمت علي خالتي نوره وقلت ليها ما كنت عارفه عندك خدامه قلت أجي أساعدك 😊 قالت لي مشكوره يا بنتي والله انا زاتي ما بحب شغل الخدامات بس وائل مصر يجيبها عشان قاعده براي 😔 و طبعا انا شغاله أفتش في وائل بس لاحظت لـ عربيتو مافي قلت ليها وين ياسمين قالت لي ذكرتيني ليها نايمه في الغرفه بس ح تكون صحت 😊 خالتي نوره عايزه تقوم قلت ليها إرتاحي بمشي أجيبها ليك بس وصفي لي مكانها 😊 وصفت لي الغرفه واول ما دخلت لقيت ياسمين راقده في سرير صغير حلاتو 😍 ويا دوب صحت بتدلك في عيونها والغرفه مرتبه وفي صورة مرا عسسسل مختوته في التوليت أكيد صورة أم ياسمين ربنا يرحمها 😔 أول ما شلت الطفله وبوستها البنت فكت الصرخه 😳 وفضلت أسكت فيها فتحت باب الغرفه لاحظت لـ واحد جا خطفها مني وبحده قال لي إنتي منو ؟؟ وعملتي ليها شنو ؟؟ والسمح ليك أصلا تدخلي غرفتي وتشيليها منو 😡 ؟؟ امو قالت ليهو بحده واااائل حتى آخيييييييرا سكت مني والبنت اول ما أبوها شالها سكتت 😏 امو قالت ليهو وائل دي شجن جارتنا وجاتنا امس مع امها ما إتذكرتها 😠 قال ليها لااا ودخل الغرفه وقفل الباب ولا فكر يعتزر لي وطبعا أنا واقفه مخلوعه غالبني إتكلم كأني مذنبه 😓 خالتي نوره قالت لي يا بتي آسفه ختيتك في الموقف ده اصلا من يوم هبه مرتو إتوفت و وائل بيخاف علي بتو شديييد وما بيثق في زول 😔 بقلبي قلت الغبي ده فاكر روحو منو 😒 قلت ليها ما تعتزري وانا لو عارفه وائل قاعد في البيت ما كنت دخلت الغرفه شلتها 😒 قالت لي لااا وائل كان في الشغل عندو وكالة سفر بس اصلا ما بيطول في الشغل من يوم هبه اتوفت أغلب قعادو مع بتو 😔 قلت ليها ده رقم امي لو إحتجي لـ حاجه وإستأذنت منها رجعت البيت وحكيت لـ شيراز بالحصل قال لي تستاهلي عشان تاني تمشي ليهم 😓 وصوره الغبي ده ما عايزه تروح من راسي وكل يوم العصر بيكون قاعد في الكرسي جنب بابهم وماسك بنتو في رجلو وأنا بعمل الف مشوار عشان أطلع أشوفو مع إنو ما معبرني وبصراحه صاحبو أوجهه منو بس شخصية وائل عجبتني 😍 وكنت ما بقدر أقاوم الشافعه دايما بشاغلها من بعيد أول مره مديت ليها لساني صرت لي وشها 😒 رجعت صريت ليها بنفس الطريقه الشافعه ضحكت بقلبي قلت دي شنو الاسره الـ ما بتفهم الأ بالمشاكل دي والغايظني وائل ما كان معبرني حتي لم أمر جنبو ما كان بيرفع عينو يعاين لي 😏 ويوم انا واقفه جنب الباب وكـالعاده شاغلت ياسمين بلساني وياسمين ضحكت بصوت عالي وائل رفع راسو يشوفها بتضحك مع منو ولم عاين لي انا صريت وشي وقلت ليهو بدل تركز مع التلفون خلي بالك من بتك عايزه تقع منك 😒 ""
#يتبــــع ⏪⏪⏪⏪
