#هدى
للكاتبة ام مصطفى
البارت السادس عشر
دكيت الباب فتح الباب ميثم
هدى
ميثم الحكلي
صفن بوجهي وصفنت بوجهة انعاد شريط حياتي بلحظات
وكعت دموعي ميثم الحكلي
هز راسة
شنو شبيج ياهو وياج هم فخير
هزيتله راسي اي
طبي طبي
طبيت للبيت وسد الباب
طبي هدى انتي يمنا شحدة اليوصلج ارتاحي واحجيلنا
صاح يمة يمةة تعاي
ضليت واكفة
شفت جاهل يزحف ويضحك
دنك ميثم شالة وطب للعرفة وانه بالحوش
طلعت خالتي شافتني اتفاجئت
هدة
ركضت عليها حضنتها خاله ليش هيج تكطعين بيه خالة وينج عني خاله فريال ماتت ذبحوها
وخرتني شني ذبحوها شني
اخخخ خاله شحجي
جرتني متعجبة احجي شني ذبحوها
رد طلع ميثم
صاح يمةة خلها اتطب ترتاح
طبيت لغرفة خالتي كعدت ابجي وخالتي تبجي
طبت وحده
كالت مساء الخير وحدة حلوه جانت لبسها حلو
شايله طاست مي ناوشتني مي
ميثم كال اشربي مي اشربي
اشر الها تطلع
عرفت هاي مرته
اخخخ شتتحمل متعلم ع الصدمات خايب يكلبي انه معجزه عايشة ع هالصدمات الي شفتها
كال ميثم
-احجي هدى شبيج ياهو وياج شصار
-ميثم انت موش اخوي طلعت احميني
-دك ع صدره انت بحمايتي
خالتي كالت خل نفتهم شني شصاير
كعدت احجيلهم وابجي وخالتي ادك ع خدودها
يمةة دهر فر فخير يمةة شلون هيج صار
وانت وين جنتي ع اختج
-انه اطلع اسرح بالهوش
-خيبه والهوش احسن من اختج صدك تحجين كامت اطك بيها عليش مو هاي امانة امج وابوج ليش هيج تسووين
ميثم كام يروح ويرد بالغرفة
هسة من اروح اكتله حلال احد يلومني
-اسكت انت مالك شغل شني اطكه تريد تسوي مشاكل
وانت ليش جايه شاردة هسه
-خاله وعاينة ع ميثم خاله يريد يزوجني لحسن السكير
فتح عيونه ميثم
-يع موش تزوج هو
-اي وطلك خالة انه اشك بيه هو الوصل لاختي
-شلون
اي خاله نوبتين فريال كالتلي اطاها حلاوه نوبة مطيها لعابه وهو مقشمرها اكيد
-زين انتم ماسئلتوها
-ماطوني مجال ركض ركض وذبحوها عمت عيني عليها
عاينة ع ميثم
-خوية ميثم موش انه اخيتك وديني لبغغداد لخوي محمد
اي اخذج
بس انه مااندل اخوج وين كاعد ابغداد
انشد سويلم ابن عمي
-شلون انشدة وشكله
-سويلم جم مره راح لغداد عده معاملة ويكعد يم محمد
لو تروح وتنشده
خاف يشك ويكلي شتريد منه
-ماادري بس هو يندل وبيت عمي عليوي هم يندلونه
-خوش راح انشد سويلم واجيب العنوان اكله عدي معامله واريدة بشغله اروحلة
خالتي صاحت
ولك ميثم لا تذب روحك بتهلكة لاتتورط وياهم ذول موش بشر
-جا شلون اخليهم يكتلوها اليوم لو دروه هي شردت بس يلكوها يكتلوها
خليتي اوصلها لمحمد ذاك فاهم وعاقل خل تخلص من ضلم فخير ومرته
كومي طبي لغرفتي وان جان اجة احد نشد عليج امي دكلة ماجايتنا
وانه رايح
خالتي كالت
روح لبيت عليوي للولاية احسن
سويلم وابوه ماتعبر عليهم هاي السالفة
لا اعرف اتصرف انه مالج شغل
